ដោយ យាង សុជាមេត្តា
2016-01-08 rfa
 |
| ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ថ្លែងសារនៅមុខស្ថានទូតវៀតណាម នៅថ្ងៃទី៨ ខែតុលា ឆ្នាំ២០១៤។
Photo: RFA
|
ព្រះសង្ឃ និងអង្គការសមាគមខ្មែរកម្ពុជាក្រោម ទាមទារឲ្យអាជ្ញាធរវៀតណាម នៅខេត្តព្រះត្រពាំង ស៊ើបអង្កេតចំពោះការដួលរលំប្រាសាទប្រទីបដូនអំ ដែលត្រូវបានខ្មែរក្រោមសាងសង់ដាក់នៅចំកណ្ដាលស្រះមួយឈ្មោះ ស្រះគូ ឋិតនៅទីរួមខេត្តព្រះត្រពាំង។ ខ្មែរក្រោមសង្ស័យថា ប្រាសាទប្រទីបនេះដួលរលំដោយសារតែជនជាតិវៀតណាម បាននាំយកម៉ូតូទឹកទៅជិះប្រណាំងគ្នាលេងនៅក្នុងស្រះនោះ។
ចាប់តាំងពីថ្ងៃទី៥ ខែមករា មក ព្រះសង្ឃ និងយុវជនខ្មែរក្រោមដែលប្រើប្រាស់បណ្ដាញសង្គមហ្វេសប៊ុក (Facebook) បាននាំគ្នាបង្ហោះ និងចែកចាយបន្តគ្នានូវរូបប្រាសាទឈើមួយដែលកំពុងដួលរលំនៅក្នុងស្រះគូ។ ប្រាសាទនោះ ខ្មែរក្រោមហៅថា ប្រាសាទប្រទីបដូនអំ។
ប្រាសាទប្រទីបដូនអំ គឺជាប្រាសាទធ្វើពីឈើមានរចនាបថខ្មែរ ត្រូវបានព្រះសង្ឃ និងពលរដ្ឋខ្មែរក្រោមនៅខេត្តព្រះត្រពាំង កសាងឡើងកាលពីឆ្នាំ២០១២ ដើម្បីរម្លឹកគុណដល់ជីដូនម្នាក់ឈ្មោះ អំ ដែលបានដឹកនាំស្ត្រីខ្មែរក្រោមជីកស្រះនេះតាំងពីយូរលង់មកហើយ។
ស្រះគូ ឬខ្មែរក្រោមហៅម្យ៉ាងទៀតថា គូស្រះស្រី ត្រូវបានខ្មែរក្រោមថែរក្សាតៗគ្នា ហើយសព្វថ្ងៃ បានក្លាយជារមណីយដ្ឋានមួយដ៏មានប្រជាប្រិយសម្រាប់ពលរដ្ឋខ្មែរ និងជនជាតិវៀតណាម នៅខេត្តព្រះត្រពាំង ទៅទស្សនាកម្សាន្ត និងសម្រាប់ខ្មែរក្រោមប្រារព្ធពិធីបុណ្យប្រពៃណីសំខាន់នៅទីនោះ ពិសេសគឺក្នុងពិធីបុណ្យអកអំបុក បណ្ដែតប្រទីប និងសំពះព្រះខែ។
ព្រះសង្ឃខ្មែរក្រោមដែលសុំមិនបញ្ចេញព្រះនាម ដោយខ្លាចអាជ្ញាធរវៀតណាម ធ្វើបាប មានថេរដីកាឲ្យដឹងថា នៅមួយ ឬពីរថ្ងៃមុនប្រាសាទប្រទីបដូនអំ ដួលរលំ គេឃើញមានជនជាតិវៀតណាម មួយក្រុម បានដឹកយកម៉ូតូទឹកប្រមាណពី ៥ ទៅ ៦គ្រឿង រួចទម្លាក់ចុះនាំគ្នាជិះប្រណាំងយ៉ាងអនាធិបតេយ្យចុះឡើងជុំវិញប្រាសាទ ដែលបង្កឲ្យមានជារលកបោកបក់លើតួប្រាសាទ។ ក្រោយការជិះម៉ូតូទឹករបស់ជនជាតិវៀតណាម ទាំងអស់នោះ ស្រាប់តែនៅថ្ងៃទី៥ មករា ប្រសាទប្រទីបដូនអំ ត្រូវបានគេឃើញដួលរលំផ្ងារជើងនៅក្នុងស្រះទឹកនោះតែម្តង។ ពេលនោះ ព្រះសង្ឃ និងពលរដ្ឋខ្មែរក្រោម ក៏ចាប់ផ្តើមនាំគ្នាថតបង្ហោះដាក់លើទំព័រហ្វេសប៊ុកជាហូរហែ។ អ្នកខ្លះយល់ថា ដោយសារតែមានជនជាតិវៀតណាម នាំគ្នាជិះម៉ូតូប្រណាំងក្បែរប្រាសាទនេះហើយ ទើបធ្វើឲ្យប្រាសាទរលំដួល ខណៈអ្នកផ្សេងទៀតសម្ដែងការមិនពេញចិត្តចំពោះអាជ្ញាធរវៀតណាម ដែលអនុញ្ញាតឲ្យជនជាតិវៀតណាម ទាំងនោះ នាំគ្នាជិះម៉ូតូទឹកយ៉ាងអនាធិបតេយ្យក្នុងស្រះទឹក ដែលជាកន្លែងថែរក្សារបស់ខ្មែរ។ ពួកគេថា តាំងពីដើមមក ពុំមាននរណាម្នាក់យកម៉ូតូទឹកមកជិះប្រណាំងគ្នាលេងដូចនេះឡើយ។
ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ដែលបានដឹងឮរឿងនេះដែរនោះ លោកមានប្រសាសន៍នៅថ្ងៃទី៨ មករា ថា ស្រះគូ ឬស្រះស្រី មិនមែនជាទីតាំងដែលជនជាតិវៀតណាម គួរយកម៉ូតូទឹកទៅជិះប្រណាំងគ្នាកម្សាន្តសប្បាយដូចក្នុងទន្លេ ឬព្រែកធំៗនោះទេ។ មួយវិញទៀត លោកថា ស្រះនោះ គឺជាទីរមណីយដ្ឋានដែលខ្មែរក្រោមប្រើប្រាស់សម្រាប់ប្រារព្ធពិធីបុណ្យប្រពៃណីផ្សេងៗ និងជាកន្លែងគោរពបូជាសម្រាប់បុព្វបុរសផងដែរ។
លោក ថាច់ សេដ្ឋា ដាក់ការសង្ស័យលើអាជ្ញាធរវៀតណាម ថាជាអ្នកនៅពីក្រោយការអនុញ្ញាតឲ្យជនជាតិវៀតណាម ចូលជិះម៉ូតូទឹកលេងយ៉ាងអនាធិបតេយ្យ ដែលធ្វើឲ្យប៉ះពាល់ដល់ប្រាសាទខ្មែរបែបនេះ៖ «ស្រះគូជារមណីយដ្ឋានប្រវត្តិសាស្ត្រមួយដ៏សំខាន់ ដែលខ្មែរក្រោមតែងតែទៅទស្សនកិច្ចកម្សាន្ត ហើយចាត់ទុកថាជាកន្លែងប្រវត្តិសាស្ត្រសំខាន់បំផុតរបស់ខ្មែរយើង ហើយកន្លែងនោះជាកន្លែងតូចចង្អៀត មិនស័ក្តិសមនឹងខាងអាជ្ញាធរ ឬអ្នកគ្រប់គ្រងកន្លែងនោះអនុញ្ញាតឲ្យធ្វើបែបនេះទេ ពីព្រោះថា ជាកន្លែងសម្រាប់គោរពបូជាផង កន្លែងសក្ការៈ និងប្រវត្តិសាស្ត្រផង»។
លោក ថាច់ សេដ្ឋា ឲ្យដឹងបន្តថា កាលពីពេលថ្មីៗកន្លងទៅនេះ អាជ្ញាធរវៀតណាម នៅខេត្តព្រះត្រពាំង បានវាយកម្ទេចខ្លោងទ្វារខ្មែរដែលចូលទៅកាន់ទីរួមខេត្តព្រះត្រពាំង។ លើសពីនេះ ពួកគេក៏បានវាយបំផ្លាញកីឡាដ្ឋាន និងខ្លោងទ្វាររចនាបថខ្មែរចូលទៅកាន់កីឡាដ្ឋាននេះផងដែរ។ លោកថា រហូតមកទល់ពេលនេះ ខ្លោងទ្វារ និងកីឡដ្ឋានទាំងនោះ មិនទាន់ត្រូវបានអាជ្ញាធរវៀតណាម សង់ឲ្យពលរដ្ឋខ្មែរវិញនៅឡើយទេ។
ចំណែកការដួលរលំប្រាសាទប្រទីបដូនអំ របស់ខ្មែរក្រោមនៅពេលនេះវិញ លោក ថាច់ សេដ្ឋា ទាមទារឲ្យអាជ្ញាធរវៀតណាម បកស្រាយឲ្យច្បាស់លាស់ដើម្បីឲ្យពលរដ្ឋខ្មែរក្រោមស្ងប់ចិត្ត៖ «វាជាកន្លែងរមណីយដ្ឋានប្រវត្តិសាស្ត្រសម្រាប់តែប្រជាពលរដ្ឋខ្មែរ ព្រះសង្ឃខ្មែរប្រារព្ធពិធីទំនៀមទម្លាប់ ដូចជាប្រណាំងទូកជាប្រវត្តិរូប បង្ហោះគោម អកអំបុកសំពះព្រះខែ លយប្រទីប។ រឿងអីបានអាជ្ញាធរអនុញ្ញាតឲ្យទៅលេងបែបនេះ ហាក់ដូចជាមានចេតនាគ្រោងទុកមួយហើយ អ៊ីចឹងបានយើងស្នើឲ្យមានការស៊ើបអង្កេតឲ្យបានច្បាស់លាស់នៅក្នុងរឿងនេះផង»។
ខេត្តព្រះត្រពាំង គឺជាខេត្តមួយក្នុងចំណោមខេត្ត-ក្រុង ២០ ផ្សេងទៀតនៅដែនដីកម្ពុជាក្រោម។ ខេត្តនេះមានប្រជាពលរដ្ឋខ្មែររស់នៅច្រើនជាងគេ និងមានវត្តរហូតដល់ជិត ១៥០ ក្នុងចំណោមវត្តទាំងអស់ប្រមាណ ៦០០ នៅដែនដីកម្ពុជាក្រោម ក្នុងនោះមានវត្តមួយឈ្មោះ វត្ត សម្បួររង្សី ក្នុងស្រុកកំពង់ស្ពាន ខេត្តព្រះត្រពាំង ត្រូវបានកសាងតាំងពីឆ្នាំ៣៧៣ នៃគ.ស ដែលគេចាត់ទុកថាជាវត្តមានវ័យចំណាស់ជាងគេបង្អស់នៅដែនដីកម្ពុជាក្រោម។
បើនិយាយពីស្រះគូ ឬគូស្រះស្រី វិញ ស្រះនេះត្រូវបានជនជាតិវៀតណាម ហៅថា អាវ បា អំ (Ao Bà Om) ដែលមានន័យជាភាសាខ្មែរថា ស្រះយាយអំ ឬស្រះដូនអំ។ ស្រះនេះមានទទឹងប្រមាណ ៣០០ម៉ែត្រ និងបណ្តោយ ៥០០ម៉ែត្រ ព័ទ្ធជុំវិញទៅដោយដើមឈើទាល និងដើមគគីរធំៗជាច្រើន។
ជុំវិញការដែលមានជនជាតិវៀតណាម យកម៉ូតូទឹកទៅជិះក្នុងស្រះគូនេះ វិទ្យុអាស៊ីសេរី មិនអាចស្វែងរកការទាក់ទងសុំការបំភ្លឺពីអាជ្ញាធរវៀតណាម ខេត្តព្រះត្រពាំង បាននៅឡើយទេ។
វិទ្យុអាស៊ីសេរី ក៏មិនអាចសុំប្រតិកម្មឆ្លើយតបពីប្រធានអភិបាលពុទ្ធសាសនាខ្មែរខេត្តព្រះត្រពាំង និងជាមេគណរងខេត្តព្រះត្រពាំង ព្រះតេជព្រះគុណ សុខ សាន បានទេ នៅថ្ងៃទី៨ មករា ដោយព្រះអង្គមានថេរដីកាថា ព្រះអង្គជាប់រវល់ប្រជុំ។
ព្រះសង្ឃខ្មែរក្រោមយល់ឃើញថា ការដែលមានជនជាតិវៀតណាម នាំគ្នាទៅជិះម៉ូតូទឹកប្រណាំងពេញស្រះដូចនេះ គឺបង្ហាញពីការប្រមាថរបស់ជនជាតិវៀតណាម ទាំងនោះទៅលើទីកន្លែងប្រវត្តិសាស្ត្រ ដែលខ្មែរក្រោមកំពុងខិតខំថែរក្សាទុកសម្រាប់ឲ្យកូនចៅខ្មែរជំនាន់ក្រោយ៕
5 comments:
don't worry YUON will not care about that and YUON will say it's very tooooo old that the way YUON kick on Khmer face and YUON going to built YUON temple on that site.
Even Bayon temple, etc...the evil Yuon have dug the dirt and poured chemical around the temples to make those old temples vanish in the future in an attempt to erase all Khmer culture so that Vietnam could convince the world that Cambodia is Vietnam's land a long time ago like the evil Vietnamese diplomat just recently stated that Kampuchea Krom was Vietnam's land a long time ago.
Dear compatriots,
The real Khmer people must understand that the CNRP has been waging a fight against a monster Yuon slave Hun Sen, who had sold his soul to serve Yuon in exchange for his power.
How many thousands of Khmer people did Hun Sen kill in order to gain trust from Vietnam and put him in power to replace Penn Sovann?
Some people have complained that the demonstrators after the 2013 election had reached 1 million people strong already, the CNRP should have seized that opportunity and toppled Hun Sen at that time.
The problem was that Khmer people do not know Hun Sen well. This monster Hun Sen will crush those demonstrator and the CNRP at that time, claiming that the CNRP wanted to topple him illegally because the CPP had won the election.
If Khmer people want to succeed, they must have perseverance, keep on fighting by helping the CNRP to win the next election . This time, 2018, the CPP cannot self proclaim itself as the winner like it did in 2013.
Creating a new party, like Mam Sonando, will only help the CPP to win the election legally and serve the evil Vietnam to swallow Cambodia.
I hope that Mam Sonando will be joining the CNRP before this next election to give Khmer people a good chance to remove Hun Sen and free Cambodia from Yuon's grip.
Please be patient, at least the CNRP had woken Khmer people up and the CNRP force is still in tact and resume its noble work to save Cambodia from the evil Vietnam.
Bun Thoeun
(not a CNRP's member)
You not a cnrp but you're Khmer and we must stand together. It's lucky to have some Khmer come out and stand up against a monster YUON and Lately you see Khmer claim about YUON soldier take Khmer land in Rattanak ke ry than YUON make Hun sen to divert that problem by order Hun sen create the traffic law and create a lot problem for cnrp member than the land that YUON take away look quiet down isn't it? YUON always play dirty to destroy Khmer who is against them and please to all Khmer please stays together If not than our country is not our no more.
ប៊ុន ធឿន អើយមិនបាច់ក្រកាសខ្ឡួនថាមិនមេនសង្រ្គោះជាតិទេ ព្រោះអ្នកនិយាយនោះបើនៅស្រុកខ្មែរក៍ ហ៊ុន សែន ក្រៀវអ្នកដែរមើលទៅ មិនស្រួលវាក្រៀវខ្លាំងជាងសង្រ្គោះជាតិផងក៍មិនដឹង៊។
Post a Comment