A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday, 12 April 2016

លោក អ៊ុំ សំអាន ត្រូវ​បាន​បញ្ជូន​ទៅ​ឃុំ​ខ្លួន​បណ្ដោះអាសន្ន​នៅ​ក្រសួង​មហាផ្ទៃ


ដោយ ម៉ម មុនីរតន៍
2016-04-11 rfa

អ៊ុំ សំអាន ២០១៦ ៨៥៥
តំណាងរាស្ត្រ​គណបក្ស​សង្គ្រោះ​ជាតិ មណ្ឌល​សៀមរាប លោក អ៊ុំ សំអាន (អាវ​ស) ត្រូវ​បាន​សមត្ថកិច្ច​បញ្ជូន​ពី​ក្រសួង​មហាផ្ទៃ ទៅ​សាលា​ដំបូង​រាជធានី​ភ្នំពេញ នៅ​ថ្ងៃ​ទី​១១ ខែ​មេសា ឆ្នាំ​២០១៦។ Photo courtesy of VOD



តំណាង​រាស្ត្រ​គណបក្ស​សង្គ្រោះ​ជាតិ លោក អ៊ុំ សំអាន ត្រូវ​បាន​បញ្ជូន​ទៅ​ឃុំ​ខ្លួន​បន្ត​នៅ​ក្រសួង​មហាផ្ទៃ បន្ទាប់​ពី​សាលា​ដំបូង​រាជធានី​ភ្នំពេញ សាកសួរ​ប្រមាណ ៣​ម៉ោង​នៅ​ល្ងាច​ថ្ងៃ​ទី​១១ មេសា។

ប្រធាន​នាយកដ្ឋាន​ប្រឆាំង​ភេរវកម្ម នៃ​ក្រសួង​មហាផ្ទៃ អ៊ី សុខឃី បញ្ជាក់​ថា តំណាង​រាស្ត្រ​គណបក្ស​សង្គ្រោះ​ជាតិ លោក អ៊ុំ សំអាន នឹង​ត្រូវ​បញ្ជូន​ខ្លួន​ទៅ​សាកសួរ​បន្ថែម​ទៀត​នៅ​សាលា​ដំបូង​រាជធានី​ភ្នំពេញ ព្រឹក​ថ្ងៃ​ទី​១២ ខែ​មេសា។

មេធាវី​ការពារ​ក្តី លោក អ៊ុំ សំអាន គឺ​លោក ជូង ជូងី មិន​ធ្វើ​អត្ថាធិប្បាយ​ទេ ក្រោយ​តុលាការ​សាកសួរ លោក អ៊ុំ សំអាន។


ក្បួន​រថយន្ត​របស់​ក្រសួង​មហាផ្ទៃ​ដឹក​លោក អ៊ុំ សំអាន ចេញ​ពី​សាលាដំបូង​រាជធានី​ភ្នំពេញ នៅ​ល្ងាច​ថ្ងៃ​ទី​១១ ខែ​មេសា ឆ្នាំ​២០១៦។ RFA/Brach Chev




គណបក្ស​សង្គ្រោះ​ជាតិ នឹង​ធ្វើ​សន្និសីទ​សារព័ត៌មាន​នៅ​ទីស្នាក់ការ​កណ្ដាល​របស់​គណបក្ស​សង្គ្រោះ​ជាតិ ស្ថិត​ក្នុង​សង្កាត់​ចាក់អង្រែលើ ខណ្ឌ​មានជ័យ រាជធានី​ភ្នំពេញ នៅ​ម៉ោង ៩​ព្រឹក​ថ្ងៃ​ទី​១២ ខែ​មេសា ប្រតិកម្ម​តប​ការ​ចាប់​ខ្លួន លោក អ៊ុំ សំអាន។ គណបក្ស​សង្គ្រោះ​ជាតិ បាន​ចេញ​សេចក្ដី​ថ្លែងការណ៍​ថ្កោលទោស​យ៉ាង​ដាច់​អហង្ការ​ចំពោះ​ការ​ចាប់​ខ្លួន​តំណាង​រាស្ត្រ​របស់​ខ្លួន។

គណបក្ស​សង្គ្រោះ​ជាតិ ចាត់​ទុក​ការ​ចាប់​ខ្លួន លោក អ៊ុំ សំអាន ថា​ជា​ទង្វើ​រំលោភ​បំពាន​យ៉ាង​ធ្ងន់ធ្ងរ​លើ​អភ័យ​ឯកសិទ្ធិ​អ្នក​តំណាង​រាស្ត្រ ដែល​ត្រូវ​បាន​ធានា​ដោយ​ច្បាប់ និង​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា។

លោក អ៊ុំ សំអាន ត្រូវ​បាន​នាយកដ្ឋាន​ប្រឆាំង​ភេរវកម្ម​សាកសួរ​មួយ​ថ្ងៃ​ពេញ នៅ​ថ្ងៃ​ទី​១១ មេសា ក្រោយ​ពី​អាជ្ញាធរ​ចាប់​ខ្លួន​កាល​ពី​ម៉ោង​ជាង ១២ យប់​ថ្ងៃ​អាទិត្យ ទី​១០ ឈាន​ចូល​ថ្ងៃ​ទី​១១ មេសា បន្ទាប់​ពី​លោក​វិល​ត្រឡប់​ពី​សហរដ្ឋ​អាមេរិក មក​ដល់​ខេត្ត​សៀមរាប។

លោក អ៊ុំ សំអាន បាន​ចាក​ចេញ​ពី​កម្ពុជា ទៅ​ស្នាក់​នៅ​សហរដ្ឋ​អាមេរិក ប្រមាណ ៦​ខែ​មក​ហើយ ក្រោយ​ពី​លោក​បាន​រិះគន់​រឿង​ព្រំដែន​ខ្មែរ-វៀតណាម៕

No comments: