A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Thursday 14 April 2016
មន្ត្រីរដ្ឋាភិបាលកម្ពុជាចាត់ទុកការប្ដឹងលោក ហ៊ុន ម៉ាណែត ថាធ្វើឡើងដោយស្រមើស្រមៃ
ដោយ យ៉ង ចាន់តារា
2016-04-13
លោក ហ៊ុន ម៉ាណែត មេបញ្ជាការរងកងទ័ពជើងគោក និងជានាយរងសេនាធិការចម្រុះនៃកងយោធពលខេមរភូមិន្ទ ថ្លែងក្នុងសន្និបាតបញ្ញវន្តពិភពលោក នារាជធានីភ្នំពេញ នៅថ្ងៃទី៣០ មករា ឆ្នាំ២០១៦។
RFA/Chuop Sereyroth
មន្ត្រីរដ្ឋាភិបាលកម្ពុជា ប្រតិកម្មទៅនឹងមេធាវីអាមេរិក ដែលកំពុងដាក់ពាក្យប្ដឹង លោក ហ៊ុន ម៉ាណែត មេបញ្ជាការរងកងទ័ពជើងគោក និងជានាយរងសេនាធិការចម្រុះនៃកងយោធពលខេមរភូមិន្ទ និងរដ្ឋាភិបាល ជុំវិញការកាត់ទោស និងឃុំខ្លួនមន្ត្រីគណបក្សសង្គ្រោះជាតិ លោក មាជ សុវណ្ណារ៉ា។ មន្ត្រីរដ្ឋាភិបាល ហៅការប្ដឹងនេះថា ជាការមិនយល់ពីនីតិវិធីតុលាការកម្ពុជា និងធ្វើឡើងដោយស្រមើស្រមៃ។
អ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្ដីការគណៈរដ្ឋមន្ត្រី លោក ទិត សុធា ចាត់ទុកការប្ដឹង លោក ហ៊ុន ម៉ាណែត និងរដ្ឋាភិបាលកម្ពុជា ដោយមេធាវីសហរដ្ឋអាមេរិក ថាជាការអនុវត្តខុសនីតិវិធី។
លោក ទិត សុធា ប្រាប់វិទ្យុអាស៊ីសេរី តាមទូរស័ព្ទនៅថ្ងៃទី១៣ មេសា ថា ការប្ដឹង លោក ហ៊ុន ម៉ាណែត និងរដ្ឋាភិបាលកម្ពុជា របស់មេធាវីបរទេស គឺមានបំណងជ្រៀតជ្រែកកិច្ចការផ្ទៃក្នុងរបស់កម្ពុជា។ លោកបន្តអះអាងថា មេធាវីទាំងនោះគួរតែសិក្សាឲ្យបានច្បាស់ពីភស្តុតាង និងទិដ្ឋភាពច្បាប់ដែលមាននៅកម្ពុជា មុនពេលដំណើរការនីតិវិធីជាលក្ខណៈអន្តរជាតិ៖ «ការឃុំខ្លួន លោក មាជ សុវណ្ណារ៉ា គឺជាអំណាចឆន្ទានុសិទ្ធិរបស់តុលាការ។ អ៊ីចឹងសូមឲ្យមេធាវីនៅបរទេស គួរតែសិក្សាពីទិដ្ឋភាពច្បាប់ឲ្យច្បាស់លាស់ ពីព្រោះរឿងនេះជាបទល្មើសព្រហ្មទណ្ឌ ហើយជានីតិវិធីរបស់តុលាការ មិនមែនសម្ដេចតេជោ ឬឯកឧត្តម ហ៊ុន ម៉ាណែត ជាអ្នកចេញសាលដីកា ឬមួយក៏សេចក្តីសម្រេចណាមួយរបស់តុលាការឯណា។ អ៊ីចឹងខ្ញុំគិតថា នេះជាការធ្វើការខុសបែបបទហើយ ហើយជាការវង្វេងចំពោះនីតិវិធីនៃអំណាចរដ្ឋឯករាជ្យមួយនៅក្នុងប្រទេសកម្ពុជា ហើយ»។
ប្រតិកម្មរបស់មន្ត្រីរដ្ឋាភិបាលរូបនេះ ធ្វើឡើងបន្ទាប់ពីព្រឹត្តិបត្រ ឌឹ ខេមបូឌា ដេលី (The Cambodia Daily) ចេញផ្សាយនៅព្រឹកថ្ងៃទី១៣ មេសា បានដកស្រង់សម្ដីរបស់មេធាវីសហរដ្ឋអាមេរិក លោក ម័រតុន ក្លារ (Morton Sklar) ដែលថា លោកកំពុងដាក់ពាក្យប្ដឹង លោក ហ៊ុន ម៉ាណែត និងរដ្ឋាភិបាលកម្ពុជា ចំពោះ “ការធ្វើទារុណកម្មតាមតែអំពើចិត្ត និងការឃុំខ្លួនហួសពីផ្លូវច្បាប់ និងរយៈពេលយូរ” ទៅលើ លោក មាជ សុវណ្ណារ៉ា។ លើសពីនេះ លោក ម័រតុន ក្លារ ក៏បានអះអាងទៀតថា “លោកកំពុងដំណើរការកោះហៅរដ្ឋាភិបាលឲ្យចូលបំភ្លឺ តាមរយៈក្រសួងការបរទេសអាមេរិក”។
វិទ្យុអាស៊ីសេរី មិនទាន់អាចទាក់ទងមេធាវីអាមេរិក លោក ម័រតុន ក្លារ បាននៅឡើយនៅថ្ងៃទី១៣ មេសា ដើម្បីសាកសួរពីការវិវឌ្ឍន៍ចុងក្រោយនៃបណ្ដឹងរបស់លោក ប្រឆាំងនឹង លោក ហ៊ុន ម៉ាណែត និងរដ្ឋាភិបាលកម្ពុជា។ វិទ្យុអាស៊ីសេរី ក៏មិនទាន់អាចទាក់ទង លោក ហ៊ុន ម៉ាណែត បានដូចគ្នា។
ទោះបីជាយ៉ាងណា អ្នកនាំពាក្យគណបក្សប្រជាជនកម្ពុជា លោក សុខ ឥសាន បញ្ជាក់ថា ការដាក់ពាក្យបណ្ដឹងនេះ គឺជាសិទ្ធិរបស់មេធាវី ប៉ុន្តែមិនប្រាកដទេថា វានឹងមានវិសាលភាពគ្របដណ្ដប់លើសំណុំរឿងនៅកម្ពុជា។ លោក សុខ ឥសាន ថ្លែងបន្តថា តុលាការអាមេរិក គឺសម្រាប់កាត់ទោសជនជាតិអាមេរិក ដែលមិនអាចអញ្ជើញប្រមុខរដ្ឋាភិបាលកម្ពុជា ទៅឆ្លើយបំភ្លឺបាននោះទេ៖ «ភារកិច្ចវាផ្សេង មិនពាក់ព័ន្ធជាមួយនឹងការឃុំខ្លួន។ នោះជារឿងតុលាការ ឲ្យមេធាវីអាមេរិក ប្ដឹងតុលាការកម្ពុជា ទើបវាត្រឹមត្រូវ ហើយត្រង់គេឆ្លើយ ឬមិនទៅឆ្លើយ នោះជារឿងមួយផ្សេងទៀត។ ដូចខ្ញុំថាអ៊ីចឹង អធិបតេយ្យកម្ពុជា និងអធិបតេយ្យអាមេរិក នោះ វាយ៉ាងម៉េច? ក្រែងគាត់យល់តែបុគ្គលគាត់ លោកមេធាវីហ្នឹង។ ឲ្យជួយលុយឲ្យច្រើនតិចទៅ ឲ្យមេធាវីមានលុយច្រើនធ្វើការ»។
លោក មាជ សុវណ្ណារ៉ា ត្រូវបានសាលាដំបូងរាជធានីភ្នំពេញ ផ្ដន្ទាទោសដាក់ពន្ធនាគារ ២០ឆ្នាំ ក្រោមបទចោទដឹកនាំកុបកម្មនាំឲ្យមានអំពើហិង្សានៅស្ពាននាគក្បែរទីលានប្រជាធិបតេយ្យ កាលពីខែកក្កដា ឆ្នាំ២០១៤ កន្លងទៅ។ លោកមេធាវី ជូង ជូងី ដែលការពារក្ដីឲ្យ លោក មាជ សុវណ្ណារ៉ា បានប្ដឹងសារទុក្ខទៅតុលាការកំពូល កាលពីថ្ងៃទី១១ មេសា ប្រឆាំងនឹងសាលក្រមតុលាការក្រុងភ្នំពេញ ដែលមិនអនុញ្ញាតឲ្យលោកបានចេញទៅក្រៅប្រទេស ដើម្បីព្យាបាលជំងឺ៕
Subscribe to:
Post Comments (Atom)
2 comments:
Cpp should know the Cambodian justice is controlling by Hun sen and followed ,this ruling party just used their own law to arrest or kill their own people who talked and blame of what they used their forces to crackdown innocent people,so this point cpp can be filed to law suit by American justice to help innocent people,cpp always refused all the problem have been so far ,I wish justice will bring the bad Hun family to us court as soon as possible.
They have to show their monkey brave face, don't they?.I bet cpp monkeys now get into counter measure mode and try to figure out its ramifications from this incident, especially ah kwak. I also bet that some of the cpp monkeys even scared to step on the US soil now.
Post a Comment