ដោយ៖ ពេជ្រ សុធារី | ថ្ងៃសៅរ៍ ទី16 ខែវិច្ឆិកា ឆ្នាំ2013 | 2 ម៉ោង មុន
ថ្នាក់ដឹកនាំគណបក្សសង្គ្រោះជាតិ (រូបថតពីហ្វេសប៊ុកលោកសម រង្ស៊ី)
ប្រធានគណបក្សសង្គ្រោះជាតិ នៅថ្ងៃទី១៦ខែវិច្ឆិកានេះ ប្រកាសថានឹងមានមហាបាតុកម្មជាថ្មីទៀត នៅពេលឆាប់ៗនេះ ដើម្បីទាមទារឲ្យមានការផ្លាស់ប្តូរ ខណៈកម្ពុជាកំពុងជាប់គាំងបញ្ហានយោបាយ។
លោក សម រង្ស៊ី ប្រធានគណបក្សសង្គ្រោះជាតិ បានថ្លែងបែបនេះ នៅពេលដែលរូបលោក និងលោក កឹម សុខា អនុប្រធាន ចុះសួរសុខទុក្ខព្រះសង្ឃ ដែលរងការឃាត់ព្រះកាយរយៈពេលខ្លី នៅក្នុងព្រឹត្តការណ៍ប៉ះទង្គិចគ្នារវាងកម្មកររោងចក្រអេសអិល និងកម្លាំងសមត្ថកិច្ច កាលពីថ្ងៃ១២ខែវិច្ឆិកា។
លោក សម រង្ស៊ី មានប្រសាសន៍ថា គណបក្សសង្គ្រោះជាតិ នឹងធ្វើមហាបាតុកម្មជាថ្មីទៀតនៅថ្ងៃខាងមុខ ដែលមានទ្រង់ទ្រាយធំជាងមុន ដើម្បីឲ្យមានការផ្លាស់ប្តូរ។ លោកក៏បានអំពាវនាវដល់ប្រជាពលរដ្ឋទាំងអស់ ត្រៀមខ្លួនចូលរួមក្នុងមហាបាតុកម្មនេះផងដែរ។ តែទោះយ៉ាងណា លោកសម រង្ស៊ី មិនបានប្រកាសពីពេលវេលាជាក់លាក់នៃការគ្រោងធ្វើមហាបាតុកម្មនោះទេ។
គណបក្សសង្គ្រោះជាតិ បានដឹកនាំធ្វើមហាបាតុកម្មបីលើកមកហើយ ដើម្បីទាមទាររកយុត្តិធម៌ និងការពិតជូនម្ចាស់ឆ្នោត ប៉ុន្តែគណបក្សកាន់អំណាចនៅតែច្រានចោលការទាមទារនេះ។
ក្នុងការចរចានយោបាយជាមួយគណបក្សកាន់អំណាច គណបក្សសង្គ្រោះជាតិលើករបៀបវារៈ៣ចំណុច ទី១ គឺការទាមទារឲ្យមានការបង្កើតគណៈកម្មការឯករាជ្យស៊ើបអង្កេតពីភាពមិនប្រក្រតីនៃការបោះឆ្នោត ទី២ ការស្នើឲ្យថ្នាក់ដឹកនាំទាំង៩រូបនៃគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប លាលែងតំណែង។ ចំណុចទី៣ គឺការទាមទារឲ្យមានកំណែទម្រង់ប្រព័ន្ធបោះឆ្នោត ផ្អែកតាមអនុសាសន៍របស់អ្នករាយការណ៍ពិសេសអង្គការសហប្រជាជាតិស្តីពីសិទ្ធិមនុស្សនៅកម្ពុជា អង្គការខុមហ្វ្រែល និងវិទ្យាស្ថានជាតិប្រជាធិបតេយ្យសម្រាប់កិច្ចការអន្តរជាតិ ហៅកាត់ NDI។
កន្លងមក មេដឹកនាំគណបក្សសង្គ្រោះជាតិ(CNRP) ក៏បានដាក់ឱសានវាទឲ្យគណបក្សប្រជាជនកម្ពុជា(CPP) នៅត្រឹមចុងឆ្នាំនេះ ដើម្បីចរចាដោះស្រាយវិបត្តិនយោបាយដែលកើតមានក្រោយការបោះឆ្នោតជ្រើសតាំងតំណាងរាស្ត្រ នីតិកាលទី៥ កាលពីថ្ងៃទី២៨ ខែកក្កដា។ គណបក្សសង្គ្រោះជាតិព្រមានថា ខ្លួននឹងឈប់ចរចាជាមួយគណបក្សកាន់អំណាច ប្រសិនបើគណបក្សនេះមិនទទួលយកលក្ខខណ្ឌចរចារបស់ខ្លួន៕
សរសេរមកកាន់កញ្ញា ពេជ្រ សុធារី តាមរយៈ sotheary@vodhotnews.com
2 comments:
Oh!This is the way how do they force the opponent to resume the talk, and after that they going to raise index finger in the air to see where the wind blows. Over three months have pasted and the CNRP are in three steps behind.
Kem sokha your stubborn will destroy yourself why people not stay long with cheater time pass by people realized it and they kick the ash out. Keep dreaming kha.mike
Post a Comment