Tue, 8 September 2015
ប៉ិច សុធារី
 |
| សមាជ រុក្ខាសាស្ត្រ ពិភពលោកលើកទី ១៤ នៅប្រទេស អាហ្វ្រិក ខាងត្បូងចាប់ពីថ្ងៃទី ០៧ ដល់ថ្ងៃទី ១១ ខែ កញ្ញា ឆ្នាំ ២០១៥ នេះ។ |
ទីក្រុងឌូបាន៖ មន្ត្រីរដ្ឋាភិបាល
និងអ្នកធ្វើសេចក្តីសម្រេចចិត្តក្នុងវិស័យព្រៃឈើមកពីជុំវិញពិភព
លោក ក្នុងនោះមានមន្ត្រី និងសហគមន៍មកពីកម្ពុជាផងដែរ
បានជួបប្រជុំគ្នានៅក្នុង សមាជ រុក្ខាសាស្ត្រ ពិភពលោកលើកទី
១៤ នៅប្រទេស អាហ្វ្រិក ខាងត្បូង
ដើម្បីស្វែងរកយុទ្ធសាស្រ្តរួមក្នុងការវិនិយោគទៅលើវិស័យព្រៃឈើ
សហគមន៍ព្រៃឈើ
ដែលជាការចូលរួមចំណែកសំខាន់នៅក្នុងការអនុវត្តគោលដៅអភិវឌ្ឍដោយ
ចីរភាព។
កិច្ចប្រជុំនេះ ធ្វើឡើងរយៈពេល ៥ ថ្ងៃ ចាប់ពីថ្ងៃទី ០៧ ដល់ថ្ងៃទី ១១ ខែ កញ្ញា ឆ្នាំ ២០១៥ នេះ ដែលរៀបចំឡើងដោយប្រទេសអាហ្រិ្វកខាងត្បូង ដែលមានការគាំទ្រដោយអង្គការស្បៀង និងកសិកម្មនៃសហប្រជាជាតិ (FAO) និងមានអ្នកចូលរួមជាង ៤ ០០០ នាក់។
រដ្ឋមន្ត្រីក្រសួងកសិកម្ម ព្រៃឈើ និងនេសាទ នៃសាធារណរដ្ឋ អាហ្រ្វិកខាងត្បូង លោក Senzeni Zokwana បានថ្លែងថា ព្រៃឈើដើរតួនាទីយ៉ាងសំខាន់ក្នុងការចូលរួមលុបបំបាត់ភាពក្រីក្រ តាមរយៈការបង្កើតការងារ ជួយដល់កំណើនសេដ្ឋកិច្ចជាតិ និងផ្តល់នូវតម្រូវការជាមូលដ្ឋាន ជាពិសេសនៅក្នុងសហគមន៍ដែលរស់នៅក្បែរតំបន់ព្រៃឈើ ដោយពួកគេអាចទាញយកផលពីព្រៃឈើសម្រាប់ធ្វើផ្ទះ បង្គោលរបង ឱសថ និងបន្លែផ្លែឈើជាដើម។
ព្រៃឈើក៏មានតួនាទីសំខាន់ក្នុងការទប់ស្កាត់ និងកាត់បន្ថយការប្រែប្រួលអាកាសធាតុផងដែរ ដែលករណីនេះ លោកសង្ឃឹមថា ការពិភាក្សា និងចែករំលែកនូវបទពិសោធន៍ក្នុងសមាជនេះ នឹងអាចស្វែងរកយុទ្ធសាស្ត្រក្នុងការវិនិយោគទៅលើព្រៃឈើប្រកបដោយ និរន្តភាព។
លោកបានបញ្ជាក់ថា «ដើមឈើ គឺជាសរីរាង្គស្ងួតនៃផែនដី។ តាមរយៈដើមឈើ យើងអាចរីករាយជាមួយនឹងអនុផលព្រៃឈើ និងវត្ថុផ្សេងៗទៀតដែលធ្វើពីឈើ»។
លោក ឯម សុភាន់ ប្រធានសហគ្រិនឬស្សី និងជាអនុប្រធានសហគមន៍ព្រៃឈើជ្រោះស្វាយ ខេត្តកំពង់ស្ពឺ ដែលនឹងត្រូវធ្វើបទបង្ហាញនៅក្នុងសមាជរុក្ខាសាស្ត្រពិភពលោក បាននិយាយថា ប្រជាសហគមន៍មានទំនាក់ទំនងយ៉ាងជិតស្និតជាមួយព្រៃឈើ អាស្រ័យផលពីព្រៃឈើតាំងពីដូនតាមក ដូច្នេះប្របសិនបើបាត់បង់ព្រៃឈើគឺបាត់បង់ប្រភពធនធានសម្រាប់ ចិញ្ចឹមជីវិតរបស់អ្នកភូមិ។
លោកបានសង្កេតឃើញថា តាំងពីឆ្នាំ ១៩៩៣ មកដល់ឆ្នាំ ២០០៩ ធនធានព្រៃឈើនៅកម្ពុជាមានការថយចុះជាខ្លាំងដោយសារការប្រើ ប្រាស់ហួសកំណត់ និងពុំមានការចូលរួមគ្រប់គ្រងពីសហគមន៍។
លោកថា «យើងអាស្រ័យផលលើព្រៃឈើ ដូច្នេះយើងត្រូវតែចូលរួមថែរក្សាព្រៃឈើ»។
នាយកប្រតិបត្តិមជ្ឈមណ្ឌលសម្រាប់មនុស្ស និងព្រៃឈើប្រចាំតំបន់អាស៊ីប៉ាស៊ីហ្វិក (RECOFTC) លោកបណ្ឌិត Tint LwinThaungបានមានប្រសាសន៍ថា មានប្រជាជនក្រីក្រជាង ៣៥០ លាននាក់នៅលើពិភពលោករស់នៅអាស្រ័យទៅលើព្រៃឈើស្ទើរទាំងស្រុង ក្នុងការទ្រទ្រង់ជីវិតរស់នៅរបស់ពួកគេ និង ១,៦ ពាន់លាននាក់ទៀតពឹងផ្អែកតិច ឬច្រើនទៅលើព្រៃឈើ ដែលនេះជាចំនួនដ៏ច្រើនដែលមិនអាចមើលរំលងបាន។
លោកថា «ប្រជាជនមូលដ្ឋានដែលរស់នៅក្នុងតំបន់ព្រៃឈើ គឺជាអ្នកដែលដឹងច្បាស់ជាងគេបង្អស់ពីស្ថានភាពព្រៃឈើរបស់ពួកគេ និងពួកគេបានចូលរួមគ្រប់គ្រងមានប្រសិទ្ធិភាពរាប់ទសវត្សន៍មក ហើយ។ ប្រជាជនទាំងនោះ គឺជាកម្លាំងចលករដ៏សំខាន់ ដែលនាំទៅរកការមានផ្លាស់ប្តូរនៅក្នុងការគ្រប់គ្រងព្រៃឈើប្រកប ដោយនិរន្តភាព និងមានសមត្ថភាពគ្រប់គ្រាន់ ប្រសិនបើពួកគេត្រូវបានបញ្ចូលទៅក្នុងការសម្រេចចិត្តក្នុងវិស័យ ព្រៃឈើ»។
មន្ត្រីការិយាល័យសហគមន៍ព្រៃឈើនៃរដ្ឋបាលព្រៃឈើកម្ពុជា កញ្ញា រដ្ឋា ធ្លាប់បានលើកឡើងថា រាជរដ្ឋាភិបាល អង្គដៃគូរពាក់ព័ន្ធ និងវិស័យឯកជន បានសហការបង្កើតកម្មវិធីព្រៃឈើជាតិ ក្នុងការផ្តល់សិទ្ធិដល់សហគមន៍មូលដ្ឋានធ្វើវិនិយោគព្រៃឈើ។
កញ្ញាបានបញ្ជាក់ថា «រាជរដ្ឋាភិបាល បានយកចិត្តទុកដាក់លើបញ្ហានេះ ដោយគ្រោងឲ្យគាត់មានកម្មសិទ្ធិ និងបង្កើតសហគ្រាសខាតតូច និងជំរុញឲ្យវិនិយោគិនជួយវិនិយោគដើម្បីបង្កើនជីវិភាពសហគមន៍ បង្កើនសមត្ថភាព ដោះស្រាយទំនាស់ និងជួយឲ្យគាត់ចេះមានគំនិតកែច្នៃផលដែលបានមកពីព្រៃឈើ ហើយដាំឈើលក់ ដោយមានការចុះកិច្ចព្រមព្រៀងត្រឹមត្រូវជាមួយដៃគូរ»។
យោងតាមរបាយការណ៍របស់អង្គការ RECOFTC បានឲ្យដឹងថា គិតត្រឹមឆ្នាំ ២០១៣ កម្ពុជា មានសហគមន៍ព្រៃឈើសរុបចំនួន ៤៥៧ ដែលគ្របដណ្តប់លើផ្ទៃដីព្រៃ ៤០០.២០០ ហិកតា។ ការបង្កើតសហគមន៍ព្រៃឈើថ្មីមានកំណើនតិចតួចក្នុងរយៈពេលចុងក្រោយ នេះ។
ចំណែករបាយការណ៍ស្រាវជ្រាវរបស់ Forest Tredsចេញផ្សាយកាលពីចុងខែសីហា ឆ្នាំ២០១៥នេះ បានលើកឡើងថា ព្រៃឈើដ៏សំខាន់បំផុតរបស់កម្ពុជា ត្រូវបានគេកាប់ក្នុងអត្រាខ្ពស់ដ៏គ្រោះថ្នាក់ ខណៈដែលក្រុមហ៊ុនដីសម្បទានជាច្រើនដែលប្រតិបតិ្តការនៅកម្ពុជា បន្តប្រមូលផលឈើតាមមធ្យោបាយខុសច្បាប់នៅក្នុងតំបន់អភិរក្ស និងឧទ្យានជាតិ៕
កិច្ចប្រជុំនេះ ធ្វើឡើងរយៈពេល ៥ ថ្ងៃ ចាប់ពីថ្ងៃទី ០៧ ដល់ថ្ងៃទី ១១ ខែ កញ្ញា ឆ្នាំ ២០១៥ នេះ ដែលរៀបចំឡើងដោយប្រទេសអាហ្រិ្វកខាងត្បូង ដែលមានការគាំទ្រដោយអង្គការស្បៀង និងកសិកម្មនៃសហប្រជាជាតិ (FAO) និងមានអ្នកចូលរួមជាង ៤ ០០០ នាក់។
រដ្ឋមន្ត្រីក្រសួងកសិកម្ម ព្រៃឈើ និងនេសាទ នៃសាធារណរដ្ឋ អាហ្រ្វិកខាងត្បូង លោក Senzeni Zokwana បានថ្លែងថា ព្រៃឈើដើរតួនាទីយ៉ាងសំខាន់ក្នុងការចូលរួមលុបបំបាត់ភាពក្រីក្រ តាមរយៈការបង្កើតការងារ ជួយដល់កំណើនសេដ្ឋកិច្ចជាតិ និងផ្តល់នូវតម្រូវការជាមូលដ្ឋាន ជាពិសេសនៅក្នុងសហគមន៍ដែលរស់នៅក្បែរតំបន់ព្រៃឈើ ដោយពួកគេអាចទាញយកផលពីព្រៃឈើសម្រាប់ធ្វើផ្ទះ បង្គោលរបង ឱសថ និងបន្លែផ្លែឈើជាដើម។
ព្រៃឈើក៏មានតួនាទីសំខាន់ក្នុងការទប់ស្កាត់ និងកាត់បន្ថយការប្រែប្រួលអាកាសធាតុផងដែរ ដែលករណីនេះ លោកសង្ឃឹមថា ការពិភាក្សា និងចែករំលែកនូវបទពិសោធន៍ក្នុងសមាជនេះ នឹងអាចស្វែងរកយុទ្ធសាស្ត្រក្នុងការវិនិយោគទៅលើព្រៃឈើប្រកបដោយ និរន្តភាព។
លោកបានបញ្ជាក់ថា «ដើមឈើ គឺជាសរីរាង្គស្ងួតនៃផែនដី។ តាមរយៈដើមឈើ យើងអាចរីករាយជាមួយនឹងអនុផលព្រៃឈើ និងវត្ថុផ្សេងៗទៀតដែលធ្វើពីឈើ»។
លោក ឯម សុភាន់ ប្រធានសហគ្រិនឬស្សី និងជាអនុប្រធានសហគមន៍ព្រៃឈើជ្រោះស្វាយ ខេត្តកំពង់ស្ពឺ ដែលនឹងត្រូវធ្វើបទបង្ហាញនៅក្នុងសមាជរុក្ខាសាស្ត្រពិភពលោក បាននិយាយថា ប្រជាសហគមន៍មានទំនាក់ទំនងយ៉ាងជិតស្និតជាមួយព្រៃឈើ អាស្រ័យផលពីព្រៃឈើតាំងពីដូនតាមក ដូច្នេះប្របសិនបើបាត់បង់ព្រៃឈើគឺបាត់បង់ប្រភពធនធានសម្រាប់ ចិញ្ចឹមជីវិតរបស់អ្នកភូមិ។
លោកបានសង្កេតឃើញថា តាំងពីឆ្នាំ ១៩៩៣ មកដល់ឆ្នាំ ២០០៩ ធនធានព្រៃឈើនៅកម្ពុជាមានការថយចុះជាខ្លាំងដោយសារការប្រើ ប្រាស់ហួសកំណត់ និងពុំមានការចូលរួមគ្រប់គ្រងពីសហគមន៍។
លោកថា «យើងអាស្រ័យផលលើព្រៃឈើ ដូច្នេះយើងត្រូវតែចូលរួមថែរក្សាព្រៃឈើ»។
នាយកប្រតិបត្តិមជ្ឈមណ្ឌលសម្រាប់មនុស្ស និងព្រៃឈើប្រចាំតំបន់អាស៊ីប៉ាស៊ីហ្វិក (RECOFTC) លោកបណ្ឌិត Tint LwinThaungបានមានប្រសាសន៍ថា មានប្រជាជនក្រីក្រជាង ៣៥០ លាននាក់នៅលើពិភពលោករស់នៅអាស្រ័យទៅលើព្រៃឈើស្ទើរទាំងស្រុង ក្នុងការទ្រទ្រង់ជីវិតរស់នៅរបស់ពួកគេ និង ១,៦ ពាន់លាននាក់ទៀតពឹងផ្អែកតិច ឬច្រើនទៅលើព្រៃឈើ ដែលនេះជាចំនួនដ៏ច្រើនដែលមិនអាចមើលរំលងបាន។
លោកថា «ប្រជាជនមូលដ្ឋានដែលរស់នៅក្នុងតំបន់ព្រៃឈើ គឺជាអ្នកដែលដឹងច្បាស់ជាងគេបង្អស់ពីស្ថានភាពព្រៃឈើរបស់ពួកគេ និងពួកគេបានចូលរួមគ្រប់គ្រងមានប្រសិទ្ធិភាពរាប់ទសវត្សន៍មក ហើយ។ ប្រជាជនទាំងនោះ គឺជាកម្លាំងចលករដ៏សំខាន់ ដែលនាំទៅរកការមានផ្លាស់ប្តូរនៅក្នុងការគ្រប់គ្រងព្រៃឈើប្រកប ដោយនិរន្តភាព និងមានសមត្ថភាពគ្រប់គ្រាន់ ប្រសិនបើពួកគេត្រូវបានបញ្ចូលទៅក្នុងការសម្រេចចិត្តក្នុងវិស័យ ព្រៃឈើ»។
មន្ត្រីការិយាល័យសហគមន៍ព្រៃឈើនៃរដ្ឋបាលព្រៃឈើកម្ពុជា កញ្ញា រដ្ឋា ធ្លាប់បានលើកឡើងថា រាជរដ្ឋាភិបាល អង្គដៃគូរពាក់ព័ន្ធ និងវិស័យឯកជន បានសហការបង្កើតកម្មវិធីព្រៃឈើជាតិ ក្នុងការផ្តល់សិទ្ធិដល់សហគមន៍មូលដ្ឋានធ្វើវិនិយោគព្រៃឈើ។
កញ្ញាបានបញ្ជាក់ថា «រាជរដ្ឋាភិបាល បានយកចិត្តទុកដាក់លើបញ្ហានេះ ដោយគ្រោងឲ្យគាត់មានកម្មសិទ្ធិ និងបង្កើតសហគ្រាសខាតតូច និងជំរុញឲ្យវិនិយោគិនជួយវិនិយោគដើម្បីបង្កើនជីវិភាពសហគមន៍ បង្កើនសមត្ថភាព ដោះស្រាយទំនាស់ និងជួយឲ្យគាត់ចេះមានគំនិតកែច្នៃផលដែលបានមកពីព្រៃឈើ ហើយដាំឈើលក់ ដោយមានការចុះកិច្ចព្រមព្រៀងត្រឹមត្រូវជាមួយដៃគូរ»។
យោងតាមរបាយការណ៍របស់អង្គការ RECOFTC បានឲ្យដឹងថា គិតត្រឹមឆ្នាំ ២០១៣ កម្ពុជា មានសហគមន៍ព្រៃឈើសរុបចំនួន ៤៥៧ ដែលគ្របដណ្តប់លើផ្ទៃដីព្រៃ ៤០០.២០០ ហិកតា។ ការបង្កើតសហគមន៍ព្រៃឈើថ្មីមានកំណើនតិចតួចក្នុងរយៈពេលចុងក្រោយ នេះ។
ចំណែករបាយការណ៍ស្រាវជ្រាវរបស់ Forest Tredsចេញផ្សាយកាលពីចុងខែសីហា ឆ្នាំ២០១៥នេះ បានលើកឡើងថា ព្រៃឈើដ៏សំខាន់បំផុតរបស់កម្ពុជា ត្រូវបានគេកាប់ក្នុងអត្រាខ្ពស់ដ៏គ្រោះថ្នាក់ ខណៈដែលក្រុមហ៊ុនដីសម្បទានជាច្រើនដែលប្រតិបតិ្តការនៅកម្ពុជា បន្តប្រមូលផលឈើតាមមធ្យោបាយខុសច្បាប់នៅក្នុងតំបន់អភិរក្ស និងឧទ្យានជាតិ៕
No comments:
Post a Comment