ដោយ ម៉ៅ សុធានី និង សេក បណ្ឌិត
2016-05-28 rfa
អគ្គលេខាធិការអង្គការសហប្រជាជាតិ លោក បាន គីមូន (Ban Ki-moon) ថ្លែងក្នុងសន្និសីទកាសែតនៃកិច្ចប្រជុំកំពូលមនុស្សធម៌ពិភពលោក កាលពី២៤ ខែឧសភា ឆ្នាំ២០១៦ នាទីក្រុងអ៊ីស្តាន់ប៊ុល ប្រទេសទួរគី (Turkey)។
AFP
អគ្គលេខាធិការអង្គការសហប្រជាជាតិ លោក បាន គីមូន (Ban Ki-moon) បានទទួលសំបុត្ររបស់គណបក្សប្រឆាំងរួចហើយ ដែលបានស្នើសុំឲ្យលោកអន្តរាគមន៍ និងកោះប្រជុំជាបន្ទាន់ រវាងប្រទេសជាហត្ថលេខីនៃសន្ធិសញ្ញាសន្តិភាពក្រុងប៉ារីស ដើម្បីបញ្ចៀសការរំលោភបំពានសិទ្ធិមនុស្សនៅកម្ពុជា។
ក្នុងនាទីវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃសុក្រ ទី២៧ ខែឧសភា លោក សុន ឆ័យ តំណាងរាស្ត្រគណបក្សប្រឆាំងបញ្ជាក់ថា ការិយាល័យអង្គការសហប្រជាជាតិទទួលបន្ទុកសិទ្ធិមនុស្ស កំពុងពិនិត្យមើលខ្លឹមសារ និងឆ្លើយតបមកបក្សប្រឆាំងវិញ នៅពេលខាងមុខ៖ «មានព័ត៌មានជាផ្លូវការខ្លះដែរ ដោយមានការបញ្ជាក់ថា លិខិតនោះបានបញ្ជូនទៅដល់លោកអគ្គលេខាធិការនៃអង្គការសហប្រជាជាតិហើយ។ ការងារពិនិត្យទៅលើវិធានការនេះ ត្រូវបានបញ្ជូនទៅការិយាល័យផ្នែកសិទ្ធិមនុស្សរបស់អង្គការសហប្រជាជាតិ...»។
កាលពីថ្ងៃទី៤ ខែឧសភា សមាជិកសភាគណបក្សសង្គ្រោះជាតិចំនួន ៥៥រូប បានចុះហត្ថលេខារួមគ្នាលើលិខិតមួយច្បាប់ជូនលោក បាន គីមូន ដោយបញ្ជាក់ថា ជិត ២៥ឆ្នាំមកហើយ តាំងពីមានកិច្ចព្រមព្រៀងសន្តិភាពក្រុងប៉ារីស នោះមក ប្រជាធិបតេយ្យនៅកម្ពុជា បានគាំងដំណើរស្តូកដោយហេតុថា ស្ថាប័នសំខាន់ទាំងបីរួមមានអង្គការនីតិប្បញ្ញត្តិ នីតិប្រតិបត្តិ និងតុលាការត្រូវបានគណបក្សកាន់អំណាចយកទៅប្រើប្រាស់ដើម្បីរំលាយគណបក្សប្រឆាំង។
លិខិតដដែលនោះ ក៏បានសរសេររៀបរាប់ជាច្រើនអំពីសកម្មភាពធ្វើទុក្ខបុកម្នេញដល់គណបក្សប្រឆាំងពីសំណាក់គណបក្សកាន់អំណាច ក្នុងនោះមានការកាត់ទោស និងចេញដីកាចាប់ខ្លួន លោក សម រង្ស៊ី ប្រធានគណបក្សសង្គ្រោះជាតិ ការចាប់ខ្លួនមន្ត្រីការពារសិទ្ធិមនុស្ស មន្ត្រី គ.ជ.ប មន្ត្រីសិទ្ធិមនុស្សនៃឧត្ដមស្នងការនៃអង្គការសហប្រជាជាតិទទួលបន្ទុកផ្នែកសិទ្ធិមនុស្សនៅកម្ពុជា ការចាប់ខ្លួនតំណាងរាស្ត្រ លោក អ៊ុំ សំអាន និងការធ្វើទុក្ខបុកម្នេញលោក កឹម សុខា ជាដើម។ លិខិតបន្តទៀតថា គណបក្សកាន់អំណាចបានប្រើប្រាស់តុលាការជាអាវុធដ៏ចម្បងមួយក្នុងការបំបិទមាត់ក្រុមដែលមានសំឡេងផ្ទុយពីគណបក្សកាន់អំណាច។ លិខិតនោះក៏បានលើកឡើងអំពីគណបក្សកាន់អំណាច ប្រើប្រាស់អង្គភាពប្រឆាំងអំពើពុករលួយ (ACU) ជាឧបករណ៍ដើម្បីធ្វើទុក្ខបុកម្នេញគណបក្សប្រឆាំង។
ក្រុមតំណាងរាស្ត្រគណបក្សប្រឆាំងអំពាវនាវឲ្យប្រទេសជាហត្ថលេខីនៃកិច្ចព្រមព្រៀងសន្តិភាពទីក្រុងប៉ារីស ទាំងអស់ដែលគោរពគោលការណ៍លទ្ធិប្រជាធិបតេយ្យ និងការគោរពសិទ្ធិមនុស្សជាមូលដ្ឋានគ្រឹះនោះ ត្រូវកោះប្រជុំជាបន្ទាន់ ដើម្បីពិនិត្យមើលឡើងវិញនូវចន្លោះប្រហោងអំពីការអនុវត្ត កិច្ចព្រមព្រៀងកិច្ចព្រមព្រៀងទីក្រុងប៉ារីស របស់រដ្ឋាភិបាលកម្ពុជា ដើម្បីធានាសុវត្ថិភាពសមាជិកគណបក្សប្រឆាំងទាំងអស់ និងជួយឲ្យស្ថានភាពនយោបាយវិលមករកស្ថិរភាពឡើងវិញសម្រាប់ការបោះឆ្នោតឆ្នាំ២០១៧ និងឆ្នាំ២០១៨។
គណបក្សប្រឆាំងបង្ហាញជំហររឹងមាំបើទោះបីមានការគំរាមកំហែង
គណបក្សសង្គ្រោះជាតិ បង្ហាញជំហររឹងមាំក្នុងការដឹកនាំបក្ស បើទោះបីជាត្រូវអវត្តមាន ប្រធាន និងអនុប្រធានបក្សក្នុងហេតុផលណាមួយក្តី។
មន្ត្រីជាន់ខ្ពស់គណបក្ស និងជាអ្នកតំណាងរាស្ត្រ លោក សុន ឆ័យ មានប្រសាសន៍នៅក្នុងនាទីវេទិកាអ្នកស្តាប់វិទ្យុអាស៊ីសេរី កាលពីយប់ថ្ងៃសុក្រ ថា គណបក្សសង្គ្រោះជាតិ នឹងមិនរុះរើរចនាសម្ព័ន្ធដឹកនាំដែលមានស្រាប់នោះឡើយ ទោះបីមានការគំរាមកំហែងធ្ងន់ធ្ងរ រហូតមានការចាប់ខ្លួនមេដឹកនាំកំពូលរបស់ខ្លួនដាក់គុកក៏ដោយ។
លោក សុន ឆ័យ បញ្ជាក់ថា សម័យនេះទៅហើយការគំរាមកំហែងដោយព្យាយាមកាត់ផ្តាច់ក្បាលម៉ាស៊ីនមេដឹកនាំបក្ស មិនអាចមានឥទ្ធិពលធ្វើឲ្យគណបក្សនយោបាយផ្លាស់ប្ដូរជំហររបស់ខ្លួនបាននោះទេ។
ក្រុមអ្នកច្បាប់មួយចំនួននៅតែចាត់ទុក ការប៉ុនប៉ងចាប់ខ្លួន លោក កឹម សុខា ប្រធានស្ដីទីគណបក្សសង្គ្រោះជាតិ ពីបទមិនចូលបំភ្លឺតុលាការក្នុងនាមជាសាក្សី ពាក់ព័ន្ធនឹងសំណុំរឿងសញ្ចរកម្មនោះ ថាជាការអនុវត្តផ្ទុយពីនីតិវិធី និងរំលោភលើអភ័យឯកសិទ្ធិរបស់អ្នកតំណាងរាស្ត្រ៕
5 comments:
After the 2018 election, one way or the other Dictator & Traitor Hun Sen's days are numbered.
Sad the UN is also bias in favor of Communist countries. China, Vietnam, Russia will be supportive of the dictator Hun Sen while western countries are playing lip service trying to appease Youn to counter rising China. Again we got caught in second cold war. Also Ban-Ki Moon is a South Korean and South Korean is close to the CPP party. I hate to sound discouraging but this is the reality. Plus, only sitting government can call for re-convenience the 1991 Paris Peace Agreement and Hun Sen knew it. The only thing CNRP can do is inform the UN of violations and the UN Representative already knew and had reported to UN in New York.
As far as election 2017, 2018 the CPP will not respect a free & peaceful elections. Even if we manage to win they will not hand over powers peacefully. CNRP must get helps from a very experience international legal experts to help when the time come. The world politics are very complicated we must be prepared to tackle these problems ahead of problems.
Ban Ki Moon is maybe a Vietnamese/Yuon decent and in favorite of Vietnamese and Vietnam, the nation of thieves and killers.
http://www.88p4.com/2015/11/04/ban-ki-moon-visited-the-vietnamese-people-are-misinformed-vietnamese-descent-panxing-132592.html
http://www.thanhniennews.com/society/is-un-chief-ban-kimoon-of-vietnamese-origin-53173.html
05:47
We should have faith in the 1991 Peace Accords.
The Paris Accords were arranged, agreed to and solemnly signed by 19 UN chartered members for a reason.
To solve Khmer problems, the Khmer people need to work synergically with the Signatories.
Accordingly, the leaders of the CNRP, in particular Mr. Sam Rainsy with his expertise and experience shall advise and solicit the help of the Signatories.
To dismiss or bypass the 1991 Paris Peace Accords is a detrimental mistake.
@29 May 2016 at 07:35
So are you condemning UN's chief or condemning Vietnamese race?
Post a Comment