បន្ទាប់ពីធ្វើពិចារណានិងពិភាក្សា
គ្នាយ៉ាងស៊ីជម្រៅអំពីការសម្រេចដាក់បេក្ខភាពតំណាងរាស្រ្តរបស់លោក
ប្រធាន សម រង្ស៊ី សម្រាប់ការឈរឈ្មោះ
ឆ្នោតនាពេលខាងមុខនេះ គណបក្សសង្គ្រោះជាតិ
បានឯកភាពគ្នាដាក់ឲ្យលោកប្រធាន សម រង្ស៊ី
ទៅឈរឈ្មោះជាបេក្ខជនតំណាងរាស្រ្តក្នុងមណ្ឌលខេត្តកណ្តាលដែល
មណ្ឌលនេះលោកនាយករដ្ឋមន្ត្រី ហ៊ុនសែន បានឈរឈ្មោះជាច្រើនអា
ណត្តិមកហើយ
ពោលគឺវាជាចំណុចយុទ្ធសាស្រ្តដ៏សំខាន់មួយនៃការចាប់ផ្តើមផ្តួល
អំណាចដយូរអង្វែង របស់លោក ហ៊ុន សែន
តាមរយៈការបោះឆ្នោតតាមឆន្ទៈប្រជាពលរដ្ឋ។
អាណត្តិមុនៗលោកប្រធាន សម រង្ស៊ី
បានឈរឈ្មោះជាបេក្ខជនតំណាងរាស្រ្ត នៅមណ្ឌលខេត្តកំពង់ចាម
ប៉ុន្តែនៅពេលនេះបក្សសង្គ្រោះជាតិបានរៀបចំបញ្ជីឈ្មោះដាក់លោក
ប្រធាន សម រង្ស៊ី ឲ្យឈ្មោះ ជាបេក្ខ
ជនតំណាងាស្រ្តក្នុងខេត្តកណ្តាល និងជាបេក្ខភាពនាយករដ្ឋមន្ត្រី
របស់គណបក្សសង្គ្រោះជាតិ បើទោះបីជាលោកប្រធាន សម រង្ស៊ី
ត្រូវបានគណៈកម្មាធិការជាតិរៀបចំការបោះឆ្នោតសម្រេចថាគ្មានលក្ខណ
សម្បត្តិ ដើម្បីឈរឈ្មោះក្នុងការបោះឆ្នោតរួចហើយក៏ដោយ។
ការសម្រេចចុះឈ្មោះលោកប្រធាន សម រង្ស៊ី
ក្នុងមណ្ឌលខេត្តកណ្តាលនាពេលនេះ នឹងផ្តល់ឱកាសឲ្យលោកប្រធាន សម
រង្ស៊ីប្រកួតប្រជែងជាមួយលោក ហ៊ុន សែន ដោយផ្ទាល់ថាតើមួយណាមាន
ប្រជាប្រិយភាព មានការគាំទ្រពីពល
រដ្ឋច្រើនជាងគឺជាការឈរជើងប្រកួត
ប្រជែងតទល់ជាមួយលោកនាយករដ្ឋមន្ត្រី ហ៊ុន សែន ដោយផ្ទាល់
បើទោះបីជាមតិមួយចំនួនបានមើលឃើញថាលោកហ៊ុន សែន ជាមនុស្ស
កំសាកមិនចង់រៀបចំការបោះឆ្នោតដោយសេរីនិងយុត្តិធម៌ក៏ដោយ។
បេក្ខភាពរបស់លោកប្រធាន សម រង្ស៊ី មានតម្លៃខ្លាំងណាស់ ហើយ
ការសម្រេចឲ្យឈរជើងនៅក្នុងមណ្ឌលខេត្តកណ្តាលដើម្បីប្រកួតប្រជែង
ជាមួយលោក ហ៊ុន សែន ដោយផ្ទាល់
បានធ្វើឲ្យប្រជាពលរដ្ឋនៅទូទាំងខេត្តកណ្តាលមើលឃើញយ៉ាងច្បាស់ថា
ជ័យជំនះភ្លូកទឹកភ្លូកដីរបស់លោកប្រធាន សម រង្ស៊ី
អាចមើលឃើញកាន់តែច្បាស់ ព្រោះប្រជាពលរដ្ឋនៅក្នុងខេត្តកណ្តាល
ចេះគិតពិចារណាវែងឆ្ងាយពីបញ្ហាប្រទេសជាតិនិងអនាគតខ្លួនឯង
ហើយក្នុងខេត្តកណ្តាលនេះផងដែរប្រជាពលរដ្ឋធ្លាប់រងនូវភាពអយុត្តិ
ធម៌ ការឆក់ប្លន់ដីធ្លី ការបណ្តេញចេញដោយបង្ខំក្រោមស្លាកអភិវឌ្ឍន៍
ឬការផ្តល់ដីសម្បទាន
ឲ្យទៅក្រុមឈ្មួញមានលុយមានអំណាចផងដែរ។ជាក់ស្តែង
ការធ្វើទុក្ខបុកម្នេញទៅលើប្រជាពលរដ្ឋនិងសកម្មជនរបស់គណបក្ស
ប្រឆាំងក្នុងស្រុកកៀនស្វាយ ស្រុកកណ្តាលស្ទឹង ស្រុកពញាឮ
និងស្រុកមុខកំពូល
សុទ្ធតែជាដើមហេតុសំខាន់បំផុតនាំឲ្យពលរដ្ឋឈឺចាប់ក្តៅក្រហាយ
មិនចង់រស់នៅក្រោមការដឹកនាំរបស់លោក ហ៊ុន សែន ទៀតទេ
ដូច្នេះប្រជាពលរដ្ឋនៅខេត្តកណ្តាលបានសាទរចំពោះការឈរឈ្មោះជា
បេក្ខជនតំណាងរាស្រ្តរបស់លោកប្រធានសម រង្ស៊ី នៅទីនោះ។
ចំពោះប្រជាពលរដ្ឋមួយចំនួនទៀតនៅទូទាំងខេត្តកណ្តាល
ធ្លាប់បង្ហាញអំពីភាពអសកម្មជាច្រើនដែល
អាជ្ញាធរអ្នកកាន់អំណាចបានប្រព្រឹត្តមកលើប្រជាពលរដ្ឋក្រីក្រទន់
ខ្សោយ មានការរើសអើងនិន្នាការនយោបាយ
ហើយអំពើពុករលួយនៅថ្នាក់មូលដ្ឋានក៏ជាដើមហេតុសំខាន់បំផុត
នាំឲ្យពលរដ្ឋខ្វះភាពកក់ក្តៅនិងមិនអាច ទទួលបានសេវាសាធារណៈ
ដោយត្រឹមត្រូវនិងពេញលេញពីសំណាក់អាជ្ញាធរនិងសមត្ថកិច្ចពាក់
ព័ន្ធ។
ប្រជាពលរដ្ឋមួយចំនួនត្រូវបានអ្នកមានលុយមានអំណាចជិះជាន់សង្កត់
សង្កិន វាយធ្វើបាប ឆក់ប្លន់ដីធ្លី
ឬប្តឹងឲ្យអាជ្ញាធរចាប់ឃុំខ្លួនយ៉ាងអយុត្តិធម៌បំផុត
ហើយពេលខ្លះទៀតប្រជាពលរដ្ឋមានរឿងរ៉ាវប្តឹងផ្តល់រត់ទៅសុំអន្ត
រាគមន៍ឬសុំជំនួយពីអាជ្ញាធរមូលដ្ឋាន
គ្មាននរណាអើពើនោះទេអាចបញ្ជាក់
បានថាអាជ្ញាធររបស់អ្នកកាន់អំណាច
តាំងពីថ្នាក់លើរហូតដល់ថ្នាក់ក្រោម មិនបានបំពេញតួនាទីរបស់ខ្លួន
ក្នុងការដោះស្រាយទុក្ខលំបាកជូនប្រជាពលរដ្ឋនោះទេ។
ជានិច្ចកាលអ្នកតំណាងរាស្រ្តគណបក្សប្រឆាំងបានអនុវត្តន៍យ៉ាង
ខ្ជាប់ខ្ជួនតាមសេចក្តីណែនាំរបស់លោកប្រធាន សម រង្ស៊ី
ព្រោះក្នុងនាមជាអ្នកតំណាងរាស្រ្តត្រូវចេះឈឺឆ្អាលជួយដោះស្រាយទ
ុក្ខលំបាករបស់ប្រជារាស្រ្ត ហើយគ្រប់ពេលដែលប្រជារាស្រ្ត
ជាម្ចាស់សន្លឹកឆ្នោតជួបគ្រោះភ័យ
និងទុក្ខវេទនាគឺអ្នកតំណាងរាស្រ្តត្រូវតែ
យកចិត្តទុកដាក់ចុះទៅជួបប្រជាពលរដ្ឋដល់ថ្នាក់មូលដ្ឋាន
ដើម្បីស្វែងយល់ពីផលលំបាក
និងសេចក្តីត្រូវការចាំបាច់របស់ប្រជាពលរដ្ឋដែលជាម្ចាស់ជោគ
វាសនាប្រ ទេសជាតិ។
អ្នកតំណាងរាស្រ្តគណបក្សប្រឆាំងមិនដែលសម្ងំយកសុខស្រួល
ក្នុងបន្ទប់ម៉ាស៊ីនត្រជាក់ហើយចាំស្តាប់តែរបាយការណ៍ភូតភររបស់
ថ្នាក់ក្រោមនោះទេហើយបើធ្វើជាអ្នក តំណាងរាស្រ្ត
មិនយកចិត្តទុកដាក់ជួយដោះស្រាយទុក្ខលំបាករបស់ប្រជារាស្រ្ត
តើធ្វើជាតំណាងរាស្រ្តបានប្រយោជន៍អ្វី
បើខ្លួនមិនបម្រើផលប្រយោជន៍រាស្រ្ត
ឬជួយដោះស្រាយទុក្ខលំបាករបស់ប្រជារាស្រ្ត ដែលជាម្ចាស់អំណាច?
លោកនាយករដ្ឋមន្ត្រី ហ៊ុន សែន
បានឈរឈ្មោះជាបេក្ខជនតំណាងរាស្ត្រ
នៅមណ្ឌលខេត្តកណ្តាលច្រើនអាណត្តិមកហើយ ប៉ុន្តែ
នៅពេលដែលប្រជាពលរដ្ឋមានជម្លោះដីធ្លីជាមួយឈ្មួញមានលុយមានអំណាច
នៅស្រុកកណ្តាលស្ទឹង ហើយពួកគាត់បានឡើងមកសុំអន្តរាគមន៍
រកយុត្តិធម៌ពីលោក ហ៊ុន សែន ដល់មុខ ផ្ទះនៅក្បែរវិមានឯករាជ្យ
បែរជាក្រុមសណ្តាប់ធ្នាប់និងកងកម្លាំងប្រដាប់អាវុធប្រើអំពើ
ហិង្សាវាយបង្ក្រាបគ្មានញញើតដៃ។
អាចបញ្ជាក់បានថាប្រជាពលរដ្ឋក្នុងខេត្តកណ្តាលបាននាំគ្នាឡើងមក
សុំអន្តរាគមន៍ពីអ្នកតំណាងរាស្រ្តមណ្ឌលខេត្តកណ្តាល
និងជានាយករដ្ឋមន្ត្រី ត្រូវបានអាជ្ញាធរអ្នកកាន់អំណាចប្រើខែល
ដំបងឆក់ និងចាប់វាយដំឃុំខ្លួន
ដើម្បីស្វាគមន៍ម្ចាស់សន្លឹកឆ្នោតដោយគ្មានសេចក្តីអាណិតអាសូរ។
បញ្ហាជម្លោះ ដីធ្លីនៅក្នុងខេត្តកណ្តាល
ជាពិសេសនៅស្រុកកណ្តាលស្ទឹង ដែលប្រជាពលរដ្ឋមកពី ៣ឃុំ
មានជម្លោះជាមួយឈ្មួញមានលុយមានអំណាច
បានអូសបន្លាយច្រើនឆ្នាំមកហើយ គេមិនដែលឃើញលោកនាយករដ្ឋមន្ត្រី
ហ៊ុន សែន
យកចិត្តទុកដាក់ដោះស្រាយទុក្ខលំបាករបស់ប្រជារាស្រ្តនោះទេ។
បើនិយាយពីភូមិសាស្រ្តខេត្តកណ្តាលនេះផងដែរ លោក ហ៊ុន សែន
បានរៀបគម្រោងអភិវឌ្ឍន៍ដ៏សំខាន់មួយនៅតំបន់ក្រាំងយ៉ូវ
ដែលទីនោះមានការរៀបចំប្រព័ន្ធធារាសាស្រ្ត
ហេដ្ឋារចនាសម្ព័ន្ធផ្លូវថ្នល់ សាលារៀនមន្ទីរពេទ្យ
គ្រប់សព្វបែបយ៉ាង ដោយលោក ហ៊ុន សែន
រំពឹងទុកថាក្នុងឃុំក្រាំងយ៉ូវទាំងមូលប្រជាពលរដ្ឋនឹងបោះឆ្នោត
ឲ្យគណបក្សប្រជាជនកម្ពុជា ប៉ុន្តែ ក្តីរំពឹងរបស់លោក ហ៊ុន សែន
បែរជាទទួលបរាជ័យ ហើយលោក ហ៊ុន សែន
ក៏បានប្រកាសដកហូតយកម៉ាស៊ីនបូមទឹក
និងបញ្ឈប់គម្រោងអភិវឌ្ឍន៍នៅក្រាំងយ៉ូវកាន់តែធ្វើឲ្យគណបក្សប្រជា
ជនបរាជ័យយ៉ាងជូរចត់។
ទន្ទឹមពេលដែលប្រជាពលរដ្ឋខ្មែរនៅទូទាំងប្រទេសកំពុងព្យាយាម
រើបម្រះឲ្យរួចផុតពីការដឹកនាំមិនត្រឹមត្រូវរបស់លោក ហ៊ុន សែន
គេសង្កេតឃើញសន្ទុះរបស់ប្រជាពលរដ្ឋនៅក្នុងខេត្តកណ្តាល
មានភាពផុសផុលជាងតំបន់ដទៃ ដែលជាប្រផ្នូលដ៏ល្អបំផុត
បង្ហាញថាលោកប្រធាន សម រង្ស៊ី
នឹងទទួលបានជ័យជំនះធំធេងនិងអាចផ្តួលអំណាចលោក ហ៊ុន សែន
ជាស្ថាពរតាមរយៈការបោះឆ្នោតដោយសេរីនិងយុត្តិធម៌នាខែកក្កដា
ខាងមុខនេះព្រោះថា ឱកាសដែលលោកប្រធាន សម រង្ស៊ី
បានចូលរួមប្រកួតប្រជែងដណ្តើមសន្លឹកឆ្នោតជាមួយលោក ហ៊ុន សែន
ដោយផ្ទាល់ក្នុងមណ្ឌលខេត្តកណ្តាល
គឺជាឱកាសឈានទៅដណ្តើមយកជ័យជំនះពីលោក ហ៊ុន សែន
ដូចការគ្រោងទុក
ដូច្នេះចរន្តផ្លាស់ប្តូរដ៏ធំមួយស្របទៅតាមឆន្ទៈរបស់ប្រជាពលរដ្ឋ
ដែលចង់ផ្ល្លាស់ប្តូរមេដឹកនាំ គឺចាប់ផ្តើមពីការធ្វើឲ្យលោក
ហ៊ុន សែន បរាជ័យចាញ់ឆ្នោតនៅក្នុងមណ្ឌលខេត្តកណ្តាលនោះឯង៕
1 comment:
this media news is exgaggerated
Post a Comment