A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 9 August 2016

ទាហាន​វៀតណាម​សាងសង់​ប៉ុស្តិ៍​ថ្មី​ពីរ​នៅ​​តំបន់​ស​នៃ​ព្រំដែន​ខេត្ត​រតនគិរី



ទាហាន​វៀតណាម​សាងសង់​ប៉ុស្តិ៍​ថ្មី​ពីរ​នៅ​​តំបន់​ស​នៃ​ព្រំដែន​ខេត្ត​រតនគិរី
ដោយ រដ្ឋា វិសាល
2016-08-09  rfa


វៀតណាម​ជីក​ស្រះ រតនគិរី ៦២០
សហគមន៍​ជនជាតិ​ដើម​ចារ៉ាយ ភូមិ​ឡំ ឃុំ​ប៉ក់ញ៉ៃ​ស្រុក​អូរយ៉ាដាវ ខេត្ត​រតនគិរី នាំ​គ្នា​ទៅ​មើល​ស្រះ និង​រណ្ដៅ​ដាំ​កាហ្វេ​ដែល​ពលរដ្ឋ​វៀតណាម ជីក​នៅ​តំបន់​ព្រំដែន​ហាម​ឃាត់ កាល​ពី​ថ្ងៃ​ទី​១ ខែ​មិថុនា ឆ្នាំ​២០១៥។
 រូបថត​សហគមន៍



ទាហាន​វៀតណាម កំពុង​សង់​ប៉ុស្តិ៍​ថ្មី​ចំនួន​ពីរ​នៅ​ក្នុង​តំបន់​ស​នៃ​ព្រំដែន​ខេត្ត​រតនគិរី ជាប់​នឹង​ខេត្ត​យ៉ាឡាយ ប្រទេស​វៀតណាម។ ការ​សង់​ប៉ុស្តិ៍​ថ្មី​នេះ ធ្វើ​ឡើង​ជា​ឯកតោភាគី ខណៈ​ខ្សែ​បន្ទាត់​ព្រំដែន​នៅ​តំបន់​នោះ​មិន​ទាន់​ឯកភាព​គ្នា​ក្នុង​ការ​វាស់វែង​រវាង​រដ្ឋាភិបាល​កម្ពុជា និង​រដ្ឋាភិបាល​វៀតណាម នៅ​ឡើយ។

មន្ត្រី​អាជ្ញាធរ​ខេត្ត​រតនគិរី ឲ្យ​ដឹង​នៅ​ថ្ងៃ​ទី​៩ ខែ​សីហា ថា ទាហាន​វៀតណាម បាន​រំលោភ​ជា​ថ្មី​ទៀត​នៅ​លើ​តំបន់​ស​ហាមឃាត់​រវាង​ភាគី​ទាំង​ពីរ​មិន​ឲ្យ​សាងសង់ ឬ​ដាំដុះ​អ្វី​នៅ​លើ​បន្ទាត់​ព្រំដែន​ដែល​មិន​ទាន់​ឯកភាព​គ្នា​វាស់វែង។

អ្នកនាំពាក្យ និង​ជា​អភិបាល​រង​ខេត្ត​រតនគិរី លោក ញ៉ែម សំអឿន មាន​ប្រសាសន៍​ថា តម្រួត​ព្រំដែន​ខ្មែរ​​នៅ​តំបន់​ព្រំដែន​ស្រុក​អូរយ៉ាដាវ បាន​ឃើញ​ទាហាន​វៀតណាម កំពុង​ចាក់គ្រឹះ និង​សសរ​សាងសង់​​ប៉ុស្តិ៍​នៅ​តំបន់​ព្រំដែន​ហាមឃាត់​មួយ​កន្លែង ហេតុ​នេះ​តម្រួត​ខ្មែរ​បាន​ហាមឃាត់​ភ្លាមៗ និង​បាន​ជួប​​ពិភាក្សា​ជាមួយ​អាជ្ញាធរ​វៀតណាម ពី​បញ្ហា​នេះ។



លោក​ថា បាន​ធ្វើ​របាយការណ៍​ជូន​ក្រសួង​​មហាផ្ទៃ និង​គណៈកម្មាធិការ​ជាតិ​កិច្ចការ​ព្រំដែន​រួច​ហើយ ដើម្បី​ដោះស្រាយ​បញ្ហា​នេះ​តាម​មន្ត្រី​ការទូត​ប្រសិន​ភាគី​វៀតណាម នៅ​តែ​បំពាន​សាងសង់​ប៉ុស្តិ៍​បន្ត​ទៀត៖ «យើង​បាន​ប្រាប់​ហើយ​ឲ្យ​បញ្ឈប់។ មាន​ការ​ណែនាំ​ពី​ថ្នាក់​ខេត្ត​ទៅ ហើយ​កម្លាំង​បាន​ជួប​គ្នា​ជជែក​គ្នា​ពាក់ព័ន្ធ​ទ័ព​មិន​មាន​ថ្នាក់​ខេត្ត និង​ខេត្ត​ទេ។ ខាង​គេ​ណា​ទ័ព​មជ្ឈិម​ទ័ព​ជាតិ​របស់​គេ»។

មន្ត្រី​តម្រួត​ព្រំដែន​កម្ពុជា នៅ​តំបន់​កើត​ហេតុ​ឲ្យ​ដឹង​ថា កន្លែង​ដែល​ទាហាន​វៀតណាម កំពុង​សង់​ប៉ុស្តិ៍​ឋិត​នៅ​ចំណុច​អូរកុមារ ជិត​បង្គោល​ព្រំដែន​លេខ​៣០ ក្នុង​ឃុំ​ប៉ក់ញ៉ៃ ស្រុក​អូរយ៉ាដាវ។ ប៉ុស្តិ៍​នោះ​មាន​ទំហំ​ជាង ៣០០​ម៉ែត្រក្រឡា បាន​ជាក់​គ្រឹះ​និង​សសរ​រួច​ហើយ។

មន្ត្រី​ព្រំដែន​សុំ​មិន​ឲ្យ​​បញ្ចេញ​ឈ្មោះ​នោះ​បន្ត​ថា វៀតណាម​សង់​អគារ​ថ្មី​នេះ​ប្រមាណ​បី​សប្ដាហ៍​កន្លង​ទៅ​នេះ បើ​ទោះ​​បី​តម្រួត​ព្រំដែន​ជួប​ពិភាក្សា និង​ហាមឃាត់​ការ​សាងសង់​នេះ​ក៏ដោយ ក៏​ទាហាន​វៀតណាម នៅ​តែ​ធ្វើ​​មិន​ដឹង​ឮ។ មន្ត្រី​ព្រំដែន​នោះ​បដិសេធ​មិន​បាន​ដឹង​ពី​ការ​សង់​ប៉ុស្តិ៍​នៅ​ទីតាំង​ផ្សេង​ទៀត​ឡើយ។

ចំណែក​ប្រជាពលរដ្ឋ​ជនជាតិ​ដើម​ភាគ​តិច​ខ្មែរ​រស់​នៅ​ភូមិ​ឡំ ដែល​ឆ្លង​ចេញ​ចូល​ភូមិ​វៀតណាម ជាប់​ព្រំដែន​គ្នា​នោះ​ឲ្យ​ដឹង​ថា ទាហាន​វៀតណាម បាន​សង់​ប៉ុស្តិ៍​ថ្មី​មួយ​ផ្សេង​ទៀត​ក្នុង​តំបន់​ស ជាប់​អតីត​កន្លែង​វៀតណាម ជីក​ស្រះ​ចំនួន ៨ នៅ​ជិត​ប៉ុស្តិ៍​ការពារ​ព្រំដែន​ភូមិ​ឡំ ជាប់​នឹង​ភូមិ​សេសៅ ឃុំ​យ៉ាណាង ស្រុក​ដាក់កឺ ខេត្ត​យ៉ាឡាយ។

ប្រជាពលរដ្ឋ​ភូមិ​ឡំ លោក រចំ ខាំ បញ្ជាក់​ដែរ​ថា ប៉ុស្តិ៍​ថ្មី​នោះ​មាន​ទំហំ​ប្រមាណ ១០០​ម៉ែត្រក្រឡា។ បច្ចុប្បន្ន​ភាគី​វៀតណាម បាន​ចាក់​គ្រឹះ និង​ចាក់​សសរ​កម្ពស់ ៤​ម៉ែត្រ​កន្លះ។ លោក​កត់សំគាល់​ដែរ​ថា ស្រះ​ដែល​វៀតណាម ជីក​ក្នុង​តំបន់​ស​កាល​ពី​ឆ្នាំ​២០១៥ មួយ​ចំនួន​ត្រូវ​បាន​វៀតណាម ថែទាំ​និង​កំពុង​ប្រើប្រាស់​ដោយ​មិន​បាន​លុប​វិញ​តាម​ការ​សន្យា​របស់​ភាគី​វៀតណាម ទេ៖ «គាត់​ចេញ​ចូល​ទៅ​វៀតណាម គេ​ធ្វើ​មែន។ គេ​កំពុង​ចាក់គ្រឹះ​បេតុង​ផ្ទះ​ថ្ម មិន​យូរប៉ុន្មាន​ទេ​ប្រហែល​កន្លះ​ខែ​ទើប​ចាក់​សសរ មិន​ទាន់​ធ្វើ​ដំបូល​ទេ។ ប្រហែល​គេ​ធ្វើ​ផ្ទះ​យាម​ធ្វើ​មន្ទីរ​ប៉ូលិស មន្ទីរ​ទាហាន»។

ប្រធាន​គណៈកម្មការ​ចម្រុះ​កិច្ចការ​ព្រំដែន លោក វ៉ា គឹមហុង ទទួល​ស្គាល់​ថា ភាគី​វៀតណាម ពិត​ជា​បាន​សង់​ប៉ុស្តិ៍​ខុស​កិច្ច​ព្រមព្រៀង​រវាង​ប្រទេស​ទាំង​ពីរ ក៏ប៉ុន្តែ​លោក​ទទួល​ព័ត៌មាន​តែមួយ​ទីតាំង​ទេ។ លោក​ថា រាជរដ្ឋាភិបាល​បាន​ផ្ញើ​កំណត់​ជូន​ភាគី​វៀតណាម តាំង​ពី​២​សប្ដាហ៍​មុន ប៉ុន្តែ​មិន​ទាន់​ឃើញ​ការ​ឆ្លើយ​តប​ទៅ​ឡើយ៖ «ខ្ញុំ​ដឹង​តែមួយ​កន្លែង​ទេ អគារ​ដែល​គម្រោង​ធ្វើ​ធំ​ហ្នឹង​យើង​ផ្ញើ​កំណត់​ទូត​ជិត​ពីរ​អាទិត្យ​ហើយ ធ្វើ​ភ្លាម​យើង​ផ្ញើ​ភ្លាម​សុំ​ឲ្យ​បញ្ឈប់​ការ​ខុស​ឆ្គង ការ​រំលោភ​កិច្ច​ព្រមព្រៀង​គ្នា​ថ្ងៃ​១៧ មករា ឆ្នាំ​១៩៩៥»។

​មន្ត្រី​ឃ្លាំមើល​សិទ្ធិមនុស្ស​ខេត្ត​រតនគិរី លោក ឆាយ ធី អំពាវនាវ​សុំ​ឲ្យ​មន្ត្រី​គណៈកម្មការ​ចម្រុះ​កិច្ចការ​ព្រំដែន​ចុះ​ពិនិត្យ​បញ្ហា​រំលោភ​តំបន់​ស​នេះ​ឡើង​វិញ ដើម្បី​ប្រមូល​ទិន្នន័យ​ជាក់លាក់​ស្ដីពី​ការ​រំលោភ​បន្ថែម​របស់​ភាគី​វៀតណាម៕

1 comment:

Anonymous said...

Dear All,

The Vietnamese have expansionism in their blood.
After telling them to stop, and they refuse to, you MAKE them stop.
To live in peace with Vietnam, Cambodia MUST be as strong or stronger.
Yes, it can be done !

For now, let's prepare ourselves mentally and physically for the threshold of July 2018.