លោក សម រង្ស៊ី/រូបថតពីហ្វេសប៊ុក លោក សម រង្ស៊ី
ប្រធាន
គណបក្សសង្គ្រោះជាតិ លោក សម រង្ស៊ី ដែលកំពុងស្នាក់នៅសហរដ្ឋអាមេរិក
អំពាវនាវឲ្យរដ្ឋាភិបាល បញ្ឈប់ការបង្កើនកម្លាំងទ័ព
និងបញ្ឈប់ការចល័តកងកម្លាំងប្រដាប់អាវុធ
ដើម្បីកុំឲ្យប្រជាពលរដ្ឋមានការភ័យខ្លាច។
លោក សម រង្ស៊ី
សរសេរនៅលើហ្វេសប៊ុកខ្លួន នៅល្ងាចថ្ងៃអង្គារនេះថា
យើងសូមអំពាវនាវដល់ប៉ូលិសនិងទាហានទាំងអស់
កុំប្រើអំពើហិង្សាមកលើប្រជារាស្ត្រស្លូតត្រង់ឲ្យសោះ
ពីព្រោះយើងទាំងអស់គ្នាគឺជាខ្មែរដូចគ្នា
ជាអ្នកកាន់ព្រះពុទ្ធសាសនាដូចគ្នា
និងជាអ្នកស្រលាញ់ប្រទេសជាតិរបស់យើង ទាំងអស់គ្នា។
មួយរយៈចុងក្រោយនេះ
គេសង្កេតឃើញមានការចល័តកម្លាំងយោធា ប៉ូលិស
និងរថពាសដែកមករាជធានីភ្នំពេញ ដែលធ្វើឲ្យប្រជាពលរដ្ឋ
មានការភ័យខ្លាចពីអស្ថិរភាពសង្គម ឬក៏សង្គ្រាម
តែអ្នកតាមដានសង្គមលើកឡើងថា នេះគ្រាន់តែជាការបំភិតបំភ័យប្រជាពលរដ្ឋ
កុំឲ្យចូលរួមតវ៉ាជាមួយគណបក្សសង្គ្រោះជាតិ។
កន្លងទៅ រដ្ឋមន្ត្រីក្រសួងមហាផ្ទៃ លោក ស
ខេង មានប្រសាសន៍ថា ការចល័តទ័ពនៅរាជធានីភ្នំពេញ
គឺដើម្បីការពារសន្តិសុខ នៅពេលគណបក្សសង្គ្រោះជាតិ
ធ្វើមហាបាតុកម្មប្រឆាំងនឹងលទ្ធផលបោះឆ្នោត។
មន្ត្រីជាន់ខ្ពស់
របស់គណបក្សប្រជាជនកម្ពុជា លោក ជាម យៀប មានប្រសាសន៍ថា ការសម្រេចដកទ័ព
ឬមិនដកនោះ គឺសម្រេចនៅលើលោកនាយករដ្ឋមន្ត្រី ហ៊ុន សែន
និងរដ្ឋមន្ត្រីក្រសួងមហាផ្ទៃ លោក ស ខេង។
អង្គការសង្គមស៊ីវិលមួយចំនួន
រួមទាំងប្រជាពលរដ្ឋ ដែលស្រលាញ់សន្តិភាព
នឹងធ្វើពិធីបួងសួងសុំសន្តិភាព នៅរសៀលថ្ងៃពុធ ទី១៤ ខែសីហា
នៅក្បែរវត្តភ្នំ ខណៈកម្ពុជា
កំពុងមានវិបត្តិនយោបាយក្រោយការបោះឆ្នោត និងការដាក់ពង្រាយកងទ័ព
និងរថពាសដែកនៅរាជធានីភ្នំពេញ។
ក្រុមការងារដើម្បីសន្តិភាព
និងអង្គការសង្គមស៊ីវិលនោះ មានប្រមាណជា ២០។ តាមការប៉ាន់ស្មាន
ពិធីបួងសួងសុំសន្តិភាព នឹងមានមនុស្សប្រមាណ ២៥០នាក់ ចូលរួម
ដោយនឹងមានការជួបជុំនៅរសៀលម៉ោង៤ នៅមុខព្រះបរមរាជវាំង
រួចដង្ហែក្បួនមកវត្តភ្នំ ដើម្បីធ្វើពិធីបួងសួង៕
សរសេរមកកាន់ លោក ស៊ុន ណារិន តាមរយៈsun_narin@vodhotnews.com
- See more at: http://vodhotnews.com/15339#sthash.adhfkQrE.dpuf
1 comment:
can't stop & don't stop movements of the troops
coz, VNRP is keeping intimidating governments with mass rallies
it is good for country security & to protect innocent cambodian peoples from bad guys..
Post a Comment