ដោយ៖ តាំង វីដា និង អ៊ឹង ប៊ុនថន | ថ្ងៃអង្គារ៍ ទី17 ខែកញ្ញា ឆ្នាំ2013, VOD
ស្តាប់សំឡេង៖ | ចម្លងទុក |
អាគាររដ្ឋសភាជាតិ (រូបថត តាំង វីដា)
បន្ទប់ស្ថានការណ៍នៃអង្គការសង្គមស៊ីវិលជាង ៤០ នៅថ្ងៃអង្គារនេះ អំពាវនាវឲ្យមានការពន្យារពេលប្រជុំសភាលើកដំបូង ដែលគ្រោងនៅថ្ងៃទី២៣ ខែកញ្ញានេះ ដើម្បីឲ្យគណបក្សនយោបាយទាំងពីរ មានពេលវេលាគ្រប់គ្រាន់ សម្រាប់រកដំណោះស្រាយសមរម្យក្នុងកិច្ចចរចា។
ការអំពាវនាវនេះ ធ្វើឡើងស្របពេលដែលជំនួបចរចាលើកទី២ នៃថ្នាក់ដឹកនាំគណបក្សឈ្នះឆ្នោតទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ កំពុងដំណើរការនៅព្រឹកថ្ងៃអង្គារនេះ បន្ទាប់ពីកិច្ចចរចាលើកទី១ នៅថ្ងៃចន្ទម្សិលមិញ សម្រេចបានជាលទ្ធផលនូវបញ្ហាមួយចំនួន ដូចជា ការធ្វើកំណែទម្រង់ស៊ីជម្រៅមួយនៃគណៈកម្មាធិការជាតិរៀបចំការបោះឆ្នោតជាដើម។
មុនពេលចេញសេចក្តីថ្លែងការណ៏អំពាវនាវនេះ នាយិកានៃអង្គការសីលការ លោកស្រី ធីតា ឃឹះ មានប្រសាសន៍ថា គោលបំណងរបស់សង្គមស៊ីវិល ស្នើពន្យារពេលប្រជុំសភានេះ គឺដើម្បីរក្សាឯកភាពជាតិរវាងគណបក្សនយោបាយទាំងពីរ និងពេលវេលាគ្រប់គ្រាន់ ក្នុងការស្វែងរកដំណោះស្រាយ ខណៈមានតានតឹងនៅមិនទាន់ត្រូវបានដោះស្រាយទាំងស្រុង ៖ "ជៀសវាងកុំឲ្យមានការបែកបាក់ផ្ទៃក្នុង នៅក្នុងសង្គមជាតិយើង ត្រូវតែមានការពន្យារពេល ដូច្នេះបើសិនណាជាចរចាគ្នាទៅបានដូចសេចក្តីប្រាថ្នា ដូចដែលយើងចង់បានស្រុះស្រួលគ្នា នោះថ្ងៃ២៣ក៏អាចជួបគ្នាបាន ក៏ប៉ុន្តែបើសិនណាដោះស្រាយមិនទាន់បានទេ សូមឲ្យពន្យារពេល"។
នាយកប្រតិបត្តិអង្គការឃ្លាំមើលការបោះឆ្នោត ហៅកាត់ និកហ្វិច លោក ហង្ស ពុទ្ធា យល់ថា កិច្ចចរចារវាងគណបក្សទាំងពីរ ពេលមុនប្រជុំសភា ថ្ងៃទី២៣ ខែកញ្ញានេះ គឺអាចមានដំណោះស្រាយតិចតួចប៉ុណ្ណោះ ហើយនឹងមិនអាចឆ្លើយតបទៅនឹងទិដ្ឋភាពជាក់ស្តែងនោះទេ។ លោកថា ភាពចម្រូសចម្រាសនៅតែអាចកើតមានឡើង ប្រសិនបើកាលបរិច្ឆេទនៃកិច្ចប្រជុំសភា មិនត្រូវបានពន្យារពេល ៖ "ហើយយើងចង់ឲ្យមានការដោះស្រាយបញ្ហាទាំងឡាយហ្នឹង បានសភាប្រជុំ នោះគឺដំណើរការមានភាពរលូនជាង ខ្ញុំគិតថាដំណោះស្រាយតិចតួចណាស់ ដែលអាចដោះបាន មួយសប្តាហ៍ហ្នឹង គឺមិនអាចដោះស្រាយអ្វីបានជាដុំកំភួនទេ"។
សេចក្តីថ្លែងការណ៍រួមរបស់បន្ទប់ស្ថានការណ៍ ចុះថ្ងៃទី១៦ ខែកញ្ញា ឆ្នាំ២០១៣ ក្រោយជំនួបកំពូលរបស់ថ្នាក់ដឹកនាំគណបក្សនយោបាយទាំងពីរ បានឲ្យដឹងថា ពួកគេទទូចឲ្យគណបក្សនយោបាយ បន្តការពិភាក្សាឲ្យមានការកែទម្រង់ស៊ីជម្រៅ គ្រប់ជ្រុងជ្រោយលើចំណុចមួយចំនួន ដូចជា កំណែទម្រង់ប្រព័ន្ធបោះឆ្នោត កំណែទម្រង់ស្ថាប័នជាតិសំខាន់ៗ ការពង្រឹងប្រព័ន្ធត្រួតពិនិត្យអំណាច និងការបង្កើតយន្តការត្រួតពិនិត្យការអនុវត្តកំណែទម្រង់។
កាលពីរសៀលថ្ងៃចន្ទម្សិលមិញនេះ ប្រធានគណបក្សសង្គ្រោះជាតិ លោកលោក សម រង្ស៊ី ថ្លែងទៅកាន់បាតុកររាប់ពាន់នាក់ថា ការទាមទារមិនទាន់បញ្ចប់ទេ ហើយនឹងទាមទាររហូតបានយុត្តិធម៌១០០ភាគរយ។ លោកសម រង្ស៊ី ក៏បានប្រកាសថា នឹងមិនចូលរួមប្រជុំសភា នៅថ្ងៃទី២៣ខែកញ្ញា តាមការអញ្ជើញរបស់ព្រះមហាក្សត្រទេ។ ទោះជាយ៉ាងណា គណបក្សប្រជាជនកម្ពុជា អះអាងថា បើទោះជាបក្សប្រឆាំងពហិកា តែខ្លួននឹងចូលប្រជុំតាមការកោះរបស់ព្រះមហាក្សត្រ៕
សរសេរមកកាន់លោក តាំង វីដា តាមរយៈ vida@vodhotnews.com
2 comments:
khmer's NGO are sucked, useless, can't do better to help cambodia & khmer peoples,,,
Yes you are right because you are born from your yuon prostitute mum that why you are brainless and do not see how NGO contributes to the society. Ho I think your parents are yuon prostitutes, not only your mum and I wish you are born as the prostitute every world. Shame your family!
Post a Comment