ដោយ ចេង ម៉េងជូ
2015-09-11 rfa
2015-09-11 rfa
 |
| លិខិតមួយរបស់គណបក្សកាន់អំណាចចុះថ្ងៃទី៩ ខែកញ្ញា ឆ្នាំ២០១៥
បោះត្រាជាឯកសារសម្ងាត់ត្រូវបានអ្នកប្រើប្រាស់បណ្ដាញសង្គម
ហ្វេសប៊ុក (Facebook) ចែកចាយគ្នានៅថ្ងៃទី១១ ខែកញ្ញា ឆ្នាំ២០១៥។
Photo Facebook
|
(ចុច ដើម្បីអានលិខិតទាំងស្រុង) លិខិតមួយរបស់គណបក្សកាន់អំណាចចុះថ្ងៃទី៩ កញ្ញា ដែលមានបោះត្រាថា ជាឯកសារសម្ងាត់ ត្រូវបានអ្នកប្រើប្រាស់បណ្ដាញសង្គមហ្វេសប៊ុក (Facebook) ចែកចាយគ្នាជាបន្តបន្ទាប់។ ឯកសារនេះមានខ្លឹមសារណែនាំប្រធានគណៈកម្មាធិការបក្សរបស់ខ្លួនតាម រាជធានី-ខេត្ត ឲ្យបំផុសមជ្ឈដ្ឋាននានាធ្វើញត្តិគាំទ្រសេចក្ដីថ្លែងការណ៍របស់លោក នាយករដ្ឋមន្ត្រី ហ៊ុន សែន ស្ដីពីបញ្ហាផែនទី និងព្រំដែនថ្មីៗនេះ។ យ៉ាងណាក៏ដោយ អ្នកនាំពាក្យគណបក្សនេះបញ្ជាក់ថា នោះមិនមែនជាឯកសារសម្ងាត់ទេ។
លិខិតដែលមានបោះត្រា ថា «សម្ងាត់» នោះ ចុះហត្ថលេខាដោយ លោក សាយ ឈុំ អនុប្រធានគណបក្សប្រជាជនកម្ពុជា សរសេរទៅកាន់ប្រធានគណៈកម្មាធិការបក្សនៅគ្រប់រាជធានី-ខេត្ត។ ក្នុងលិខិតនោះ លោក សាយ ឈុំ ណែនាំឲ្យសមាជិកគណបក្សលោក «យកចិត្តទុកដាក់បំផុសបំផុលណែនាំឲ្យមជ្ឈដ្ឋាននានា ធ្វើញត្តិគាំទ្រសេចក្ដីថ្លែងការណ៍របស់ លោក ហ៊ុន សែន ស្ដីពីបញ្ហាផែនទី និងព្រំដែន ដែលធ្វើឡើងកាលពីថ្ងៃទី៨ កញ្ញា»។
ពាក្យ ថា «មជ្ឈដ្ឋាននានា» ដែល លោក សាយ ឈុំ សរសេរនៅក្នុងលិខិតនោះ គឺសំដៅដល់មន្ត្រីរាជការ កងកម្លាំងប្រដាប់អាវុធ គ្រូបង្រៀន ព្រះសង្ឃ អាជីវករ កម្មករ កសិករ សិស្សនិស្សិត អង្គការសង្គមស៊ីវិល។ល។
ក្នុង លិខិតដដែលនោះ លោក សាយ ឈុំ ក៏បានណែនាំដល់សមាជិកបក្សរបស់ខ្លួន ឲ្យផ្សព្វផ្សាយញត្តិដែលធ្វើរួចទាំងអស់នៅតាមប្រព័ន្ធផ្សព្វផ្សាយ នានាឲ្យបានទូលំទូលាយ និងត្រូវផ្ញើ ១ច្បាប់ទៅខុទ្ទកាល័យគណៈកម្មាធិការកណ្ដាលឲ្យបានឆាប់ ដើម្បីខុទ្ទកាល័យជួយផ្សព្វផ្សាយបន្តទៀត។
យ៉ាង ណាក៏ដោយ លិខិតដែលមានត្រាថា «សម្ងាត់» នោះ ត្រូវបានអ្នកនាំពាក្យគណបក្សប្រជាជនកម្ពុជា លោក សុខ ឥសាន បញ្ជាក់ប្រាប់វិទ្យុអាស៊ីសេរី នៅថ្ងៃទី១១ កញ្ញា ថា វាមិនមែនជាឯកសារសម្ងាត់នោះទេ។ លោកថា ប្រហែលជាអ្នកបោះត្រាមានការភ័ន្តច្រឡំ៖ «»។
អ្នក នាំពាក្យរូបនេះ ក៏បដិសេធដែរថា លិខិតនោះមិនមានចរិតបង្គាប់បញ្ជាមន្ត្រីក្រោមឱវាទ ឲ្យធ្វើញត្តិគាំទ្រប្រសាសន៍លោកនាយករដ្ឋមន្ត្រី ពីរឿងផែនទី និងព្រំដែនដ៏ចម្រូងចម្រាសនោះឡើយ៖ «»។
ការលេចចេញ នូវលិខិតដែលមានត្រា «សម្ងាត់» នេះ កើតឡើងបន្ទាប់ពីគេសង្កេតឃើញមានញត្តិគាំទ្រជាហូរហែ ធ្វើឡើងដោយស្ថាប័នរដ្ឋ និងបុគ្គលមន្ត្រីរាជការជាច្រើន។ ស្ថាប័នរដ្ឋ ដែលបានធ្វើញត្តិគាំទ្រទាំងនោះ មានដូចជា រដ្ឋសភា ទីស្ដីការគណៈរដ្ឋមន្ត្រី អាជ្ញាធរសវនកម្មជាតិ ក្រសួងការបរទេស និងក្រសួងស្ថាប័នរដ្ឋជាច្រើនទៀត។
ខ្លឹមសារញត្តិមួយ ចំនួន មិនត្រឹមតែគាំទ្រប្រសាសន៍លោកនាយករដ្ឋមន្ត្រី អំពីរឿងផែនទី និងព្រំដែននោះទេ ថែមទាំងថ្កោលទោសអ្នកដែលចោទប្រកាន់ថា រដ្ឋាភិបាលប្រើផែនទីក្លែងក្លាយទៀតផង។
ពាក់ព័ន្ធ ខ្លឹមសារលិខិតរបស់គណបក្សប្រជាជនកម្ពុជា ដែលជំរុញសមាជិកបក្សឲ្យធ្វើញត្តិនេះ នាយកប្រតិបត្តិអង្គការខុមហ្វ្រែល (COMFREL) លោក គល់ បញ្ញា ចាត់ទុកការចេញលិខិតរបស់គណបក្សនេះ ថាជារឿងធម្មតារបស់គណបក្សនយោបាយ ប៉ុន្តែលោកថា អ្វីដែលជាបញ្ហា គឺនៅត្រង់អ្នកដែលចេញញត្តិនោះ ធ្វើតាមបញ្ជារបស់គណបក្សនយោបាយ ទាំងពួកគេមានតួនាទីជាមន្ត្រីសាធារណៈដែលត្រូវមានជំហរ អព្យាក្រឹត្យ៖ «»។
លោក គល់ បញ្ញា កត់សម្គាល់ថា បញ្ហាសំខាន់នៃរឿងនេះ គឺភាពមិនដាច់ស្រឡះរវាងតួនាទីរដ្ឋ និងតួនាទីបក្ស៖ «»។
ការ ដែលមន្ត្រីរាជការ ឬកងកម្លាំងប្រដាប់អាវុធ ធ្វើញត្តិគាំទ្រប្រសាសន៍លោកនាយករដ្ឋមន្ត្រី ត្រូវបានគេកត់សម្គាល់ឃើញថា តែងតែកើតមានក្រោយពេល លោក ហ៊ុន សែន ធ្វើសេចក្ដីថ្លែងការណ៍ពាក់ព័ន្ធនឹងបញ្ហាចម្រូងចម្រាសផ្សេងៗជាមួយ គណបក្សប្រឆាំង ហើយញត្តិគាំទ្រទាំងនោះតែងត្រូវបានប្រព័ន្ធផ្សព្វផ្សាយ ដែលមាននិន្នាការទៅរកគណបក្សកាន់អំណាច យកទៅចុះផ្សាយជាហូរហែ៕
1 comment:
សូមបងប្អូនខ្មែរទាំងអស់ក្រោកឈរឡើងពេលនេះជាពេលចុងក្រោយសំរាប់ទឺកដីកម្ពុជា សូមកុំគាំទ្រមេបក្សបីសាច ពួកគេបានបង្កើតល្បែងគ្រប់ឆាក ឈុតនិមួយៗបានផ្លាស់ ប្ដូរគ្រប់កាលៈទេសៈ ពាក្សសំដីឃោសនាសុទ្ធតែជាល្បិចកលបោកប្រាសមតិសាធារណៈ ធ្វើអោយមជ្ឈដ្ឋានទួរទៅមានការភ័ណ្ឌច្រឡំ សូមរិសគិតបានល្អិតល្អន់ សូមកំុគាំទ្រមេ បក្សបីសាច ពួកនេះមានសាច់រឿងមិនខុសពីកយនចិនទេ ដូច្នេះទើបខ្ញំុប្រសិទ្ធនាមថា= បក្សប្រជាជន គឺជា បក្សបីសាច ពួកនេះគ្មានឆន្ទៈជាខ្មែរទេ សាហាវឃោឃៅ ព្រៀប បាននឺងសត្វ មិនកាពារជនជាតិឯង យកដីអោយយួន កាប់សម្លាប់ជនជាតិឯង បណ្ដោយអោយយួនជាន់ឈ្លី ទន្រ្ទានយកដីខ្មែរ លុះអ្នកស្ហេហាជាតិឬបក្សប្រឆាំងតវានាំគ្នាទៅពិនិត្យ ជាក់ស្ដែងដល់ទីកន្លែងព្រំដែន ពួកគេក៏ថានក្សប្រឆាំងយកកេងចំណេញផ្នែកនយោបាយ ហើយពួកបីសាចនេះគ្មាននរណាម្នាក់អើពើរនៅពេលយួនទន្រ្ទានជិតដល់ភ្នំពេញ លុះ កូនខ្មែរឈឺឆ្អាលសំរាប់ជាតិ គេក៏តាំងចោទថា ពួកបក្សប្រឆាំងបង្ករសន្តិសុខនយោបាយធ្វើអោយអសថេរភាពក្នុងសង្គម បែរជារកចាប់ចងតាមវិធីច្បាប់ ពួកបុ៉លពតមិនមានច្បាប់ ចង់សម្លាប់ក៏បាញ់ភ្លាម តែពួកនេះគេតាក់តែងច្បាប់យា៉ងល្អសំរាប់អនុវត្តអោយស្របតាមអន្តរៈជាតិ បើចង់ធ្វើបាបអ្នកណាម្នាក់ប្រើច្បាប់ងាយស្រួលកំុអោយអន្តរៈជាតិចោទប្រកាន់ គ្រាន់តែអ្នកដែលត្រូវទៅជាខុស មិនមែនចោរថាចោរ វិធីនេះជាល្បិចសំលាប់រង្គាលតាមផ្លូវច្បាប់ ដូច្នេះសូមបងប្អូនប្រយ័ត្ន បើមិនរើគឺសូន្យក្នុងពេលឆាប់ៗនេះ ។
Post a Comment