ប្រែសម្រួលដោយ៖ ថុល ស្រីលក្ខណ៍ | ថ្ងៃសៅរ៍ ទី12 ខែតុលា ឆ្នាំ2013, VOD
នាយករដ្ឋមន្ត្រីអូស្ត្រាលី លោក TONY ABBOTT(រូបភាពពី www.independentaustralia.net)
នាយករដ្ឋមន្ត្រីអូស្ត្រាលីរំពឹងថា ការសម្របសម្រួលគ្នារវាងគណបក្សឈ្នះអាសនៈទាំង២ បន្ទាប់ពីការបោះឆ្នោតអាណត្តិទី៥នៅកម្ពុជា គឺធានាបាននូវសន្តិភាព និងសន្តិសុខ ដែលជាមូលដ្ឋានគ្រឹៈសម្រាប់អនាគតនៃប្រទេសកម្ពុជា។
លិខិតថ្លែងអំណរគុណរបស់នាយករដ្ឋមន្ត្រីអូស្ត្រាលី លោក TONY ABBOTT ចុះថ្ងៃទី៦ ខែតុលា ឆ្នាំ២០១៣ ឆ្លើយតបនឹងលិខិតលោកនាយករដ្ឋមន្ត្រី ហ៊ុន សែន ដែលបានអបអរសាទរលោក ត្រូវបានជ្រើសតាំងជានាយករដ្ឋមន្ត្រីនៃប្រទេសអូស្ត្រាលីនោះ ឲ្យដឹងថា ប្រទេសអូស្ត្រាលីគាំទ្រចំពោះដំណើការលទ្ធិប្រជាធិបតេយ្យនៅកម្ពុជា ចាប់តាំងពី កិច្ចព្រមព្រៀងសន្តិភាពទីក្រុងប៉ារីស និងតាមការបោះឆ្នោតតាមលទ្ធិប្រជាធិបតេយ្យជាលើកដំបូង នៅឆ្នាំ១៩៩៣ របស់អង្គការសហប្រជាជាតិ។
លិខិត្តដដែលបន្តថា លោក TONY ABBOTT ស្វាគមន៍ចំពោះការរៀបចំការបោះឆ្នោតសភាជាតិប្រកបដោយសន្តិភាពនៅពេលថ្មីៗនេះ តែរំពឹងថា គណបក្សទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ នឹងសម្របសម្រួលគ្នា គឺត្រូវធានាបាននូវសន្តិភាព និងសន្តិសុខសម្រាប់ប្រទេសកម្ពុជា។
ក្រោយការបោះឆ្នោតជាតិជ្រើសតាំងតំណាងរាស្ត្រនីតិកាលទី៥ ឆ្នាំ២០១៣នេះ គណបក្សដែលឈ្នះអាសនៈក្នុងសភា គឺគណបក្សប្រជាជនកម្ពុជា និងគណបក្សសង្គ្រោះជាតិ មិនទាន់មានការឯកភាពជាតិនៅឡើយទេ។ ដែលគណបក្សកាន់អំណាចកំពុងបង្កើតយន្តការដឹកនាំដោយឯកបក្ស ចំនែកបក្សជំទាស់បន្តធ្វើពហិការមិនចូលសភា និងបន្តគំរាមធ្វើបាតុកម្មក្នុងទ្រង់ទ្រាយធំម្ដងទៀត នៅថ្ងៃទី២៣ ខែតុលានេះ ជំរុញឲ្យរកយុត្តិធម៌ជូនម្ចាស់ឆ្នោត៕
សូមសរសេរមកកាន់ អ្នកនាង ថុល ស្រីលក្ខណ៍ តាមរយៈ sreyleak@vodhotnews.com
No comments:
Post a Comment