ដោយ៖ សេង ម៉ូលីនី | ថ្ងៃព្រហស្បតិ៍ ទី12 ខែកញ្ញា ឆ្នាំ2013 | VOD
អភិបាលក្រុងបាត់ដំបង ខេត្តបាត់ដំបង លោក អឿម សុខុន
មិនអនុញ្ញាតឲ្យមេដឹកគណបក្សសង្គ្រោះជាតិ
ជួបសំណេះសំណាលជាមួយប្រជាពលរដ្ឋ
នៅរង្វង់មូលរូបសំណាក់លោកតាដំបងក្រញូង
ស្ថិតក្នុងទីរួមខេត្តបាត់ដំបង នៅថ្ងៃសុក្រស្អែកនេះទេ។
អាជ្ញាធរបានស្នើឲ្យគណបក្សប្រឆាំង យកវាលបែកចាន
ស្ថិតក្នុងសង្កាត់ព្រែកព្រះស្តេច
ចម្ងាយជាង១គីទ្បូម៉ែត្រពីរង្វង់មូលលោកតាដំបងក្រញូង
ធ្វើជាកន្លែងជួបសំណេះសំណាលជាមួយពលរដ្ឋវិញ។
គួរបញ្ជាក់ថា ប្រធាន និងអនុប្រធានគណបក្សសង្គ្រោះជាតិ លោក សម
រង្ស៊ី និងលោក កឹម សុខា
គ្រោងជួបសំណេះសំណាលជាមួយពលរដ្ឋខេត្តបាត់ដំបង
នៅថ្ងៃសុក្រស្អែក។
ពាក់ព័ន្ធនឹងបញ្ហានេះ VOD មិនអាចទាក់ទងអភិបាលក្រុងបាត់ដំបង លោក អឿម សុខុន បាននៅទ្បើយទេ។
ទោះយ៉ាងណា អគ្គនាយកទំនាក់ទំនងសាធារណៈគណបក្សសង្គ្រោះជាតិ លោកស្រី
មូរ សុខហួរ ឲ្យដឹងថា
គណបក្សនៅតែរក្សាជំហរប្រមូលផ្ដុំអ្នកគាំទ្រនៅកន្លែងដដែល។
លោកស្រីបន្តថា លិខិតដែលដាក់ជូនអាជ្ញាធរក្រុង
គ្រាន់តែជាការជូនដំណឹងប៉ុណ្ណោះ
មិនមែនជាការស្នើសុំការអនុញ្ញាតពីអាជ្ញាធរទេ។
គណបក្សសង្គ្រោះជាតិ គ្រោងធ្វើមហាបាតុកម្មអហិង្សាលើកទី២
ពីថ្ងៃទី១៥ ដល់ថ្ងៃទី១៧ កញ្ញានេះ នៅទីលានប្រជាធិបតេយ្យ
នារាជធានីភ្នំពេញ។ មុនថ្ងៃមហាបាតុកម្ម
ថ្នាក់ដឹកនាំកំពូលរបស់គណបក្សសង្គ្រោះជាតិ
ត្រូវជួបសំណេះសំណាលជាមួយប្រជាពលរដ្ឋនៅខេត្តកណ្ដាល
រាជធានីភ្នំពេញ ខេត្តសៀមរាប ខេត្តបន្ទាយមានជ័យ និងខេត្តបាត់ដំបង៕
សូមសរសេរមកកាន់ កញ្ញា សេង ម៉ូលីនី តាមរយៈ sengmoliny@gmail.com
No comments:
Post a Comment