On April 5, 2013 ព័ត៌មានជាតិ
ដោយយកចិត្តទុកដាក់ចំពោះជីវភាពរស់នៅរបស់មន្ត្រីរាជការ កងកម្លាំងប្រដាប់អាវុធ និងកម្មករខ្មែរដែលកំពុងមានជីវភាព
លំបាកវេទនាតោកយ៉ាករកទីបំផុតគ្មាន អ្នកតំណាងរាស្ត្រដែលដឹកនាំដោយលោក
សុន ឆ័យ
បានដាក់សេចក្តីស្នើច្បាប់ស្តីពីការកំណត់ប្រាក់ខែសម្រាប់មន្ត្រីរាជការ
និងកម្មករខ្មែរ ដើម្បីមានជីវភាពរស់នៅសមរម្យ ថ្លៃថ្នូរ
ស្របទៅតាមតម្លៃទំនិញនៅលើទីផ្សារ។
ប៉ុន្តែគួរឲ្យសោកស្តាយបំផុតដែលគណៈកម្មការអចិន្ត្រៃយ៍រដ្ឋសភាជាតិ
បានច្រានចោលសំណើច្បាប់នេះទាំងទទឹងទិស
និងគ្មានហេតុផលដោយលើកអំណះអំណាងថាបើដំឡើងប្រាក់ខែមានតែត្រូវ
បោះពុម្ពលុយបន្ថែម
ហើយគោលនយោបាយរបស់គណបក្សប្រជាជនកម្ពុជាដែលកំពុងកាន់អំណាចគ្មាន
កម្មវិធីនយោបាយស្តីពីការដំឡើងប្រាក់ខែជាក់លាក់ជូនមន្ត្រីរាជការនិង
កងកម្លាំងប្រដាប់អាវុធនោះទេ។ការច្រានចោលសំណើច្បាប់នេះ ត្រូវបានលោក
សុន ឆ័យ អះអាងថា
គឺជាការរើសអើងរបស់ក្រុមអ្នកកាន់អំណាចដែលមិនយកចិត្តទុកដាក់គិតគូរ
ពីបញ្ហាសង្គម
ឬប្រយោជន៍រួមពោលគឺស្ទើរគ្រប់តែសំណើរបស់អ្នកតំណាងរាស្ត្រ
គណបក្សប្រឆាំងក្រុមអ្នកកាន់អំណាចបានច្រានចោលទាំងទទឹងទិស។
បន្ទាប់ពីចាកចេញពីកិច្ចប្រជុំជាមួយគណៈអចិន្ត្រៃយ៍រដ្ឋសភាជាតិ
កាលពីព្រឹកថ្ងៃទី៣ ខែមេសា ឆ្នាំ២០១៣ នេះ លោក សុន ឆ័យ បានបញ្ជាក់ថា
មានហេតុផលសំខាន់ៗចំនួន៧ចំណុច ដែលគណបក្សកាន់
អំណាចបានយកមកធ្វើជាអំណះអំណាងដើម្បីច្រានចោលសំណើច្បាប់
ស្តីពីការកំណត់ប្រាក់ខែអតិបរមា
សម្រាប់មន្ត្រីរាជការដូចជាគេអះអាងថា សំណើច្បាប់នេះ
គឺផ្ទុយពីសេដ្ឋកិច្ចទីផ្សារសេរី
រដ្ឋាភិបាលធ្លាប់ដំឡើងប្រាក់ខែតាមភាគរយជូនមន្ត្រីរាជការតាំងពី
ឆ្នាំ១៩៩៧ គណបក្សប្រជាជនមិនមានគោលនយោបាយកំណត់ពីការដំឡើងប្រាក់ខែ
និងសំណើច្បាប់នេះជាហេតុផលនយោបាយ។ បញ្ហាទាំង
៧ចំណុចដែលក្រុមអ្នកកាន់អំណាចលើកឡើងពីខាងដើមនេះ
ជារឿងមិនសមទំនងទាល់តែសោះនិងគ្មានហេតុផលណាមួយក្នុងការបដិសេធសំណើ
ច្បាប់នេះ
ប្រសិនបើក្រុមអ្នកកាន់អំណាចមានឆន្ទៈពិតប្រាកដគិតគូរពីសុខទុក្ខ
និងជីវភាពរស់នៅរបស់មន្ត្រីរាជការ
ព្រោះមានលទ្ធភាពជាច្រើនអាចប្រមែប្រមូលថវិកាជាតិសម្រាប់ប្រើប្រាស់
ក្នុងការដំឡើងប្រាក់ខែជូនមន្ត្រីរាជការនិងកងកម្លាំងប្រដាប់អាវុធទូទៅ
។
លោក សុន ឆ័យ បានបញ្ជាក់ថា
ជាលទ្ធផលដែលទទួលបានគឺគណៈអចិន្ត្រៃយ៍រដ្ឋសភាជាតិបានច្រានចោលជា
ផ្លូវការចំពោះសេចក្តីស្នើច្បាប់នេះ ប៉ុន្តែគេអះអាងថា
នឹងយកសេចក្តីស្នើច្បាប់នេះទៅជូនរដ្ឋាភិបាលដើម្បីធ្វើការពិចារណា
នៅពេលក្រោយ ហើយវាបានបង្កប់នូវការរើសអើងដែលជាវប្បធម៌ដ៏អាក្រក់មួយ
ដែលក្រុមអ្នកកាន់អំណាចប្រើប្រាស់ក្នុងការរាំងខ្ទប់និងរករឿងមិនឲ្យ
សេចក្តីស្នើច្បាប់របស់គណបក្សប្រឆាំងកើតចេញជារូបរាង។ លោក សុន ឆ័យ
រំលឹកថា ការកំណត់នូវចំនួនប្រាក់ខែអតិបរមា សម្រាប់មន្ត្រីរាជការ
និងកងកម្លាំងប្រដាប់អាវុធយ៉ាងតិចបំផុត១លានរៀល
ប្រហាក់ប្រហែល២៥០ដុល្លារអាមេរិក
និងប្រាក់ខែសម្រាប់កម្មករចំនួន១៥០ដុល្លារក្នុងមួយខែ
គឺជារឿងសមស្របបើផ្អែកលើស្ថានភាពសេដ្ឋកិច្ចរបស់ប្រទេសកម្ពុជា
គឺយើងអាចធ្វើបាន គ្មានផលរមាស់អ្វីទេ
ប្រសិនបើអ្នកកាន់អំណាចមានឆន្ទៈពិតប្រាកដ។
ប្រាក់ខែកម្មករនៅប្រទេសក្បែរខាងនៃប្រទេសកម្ពុជា
មានចំនួនខ្ពស់រួចទៅហើយ
ប៉ុន្តែលក្ខខណ្ឌរស់នៅរបស់កម្មករខ្មែរដែលមានប្រាក់ខែតិចតួចមិន
សមស្របទៅនឹងការចំណាយលើថ្លៃធ្វើដំណើរការស្នាក់នៅ ការព្យាបាលជំងឺ
និងទំនិញដែលឡើងថ្លៃគំហុកនោះទេ
ហើយបើពិនិត្យលើស្ថានភាពរបស់ក្រុមហ៊ុនរោងចក្រកាត់ដេរវិញក៏ជួបផល
លំបាកជាច្រើនដូចក្នុងរបាយការណ៍បានបញ្ជាក់ថា
ក្រុមហ៊ុនរោងចក្រកាត់ដេរត្រូវសូកប៉ាន់មន្ត្រីគ្រប់បែបយ៉ាង
គឺត្រូវចំណាយច្រើនម៉ឺនដុល្លារក្នុងមួយឆ្នាំៗក្រៅផ្លូវការ
ហើយប្រសិនបើអាចលុបបំបាត់អំពើពុករលួយ របស់ក្រុមមន្ត្រី
និងកាត់បន្ថយការចំណាយក្រៅផ្លូវការ គឺក្រុមហ៊ុនរោងចក្រកាត់ដេរ
អាចសល់ប្រាក់បើកប្រាក់ខែកម្មករប្រហែល២០០ដុល្លារ
អាមេរិកក្នុងមួយខែ។
លោក សុន ឆ័យ
បានបញ្ជាក់ថាបញ្ហាដំឡើងប្រាក់ខែជូនកម្មករជារឿងសំខាន់បំផុត
ព្រោះតែកម្មករកំពុងតែក្លាយជាកម្លាំងចលករដ៏សំខាន់មួយជួយឲ្យមាន
កំណើនសេដ្ឋកិច្ចផ្តល់មុខមាត់សម្រាប់ប្រទេសជាតិផងដែរ
ជាក់ស្តែងកម្មករខ្មែរបាន នាំគ្នាធ្វើបាតុកម្ម កូដកម្មដើម្បីដំឡើង
ប្រាក់ខែ ទើបក្រុមអ្នកកាន់អំណាចអើពើ ហើយដំឡើងបានតែបន្តិចបន្តួចម្តង
៥ទៅ ៧ដុល្លារប៉ុណ្ណោះ ហើយប្រសិនបើគ្មានការតវ៉ាទេនោះ
ច្បាស់ណាស់ដែលថាអ្នកកាន់អំណាច
មិនអើពើពីទុក្ខលំបាកនិងជីវភាពរបស់កម្មករនោះទេ។ លោក សុន ឆ័យ
បានរំលឹកទៀតថា
កន្លងមកដោយសារលក្ខខណ្ឌការងារលំបាកលំបិនថៅកែរោងចក្រជិះជាន់
គាបសង្កត់កម្មករ
ហើយប្រាក់ខែដ៏តិចតួចគឺជាដើមហេតុដែលនាំឲ្យមានការធ្វើចំណាកស្រុក
ទៅលក់កម្លាំងពលកម្មនៅក្រៅប្រទេសដែលមានលក្ខខណ្ឌការងារល្អប្រសើរនិង
មានប្រាក់ខែខ្ពស់ ហើយការធ្វើចំណាកស្រុកនេះ
នាំឲ្យរោងចក្រមួយចំនួនត្រូវបិទទ្វារដោយសារតែគ្មានកម្មករធ្វើការ
ព្រោះការធ្វើចំណាកស្រុកនាំឲ្យប៉ះពាល់ដល់ការផលិត
និងលទ្ធកម្មក្នុងស្រុក
ហើយថែមទាំងប៉ះពាល់ជាច្រើនដល់សេដ្ឋកិច្ចជាតិ។
រំលឹកដល់បញ្ហាដំឡើងប្រាក់ខែជូនមន្ត្រីរាជការនិង
កងកម្លាំងប្រដាប់អាវុធរបស់លោក ហ៊ុន សែន
ដែលអួតអាងថាក្នុងមួួយឆ្នាំឡើងបាន២០ភាគរយនោះ
គឺមិនសមស្របទាល់តែសោះ ដូចដែលលោក សុន ឆ័យ បានបញ្ជាក់យ៉ាងច្បាស់ថា
ការដំឡើង២០ភាគរយនេះមិនអាចធានាឲ្យជីវភាពរស់នៅរបស់មន្ត្រីរាជការ
បានធូរធារនិងថ្លៃថ្នូរនោះទេ។ លោក សុន
ឆ័យបានបន្តទៀតថាយើងមានមន្ត្រីរាជការ កងកម្លាំងប្រដាប់អាវុធ
ប៉ុន្មានឲ្យប្រាកដក៏មិនមានតួលេខច្បាស់លាស់
ព្រោះកន្លងមកមានការដំឡើងខ្ទង់ចំណាយលើវិស័យកងទ័ព
ប៉ុន្តែកម្រិតប្រាក់ខែនៅតែទាបដដែល
ដូច្នេះយើងត្រូវពិនិត្យមើលឲ្យបានគ្រប់ជ្រុងជ្រោយអំពីបញ្ជីឈ្មោះ
និងខ្ទង់ចំណាយក្នុងវិស័យកងទ័ព ហើយរកឲ្យឃើញនិង
លុបឈ្មោះចេញជាបន្ទាន់ចំពោះការបន្តរក្សាទុកឈ្មោះមន្ត្រីរាជការខ្មោច
គឺជាប្រភេទមន្ត្រីរាជការដែលមានតែឈ្មោះមកបើកប្រាក់ខែ
មិនមានមនុស្សទៅបំពេញការងារ។ សម្រាប់ការដំឡើងប្រាក់ខែជូនកម្លាំងប្រ
ដាប់អាវុធនៅក្នុងប្រទេសកម្ពុជាឲ្យបាន១លានរៀលក្នុងមួយខែ លោក សុន
ឆ័យបានវាយតម្លៃថា
ប្រសិនបើអាចធ្វើសវនកម្មបញ្ជីឈ្មោះកងកម្លាំងប្រដាប់អាវុធឲ្យបាន
ត្រឹមត្រូវ
ហើយរក្សាទុកតែឈ្មោះមន្ត្រីរាជការដែលបានមកបំពេញការងារប្រចាំថ្ងៃ
ត្រូវបង្វែរប្រាក់ដែលធ្លាប់ចំណាយខុសខ្ទង់យកមកដំឡើងប្រាក់ខែ
គឺអាចធានាថាប្រាក់ខែសម្រាប់កងកម្លាំងប្រដាប់អាវុធមិនមែនជាបញ្ហាចោទ
នោះទេ
ប្រសិនបើយើងសិក្សាទៅលើការកាត់រំសាយកងទ័ពដែលធ្លាប់បានអនុវត្តន៍និង
គាំទ្រដោយធនាគារពិភពលោក
យកទៅប្រៀបធៀបជាមួយការបង្កើនខ្ទង់ចំណាយលើវិស័យកងទ័ព។
ចំពោះបញ្ហាមន្ត្រីរាជការវិញ លោក សុន ឆ័យ ក៏បានវាយតម្លៃផងដែរថា
មានស្ថាប័នអង្គភាពមួយចំនួនបន្តរក្សាទុកឈ្មោះមន្ត្រីរាជការខ្មោច
នាំឲ្យមានការចំណាយថវិកាជាតិយ៉ាងខ្ជះខ្ជាយដូចដែលមន្ត្រី
រដ្ឋលេខាធិការដ្ឋាន មុខងារសាធារណៈធ្លាប់បានបង្ហើបឲ្យដឹងថា
មានសំណើបញ្ចូក្នុងក្របខណ្ឌរដ្ឋនូវឈ្មោះមន្ត្រីថ្មីៗជាច្រើន
ជាពិសេសនៅពេលដែលមានការអូសទាញអ្នកនយោបាយនៅបក្សផ្សេងៗឲ្យមកចូលរួម
ជាមួយបក្សកាន់អំណាច។ លោក សុន ឆ័យ បានបន្តទៀតថា
យុទ្ធសាស្ត្រណាមួយក្នុងការបោះពុម្ពលុយដើម្បីយកទៅដំឡើងប្រាក់ខែជូន
មន្ត្រីរាជការ និងកងកម្លាំងប្រដាប់អាវុធ គឺជាការខុសឆ្គងធ្ងន់ធ្ងរណាស់
ផ្ទុយទៅវិញដើម្បីដំឡើងប្រាក់ខែជូនមន្ត្រីរាជការ
និងកងកម្លាំងប្រដាប់អាវុធ ឲ្យបាន១លានរៀលក្នុងមួយខែ
គឺយើងត្រូវកេណ្ឌប្រមូលធនធានទ្រព្យសម្បត្តិជាតិ
ជាពិសេសចំណូលជាតិដែលបានបាត់បង់ ដោយសារតែអំពើពុករលួយ
ក៏ដូចជាការយកពន្ធលើដីសម្បទាន និង
ការគ្រប់គ្រងចំណូលពន្ធលើវិស័យកាស៊ីណូឲ្យមានតម្លាភាព
គឺសមល្មមដែលយើងអាចប្រមូលធនធានមកដំឡើងប្រាក់ខែជូនមន្ត្រីរាជការ
ទូទៅ
ប៉ុន្តែរឿងសំខាន់នៅត្រង់ថាតើក្រុមអ្នកកាន់អំណាចមានឆន្ទៈលើកកម្ពស់
ជីវភាពរស់របស់មន្ត្រីរាជការនិងកម្មករខ្មែរដែរឬក៏អត់៕
No comments:
Post a Comment