Khmerization: Sam Rainsy met American and Canadian politicians during a visit to the two countries លោកប្រធាន សម រង្ស៊ី ទៅបំពេញបេសកកម្មនៅសហរដ្ឋអាមេរិក និងកាណាដាជួបសមាជិកសភានិងមន្ត្រីរដ្ឋាភិបាលសំខាន់ៗទាក់ទិនបញ្ហាបោះឆ្នោត

By មនសិការខ្មែរ On April 4, 2013, ព័ត៌មានជាតិ

តាមការគ្រោងទុកលោកប្រធាន សម រង្ស៊ី ត្រូវធ្វើដំណើរទៅបំពេញបេសកកម្មនៅទ្វីបអាមេរិកខាងជើង ចាប់ពីថ្ងៃទី១២ ខែមេសា រហូតដល់ថ្ងៃទី៦ ខែឧសភា ឆ្នាំ២០១៣ ដែលនៅទីនោះលោកប្រធាន សម រង្ស៊ី មានកម្មវិធីណាត់ជួបជាមួយសមាជិកសភានិងមន្ត្រីរដ្ឋាភិបាលសំខាន់ៗ របស់អាមេរិក កាណាដា ហើយក៏មានកម្មវិធីណាត់ជួបជាមួយជនរួមឈាមខ្មែរនៅទីនោះ ដើម្បីជជែកពិភាក្សាពីបញ្ហាសំខាន់ៗទាក់ទិនអា យុជីវិតជាតិ ដែលកំពុងប្រឈមនឹងគ្រោះថ្នាក់។ដូចដែលលោកប្រធាន សម រង្ស៊ី បានបញ្ជាក់ថា យើងត្រូវស្រឡាញ់ប្រទេសជាតិ ឲ្យដូចជាម្តាយបង្កើត ហើយពេលជាតិយើងជួបគ្រោះថ្នាក់ យើងត្រូវធ្វើការលះបង់ដើម្បីជួយសង្គ្រោះប្រទេសជាតិឲ្យបានទាន់ពេលវេលា ហើយខ្មែរស្នេហាជាតិនិងអ្នកស្រឡាញ់លទ្ធិប្រជាធិបតេយ្យរាប់លាននាក់ កំពុងរួបរួមសាមគ្គីគ្នាយ៉ាងរឹងមាំជាមួយគណបក្សសង្គ្រោះជាតិដើម្បី បំពេញ បេសកកម្មដ៏មានតម្លៃក្នុងការរំដោះប្រជារាស្ត្រខ្មែរឲ្យរួចផុតពី ទុក្ខវេទនា និងភាពក្រីក្ររហេមរហាម។

តាមកម្មវិធីដែលបានគ្រោងទុកលោកប្រធាន សម រង្ស៊ី នឹងត្រូវអញ្ជើញទៅកាន់ក្រុង មីនាប៉ូលី នៅថ្ងៃទី១២ ខែមេសា ឆ្នាំ២០១៣,ទៅកាន់ក្រុង ឡូវ៉ែល នៅថ្ងៃទី១៣ ខែមេសា ឆ្នាំ២០១៣,ទៅកាន់ក្រុង ហ្គ្រីនបូរ៉ូ និង ឡិចស៊ីនតុន នៅថ្ងៃទី១៤ ខែមេសា ឆ្នាំ២០១៣, ទៅកាន់ក្រុង វ៉េនឃូវើ តាកូម៉ា និងស៊ីអាថល នៅថ្ងៃទី១៦-១៩ ខែមេសា ឆ្នាំ២០១៣,ទៅកាន់ក្រុង ឡុងប៊ិច និងក្រុង សង់ឌីយ៉ាកូ នៅថ្ងៃទី២០-២១ ខែមេសា ឆ្នាំ២០១៣,ទៅកាន់ក្រុងអូឡាហូម៉ា នៅថ្ងៃទី២៣ ខែមេសា ឆ្នាំ២០១៣, ទៅកាន់ក្រុងហាវស្តុន នៅថ្ងៃទី២៤ ខែមេសា ឆ្នាំ២០១៣, ទៅកាន់ក្រុងស្តុកតុន សាន់ហូសេ អក់ឡែន មូ៉ដេសស្តូ និងហ្វ្រេសណូ នៅថ្ងៃទី២៦-២៨ ខែមេសា ឆ្នាំ២០ ១៣ និងទៅកាន់ក្រុងវ៉ាស៊ីនតោន នៅថ្ងៃទី២៩ ខែមេសា រហូតដល់ថ្ងៃទី១ ខែឧសភា ឆ្នាំ២០១៣។ ដោយឡែកលោកប្រធាន សម រង្ស៊ី ត្រូវបន្តដំណើរទៅកាន់ប្រទេសកាណាដា ដើម្បីបំពេញបេសកកម្មជាច្រើនទៀតដូចជា ទៅកាន់ក្រុង អូតាវ៉ា នៅថ្ងៃទី៣ ខែឧសភា ឆ្នាំ២០១៣ ទៅកាន់ក្រុង ម៉ុងត្រេអាល់ នៅថ្ងៃទី៤-៥ ខែឧសភា ឆ្នាំ២០១៣ និងធ្វើដំណើរទៅកាន់ក្រុងប៉ារីស នៅថ្ងៃទី៦ ខែឧសភា ឆ្នាំ២០១៣ ដែលនៅទីនោះមានវេទិកាជួបជុំដ៏ធំមួយ។

តាមកម្មវិធីដែលបានគ្រោងទុកលោកប្រធាន សម រង្ស៊ី ត្រូវអមដំណើរដោយមន្ត្រីសំខាន់ៗរបស់បក្សសង្គ្រោះជាតិ ហើយនៅតាមបណ្តារដ្ឋមួយចំនួន អាចនឹងមានការចូលរួមពីលោក កឹម សុខា ដែលជាអនុប្រធានបក្សសង្គ្រោះជាតិផងដែរ ហើយទីកន្លែងកាលបរិច្ឆេទ និងពេលវេលានៃការជួបជុំជនរួមឈាមខ្មែរនៅតាមបណ្តា រដ្ឋមួយចំនួនដូចដែលបានបង្ហាញពីខាងលើនេះនឹងត្រូវជូនដំណឹងលម្អិត នៅពេលក្រោយ តាមរយៈក្រុមការងារ ឬអ្នកសម្របសម្រួលកម្មវិធីជួបជុំរវាងជនរួមឈាម ខ្មែរនិងលោកប្រធាន សម រង្ស៊ី ដែល ជាអ្នកស្នេហាជាតិ និងជាអ្នកស្រ ឡាញ់លទ្ធិប្រជាធិបតេយ្យដ៏ឆ្នើម។ លោកប្រធាន សម រង្ស៊ី ក៏មានកម្មវិធីណាត់ជួបជាមួយសមាជិកសភា ព្រឹទ្ធសភា និងមន្ត្រីរដ្ឋាភិបាលរបស់អាមេរិកមួយចំនួនផងដែរ ដើម្បីពិ ភាក្សាអំពីបញ្ហាសំខាន់ៗជាច្រើនទាក់ទិននឹងស្ថានភាពនយោបាយនៅក្នុង ប្រទេសកម្ពុជា ជាពិសេសការ បំពេញបេសកកម្មដើម្បីទាញអារម្មណ៍បណ្តាប្រទេសមហាអំណាច ឲ្យយកចិត្តទុកដាក់ជួយស្រោចស្រង់ប្រទេសកម្ពុជា និងលទ្ធិប្រជាធិបតេយ្យនៅកម្ពុជា ដែលកំពុងប្រឈមនឹងគ្រោះថ្នាក់ធ្ងន់ធ្ងរ។

ក្នុងសមាជដ៏អធឹកអធ័មរបស់គណបក្សសង្គ្រោះជាតិ នាថ្ងៃទី៧ ខែមេសា ឆ្នាំ២០១៣ មានការតែងតាំងលោក កឹម សុខា ជាអនុប្រធានគណបក្សសង្គ្រោះជាតិផ្លូវការនិងជាបេក្ខភាព ប្រធានរដ្ឋសភាជាតិរបស់គណបក្សសង្គ្រោះជាតិ បន្ទាប់ពីលោក កឹម សុខា បានលាលែងពីមុខតំណែងជាប្រធានគណបក្សសិទ្ធិមនុស្សតាមរយៈមហាសន្និបាត កាលពីថ្ងៃទី៣១ ខែមីនា ឆ្នាំ២០១៣ កន្លងទៅនេះ។ ជនរួមឈាមខ្មែរនៅក្រៅប្រទេសដែលធ្លាប់ជួយជ្រោមជ្រែងទាំងកម្លាំងកាយ ចិត្តនិងធនធានផ្ទាល់ខ្លួនដល់គណបក្ស សម រង្ស៊ី និងគណបក្ស សិទ្ធិមនុស្ស ក៏បានបន្តជួយដល់បក្សសង្គ្រោះជាតិ ដែលជាការរួបរួមកម្លាំងខ្មែរស្នេហាជាតិ និងអ្នកស្រឡាញ់លទ្ធិប្រជាធិបតេយ្យ ដើម្បីពួតដៃគ្នាជួយរំដោះប្រ ទេសជាតិឲ្យរួចផុតពីគ្រោះថ្នាក់បានទាន់ពេលវេលា។ ដំណើរបេសកកម្មរបស់លោកប្រធាន សម រង្ស៊ី ទៅ កាន់សហរដ្ឋអាមេរិក និងកាណាដា នៅពេលនេះមានតម្លៃខ្លាំងណាស់ក្នុងការលាតត្រដាងរឿងពិតឲ្យម ហាអំណាចបានដឹង ហើយជួយបញ្ចៀសនូវរាល់អំពើទាំងឡាយណា ដែលនាំឲ្យលទ្ធិប្រជាធិបតេយ្យនៅក្នុងប្រទេសកម្ពុជាជួបគ្រោះថ្នាក់។

បើតាមការលើកឡើងរបស់មន្ត្រីគណបក្សសង្គ្រោះជាតិបានឲ្យដឹងថា នៅក្នុងពិធីសមាជដ៏មានសារៈសំខាន់នេះ មានការជជែកនិងចាត់តាំងសមាសភាពមន្ត្រីសំខាន់ៗនៅតាមថ្នាក់មូលដ្ឋាន និងថ្នាក់ជាតិ និងមានការប្រកាសសុពលភាពរចនាសម្ព័ន្ធរបស់គណបក្សសង្គ្រោះជាតិនៅ គ្រប់ទិសទីផងដែរ ហើយក្រុមការងារពិសេសត្រូវបន្តជជែកពិភាក្សាគ្នាដើម្បីពិនិត្យលើ បទបញ្ជាផ្ទៃក្នុង និងគោលការណ៍សំខាន់ៗដែលត្រូវធ្វើរួមគ្នាឲ្យបានលម្អិត។ សេចក្តីសម្រេចចិត្តរបស់អង្គសមាជដ៏មានសារៈសំខាន់នេះ នឹងក្លាយជាគោលនយោបាយសម្រាប់គណបក្សសង្គ្រោះជាតិ ក្នុងការដឹកនាំប្រទេសកម្ពុជាក្រោយពេលឈ្នះឆ្នោត ហើយវាជាគោលជំហរដ៏សំខាន់ដែលគណបក្សសង្គ្រោះជាតិត្រូវធ្វើ ការសម្រេចចិត្តថាតើត្រូវរៀបចំខ្លួនរបៀបណាសម្រាប់ដំណើរការបោះឆ្នោត នាថ្ងៃទី២៨ កក្កដា ឆ្នាំ២០១៣ ខាងមុខនេះ។ បើតាមសេចក្តីបញ្ជាក់របស់មន្ត្រីសំខាន់ៗមួយចំនួនបានឲ្យដឹង ថាគោលការណ៍និងវិធានផ្ទៃក្នុងសំ ខាន់ៗរបស់បក្សសង្គ្រោះជាតិនឹងត្រូវធ្វើការអនុម័តជាផ្លូវការនា វេលាយប់រំលងអធ្រាត្រ ថ្ងៃទី១៣ េមសា ឆ្នាំ២០១៣ គឺជាឱកាសដែលរាស្ត្រខ្មែរទូទៅបានរៀបចំខ្លួនចាកចេញពីឆ្នាំចាស់ ចូលឆ្នាំថ្មីដែលមានសិរីសួស្តី និងមហាជ័យជំនះ ធំធេង សម្រាប់ជាតិខ្មែរទាំងមូល ដែលកំពុងប្រវេប្រវាក្នុងការផ្លាស់ប្តូរមេដឹកនាំថ្មី។
លោកប្រធាន សម រង្ស៊ី បានយកចិត្តទុកដាក់ខ្លាំងបំផុតចំពោះអនាគតប្រទេសកម្ពុជា ក៏ដូចជាទុក្ខលំបាករបស់រាស្ត្រខ្មែរ ដែលកំពុងរស់ក្នុងភាពក្រីក្ររហេមរហាមរកទីបំផុតគ្នា ដោយសារតែការដឹកនាំមិនត្រឹមត្រូវផ្ទុយពីគោលការណ៍នៃ លទ្ធិប្រជាធិបតេយ្យជាពិសេសផ្ទុយពីកិច្ចព្រមព្រៀងសន្តិភាពក្រុងប៉ារីស ធ្វើឲ្យប្រទេសកម្ពុជាលង់ខ្លួនយ៉ាងជ្រៅក្នុងវិបត្តិរាប់ម៉ឺនជំពូក ដោះស្រាយ មិនចេញ ហើយប្រជាពលរដ្ឋខ្មែរទូទៅកំពុងអស់ជំនឿលើការដឹកនាំរបស់លោក ហ៊ុន សែន ដែលគ្មានអ្វី រីកចម្រើនទៅមុខ និងធ្វើឲ្យវិនាសហិនហោចធនធានធម្មជាតិ ជំពាក់ បំណុលបរទេសវ័ណ្ឌក ហើយជនអន្តោប្រវេសន៍យួនខុសច្បាប់ បានចូលមកតាំងទីលំនៅលើទឹកដីខ្មែរកាន់តែអនាធិបតេយ្យខ្លាំងឡើង។ លោកប្រធានសម រង្ស៊ី ធ្លាប់បានណែ នាំឲ្យរាស្ត្រខ្មែរទូទៅស្រឡាញ់ប្រទេសជាតិឲ្យដូចការស្រឡាញ់ ម្តាយបង្កើតរបស់ខ្លួន ហើយបើគ្រប់ៗ គ្នាហ៊ានទទួលស្គាល់ការពិតពីភាពវិនា សហិនហោច និងភាពប្រឈមនៃគ្រោះថ្នាក់របស់ប្រទេសកម្ពុជា យើងត្រូវតែហ៊ានធ្វើពលិកម្មដើម្បីការពារប្រទេសជាតិជួយស្រោចស្រង់ ប្រទេស ជាតិឲ្យរួចផុតពីគ្រោះថ្នាក់។

លោកប្រធាន សម រង្ស៊ី បានធ្វើការប្រៀបធៀបថាស្ថានភាពនៃប្រទេសកម្ពុជានាពេលបច្ចុប្បន្ននេះ គឺមិនខុសពីម្តាយរបស់យើងដែលកំពុងមានជំងឺធ្ងន់ធ្ងរនោះទេ ហើយយើងជាកូនៗត្រូវតែនាំគ្នាតបស្នងសងគុណចំពោះម្តាយបង្កើតរបស់យើង តាមរយៈការធ្វើពលិកម្មសព្វបែបយ៉ាងក្នុងការនាំម្តាយទៅពេទ្យ ទៅព្យាបាលជំងឺឲ្យអស់ពីលទ្ធភាព ដើម្បីឲ្យរួចផុតពីគ្រោះថ្នាក់ យើងមិន ត្រូវព្រងើយកន្តើយបណ្តែតបណ្តោយ ឲ្យមេរោគតាមយាយីបំផ្លាញម្តាយរបស់យើងបានទេ។ ស្រដៀងគ្នានេះ ផងដែរ នៅពេលជនរួមឈាមខ្មែរទូ ទៅបានមើលឃើញកាន់តែច្បាស់អំ ពីភាពប្រឈមនៃគ្រោះថ្នាក់របស់ប្រទេសជាតិ ដោយសារអំពើពុករលួយជំងឺសង្គមនិងភាពក្រីក្ររហេមរហាម ដោយសារការដឹកនាំមិនត្រឹមត្រូវ មានការរំលោភសិទ្ធិមនុស្សការវាយធ្វើបាបបំពារបំពានលើាស្ត្រក្រីក្រ ទន់ ខ្សោយយើងត្រូវតែនាំគ្នារើបម្រះជំរុញឲ្យមានការផ្លាស់ប្តូរដ៏ធំមួយ នៅក្នុងប្រទេសកម្ពុជា តាមរយៈការបោះឆ្នោតនាពេលខាងមុខនេះ។

មានការបញ្ជាក់ផងដែរថា សហគមន៍អន្តរជាតិកំពុងតាមដានយ៉ាងយកចិត្តទុកដាក់ពីដំណើរការ ប្រជាធិបតេយ្យនៅក្នុងប្រទេសកម្ពុជា ហើយនៅពេលគ្មានវត្តមានរបស់លោកប្រធាន សម រង្ស៊ី មកចូលរួមប្រកួតប្រជែងក្នុងការបោះឆ្នោតនាពេលខាងមុខនេះច្បាស់ណាស់ ដែលថាសហគមន៍អន្តរជាតិមិនទទួលស្គាល់លទ្ធផលបោះឆ្នោតតាមរបៀប ក្លែងបន្លំនោះទេ ដែលទីបំផុតរដ្ឋាភិបាលថ្មីកើតចេញពីការបោះឆ្នោតនេះ គ្មានតម្លៃគ្មានភាពស្របច្បាប់មិនអាចខ្ចីប្រាក់ពីបរទេសឬសុំជំនួយ បរទេសយកមកបម្រើឲ្យគម្រោងអភិវឌ្ឍន៍បានទេ។ លោកប្រធាន សម រង្ស៊ី បានបញ្ជាក់ថា លោកមិនវិលត្រឡប់មកកាន់ប្រទេសកម្ពុជាដើម្បីចូលរួមក្នុងការបោះឆ្នោត តាមរបៀបប្រថាប់ត្រាឲ្យក្រុមអ្នកកាន់អំណាចបច្ចុប្បន្ននេះមាន ភាពស្របច្បាប់នោះទេ ហើយបើទោះបីជាលោក មិនមកចូលរួមក្នុងការបោះឆ្នោតក៏អាចធ្វើឲ្យក្រុមអ្នកកាន់អំណាច ដួលរលំដូចគ្នានៅពេលដែលសហគមន៍អន្តរជាតិមិនទទួលស្គាល់ការបោះឆ្នោត ក្លែងបន្លំមិនផ្តល់ប្រាក់ ជំនួយនិងប្រាក់កម្ចី ធ្វើឲ្យរដ្ឋាភិបាល មិនស្របច្បាប់របស់លោកហ៊ុន សែន ដួលរលំដោយមិនបាច់ច្រាន ពោលគឺការបោះឆ្នោតណាមួយដែលគ្មានវត្តមានរបស់លោកប្រធាន សម រង្ស៊ី និងធ្វើឲ្យលទ្ធផលនៃការបោះឆ្នោតក្លាយជាឥតន័យ៕

2 comments:

Anonymous said...: Looked and analy Samram sy face, his face are not sharp, no strenght and do not have quality for leadership , he samram sy is a very good follwer, he event cant lead his own family, i bet his wife is more responsible than him, wsnt it true...? Samram sy will never ever be success in anythings, let me say it again samram sy is not a leader at all, it s ubsolutelg not, wasnt he....?..Mike; 7 April 2013 at 15:19
Anonymous said...: Post up your picture Mike, let see what kind of a face you have so i can have a clue of what kind of a person you are. Are you a leader, in your family, community, or party? How successful are you? Will you have enough courage to show your face?; 7 April 2013 at 16:02

A Change of Guard

Saturday 6 April 2013

2 comments: