ធម្មយាត្រារបស់ក្រុមសង្គមស៊ីវិល ព្រះសង្ឃ ហែក្បួនចេញពីខេត្តកំពង់ធំ កាលពីព្រឹកថ្ងៃទី១ ធ្នូ ឆ្នាំ២០១៣។
RFA/Saut Sokpratha
ដោយ វោហារ ជាតិ
2013-12-04
2013-12-04
សេចក្ដីប្រកាសព័ត៌មានរបស់គណបក្សសង្គ្រោះជាតិ នៅថ្ងៃទី៤ ធ្នូ បង្ហាញថា ការដង្ហែក្បួននេះនឹងធ្វើដំណើរឆ្ពោះទៅកាន់មន្ទីររដ្ឋសភា ដោយចាប់ផ្ដើមចេញដំណើរពីចំណុច ៣កន្លែងផ្សេងគ្នា ក្នុងរាជធានីភ្នំពេញ គឺខ្សែទី១ ចេញដំណើរពីស្នាក់ការកណ្ដាលគណបក្សសង្គ្រោះជាតិ ពីផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ។ ខ្សែទី២ ចេញដំណើរពីសួនច្បារខាងជើងស្ពានអាកាស មន្ទីរពេទ្យព្រះសង្ឃ ផ្លូវសហព័ន្ធរុស្ស៊ី សង្កាត់ទឹកល្អក់១ ខណ្ឌទួលគោក និងខ្សែទី៣ ចេញដំណើរពីសួនច្បារទល់មុខឃ្លាំងសាំងសូគីម៉ិច (Sokimex) ផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ។
ការដង្ហែក្បួននេះ គឺដើម្បីទាមទារឲ្យមានការគោរពសិទ្ធិមនុស្សពិតប្រាកដនៅកម្ពុជា និងដើម្បីអបអរសាទរទិវាសិទ្ធិមនុស្សអន្តរជាតិ។ គណបក្សសង្គ្រោះជាតិ បានប្រកាសថា ខ្លួននឹងប្រារព្ធទិវានេះនៅខេត្តសៀមរាប នៅថ្ងៃទី១០ ធ្នូ នេះដែរ៕
No comments:
Post a Comment