តើការចាប់ខ្លួនសមាជិកគណបក្សសង្គ្រោះជាតិ ម្នាក់នៅតំបន់ឆ្ងាយដាច់ស្រយាលមួយនេះ ពាក់ព័ន្ធនឹងករណីអ្វី?
ក្រុមអង្គការក្រៅរដ្ឋាភិបាលធ្វើការងារខាងសិទ្ធិមនុស្ស ក្នុងខេត្តសៀមរាប មានគម្រោងនឹងចុះអង្កេតនៅភូមិស្រែពោធិ ឃុំស្រែណូយ នាពេលឆាប់ៗ ដើម្បីស្រាវជ្រាវឱ្យដឹងប្រាកដថា តើការចាប់ខ្លួនសមាជិកគណបក្សសង្គ្រោះជាតិ ១រូប កាលពីពេលថ្មីៗ វាអាចពាក់ព័ន្ធទៅនឹងការបំភិតបំភ័យផ្នែកនយោបាយ ឬក៏ជាករណីកំហុសអ្វីផ្សេងទៀត។
គម្រោងស៊ើបអង្កេតនឹងចាប់ផ្ដើមនៅក្នុងសប្ដាហ៍នេះ បន្ទាប់ពីកាលពីថ្ងៃទី២ ខែកញ្ញា កន្លងទៅ មានកងរាជអាវុធហត្ថ និងមន្ត្រីរដ្ឋបាលព្រៃឈើខ្លះបានទៅចាប់ខ្លួនបុរសម្នាក់ឈ្មោះ ថោន ស៊ីវ អាយុ ៣២ឆ្នាំ ជាសមាជិកគណបក្សសង្គ្រោះជាតិ បញ្ជូនទៅតុលាការ។
នាយកផ្នែករដ្ឋបាលព្រៃឈើបន្ទាយស្រី គឺលោក ម៉ុង ប៊ុនលីម។ លោកបានមានប្រសាសន៍ថា ការចាប់ខ្លួនបុរសម្នាក់នោះ គឺពាក់ព័ន្ធនឹងការលួចកាប់ និងទិញឈើគ្រញូង ចេញពីតំបន់ព្រៃពូជ។ ទោះយ៉ាងណា មន្ត្រីផ្នែករដ្ឋបាលព្រៃឈើដដែល មិនបានអធិប្បាយពន្យល់វែងឆ្ងាយជុំវិញបញ្ហានោះទេ៖ «គាត់ចូលកាប់ ឈើគ្រញូងនៅក្នុងចម្ការពូជ ហើយគាត់ប្រមូលទិញនៅក្នុងនោះ។ បើបូកសរុបតាំងពីថ្ងៃទី១ ខែមករា រហូតមកដល់ឥឡូវ អស់ ៦ដើមហើយគ្រញូង»។
ក៏ប៉ុន្តែ សកម្មជនគណបក្សសង្គ្រោះជាតិ និងអ្នកភូមិស្រែពោធិ ខ្លះ បានច្រានចោលការចោទប្រកាន់របស់មន្ត្រីរដ្ឋបាលព្រៃឈើនោះ។
កាលពីថ្ងៃទី៩ ខែកញ្ញា កន្លងទៅ ក្រុមសកម្មជននៃគណបក្សសង្គ្រោះជាតិ មួយចំនួន បានប្រមូលគ្នាមកទីស្នាក់ការអង្គការសិទ្ធិមនុស្សលីកាដូ (Licadho) នៅក្នុងទីរួមខេត្តសៀមរាប ហើយបានសុំឱ្យជួយធ្វើអន្តរាគមន៍ផ្លូវច្បាប់ ក្នុងការទាមទារឱ្យដោះលែងសមាជិកគណបក្សសង្គ្រោះជាតិ ម្នាក់នោះឱ្យមានសេរីភាពវិញ។
កាលពីថ្ងៃទី៩ ខែកញ្ញា ដែរ ប្រជាពលរដ្ឋនៅភូមិស្រែពោធិ ចំនួន ៨០នាក់ ក៏បាននាំគ្នាផ្ដិតមេដៃលើញត្តិគាំទ្រ និងស្នើសុំឱ្យដោះលែងបុរសឈ្មោះ ថោន ស៊ីវ ដែលជាសមាជិកគណបក្សប្រឆាំងម្នាក់នោះដែរ ដោយគេមិនជឿថា សមាជិកគណបក្សប្រឆាំងម្នាក់នោះជាប់ពាក់ព័ន្ធនឹងការលួចកាប់ឈើ គ្រញូង នៅក្នុងតំបន់ការពារដូចការចោទប្រកាន់ឡើយ។
សង្គមស៊ីវិល និងអ្នកឃ្លាំមើលបទល្មើសព្រៃឈើ បានរិះគន់ថា ប្រសិនបើបុរសម្នាក់ត្រូវអាជ្ញាធរចាប់ខ្លួន ដោយព្រោះតែការលួចកាប់ឈើគ្រញូង មែន គឺគេគាំទ្រចំពោះសមត្ថកិច្ចដែលអនុវត្តច្បាប់ត្រឹមត្រូវ ក៏ប៉ុន្តែ បញ្ហាដែលមិនស្មើភាពគ្នានោះ ត្រូវបានគេមើលឃើញថា បច្ចុប្បន្នស្ទើរតែរៀងរាល់ថ្ងៃ ក្រុមឈ្មួញធំៗបានដឹកឈើគ្រញូង រាប់តោន តាមរថយន្តធំៗកាត់មុខសមត្ថកិច្ចដែរ ចុះហេតុអ្វីបានជាគេមិនដែលឃើញសមត្ថកិច្ចចាប់ក្រុមឈ្មួញណា ម្នាក់ដាក់គុកផង?
សកម្មជននៃគណបក្សសង្គ្រោះជាតិ ខ្លះ កំពុងសម្ដែងការព្រួយបារម្ភទៅលើបញ្ហាសន្តិសុខផ្ទាល់ខ្លួន ដោយសារតែពួកគេឮថា នឹងមានការចាប់ខ្លួនពួកគេខ្លះទៀត ពាក់ព័ន្ធនឹងករណីដូចការចាប់ខ្លួនសមាជិកម្នាក់រួចមកហើយនោះ។
អនុប្រធានក្រុមការងារប្រតិបត្តិនៃគណបក្សសង្គ្រោះជាតិ ប្រចាំស្រុកវ៉ារិន លោក ថន ធឿន បានមានប្រសាសន៍ថា តាមលោកទទួលព័ត៌មាន គឺអាចនៅមានការចាប់ខ្លួនសកម្មជនរបស់លោកបន្ថែមទៀត។ បញ្ហានេះ ធ្វើឱ្យរូបលោក និងសកម្មជនដទៃទៀត កំពុងព្រួយបារម្ភ៖ «ឮថាចាប់ សកម្មជនអីចុះ ខ្ញុំខ្លាចដែរ។ សូមឱ្យអង្គការ ឬក៏ស្ថាប័នណាជួយផង ព្រោះថាខ្ញុំភ័យខ្លាចខ្លួនខ្ញុំដែរ។ បង ឈួប គាត់ទូរស័ព្ទប្រាប់ខ្ញុំថា សកម្មជននៅភូមិស្រែពោធិ នោះ មាន ៧នាក់ ដែលគេដាក់ពាក្យប្ដឹងដែរ»។
ក្រុមអង្គការសិទ្ធិមនុស្សក្រៅរដ្ឋាភិបាល កំពុងស្រាវជ្រាវព័ត៌មានជាបឋម ដើម្បីចង់ដឹងថា តើការចាប់ខ្លួនសមាជិកគណបក្សប្រឆាំងម្នាក់នោះ អាចជាករណីបំភិតបំភ័យផ្នែកនយោបាយ ឬក៏ជាការអនុវត្តត្រឹមត្រូវតាមច្បាប់។
អ្នកស៊ើបអង្កេតរបស់អង្គការសិទ្ធិមនុស្សលីកាដូ ខេត្តសៀមរាប អ្នកស្រី ឈុយ វ៉ាន់ថា បានមានប្រសាសន៍ថា តាមការស្រាវជ្រាវជំហានដំបូង បុរសជាសមាជិកគណបក្សសង្គ្រោះជាតិ ម្នាក់ និងអ្នកភូមិជាច្រើនទៀតនោះ គឺធ្លាប់មានរឿងពាក់ព័ន្ធនឹងដីធ្លីនៅក្នុងតំបន់ការពាររបស់ រដ្ឋបាលព្រៃឈើកន្ទួត ចាប់តាំងតែពីអំឡុងឆ្នាំ២០០៤ មក។ អ្នកស៊ើបអង្កេតដដែលមិនបានរកឃើញថា បុរសនោះមានជាប់ពាក់ព័ន្ធនឹងការកាប់ឈើគ្រញូង ក្នុងតំបន់ការពារនោះឡើយ ពីព្រោះតែអ្នកភូមិទីនោះម្នាក់ៗ គឺជាអ្នកស្រឡាញ់ព្រៃឈើ ហើយតែងនាំគ្នាជួយថែរក្សាទៀតផង។
ទោះយ៉ាងណា អង្គការសិទ្ធិមនុស្សលីកាដូ បានយល់ថា ការចាប់ខ្លួនសមាជិកគណបក្សសង្គ្រោះជាតិ ម្នាក់នោះ គឺមានចំណុចខុសប្រក្រតីមួយចំនួន ដែលជាមន្ទិលសង្ស័យក្នុងផ្លូវច្បាប់៖ «នៅក្នុងរឿងហ្នឹង គិតថា វាពាក់ព័ន្ធជាមួយនឹងរឿងដីធ្លីចាស់លើកមុន ហើយទៅគេចោទប្រកាន់ថាបំផ្លាញព្រៃឈើ ហើយពួកគាត់អត់បានប្រព្រឹត្តទេ ហើយនេះគឺជាការចាប់ខ្លួនដោយខុសច្បាប់ហើយ ព្រោះពួកគាត់មិនដែលបានចូលទៅរុករានផង មានតែជួយការពារ ហើយការដែលទៅចាប់ហ្នឹង ដូចជាការបំភ្លៃយ៉ាងម៉េចទេ អាដីកាយកទៅក្រោយ ហើយទូរស័ព្ទទៅប្រពន្ធគាត់ មើលទៅថាឆ្នាំផ្សេង វាហួសអាជ្ញាយុកាលនៃដីកាហ្នឹងទៀត។ ដូចជារឿងមិនប្រក្រតីសោះ ហើយពួកខ្ញុំនឹងចុះទៅស្អែកខានស្អែកហ្នឹង»។
អាជ្ញាធរឃុំស្រែណូយ ក៏មិនសម្ដែងការគាំទ្រចំពោះសមត្ថកិច្ចដែលចាប់ខ្លួនបុរសអ្នកភូមិស្រែពោធិ ម្នាក់ នោះដែរ។
ជំទប់ទី១ ឃុំស្រែណូយ លោក សួន ឡី បានមានប្រសាសន៍ថា លោកមិនជឿការចោទប្រកាន់ទៅលើបុរសឈ្មោះ ថោន ស៊ីវ ជុំវិញរឿងលួចកាប់ឈើគ្រញូង ក្នុងតំបន់ព្រៃពូជ របស់រដ្ឋបាលព្រៃឈើនោះទេ។ ជំទប់ឃុំដដែលបានបញ្ជាក់ថា បើនិយាយពីអ្នកភូមិស្រែពោធិ នោះ ធ្លាប់មានទំនាស់ដីធ្លីនៅពេលដែលរដ្ឋបាលព្រៃឈើ ពង្រីកផ្ទៃដីដើម្បីរក្សាទុកព្រៃឈើ គឺធ្លាប់មានមែន៖ «គេចោទថា ទៅកាប់គ្រញូង នៅក្នុងព្រៃនោះ ប៉ុន្តែ ប្រជាពលរដ្ឋរាប់រយនាក់គេថា បុគ្គលម្នាក់នោះមិនដែលបានទៅទីនោះ មិនដែលចូលព្រៃការពារទេ ហើយគ្នារកស៊ីធម្មតា ធ្វើស្រែ ចម្ការដំឡូង ហើយនិងដងជ័រ និងទិញជ័រទឹក។ ដល់ពេលនេះ គេចោទប្រកាន់គាត់នេះ ទៅជាចោរលួចគ្រញូង អាកន្លែងនោះខ្ញុំថាវាមិនពិតដែរ»។
ឯកសារមួយដែលមានចុះហត្ថលេខាដោយមេឃុំស្រែណូយ កាលពីខែឧសភា ឆ្នាំ២០១២ ដើម្បីបញ្ជូនទៅអាជ្ញាធរស្រុកវ៉ារិន ឱ្យជួយដោះស្រាយ បានបញ្ជាក់ថា អ្នកភូមិស្រែពោធិ ចំនួន ៥៤គ្រួសារ គឺបានទទួលរងផលប៉ះពាល់ដោយការខ្វះដីធ្វើកសិកម្ម បន្ទាប់ពីរដ្ឋបាលព្រៃឈើបានពង្រីកដីខ្លះធ្វើជាតំបន់ព្រៃពូជ និងតំបន់ការពារព្រៃឈើ៕
ក្រុមអង្គការក្រៅរដ្ឋាភិបាលធ្វើការងារខាងសិទ្ធិមនុស្ស ក្នុងខេត្តសៀមរាប មានគម្រោងនឹងចុះអង្កេតនៅភូមិស្រែពោធិ ឃុំស្រែណូយ នាពេលឆាប់ៗ ដើម្បីស្រាវជ្រាវឱ្យដឹងប្រាកដថា តើការចាប់ខ្លួនសមាជិកគណបក្សសង្គ្រោះជាតិ ១រូប កាលពីពេលថ្មីៗ វាអាចពាក់ព័ន្ធទៅនឹងការបំភិតបំភ័យផ្នែកនយោបាយ ឬក៏ជាករណីកំហុសអ្វីផ្សេងទៀត។
គម្រោងស៊ើបអង្កេតនឹងចាប់ផ្ដើមនៅក្នុងសប្ដាហ៍នេះ បន្ទាប់ពីកាលពីថ្ងៃទី២ ខែកញ្ញា កន្លងទៅ មានកងរាជអាវុធហត្ថ និងមន្ត្រីរដ្ឋបាលព្រៃឈើខ្លះបានទៅចាប់ខ្លួនបុរសម្នាក់ឈ្មោះ ថោន ស៊ីវ អាយុ ៣២ឆ្នាំ ជាសមាជិកគណបក្សសង្គ្រោះជាតិ បញ្ជូនទៅតុលាការ។
នាយកផ្នែករដ្ឋបាលព្រៃឈើបន្ទាយស្រី គឺលោក ម៉ុង ប៊ុនលីម។ លោកបានមានប្រសាសន៍ថា ការចាប់ខ្លួនបុរសម្នាក់នោះ គឺពាក់ព័ន្ធនឹងការលួចកាប់ និងទិញឈើគ្រញូង ចេញពីតំបន់ព្រៃពូជ។ ទោះយ៉ាងណា មន្ត្រីផ្នែករដ្ឋបាលព្រៃឈើដដែល មិនបានអធិប្បាយពន្យល់វែងឆ្ងាយជុំវិញបញ្ហានោះទេ៖ «គាត់ចូលកាប់ ឈើគ្រញូងនៅក្នុងចម្ការពូជ ហើយគាត់ប្រមូលទិញនៅក្នុងនោះ។ បើបូកសរុបតាំងពីថ្ងៃទី១ ខែមករា រហូតមកដល់ឥឡូវ អស់ ៦ដើមហើយគ្រញូង»។
ក៏ប៉ុន្តែ សកម្មជនគណបក្សសង្គ្រោះជាតិ និងអ្នកភូមិស្រែពោធិ ខ្លះ បានច្រានចោលការចោទប្រកាន់របស់មន្ត្រីរដ្ឋបាលព្រៃឈើនោះ។
កាលពីថ្ងៃទី៩ ខែកញ្ញា កន្លងទៅ ក្រុមសកម្មជននៃគណបក្សសង្គ្រោះជាតិ មួយចំនួន បានប្រមូលគ្នាមកទីស្នាក់ការអង្គការសិទ្ធិមនុស្សលីកាដូ (Licadho) នៅក្នុងទីរួមខេត្តសៀមរាប ហើយបានសុំឱ្យជួយធ្វើអន្តរាគមន៍ផ្លូវច្បាប់ ក្នុងការទាមទារឱ្យដោះលែងសមាជិកគណបក្សសង្គ្រោះជាតិ ម្នាក់នោះឱ្យមានសេរីភាពវិញ។
កាលពីថ្ងៃទី៩ ខែកញ្ញា ដែរ ប្រជាពលរដ្ឋនៅភូមិស្រែពោធិ ចំនួន ៨០នាក់ ក៏បាននាំគ្នាផ្ដិតមេដៃលើញត្តិគាំទ្រ និងស្នើសុំឱ្យដោះលែងបុរសឈ្មោះ ថោន ស៊ីវ ដែលជាសមាជិកគណបក្សប្រឆាំងម្នាក់នោះដែរ ដោយគេមិនជឿថា សមាជិកគណបក្សប្រឆាំងម្នាក់នោះជាប់ពាក់ព័ន្ធនឹងការលួចកាប់ឈើ គ្រញូង នៅក្នុងតំបន់ការពារដូចការចោទប្រកាន់ឡើយ។
សង្គមស៊ីវិល និងអ្នកឃ្លាំមើលបទល្មើសព្រៃឈើ បានរិះគន់ថា ប្រសិនបើបុរសម្នាក់ត្រូវអាជ្ញាធរចាប់ខ្លួន ដោយព្រោះតែការលួចកាប់ឈើគ្រញូង មែន គឺគេគាំទ្រចំពោះសមត្ថកិច្ចដែលអនុវត្តច្បាប់ត្រឹមត្រូវ ក៏ប៉ុន្តែ បញ្ហាដែលមិនស្មើភាពគ្នានោះ ត្រូវបានគេមើលឃើញថា បច្ចុប្បន្នស្ទើរតែរៀងរាល់ថ្ងៃ ក្រុមឈ្មួញធំៗបានដឹកឈើគ្រញូង រាប់តោន តាមរថយន្តធំៗកាត់មុខសមត្ថកិច្ចដែរ ចុះហេតុអ្វីបានជាគេមិនដែលឃើញសមត្ថកិច្ចចាប់ក្រុមឈ្មួញណា ម្នាក់ដាក់គុកផង?
សកម្មជននៃគណបក្សសង្គ្រោះជាតិ ខ្លះ កំពុងសម្ដែងការព្រួយបារម្ភទៅលើបញ្ហាសន្តិសុខផ្ទាល់ខ្លួន ដោយសារតែពួកគេឮថា នឹងមានការចាប់ខ្លួនពួកគេខ្លះទៀត ពាក់ព័ន្ធនឹងករណីដូចការចាប់ខ្លួនសមាជិកម្នាក់រួចមកហើយនោះ។
អនុប្រធានក្រុមការងារប្រតិបត្តិនៃគណបក្សសង្គ្រោះជាតិ ប្រចាំស្រុកវ៉ារិន លោក ថន ធឿន បានមានប្រសាសន៍ថា តាមលោកទទួលព័ត៌មាន គឺអាចនៅមានការចាប់ខ្លួនសកម្មជនរបស់លោកបន្ថែមទៀត។ បញ្ហានេះ ធ្វើឱ្យរូបលោក និងសកម្មជនដទៃទៀត កំពុងព្រួយបារម្ភ៖ «ឮថាចាប់ សកម្មជនអីចុះ ខ្ញុំខ្លាចដែរ។ សូមឱ្យអង្គការ ឬក៏ស្ថាប័នណាជួយផង ព្រោះថាខ្ញុំភ័យខ្លាចខ្លួនខ្ញុំដែរ។ បង ឈួប គាត់ទូរស័ព្ទប្រាប់ខ្ញុំថា សកម្មជននៅភូមិស្រែពោធិ នោះ មាន ៧នាក់ ដែលគេដាក់ពាក្យប្ដឹងដែរ»។
ក្រុមអង្គការសិទ្ធិមនុស្សក្រៅរដ្ឋាភិបាល កំពុងស្រាវជ្រាវព័ត៌មានជាបឋម ដើម្បីចង់ដឹងថា តើការចាប់ខ្លួនសមាជិកគណបក្សប្រឆាំងម្នាក់នោះ អាចជាករណីបំភិតបំភ័យផ្នែកនយោបាយ ឬក៏ជាការអនុវត្តត្រឹមត្រូវតាមច្បាប់។
អ្នកស៊ើបអង្កេតរបស់អង្គការសិទ្ធិមនុស្សលីកាដូ ខេត្តសៀមរាប អ្នកស្រី ឈុយ វ៉ាន់ថា បានមានប្រសាសន៍ថា តាមការស្រាវជ្រាវជំហានដំបូង បុរសជាសមាជិកគណបក្សសង្គ្រោះជាតិ ម្នាក់ និងអ្នកភូមិជាច្រើនទៀតនោះ គឺធ្លាប់មានរឿងពាក់ព័ន្ធនឹងដីធ្លីនៅក្នុងតំបន់ការពាររបស់ រដ្ឋបាលព្រៃឈើកន្ទួត ចាប់តាំងតែពីអំឡុងឆ្នាំ២០០៤ មក។ អ្នកស៊ើបអង្កេតដដែលមិនបានរកឃើញថា បុរសនោះមានជាប់ពាក់ព័ន្ធនឹងការកាប់ឈើគ្រញូង ក្នុងតំបន់ការពារនោះឡើយ ពីព្រោះតែអ្នកភូមិទីនោះម្នាក់ៗ គឺជាអ្នកស្រឡាញ់ព្រៃឈើ ហើយតែងនាំគ្នាជួយថែរក្សាទៀតផង។
ទោះយ៉ាងណា អង្គការសិទ្ធិមនុស្សលីកាដូ បានយល់ថា ការចាប់ខ្លួនសមាជិកគណបក្សសង្គ្រោះជាតិ ម្នាក់នោះ គឺមានចំណុចខុសប្រក្រតីមួយចំនួន ដែលជាមន្ទិលសង្ស័យក្នុងផ្លូវច្បាប់៖ «នៅក្នុងរឿងហ្នឹង គិតថា វាពាក់ព័ន្ធជាមួយនឹងរឿងដីធ្លីចាស់លើកមុន ហើយទៅគេចោទប្រកាន់ថាបំផ្លាញព្រៃឈើ ហើយពួកគាត់អត់បានប្រព្រឹត្តទេ ហើយនេះគឺជាការចាប់ខ្លួនដោយខុសច្បាប់ហើយ ព្រោះពួកគាត់មិនដែលបានចូលទៅរុករានផង មានតែជួយការពារ ហើយការដែលទៅចាប់ហ្នឹង ដូចជាការបំភ្លៃយ៉ាងម៉េចទេ អាដីកាយកទៅក្រោយ ហើយទូរស័ព្ទទៅប្រពន្ធគាត់ មើលទៅថាឆ្នាំផ្សេង វាហួសអាជ្ញាយុកាលនៃដីកាហ្នឹងទៀត។ ដូចជារឿងមិនប្រក្រតីសោះ ហើយពួកខ្ញុំនឹងចុះទៅស្អែកខានស្អែកហ្នឹង»។
អាជ្ញាធរឃុំស្រែណូយ ក៏មិនសម្ដែងការគាំទ្រចំពោះសមត្ថកិច្ចដែលចាប់ខ្លួនបុរសអ្នកភូមិស្រែពោធិ ម្នាក់ នោះដែរ។
ជំទប់ទី១ ឃុំស្រែណូយ លោក សួន ឡី បានមានប្រសាសន៍ថា លោកមិនជឿការចោទប្រកាន់ទៅលើបុរសឈ្មោះ ថោន ស៊ីវ ជុំវិញរឿងលួចកាប់ឈើគ្រញូង ក្នុងតំបន់ព្រៃពូជ របស់រដ្ឋបាលព្រៃឈើនោះទេ។ ជំទប់ឃុំដដែលបានបញ្ជាក់ថា បើនិយាយពីអ្នកភូមិស្រែពោធិ នោះ ធ្លាប់មានទំនាស់ដីធ្លីនៅពេលដែលរដ្ឋបាលព្រៃឈើ ពង្រីកផ្ទៃដីដើម្បីរក្សាទុកព្រៃឈើ គឺធ្លាប់មានមែន៖ «គេចោទថា ទៅកាប់គ្រញូង នៅក្នុងព្រៃនោះ ប៉ុន្តែ ប្រជាពលរដ្ឋរាប់រយនាក់គេថា បុគ្គលម្នាក់នោះមិនដែលបានទៅទីនោះ មិនដែលចូលព្រៃការពារទេ ហើយគ្នារកស៊ីធម្មតា ធ្វើស្រែ ចម្ការដំឡូង ហើយនិងដងជ័រ និងទិញជ័រទឹក។ ដល់ពេលនេះ គេចោទប្រកាន់គាត់នេះ ទៅជាចោរលួចគ្រញូង អាកន្លែងនោះខ្ញុំថាវាមិនពិតដែរ»។
ឯកសារមួយដែលមានចុះហត្ថលេខាដោយមេឃុំស្រែណូយ កាលពីខែឧសភា ឆ្នាំ២០១២ ដើម្បីបញ្ជូនទៅអាជ្ញាធរស្រុកវ៉ារិន ឱ្យជួយដោះស្រាយ បានបញ្ជាក់ថា អ្នកភូមិស្រែពោធិ ចំនួន ៥៤គ្រួសារ គឺបានទទួលរងផលប៉ះពាល់ដោយការខ្វះដីធ្វើកសិកម្ម បន្ទាប់ពីរដ្ឋបាលព្រៃឈើបានពង្រីកដីខ្លះធ្វើជាតំបន់ព្រៃពូជ និងតំបន់ការពារព្រៃឈើ៕
No comments:
Post a Comment