A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Saturday, 23 April 2016

សម្រង់​ព័ត៌មាន​អាមេរិក​និង​កាណាដា​ស្ដីពី​ដំណើរ​ទស្សនកិច្ច​របស់​លោក ហ៊ុន ម៉ាណែត


ដោយ យន់ សាមៀន
2016-04-22

ហ៊ុន ម៉ាណែត ២០១៦ ៨៥៥
លោក ហ៊ុន ម៉ាណែត មេបញ្ជាការ​រង​កងទ័ព​ជើង​គោក និង​ជា​នាយរង​សេនាធិការ​ចម្រុះ​នៃ​កង​យោធពល​ខេមរភូមិន្ទ ក្នុង​ពិធី​រៀបចំ​ការ​ចូល​ប្រឡង​ជ្រើសរើស​នាយទាហាន កាល​ពី​ថ្ងៃ​ទី​២០ ខែ​ធ្នូ ឆ្នាំ​២០១៥។
 RFA/Brach Chev


សារព័ត៌មាន​អាមេរិកាំង (USA) និង​ទូរទស្សន៍​នៅ​កាណាដា (Canada) ល្បីៗ​មួយ​ចំនួន ចាប់​តាំង​ពី​ដើម​ខែ​មេសា បាន​ចាប់​ចុះផ្សាយ​ជា​ហូរហែ​ពី​ដំណើរ​ទស្សនកិច្ច​របស់​លោក ហ៊ុន ម៉ាណែត កូនប្រុស​លោក​នាយករដ្ឋមន្ត្រី ហ៊ុន សែន។ អត្ថបទ​ទាំង​នោះ​ផ្ដោត​លើ​បាតុកម្ម​ប្រឆាំង​នឹង​វត្តមាន​លោក ហ៊ុន ម៉ាណែត គោលបំណង និង​ទស្សនៈ​លោក​ស្ដីពី​ខ្មែរ-អាមេរិកាំង និង​គោលបំណង​របស់​លោក​ទៅ​ថ្ងៃ​អនាគត។

សារព័ត៌មាន​អាមេរិក មួយ​ចំនួន​បាន​ចុះផ្សាយ​អត្ថបទ​មាន​ចំណង​ជើង​ស្រដៀងៗ​គ្នា ដូចជា "ខ្មែរ​នៅ​ក្នុង​តំបន់​តវ៉ា​ប្រឆាំង​វត្តមាន​កូន​មេដឹកនាំ"  "រដ្ឋាភិបាល​កម្ពុជា​ត្រូវ​រង​ការ​ចោទ​ប្រកាន់​ពី​ការ​ធ្វើ​ទារុណកម្ម" "បាតុកម្ម​ធ្វើ​ឲ្យ​មេដឹកនាំ​កម្ពុជា​ច្របូកច្របល់"។

កាសែត ឌឹ ញីវ ទ្រីប្យូន (The News Tribune) នៅ​រដ្ឋ​វ៉ាស៊ីនតុន (Washington) ចុះផ្សាយ​អត្ថបទ​មួយ​ផ្ដោត​ពី​បាតុកម្ម​របស់​ពលរដ្ឋ​ខ្មែរ​ប្រមាណ ៥០​នាក់ ដែល​បាន​ប្រមូល​ផ្តុំ​គ្នា​តវ៉ា​នៅ​មុខ​សណ្ឋាគារ​នៅ​ទីក្រុង​តាកូម៉ា (Tacoma) រដ្ឋ​វ៉ាស៊ីនតុន។ សារព័ត៌មាន​នេះ បាន​ដក​ស្រង់​សម្ដី​បាតុករ​ម្នាក់​ថា នៅ​សហរដ្ឋអាមេរិក យើង​ហ៊ាន​ធ្វើ​បាតុកម្ម ប៉ុន្តែ​នៅ​កម្ពុជា ប្រសិនបើ​យើង​ហ៊ាន​ធ្វើ​ដូច្នេះ យើង​ពិតជា​ត្រូវ​បាន​គេ​សម្លាប់​ហើយ។ កាសែត​ក៏​បាន​ដក​ស្រង់​សម្ដី​បាតុករ​ផ្សេង​ទៀត​ថា ការ​រំលោភ​សិទ្ធិមនុស្ស​ជា​ច្រើន​កើត​ឡើង​នៅ​កម្ពុជា ដូចជា​ការ​ទន្ទ្រាន​យក​ដី​ពលរដ្ឋ ហើយ​ដុត​ផ្ទះសម្បែង​ជាដើម។



ចំណែក​កាសែត ឌឹ សាន់ (The Sun) ដែល​មាន​មូលដ្ឋាន​នៅ​រដ្ឋ​ម៉ាសាឈូសេត (Massachusetts) វិញ រាយការណ៍​ថា មនុស្ស​រាប់​រយ​នាក់​តវ៉ា​នៅ​ពេល​មេដឹកនាំ​កម្ពុជា មក​ទស្សនកិច្ច​នៅ​ទីក្រុង​ឡូវែល (Lowell)។ មនុស្ស​ជា​ច្រើន​បាន​ស្វាគមន៍​លោក ហ៊ុន ម៉ាណែត ដោយ​មេក្រូ​ស្រែក​ចោទ​ប្រកាន់​លោក​ថា ជា​អ្នក​រំលោភ​សិទ្ធិមនុស្ស និង​ទាមទារ​ឲ្យ​លោក​កុំ​ជាន់​ទឹកដី​សហរដ្ឋអាមេរិក។ កាសែត​នេះ​ដក​ស្រង់​សម្ដី​បាតុករ​ម្នាក់​ថា អាមេរិក​ជា​ទឹកដី​ប្រកប​ដោយ​សេរីភាព យើង​មិន​ត្រូវការ​ជន​ផ្ដាច់ការ​ឡើយ។ កាសែត​នេះ​បញ្ជាក់​ទៀត​ថា សហគមន៍​ខ្មែរ​នៅ​ទីក្រុង​ឡូវ៉ែល (Lowell) បាន​ជំរុញ​ឲ្យ​ក្រុមប្រឹក្សា​ទីក្រុង (Lowell) លុបចោល​គម្រោង​ទស្សនកិច្ច​របស់​លោក ហ៊ុន ម៉ាណែត និង​បដិសេធ​វត្ថុ​អនុស្សាវរីយ៍​របស់​លោក។

កាសែត ឌឹ សាន់ ដដែល​បាន​ដកស្រង់​សម្ដី​បាតុករ​ម្នាក់​ឈ្មោះ ជៃ វីរៈ ថា លោក ហ៊ុន ម៉ាណែត មិន​មែន​មក​សហរដ្ឋអាមេរិក ដើម្បី​ចូលរួម​ឆ្នាំ​ថ្មី​នេះ​ទេ ប៉ុន្តែ​លោក​មក​ដើម្បី​ផ្សព្វផ្សាយ​លើក​កម្ពស់​របៀបវារៈ​គណបក្ស​ប្រជាជន​កម្ពុជា និង​កែលំអ​រូបភាព​នៃ​របប​ផ្ដាច់ការ។ លោក​បន្ត​ថា មាន​បាតុករ​នៅ​កម្ពុជា ជា​ច្រើន​នាក់​ណាស់​ត្រូវ​បាន​គេ​ចាប់​ដាក់​ពន្ធនាគារ​ដោយ​គ្មាន​កំហុស និង​គ្មាន​ភស្តុតាង​អ្វី​ទាំង​អស់។

កាសែត​ក៏​បាន​សម្ភាស​បុរស​ម្នាក់​ទៀត​ឈ្មោះ យ៉ែម រដ្ឋា ដែល​បាន​ចូលរួម​ស្ដាប់​លោក ហ៊ុន ម៉ាណែត ថ្លែង​ទៅ​កាន់​អ្នក​គាំទ្រ​ថា លោក​ទៅ​ស្ដាប់​លោក ហ៊ុន ម៉ាណែត ដោយសារ​តែ​លោក​ចង់​ដឹង​ពី​អ្វី​ដែល​លោក ម៉ាណែត និយាយ ប៉ុន្តែ​លោក​មិន​បាន​ជឿជាក់​ទាំង​ស្រុង​ឡើយ។ បុរស​ម្នាក់​ទៀត​ឈ្មោះ នូ កុសល និយាយ​ថា គោលបំណង​របស់​លោក ហ៊ុន ម៉ាណែត នេះ គឺ​មក​រើស​សមាជិក​ដើម្បី​បម្រើ​ការងារ​បក្ស។ លោក​បន្ត​ទៀត​ថា លោក​មិន​ភ្លេច​ការ​ភ័យ​ខ្លាច​នៃ​របប​ខ្មែរក្រហម​នៅ​ឡើយ​ទេ កាល​ពី​២០ ឆ្នាំ​មុន។ វត្តមាន​របស់​លោក ហ៊ុន ម៉ាណែត បណ្ដាល​ឲ្យ​ប៉ះពាល់​ដល់​ផ្លូវចិត្ត​របស់​លោក​ខ្លាំង​ណាស់។ លោក​ថា របួស​លោក​បាន​ជា​ហើយ ប៉ុន្តែ​នៅ​មាន​ស្លាកស្នាម​នៅ​ឡើយ។ វត្តមាន​របស់​លោក ហ៊ុន ម៉ាណែត ធ្វើ​ឲ្យ​របួស​លោក​ឈឺ​ចាប់​ឡើង​វិញ ដូចជា​ការ​ចាប់​អំបិល​ចូល​ដំបៅ​ចាស់​អ៊ីចឹង។

ក្នុង​កិច្ច​សម្ភាសន៍​នឹង កាសែត ឌឹ សាន់ លោក ហ៊ុន ម៉ាណែត មិន​បាន​ឆ្លើយតប​នឹង​ការ​លើក​ឡើង​របស់​បាតុករ​ទេ គ្រាន់តែ​ថា ការ​ចាប់​ខ្លួន​សកម្មជន​នយោបាយ​កន្លង​មក ធ្វើ​ឡើង​ដោយ​ស្របច្បាប់។ លោក​អះអាង​ប្រាប់​កាសែត​ថា ដំណើរ​មក​សហរដ្ឋអាមេរិក មិន​ទទួល​បាន​ជោគជ័យ​ដោយសារ​តែ​បាតុកម្ម​ប្រឆាំង​វត្តមាន​របស់​លោក​នៅ​ទីក្រុង​ឡុងប៊ិច (Long Beach, California) ឡូវែល និង វ៉ាស៊ីនតុន។ លោក​បន្ត​ថា គណបក្ស​ប្រឆាំង​នៅ​កម្ពុជា មិន​យល់​ចំពោះ​ដំណើរ​មក​សហរដ្ឋអាមេរិក ដែល​លោក​អះអាង​ថា ដើម្បី​ភាព​វិជ្ជមាន និង​ការ​អភិវឌ្ឍ​របស់​កម្ពុជា។ លោក​ក៏​សម្ដែង​ការ​មិន​ពេញ​ចិត្ត​នឹង​សេចក្ដី​សម្រេច​ចិត្ត​របស់​ក្រុមប្រឹក្សា​ទីក្រុង​ឡូវែល បាន​សម្រេច​មិន​ទទួល​ដំណើរ​ទស្សនកិច្ច​របស់​លោក និង​របស់​អនុស្សាវរីយ៍។

ទាក់ទង​ទៅ​នឹង​សំណួរ​ស្ដីពី​ការ​ស្នង​តំណែង​របស់​ឪពុក​លោក​នោះ លោក ហ៊ុន ម៉ាណែត អះអាង​ថា លោក​មិន​មាន​ក្ដី​បំណង​ចង់​ទៅ​កាន់​តួនាទី​នយោបាយ​ឡើយ។ លោក​ចង់​បម្រើ​ការងារ​វិស័យ​យោធា​វិញ។ លោក​បន្ត​ថា លោក​មិន​បាន​ផ្ដល់​ទស្សនៈ​នយោបាយ​ដល់​ឪពុក​លោក​ឡើយ។ លោក​ថា អ្នក​នៅ​ក្បែរ​ឪពុក​របស់​លោក​សុទ្ធ​ជា​មនុស្ស​ឆ្លាតវៃ។

លោក​បន្ត​ថា ដំណើរ​របស់​លោក​នេះ គឺ​ចង់​ផ្ដល់​ដំណឹង​ទៅ​ខ្មែរ​នៅ​បរទេស​ឲ្យ​ដឹង​ពី​ការពិត​នៅ​កម្ពុជា។ លោក​ថា បាតុករ ២០០​នាក់ មិន​អាច​តំណាង​ឲ្យ​ពលរដ្ឋ​ខ្មែរ-​អាមេរិកាំង ទាំង​អស់​បាន​ឡើយ។ ចំណែក​ក្នុង​បទសម្ភាសន៍​នឹង​ទូរទស្សន៍​កាណាដា ប្លូមប៊ើក (Bloomberg Canada) វិញ លោក ហ៊ុន ម៉ាណែត បង្ហាញ​ទស្សនវិស័យ​សម្រាប់​រយៈ​ពេល ១០០​ឆ្នាំ​ទៅ​មុខ​ទៀត​ថា កម្ពុជា​ចង់​បាន​សន្តិសុខ និង​ស្ថិរភាព​ដើម្បី​ធានា​ថា កម្ពុជា​និង​ការវិវឌ្ឍន៍​ទៅ​មុខ​ដើម្បី​បង្កើត​ឱកាស​ការងារ​ដល់​ពលរដ្ឋ​ខ្មែរ។ ចំពោះ​បញ្ហា​សេដ្ឋកិច្ច​វិញ លោក​បញ្ជាក់​ថា កម្ពុជា​បាន​ក្លាយ​ជា​ប្រទេស​ដែល​មាន​អ្នក​វិយោគ​ទុន​ជា​ច្រើន​ចង់​មក​រក​ស៊ី ដោយសារ​តែ​នយោបាយ​ទីផ្សារ​សេរី​របស់​កម្ពុជា។

ដោយ​ឡែក ក្នុង​ទំព័រ​បណ្ដាញ​សង្គម​ហ្វេសប៊ុក (Facebook) របស់​លោក ហ៊ុន ម៉ាណែត វិញ លោក​អះអាង​ថា លោក​ទទួល​យក​ជោគជ័យ​ក្នុង​ដំណើរ​មក​អាមេរិក ទោះបីជា​មាន​ការ​ខិតខំ​បំផុស និង​រៀបចំ​របស់​មនុស្ស​មួយ​ក្រុម​ដែល​បាន​ប្រមូល​បាតុករ​ប្រមាណ​ជាង ១០០​នាក់ មក​ធ្វើ​បាតុកម្ម​ប្រឆាំង​លោក​ក្នុង​ការ​ជួបជុំ​គ្នា​អបអរសាទរ​ឆ្នាំ​ថ្មី​នៅ​ទីក្រុង​ឡូវែល ក៏ដោយ ក៏​មាន​អ្នក​គាំទ្រ​ប្រមាណ​ជាង ៥០០​នាក់​ចូល​រួម។ ទំព័រ​ហ្វេសប៊ុក ​ដដែល លោក​បាន​ដាក់​រូបភាព​មួយ​ចំនួន​ដែល​បាន​បង្ហាញ​ចំនួន​អ្នក​គាំទ្រ​ដែល​ចូលរួម​កិច្ច​ប្រជុំ​របស់​លោក និង​ជំនួប​ជាមួយ​មន្ត្រី​ជាន់​ខ្ពស់​អាមេរិក មួយ​ចំនួន។

​សារព័ត៌មាន​នៅ​អាមេរិក មិន​ត្រឹមតែ​ផ្ដោត​ការ​ផ្សាយ​លើ​បាតុកម្ម​ប្រឆាំង​នឹង​វត្តមាន​លោក ហ៊ុន ម៉ាណែត ឡើយ។  ព្រឹត្តិបត្រ Courthouse News Service បាន​ចុះផ្សាយ​អត្ថបទ​មួយ​អំពី​ពាក្យ​បណ្ដឹង​ប្រឆាំង​រដ្ឋាភិបាល​កម្ពុជា និង​លោក ហ៊ុន ម៉ាណែត ពី​បទ​រំលោភ​សិទ្ធិមនុស្ស និង​ទារុណកម្ម។

ព្រឹត្តិបត្រ​ដក​ស្រង់​សម្ដី​មេធាវី​ការពារ​ក្តី​នេះ​ថា មាន​មនុស្ស​ជា​ច្រើន​ណាស់​ត្រូវ​បាន​ចាប់​ដាក់គុក​ដោយសារ​តែ​ការ​បញ្ចេញ​មតិ។ មេធាវី​នោះ​បន្ត​ថា លោក ហ៊ុន ម៉ាណែត មិន​ត្រូវ​អនុញ្ញាត​ឲ្យ​ដើរ​ហើរ​ដោយ​សេរី​នៅ​សហរដ្ឋអាមេរិក ឡើយ។ ពាក់ព័ន្ធ​នឹង​បណ្ដឹង​នេះ​ដែរ លោក ហ៊ុន ម៉ាណែត នៅ​មិន​ទាន់​បាន​ចូល​ទៅ​ឆ្លើយ​បំភ្លឺ​តុលាការ​នៅ​ឡើយ ទោះបីជា​គាត់​មាន​រយៈពេល ៣០​ថ្ងៃ បន្ទាប់​ពី​បណ្ដឹង​ត្រូវ​បាន​ដាក់​នៅ​តុលាការ​កាល​ពី​ដើម​ខែ​មេសា៕

6 comments:

. said...

Never once see this guy wearing the West Point's ring...Anybody?

Anonymous said...

Dear All,

Lieutenant General and PhD holder Hun Manet
was willing to be interviewed by foreign press none of which is knowledgeable enough in Khmer politics or problems.

The question now is, " Is Mr. Hun Manet willing to a debate ? " with the following but not limited to parameters:

1. The debate is hosted by the foreign press.
2. The audiance is composed of one side the CPP supporters, and the other the CNRP one.
3. The only security guards / forces allowed are the local city police.
4. A guarantee by Hun Sen that none of the participants and / or their relatives will be subject to any retributions here or back home.


Will Mr.Hun Manet or won't he agree to the debate ?

Anonymous said...

Hun Manet is le duck ngoc is real name his a son of le duck thoi

Anonymous said...

06:16

I think General Hun Manet wiil chicken out !!!

Anonymous said...

Ha Ha cpp tug said Hun Manet come to destroy cnrp in US and Canada and he get a big success but actually get big success of lawsuit from Long Beach but they said is nothing and do you think he will come again? I don't think so.

Anonymous said...

General and Mr. PhD Hun Manet is now badly wounded and cowardly running home
with his tail between his legs !!! ♿️♿️♿️