ដោយ វណ្ណ វិចារ 2014-02-15
មន្ត្រីជាន់ខ្ពស់គណបក្សសង្គ្រោះជាតិ និងជាអ្នកនាំពាក្យ លោក យឹម សុវណ្ណ (ឆ្វេង) និងមន្ត្រីជាន់ខ្ពស់គណបក្សប្រជាជនកម្ពុជា លោក ព្រំ សុខា ធ្វើសន្និសីទកាសែតក្រោយបញ្ចប់កិច្ចចរចានៅរដ្ឋសភា នៅថ្ងៃទី៥ វិច្ឆិកា ឆ្នាំ២០១៣។
RFA/Tin Zakariya
គណបក្សប្រជាជនកម្ពុជា កំណត់យកថ្ងៃទី១៨ ខែកុម្ភៈ ជាថ្ងៃចរចាជាថ្មី បន្ទាប់ពីបង្ក្រាបបាតុកម្មរួចមក។ ផែនការនេះធ្វើឡើង បន្ទាប់ពីគណបក្សសង្គ្រោះជាតិ បានចេញសេចក្តីថ្លែងការណ៍ ស្នើឲ្យមានការចរចារវាងខ្មែរ និងខ្មែរ ដោយស្នើឲ្យមានកិច្ចចរចានយោបាយឡើងវិញ កាលពីថ្ងៃទី១៤ ខែកុម្ភៈ។
មន្ត្រីជាន់ខ្ពស់គណបក្សកាន់អំណាច អះអាងថា គណបក្សប្រជាជនកម្ពុជា មានបំណងពិតប្រាកដក្នុងការកែទម្រង់ការបោះឆ្នោត ដើម្បីឲ្យគ្រប់ភាគីទទួលបាន និងស្វែងរកដំណោះស្រាយនយោបាយ។
ការចរចានេះនឹងធ្វើឡើងនៅថ្ងៃអង្គារ ទី១៨ ខែកុម្ភៈ វេលាម៉ោង ៩ព្រឹក នៅព្រឹទ្ធសភា ហើយគណបក្សកាន់អំណាចបានត្រៀមមន្ត្រីជាន់ខ្ពស់ចំនួន ៣រូប ដើម្បីបើកការចរចា។ មន្ត្រីទាំងបីនោះរួមមាន រដ្ឋលេខាធិការក្រសួងមហាផ្ទៃ លោក ព្រំ សុខា រដ្ឋលេខាធិការក្រសួងយុត្តិធម៌ លោក កើត រិទ្ធិ និងរដ្ឋលេខាធិការក្រសួងមហាផ្ទៃ លោក សក់ សេដ្ឋា។
ប្រធានក្រុមការងារចរចាផ្នែកបច្ចេកទេស និងជាសមាជិកគណៈកម្មាធិការកណ្ដាលគណបក្សប្រជាជនកម្ពុជា លោក ព្រំ សុខា ឲ្យដឹងថា ការកំណត់ថ្ងៃចរចាជាថ្មីនេះ ជាចេតនាពិតប្រាកដរបស់គណបក្សកាន់អំណាច ក្នុងការស្វែងរកដំណោះស្រាយបញ្ហានយោបាយ។ លោកបន្តថា បញ្ហាសំខាន់បំផុតដើម្បីបុព្វហេតុជាតិ គឺជាការអង្គុយចុះពិភាក្សាចរចាគ្នាដោយសន្តិវិធី។ ហើយការចរចារវាងក្រុមការងារបច្ចេកទេសនេះ ជាការទម្លាយផ្លូវមួយទៀត ដើម្បីឲ្យមេដឹកនាំកំពូលៗទាំងពីរបក្ស រួមគ្នាស្វែងរកដំណោះស្រាយបញ្ហាធំៗរបស់ជាតិតែម្តង។
1 comment:
I just don't believe hun sen and his followers they don't want to be a freedom and become wanting to be a slave yuon why ? I need an answering from any one from cpp , and in your mom and dad or ancestors of cpp always want to be slave yuon,all these kind people it might be concern from their relative in the past 100 years ago like hun sen,chea sim ,heng samrin and all cpp. all these people is related family from the past,they never want to be dependable by their own selfs .
Post a Comment