A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Friday 15 April 2016
លោក ហ៊ុន សែន អំពាវនាឲ្យពលរដ្ឋថែរក្សាសន្តិភាពនិងប្រឆាំងអ្នកបង្កជម្លោះ
ដោយ ថា កិត្យា
2016-04-14
លោកនាយករដ្ឋមន្ត្រី ហ៊ុន សែន ថតរូបជាមួយពលរដ្ឋនៅតំបន់អង្គរ ក្នុងខេត្តសៀមរាប កាលពីព្រឹកថ្ងៃទី១៤ មេសា ឆ្នាំ២០១៦ ក្នុងឱកាសដែលលោកចូលរួមអបអរពិធីបុណ្យចូលឆ្នាំថ្មីប្រពៃណីខ្មែរ។
RFA/Sorn Chanratha
លោកនាយករដ្ឋមន្ត្រី ហ៊ុន សែន អំពាវនាវឲ្យប្រជាជនកម្ពុជា រួបរួមគ្នាថែរក្សាសន្តិភាព និងប្រឆាំងដាច់ខាតចំពោះជនណាដែលមានបំណងបង្កអរិភាព ឬបង្កបញ្ហា។ រីឯបក្សប្រឆាំង និងសង្គមស៊ីវិល យល់ថា ការរួមគ្នាដើម្បីប្រយោជន៍ជាតិជារឿងត្រឹមត្រូវ ប៉ុន្តែរដ្ឋាភិបាលមិនគួរចាត់ទុកអ្នកនយោបាយបក្សផ្សេងទៀតជាគូបដិបក្ខនោះទេ។
ស្របពេលដែលលោក ហ៊ុន សែន ប្រកាសឲ្យប្រជាជនខ្មែរទាំងអស់រួបរួមថែរក្សាសន្តិភាព ដើម្បីបន្តកិច្ចអភិវឌ្ឍន៍ប្រទេសឲ្យជឿនលឿន និងប្រឆាំងដាច់ខាតចំពោះជនណាម្នាក់ ឬក្រុមណាដែលចង់បង្កអរិភាពក្នុងប្រទេស ដើម្បីទាញយកផលប្រយោជន៍ផ្ទាល់ខ្លួននោះ លោកក៏បានស្នើឲ្យបណ្ដាមិត្តបរទេសយោគយល់នូវចំណាត់ការទាំងឡាយលើជនប៉ុនប៉ងបង្កចលាចលបំផ្លាញសន្តិភាព និងស្ថិរភាពក្នុងសង្គមកម្ពុជា ផងដែរ៖ «យើងមានវប្បធម៌នៃការអត់ឱន និងវប្បធម៌សន្តិភាព ប៉ុន្តែយើងមិនលើកលែងចំពោះជនណាក៏ដោយដែលប៉ុនប៉ងធ្វើឲ្យកម្ពុជា ធ្លាក់ទៅក្នុងអស្ថិរភាព ដែលជាអតីតកាលដ៏ជូរចត់របស់កម្ពុជា។ សង្ឃឹមថា ប្រជាជនកម្ពុជា ទាំងអស់ដើម្បីថែរក្សានូវសុខសន្តិភាព»។
ការប្រកាសរបស់លោក ហ៊ុន សែន នេះ គឺធ្វើឡើងក្នុងឱកាសបើកព្រឹត្តិការណ៍អង្គរសង្ក្រាន្តឆ្នាំថ្មី ឆ្នាំវក នៅតំបន់អង្គរ ខេត្តសៀមរាប នៅព្រឹកថ្ងៃទី១៤ ខែមេសា។
ការសុំយោគយល់ពីបណ្ដាមិត្តបរទេសពីសំណាក់លោក ហ៊ុន សែន នៅពេលនេះ គឺបន្ទាប់ពីមានការរិះគន់ច្រើនទាក់ទងការចាប់ខ្លួនតំណាងរាស្ត្រគណបក្សសង្គ្រោះជាតិ លោក អ៊ុំ សំអាន ដាក់ពន្ធនាគារពាក់ព័ន្ធនឹងការផ្សព្វផ្សាយរឿងផែនទី ដែលលោក ហ៊ុន សែន អះអាងថា ក្លែងក្លាយ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ការរួបរួមគ្នាគឺជារឿងចាំបាច់ដើម្បីផលប្រយោជន៍ជាតិ ហើយរដ្ឋាភិបាលមិនត្រូវចាត់ទុកអ្នកនយោបាយបក្សប្រឆាំងដែលធ្វើការដើម្បីប្រយោជន៍ជាតិ និងប្រជាជនជាគូបដិបក្ខនោះឡើយ៖ «ចាត់ទុកអ្នកណាដែលរួមចំណែកក្នុងប្រយោជន៍ជាតិ និងផលប្រយោជន៍ប្រជាពលរដ្ឋជាសត្រូវ គឺអត់ទេ ខុសគ្នាតែទស្សនៈទេ តែយើងជាខ្មែរដែលមានកាតព្វកិច្ចការពារ និងកសាងជាតិរបស់យើង»។
ចំណែកអគ្គលេខាធិការអង្គការសម្ពន្ធភាពការពារសិទ្ធិមនុស្សកម្ពុជា (CHRAC) លោក សួន ប៊ុនស័ក្តិ មានប្រសាសន៍ថា មេដឹកនាំនយោបាយត្រូវធ្វើជាគំរូនៃការរួបរួមគ្នា និងចេះអត់ឱនអធ្យាស្រ័យគ្នាក្នុងចំណោមអ្នកនយោបាយជាមុនសិន។ លោកថា មេដឹកនាំមិនត្រូវរវល់រឿងចោទប្រកាន់គ្នាទៅវិញទៅមក និងប្រើប្រាស់ប្រព័ន្ធតុលាការចាប់ចង់ដៃគូនយោបាយបាយម្ខាងទៀតនោះទេ ព្រោះជាហេតុនាំឲ្យមានអស្ថិរភាពនយោបាយ។ រដ្ឋាភិបាលគួរតែលើកទឹកចិត្តឲ្យមានការជជែកគ្នាពីរឿងជាតិឲ្យបានច្រើន មិនគួរបំបិទពហុគំនិតក្នុងការជជែករឿងជាតិនោះឡើយ៖ «បើ មេដឹកនាំពោរពេញទៅដោយអំពើហិង្សា និងផ្ចាញ់ផ្ចាលគ្នាចាត់ការតាមផ្លូវច្បាប់ ដើម្បីបង្ក្រាបសំឡេងក្រុមនយោបាយផ្សេងៗ។ ខ្ញុំគិតថា មិនមែនជាគំរូសម្រាប់ជាតិទេ»។
លោក សួន ប៊ុនស័ក្តិ បន្តថា ការសុំយោគយល់របស់លោក ហ៊ុន សែន គឺគ្រាន់តែជាការគួរសមមួយ ប៉ុន្តែទង្វើផ្ទុយពីគោលការណ៍ច្បាប់គោលការណ៍ប្រជាធិបតេយ្យ និងសិទ្ធិមនុស្សគឺមិនអាចបំបិទមាត់របស់អន្តរជាតិមិនឲ្យរិះគន់បានទេ៖ «មធ្យោបាយដែលល្អ និងមានការយោគយល់ពីខាងក្រៅ គឺមានតែយើងធ្វើអំពើល្អ អំពើដែលអធ្យាស្រ័យ ឬអំពើនីតិរដ្ឋនៅកម្ពុជា ទើបមានការគាំទ្រពីថ្នាក់ជាតិ និងអន្តរជាតិ»។
មជ្ឈដ្ឋានទូទៅសង្កេតឃើញថា ស្ថានការណ៍នយោបាយខ្មែរហាក់កំពុងឡើងកម្ដៅខ្លាំងក្រោយពីលោក អ៊ុំ សំអាន ត្រូវបានចាប់ខ្លួន។ ក្រុមអង្គការសង្គមស៊ីវិលចាត់ទុកថា សកម្មភាពរបស់លោក អ៊ុំ សំអាន ពាក់ព័ន្ធនឹងបញ្ហាផែនទី និងផែនដីនោះ គឺជាការបំពេញតួនាទីរបស់តំណាងរាស្ត្រដ៏ត្រឹមត្រូវដើម្បីប្រយោជន៍ជាតិ ដូច្នេះរដ្ឋាភិបាលគួរតែដោះលែងលោក អ៊ុំ សំអាន វិញ៕
Subscribe to:
Post Comments (Atom)
1 comment:
This irrational warning behavior from Khmer Pm about instability suppose to stop . Khmer innocent don't have any guns or any weapons to fight with your massive military ,or your well armed body guards . In all we don't want war in this trouble nation again period .Enough is enough Please don't kill us again, we suffer enough from your mafia rule already .
Post a Comment