A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 22 July 2011

Hor Namhong: I was not the chief of Boeung Trabek Re-Education Camp


By Khmerization
Source: RFA

Foreign Minister has denied accusations that he was the chief of Boeung Trabek Re-Education Camp where intellectuals and ex-diplomats were housed during the Khmer Rouge regime and some were later sent for executions.

Mr. Hor Namhong has maintained that he and his family was also prisoners, where many of his family members were also executed.

Mr. Hor Namhong's denial comes amid growing evidence that he was somewhat responsible for the deaths of hundreds of diplomats housed inn Boeung Trabek Prison. Among the evidence are survivors of the camp like Mrs. Nov Sarim, RFA reporter, who was also housed in the camp. Ong Thong Hoeung, who wrote a book about his experience in the camp and eyewitnesses' accounts as well as leaked U.S cables, all had pointed to his roles in the deaths of many people under him in the camp.

Read article in Khmer below:
លោក ហោ ណាំហុង​៖ ​លោក​មិន​មែន​ជា​អ្នក​គ្រប់គ្រង​គុក​បឹង​ត្របែក​ទេ
ដោយ តាំង សារ៉ាដា
2011-07-20

មន្ត្រី​ជាន់​ខ្ពស់​នៃ​ក្រសួង​ការ​បរទេស​កម្ពុជា បាន​ច្រាន​ចោល​ចំពោះ​ការ​ចោទ​ប្រកាន់​នានា ទាក់ទង​នឹង​ការ​ទទួល​ខុស​ត្រូវ ឬ​ជា​អ្នក​មាន​អំណាច​ក្នុង​គុក​បឹង​ត្របែក​នៅ​សម័យ​ខ្មែរ​ក្រហម។

RFA/Sok Serey

រដ្ឋមន្ត្រី​ក្រសួង​ការបរទេស និង​ជា​ឧបនាយករដ្ឋមន្ត្រី លោក ហោ ណាំហុង ផ្ដល់​បទ​សម្ភាសន៍​អ្នក​សារព័ត៌មាន​នា​អាកាស​យានដ្ឋាន​អន្តរជាតិ​ភ្នំពេញ នៅ​ថ្ងៃ​ទី​១៧ ខែ​ធ្នូ ឆ្នាំ​២០១០។

ការ​បដិសេធ​របស់​លោក ហោ ណាំហុង ធ្វើ​ឡើង​នៅ​បន្ទាប់​ពី​មាន​ការ​បញ្ជាក់​ពី​ឯកសារ សាក្សី និង​សេចក្ដីរាយការណ៍​របស់​មន្ត្រី​ស្ថានទូត​សហរដ្ឋ​អាមេរិក​ប្រចាំ​នៅ​កម្ពុជា ដែល​ថា មន្ត្រី​ការបរទេស​ខ្មែរ​មាន​ជាប់​ពាក់ព័ន្ធ​នឹង​ឧក្រិដ្ឋកម្ម​សម្លាប់​បញ្ញវន្ត​ខ្មែរ ឬ​ក្រុម​អ្នក​ការ​ទូត​ខ្មែរ​ពី​បរទេស ដែល​ជាប់​ឃុំ​ក្នុង​គុក​បឹង​ត្របែក កាល​ពី​ឆ្នាំ ១៩៧៥ ដល់​ឆ្នាំ ១៩៧៩ នៃ​របប​កម្ពុជា​ប្រជាធិបតេយ្យ។

រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង បាន​បដិសេធ​ថា លោក​មិន​មែន​ជា​អ្នក​គ្រប់គ្រង​គុក​បឹង​ត្របែក នៅ​សម័យ​ខ្មែរ​ក្រហម​នោះ​ទេ។ ផ្ទុយ​ទៅ​វិញ លោក​ថា លោក​ក៏​ជា​អ្នក​ទោស​ម្នាក់​ដែរ។

លោក ហោ ណាំហុង ថ្លែង​ប្រាប់​វិទ្យុ​អាស៊ី​សេរី តាម​ទូរស័ព្ទ​ពី​ប្រទេស​ហុល្លង់ កាល​ពី​ថ្ងៃ​អាទិត្យ​ថា ប្រធាន​គណបក្ស​ជំទាស់ លោក សម រង្ស៊ី កន្លង​មក ក៏​ធ្លាប់​បាន​និយាយ​បរិហារកេរ្តិ៍​រូប​លោក​អំពី​បញ្ហា​នេះ​ដែរ ហើយ​តុលាការ​របស់​ប្រទេស​បារាំង​នៅ​តែ​លើកលែង​ទោស​ដល់​លោក សម រង្ស៊ី ដោយសារ​ហេតុផល​នយោបាយ។

លោក ហោ ណាំហុង ៖ «តុលាការ​បារាំង​កាត់​ប៉ុន្មាន​ដង​វា​គ្រប់​ហើយ។ ខ្ញុំ​ជា​អ្នក​ជាប់​ទោស​របស់​ខ្មែរ ក្រហម។ ខ្មែរក្រហម​ដែល​ចាត់​តាំង​គណៈកម្មការ​ហ្នឹង គឺ​គណៈកម្មការ​អ្នកទោស។ អត់​មាន​សិទ្ធិ​អំណាច​អី​ទេ។ ខ្ញុំ​មិន​ដែល​ស្គាល់​ខ្មែរក្រហម​យ៉ាង​ម៉េច​ផង ហើយ​តុលាការ​បារាំង​កាត់​ប៉ុន្មាន​ដង លើកលែង​តុលាការ​កំពូល​កាត់​ផ្សេងៗ វា​មិន​ជាក់ ព្រោះ​ថា សម រង្ស៊ី បាន​បរិហារ​កេរ្ត៍​ខ្ញុំ​ពិត​មែន បែរ​ទៅ​ជា​លើកលែង​ទោស​ឲ្យ​គាត់ ដោយសារ​គាត់​ជា​អ្នក​នយោបាយ»។

លោក សម រង្ស៊ី ដែល​កំពុង​រស់​នៅ​និរទេស​ក្នុង​ប្រទេស​បារាំង​មាន​ប្រសាសន៍​ថា ការ​កាត់​សេចក្ដី​របស់​តុលាការ​កំពូល​បារាំង​ធ្វើ​ឡើង​ប្រកប​ដោយ​យុត្តិធម៌​តាម​ការ​ផ្អែក​លើ​ភស្តុតាង និង​សាក្សី​គ្រប់គ្រាន់។

លោក សម រង្ស៊ី ៖ «តុលាការ​បារាំង​ដែល​ខ្ញុំ​ឈ្នះ​ក្ដី​លោក ហោ ណាំហុង ហ្នឹង គឺ​ដោយសារ​តុលាការ បារាំង​ហ្នឹង​គេ​យល់​ឃើញ​ដោយ​មាន​ប្រភព​ជា​ច្រើន​ដូច​គ្នា ចោទ​ប្រកាន់​លោក ហោ ណាំហុង ពី​រឿង​ដូច​គ្នា ហើយ​អ្វី​ដែល​គេ​អះអាង​នោះ​គួរ​ឲ្យ​ជឿ​បាន។ បើ​គ្មាន ​ពិត គ្មាន​មូលដ្ឋាន គេ​មិន​អនុញ្ញាត​អ្វី​ឲ្យ​យើង​ចេះ​តែ​និយាយ​បាន​ទេ»។

កាល​ពី​ថ្ងៃ​ទី ២៧ ខែ​មេសា ឆ្នាំ ២០១១ តុលាការ​កំពូល​របស់​ប្រទេស​បារាំង បាន​ច្រាន​ចោល​សេចក្ដី​សម្រេច​របស់​សាលា​ដំបូង និង​សាលាឧទ្ធរណ៍ ដែល​បាន​សម្រេច​ឲ្យ​លោក សម រង្ស៊ី ចាញ់​ក្ដី​លោក ហោ ណាំហុង ពី​បទ​បរិហារកេរ្តិ៍​ទាក់ទិន​នឹង​ការ​ចោទ​ប្រកាន់​ថា លោក ហោ ណាំហុង ជា​អតីត​ប្រធាន​គុក​បឹង​ត្របែក ក្នុង​របប​ខ្មែរក្រហម។ ប៉ុន្តែ តុលាការ​ក្រុង​ភ្នំពេញ កាល​ពី​ដើម​ឆ្នាំ ២០១១ បាន​កាត់​ទោស​លោក សម រង្ស៊ី ក្នុង​ករណី​ដូច​គ្នា​ឲ្យ​ជាប់​ពន្ធនាគារ​រយៈ​ពេល​ពីរ​ឆ្នាំ។

គេហទំព័រ វីគីលីគ (Wikileaks) កាល​ពី​ថ្ងៃ​ទី ១១ ខែ​កក្កដា ឆ្នាំ ២០១១ បាន​ចេញ​ផ្សាយ​របាយការណ៍​របស់​លោក Alexander Arvizu អតីត​អនុប្រធាន​បេសកកម្ម​របស់​ស្ថានទូត​សហរដ្ឋ​អាមេរិក​នៅ​កម្ពុជា ដែល​កាល​ពី​ឆ្នាំ ២០០២ បាន​សរសេរ​ថា លោក ហោ ណាំហុង ជា​អតីត​ប្រធាន​គុក​បឹង ត្របែក​ក្នុង​របប​ខ្មែរ​ក្រហម។

ក្រសួង​ការ​បរទេស​កម្ពុជា កាល​ពី​ថ្ងៃ​ទី​១៤ ខែ​កក្កដា​ថ្មីៗ នេះ បាន​ចេញ​សេចក្ដី​ថ្លែងការណ៍​ថា លោក ហោ ណាំហុង រដ្ឋមន្ត្រី​ក្រសួង​ការបរទេស​កម្ពុជា​បាន​កោះហៅ លោក Jeff Daigle អនុប្រធាន​បេសកកម្ម និង​ជា​ភារធារី​នៃ​ស្ថានទូត​សហរដ្ឋ​អាមេរិក​ប្រចាំ​ក្នុង​ទីក្រុង​ភ្នំពេញ ដើម្បី​សំដែង​ការ​តវ៉ា​ជំទាស់​នឹង​របាយការណ៍​នោះ ហើយ​ទាមទារ​ឲ្យ​មាន​ការ​កែ​តម្រូវ។

សាក្សី​ដែល​បាន​ដឹង​អំពី​វត្តមាន​របស់​លោក ហោ ណាំហុង នៅ​គុក​បឹង​ត្របែក នៅ​កាល​ពី​សម័យ​ខ្មែរ​ក្រហម បាន​បញ្ជាក់​ថា ពួក​គេ​បាន​ដឹង និង​បាន​ឮ​ឈ្មោះ លោក ហោ ណាំហុង នៅ​ពេល​នោះ។

អតីត​បុគ្គលិក​របស់​វិទ្យុ​សំឡេង​សហរដ្ឋ​អាមេរិក លោកស្រី នៅ សារឹម ដែល​ជា​អតីត​ជន​រងគ្រោះ​ពី​គុក​បឹង​ត្របែក មាន​ប្រសាសន៍​ថា គុក​បឹង​ត្របែក​នៅ​ពេល​នោះ មាន​មណ្ឌល​បី​កន្លែង។ មណ្ឌល​មួយ​សម្រាប់​ដាក់​ក្រុម​និស្សិត​ដែល​វិល​ត្រឡប់​ពី​បរទេស ហើយ​មណ្ឌល​មួយ​ទៀត​សម្រាប់​ដាក់​ក្រុម​មន្ត្រី​ការ​ទូត​ខ្មែរ​ពី​បរទេស។

លោកស្រី ដែល​ពេល​នោះ​ជា​និស្សិត​បញ្ចប់​អាហារូបករណ៍​ផ្នែក​ភាសា​បារាំង​ពី​ប្រទេស​បារាំង បាន​ជាប់​ឃុំ​ក្នុង​មណ្ឌល​មួយ​ក្បែរ​មណ្ឌល​គ្រប់គ្រង​ដោយ​លោក ហោ ណាំហុង។

លោកស្រី​បន្ត​ថា ពេល​នោះ លោក ហោ ណាំហុង ជា​អ្នក​គ្រប់គ្រង​មណ្ឌល​ដែល​ឃុំឃាំង​ ក្រុម​មន្រ្តី​ការ​ទូត​ខ្មែរ​ពី​បរទេស​ក្នុង​មន្ទីរ​បឹង​ត្របែក ៖ «នៅ​បឹង​ត្របែក​ហ្នឹង​មាន​ខ្មែរក្រហម​ធំ​ខាង​លើ​គេ​ត្រួត​ហ្នឹង ឈ្មោះ សាវ៉ន ត្រួត​មន្ទីរ​ហ្នឹង​ណា៎ ចាស។ ហើយ​មន្ទីរ​ដែល​ពួក​គេ​ខ្ញុំ​នៅ​ហ្នឹង មិនមែន​ ហោ ណាំហុង ទេ។ លោក ហោ ណាំហុង គាត់​ជា​ប្រធាន​បឹង​ត្របែក​មួយ​ទៀត​ហ្នឹង ដើម្បី​ដើរ​ឲ្យ​ដល់​កន្លែង​របស់​គាត់ គឺ​ត្រូវ​ដើរ​ឆ្លង​កាត់​តាម​មន្ទីរ​ដែល​ខ្ញុំ​នៅ​ហ្នឹង​ចាស។ ដូច្នេះ គាត់​ជា​ប្រធាន​កន្លែង​ពួក​ទូត។ ពួក​ដែល​គេ​នៅ​ហ្នឹង​សុទ្ធ​តែ​ជា​ពួក​ទូត ហើយ​ពួក​ដែល​គេ​ចូល​ទៅ​ស្រុក​វិញ​ហ្នឹង ហើយ​លោក ហោ ណាំហុង ជា​ប្រធាន​នៅ​ពេល​ហ្នឹង។ ក្រោយ​លោក​ណាៗ ទាំង​អស់»។

លោកស្រី​មាន​ប្រសាសន៍​ថា សម្រាប់​មណ្ឌល​ដែល​អ្នកស្រី​ស្នាក់​នៅ លោកស្រី បាន​ឃើញ​មនុស្ស​ប្រមាណ​ជាង ១០ នាក់​ត្រូវ​បាន​គេ​ដឹក​ចេញ​យក​ទៅ​សម្លាប់ «មុន​គេ​យក​មនុស្ស​ចេញ​គេ​ជេរ​យើង​ខ្លាំង​ណាស់។ រួច​ទៅ​បាន​គេ​ដឹក​មនុស្ស​ចេញ។ ខ្ញុំ​ដឹង​តែ​កន្លែង​ខ្ញុំ។ កន្លែង​ខ្ញុំ​យ៉ាង​ហោច​ជាង​ដប់​នាក់​ដែរ​ចាស៎។ អ្នក​ខ្លះ​ទៅ​ទាំង​គ្រួសារ​តែ​ម្ដង មាន​កូន ប្រពន្ធ​ទៅ​ជាមួយ។ យ៉ាង​ហោច​ហើយ​ជាង​ដប់​នាក់​ចាស៎»។

ចំណែក​សាក្សី​ដែល​នៅ​រស់​ពី​មន្ទីរ​ឃុំឃាំង​បឹង​ត្របែក​មួយ​រូប​ទៀត គឺ​លោក សេង ចាន់អន មាន​ប្រសាសន៍​ថា លោក​ធ្លាប់​ឮ​ឈ្មោះ​លោក ហោ ណាំហុង នៅ​មន្ទីរ​បឹង​ត្របែក​នៅ​ពេល​នោះ។ ប៉ុន្តែ លោក​មិន​ជាប់​ក្នុង​មណ្ឌល ដែល​គ្រប់គ្រង​ដោយ​លោក ហោ ណាំហុង នោះ​ឡើយ។

លោក សេង ចាន់អន ៖ «នៅ​បឹង​ត្របែក​មាន​ជំរំ​បី។ ទី​មួយ ទី​ពីរ ទី​បី ហើយ​ខ្ញុំ​អត់​នៅ​ជាមួយ​គាត់​ទេ​បាទ។ ដូច្នេះ ខ្ញុំ​អត់​មាន​ស្គាល់​ការ​ដឹកនាំ​អី​របស់​គាត់​ទេ ពីព្រោះ​ខ្ញុំ​អត់​បាន​នៅ​ជាមួយ​គាត់ ហើយ​ក៏​អត់​បាន​នៅ​បឹង​ត្របែក​ហ្នឹង​ជាប់​លាប់​ដែរ។ ដូច្នេះ​គ្រាន់​តែ​ដឹង​តាម​មិត្តភ័ក្ដិ​អី​អ៊ីចឹង​ទេ ហើយ​ខ្ញុំ​អត់​ដឹង​ថា គាត់​ជា​ប្រធាន ឬ​ធ្វើ​សកម្មភាព​អី​ច្បាស់​លាស់​នោះ​ទេ»។

ផ្អែក​តាម​សៀវភៅ​ជាង ២០០ ទំព័រ បោះ​ពុម្ព​ក្នុង​ឆ្នាំ ២០០៣ ដែល​សរសេរ​ដោយ លោក អុង ថុង ហឿង អតីត​អ្នក​ទោស​នៅ​មន្ទីរ​ឃុំឃាំង​បឹង​ត្របែក កាល​ពី​សម័យ​ខ្មែរ​ក្រហម បាន​បញ្ជាក់​ថា គុក​បឹង​ត្របែក ត្រូវ​បាន​បែងចែក​ជា​មណ្ឌល​បី គឺ​មណ្ឌល ប-៣០ ប-៣១ និង ប-៣២ ដែល​មាន​លោក ហោ ណាំហុង ជា​ប្រធាន​ក្រុម​អ្នកទោស ហើយ​ភរិយា​របស់​គាត់​ជា​ប្រធាន​ក្រុម​អ្នក​ទោស​ស្រី។ ចំណែក​កូន​ប្រុស​របស់​គាត់​ធ្វើ​ជា​ប្រធាន​ក្រុម​កុមារ។

មណ្ឌល ប-៣២ នេះ ជា​មណ្ឌល​ដែល​ឃុំឃាំង​ក្រុម​បញ្ញវន្ត មន្ត្រី​រាជការ ឬ​អតីត​មន្ត្រី​ទូត​មួយ​ចំនួន ដែល​មាន​វ័យ​ចំណាស់​បន្តិច។

សៀវភៅ​របស់​លោក អុង ថុង ហឿង ក៏​បាន​សរសេរ​ផង​ដែរ​ថា ប្រធាន​ក្រុម​អ្នកទោស​បឹង​ត្របែក​មាន​បុព្វសិទ្ធិ និង​មាន​អំណាច​ក្នុង​ការ​រាយការណ៍​អំពី​អ្នកទោស​ទាំង​អស់​ទៅ​ឲ្យ​ថ្នាក់​លើ​របស់​ខ្មែរ​ក្រហម ដើម្បី​ធ្វើ​ការ​ពិចារណា​ក្នុង​ការ​យក​អ្នក​ទោស​ទៅ​សម្លាប់​ចោល​នៅ​វត្ត​ជើង​ឯក ឬ​យក​ទៅ​ធ្វើ​ទារុណកម្ម​នៅ​គុក​ទួល​ស្លែង​ជា​ដើម។

ជុំវិញ​ការ​ប្រកែក​របស់​លោក ហោ ណាំហុង ដែល​ថា មិន​មាន​ជាប់​ទាក់ទង​ក្នុង​ការ​គ្រប់គ្រង​មន្ទីរ​ឃុំឃាំង​បឹង​ត្របែក​កាល​ពី​សម័យ​ខ្មែរ​ក្រហម​នោះ លោក​បណ្ឌិត ឡៅ ម៉ុងហៃ ដែល​ជា​អ្នក​វិភាគ​ឯករាជ្យ និង​ជា​អ្នក​ឃ្លាំ​មើល​ស្ថានការណ៍​នៅ​កម្ពុជា មាន​ប្រសាសន៍​ថា លោក ហោ ណាំហុង ខ្លាច​មាន​ឈ្មោះ​ជាប់​ជំពាក់​នៃ​ការ​ដឹកនាំ​របស់​របប​ខ្មែរ​ក្រហម។

លោក​បណ្ឌិត ឡៅ ម៉ុងហៃ ៖ «ហើយ​គឺ​គាត់​ខំ​ការពារ គឺ​នៅ​ពេល​ដែល​មាន​ដូច​ថា បញ្ហា​អំពី​តុលាការ​ខ្មែរក្រហម អាច​ធ្វើ​ការ​ចោទ​ប្រកាន់​ឯ​ទៀតៗ នៅ​មាន​ភាព​ចម្រូងចម្រាស​នៅ​ឡើយ។ វា​មិនទាន់​ដាច់​ស្រេច​ពី​រឿង​តុលាការ​ខ្មែរ​ក្រហម​ហ្នឹង។ បើ​តាម​ខ្ញុំ​យល់​គាត់​ខ្លាច​ជាប់​ខ្លួន​គាត់​ដែរ»។

កាល​ពី​ខែ​មិថុនា ឆ្នាំ ២០១០ ឧបនាយក​រដ្ឋមន្ត្រី និង​ជា​រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង មាន​ប្រសាសន៍​ថា លោក​គ្រាន់​តែ​ជា​អ្នក​ទទួល​បន្ទុក​ចាត់ចែង​ម្ហូបអាហារ​ក្នុង​គុក​បឹង​ត្របែក​ប៉ុណ្ណោះ ហើយ​ថា អ្នក​ដែល​ទទួល​ខុសត្រូវ​ធំ​បំផុត​ឈ្មោះ សាវ៉ន។

លោក ហោ ណាំហុង ៖ «ខ្ញុំ​ជា​គណៈកម្មការ​អ្នក​ទោស ដោយសារ​អ្នកទោស​នៅ​បឹង​ត្របែក​នោះ ខ្មែរ​ក្រហម​បាន​ចាត់តាំង​គណៈកម្មការ ដើម្បី​រៀបចំ​ម្ហូប​អាហារ​ដោយ​ខ្លួន​ឯង រស់​បាន​យ៉ាង​ម៉េច​រស់​ទៅ។ ដូច្នេះ គ្រាន់តែ​ជា​អ្នក​ប្រតិបត្តិ​ដ៏​សាមញ្ញ ដែល​មាន​តួនាទី​ត្រឹមតែ​អនុវត្ត​ការងារ​កំណត់​ដោយ​ប្រធាន​មន្ទីរ​ឃុំឃាំង គឺ​អា សាវ៉ន ពេល​ខ្មែរក្រហម។ មេ​គេ​ឈ្មោះ អា សាវ៉ន»។

កាល​ពី​ដើម​ឆ្នាំ ១៩៩១ លោក ហោ ណាំហុង បាន​ប្ដឹង​សម្ដេច​មហា​វីរ​ក្សត្រ ព្រះ​បាទ នរោត្តម សីហនុ ទៅ​តុលាការ​ប្រទេស​បារាំង​ទាក់ទិន​នឹង​ការ​ចោទ​ប្រកាន់​រូប​លោក​ជាប់​ពាក់ព័ន្ធ​នឹង​ការ​គ្រប់គ្រង​គុក​បឹង​ត្របែក ហើយ​ពេល​នោះ តុលាការ​បារាំង​បាន​សម្រេច​ឲ្យ​លោក ហោ ណាំហុង ឈ្នះ​ក្ដី។

នៅ​ឆ្នាំ ២០០១ លោក ហោ ណាំហុង បាន​ប្ដឹង​លោក កៃ គឹមសុង អ្នក​យក​ព័ត៌មាន​កាសែត The Cambodia daily ពី​បទ​ផ្សាយ​ព័ត៌មាន​មិន​ពិត ដែល​បាន​ចុះ​ផ្សាយ​អំពី​តួនាទី និង​ការ​គ្រប់គ្រង​របស់​លោក ហោ ណាំហុង ក្នុង​គុក​បឹង​ត្របែក​នៅ​សម័យ​ខ្មែរក្រហម។

តុលាការ​កម្ពុជា​តាំង​ពី​សាលាដំបូង​រហូត​ដល់​តុលាការ​កំពូល បាន​កាត់​ឲ្យ​លោក ហោ ណាំហុង ឈ្នះ​ក្ដី ហើយ​តម្រូវ​ឲ្យ​លោក កៃ គឹមសុង សង​សំណង​ជំងឺ​ចិត្ត​ចំនួន ៣០ លាន​រៀល ស្មើ​នឹង ៧ ពាន់ ៥ រយ​ដុល្លារ​សហរដ្ឋ​អាមេរិក។

នៅ​ដើម​ឆ្នាំ ២០១០ លោក ហោ ណាំហុង បាន​ប្ដឹង​លោក សម រង្ស៊ី ទៅ​តុលាការ​ប្រទេស​បារាំង ពី​បទ​បរិហារកេរ្តិ៍​អំពី​សំណុំរឿង​ដដែល​នេះ និង​ទាមទារ​សំណង ចំនួន ១៤ ម៉ឺន​ដុល្លារ​សហរដ្ឋ​អាមេរិក។

នៅ​ក្នុង​កំឡុង​ឆ្នាំ ២០១០ ទាំង​សាលា​ដំបូង និង​សាលាឧទ្ធរណ៍​បារាំង បាន​កាត់​ឲ្យ​លោក ហោ ណាំហុង ឈ្នះ​ក្ដី។ ប៉ុន្តែ នៅ​ខែ​មេសា ឆ្នាំ ២០១១ តុលាការ​កំពូល​របស់​បារាំង បាន​បដិសេធ​ចោល​សេចក្ដី​សម្រេច​របស់​សាលាដំបូង និង​សាលាឧទ្ធរណ៍ ហើយ​សម្រេច​ឲ្យ​លោក សម រង្ស៊ី ឈ្នះ​ក្ដី​លោក ហោ ណាំហុង ចំពោះ​ការ​ចោទ​ប្រកាន់​នោះ៕

6 comments:

Anonymous said...

What evidences do you have? Is there any physical evidence of pictures, documents etc? Duch has many evidences. If FM Hor Namhong is not the person then who was in charge? There got to be some record there.

Anonymous said...

I was wondering if FM Hor Namhong knew the leader of that prison since he claimed that he was the victim. Does he has any name?

Anonymous said...

I agreed with the the comments above. If he was the victims then he should know who was in charge of that prison and what his life story. He should be able to describe his horrors when he was there. I am sure he remembered names and how he was tortured etc. He should speak out about his ordeal rather than continue to hide behind the court and suing people for defamation etc. He should described what it was like to be a prisoner and how he lost his family members etc I continue to think he is innocent until proven guilty. However, people will continue to talk if he keep silent or hiding behind the court. He should get on the media internal or external and tell his life story.

Anonymous said...

Quack like a duck He's a duck .He have nothing to proof just denied and no body can do anything to him.
Look at king Sihanouk go to hide in
China

Anonymous said...

he is boeung trabek chief

Anonymous said...

Hor Namhong has to set the record straight and come clean. If he said he is not the Boeung Trabek chief then why many victims said he was. Then he has to explain about accusations that he sent people to their deaths at Tuol Sleng also. Now there are more and more evidence stacked up against him, so it is very hard for him to deny it.