អង្គភាពប្រឆាំងអំពើពុករលួយចាប់ខ្លួនមេឃុំម្នាក់ពាក់ព័ន្ធលួងលោមស្រីមុំឲ្យនិយាយកុហក
ដោយ វិទ្យុអាស៊ីសេរី
2016-04-24
ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង ថ្លែងទៅកាន់ក្រុមយុវជនក្នុងកម្មវិធីប្រកាសលទ្ធផលនៃការធ្វើកោសល្យវិច័យខ្សែអាត់សំឡេងដែលគេចោទថា ជាសំឡេងរបស់លោក កឹម សុខា ជាមួយស្រីកំណាន់ នៅថ្ងៃទី២៤ មីនា ឆ្នាំ២០១៦។ RFA/Cheu Sideth
RFA/Cheu Sideth
អង្គភាពប្រឆាំងអំពើពុករលួយ ដឹកនាំកម្លាំងចុះទៅចាប់ខ្លួនមេឃុំស្រក ឈ្មោះ ស៊ាង ចែត មកពីគណបក្ស សម រង្ស៊ី ស្រុកកំពង់សៀម ខេត្តកំពង់ចាម វេលាម៉ោង ១០ និង ៣០នាទី ព្រឹកថ្ងៃទី២៤ មេសា ជាប់ពាក់ព័ន្ធនឹងការចោទប្រកាន់ថាលួងលោម កញ្ញា ខុម ចាន់តារាទី ហៅ ស្រីមុំ ឲ្យនិយាយកុហកមហាជន។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង បញ្ចេញប្រតិកម្មភ្លាមៗចំពោះការចាប់ខ្លួននេះ។ លោក អេង ឆៃអ៊ាង មានប្រសាសន៍ថា ការចាប់មេឃុំនេះ គឺលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ជាអ្នកដឹកនាំកម្លាំងទៅចាប់ខ្លួនដោយផ្ទាល់ គឺចាប់ខ្លួននៅសាលាស្រុកកំពង់សៀម ខណៈ លោក ស៊ាង ចែត បានទៅធ្វើការរដ្ឋបាលនៅសាលាស្រុក។
លោក អេង ឆៃអ៊ាង ថ្កោលទោសចំពោះការចាប់ខ្លួននេះ ពីព្រោះថា ការចាប់ខ្លួនដោយយោងលើការចោទប្រកាន់របស់ កញ្ញា ស្រីមុំ នេះ មិនខុសពីសម័យក្រហមនោះឡើយ។ នៅសម័យខ្មែរក្រហម ឲ្យតែអ្នកណាឆ្លើយដាក់អ្នកណាម្នាក់ គឺកម្មាភិបាលខ្មែរក្រហមទៅចាប់ខ្លួនបន្តអ្នកនោះភ្លាម។ លោកអំពាវនាវដល់អាជ្ញាធរ កុំឲ្យយកគំរូតាមរបបខ្មែរក្រហមចំពោះសកម្មភាពបែបនេះតទៅទៀត។
ការចាប់ខ្លួនមេឃុំស្រក របស់អង្គភាពប្រឆាំងអំពើពុករលួយ គឺយោងតាមសំណើរបស់ កញ្ញា ស្រីមុំ ចំនួន ៤ទំព័រ ដែលបានផ្សព្វផ្សាយ និងបានរៀបរាប់ថា លោកមេឃុំ ស៊ាង ចែត រួមទាំងមន្ត្រីអង្គការសហប្រជាជាតិ ទទួលបន្ទុកផ្នែកសិទ្ធិមនុស្ស និងមន្ត្រីអង្គការសិទ្ធិមនុស្សក្នុងស្រុកមួយចំនួនទៀតថា បានលួងលោមរូបនាងឲ្យនិយាយកុហកពីការពិត ប្រាប់ដល់មហាជន សារព័ត៌មាន និងសមត្ថកិច្ចអំពីរឿងមានទំនាក់ទំនងស្នេហាជាមួយ លោក កឹម សុខា។
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយយប់នេះ!
2 comments:
Had ONLY Dictator & Traitor Hun Sen denounced his allegiance to Hanoi and served the Khmer people instead, no dramas of this kind would have happened.
អត់ផាមិនបាន អាពងក្ដ ឪម យិនទៀតវៀតនាមកុងវា៉
Post a Comment