ប្រធានក្រុមសមាជិករដ្ឋសភា នៃគណបក្សប្រជាជនកម្ពុជា បដិសេធបន្តកិច្ចប្រជុំ ជាថ្មីម្តងទៀត ចំពោះការស្នើសុំរបស់ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ ជុំវិញការជ្រើសរើសក្រុមជំនាញឯករាជ្យ អង្កេតលើភាពមិនប្រក្រតីនៃការបោះឆ្នោត។
លិខិតចុះថ្ងៃទី១៥ ខែសីហា របស់លោក ជាម
យៀប ប្រធានក្រុមសមាជិករដ្ឋសភានៃគណបក្សប្រជាជនកម្ពុជា
និងជាប្រធានក្រុមស្រាវជ្រាវ
រៀបចំរបាយការណ៍ស្តីពីភាពមិនប្រក្រតីនៃការបោះឆ្នោត ផ្ញើជូនលោក សុន
ឆ័យ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ ឲ្យដឹងថា
គណបក្សនៅតែប្រកាន់គោលការណ៍លទ្ធិប្រជាធិបតេយ្យ
និងអនុវត្តតាមច្បាប់ស្តីពី ការបោះឆ្នោតជ្រើសតាំងតំណាងរាស្ត្រ
និងច្បាប់ស្តីវិសោធនកម្មច្បាប់នេះ
ហើយគណបក្សសម្រេចយកគណៈកម្មាធិការជាតិរៀបចំការបោះឆ្នោត (គ.ជ.ប)
ជាអាជ្ញាកណ្តាល និងជាអ្នកសម្រេច។
លិខិតរបស់លោក ជាម យៀប បន្តថា បើទាត់ចោល
គ.ជ.ប នោះការប្រជុំរបស់គណបក្សទាំងពីរ ក៏មិនទទួលលទ្ធផលល្អទេ
ព្រោះច្បាប់បានប្រគល់សិទ្ធិពេញទីឲ្យ គ.ជ.ប រៀបចំ
និងដោះស្រាយការងារបោះឆ្នោតសកល និងអសកលនៅកម្ពុជា។
លិខិតរបស់លោក សុន ឆ័យ
ផ្ញើទៅកាន់ប្រធានក្រុមការងារគណបក្សប្រជាជនកម្ពុជា ចុះថ្ងៃទី១៥
ខែសីហានេះ បានលើកឡើងថា គណបក្សសង្គ្រោះជាតិ
កំពុងរង់ចាំការឆ្លើយតបរបស់គណបក្សប្រជាជនកម្ពុជា
ជុំវិញការជ្រើសរើសក្រុមជំនាញឯករាជ្យ ក្រោយពេលដែលគណបក្សទាំងពីរ
បានជួបប្រជុំម្តងរួចហើយ កាលពីថ្ងៃទី០៩ ខែសីហា នៅឯរដ្ឋសភា។
ជំហររបស់គណបក្សសង្គ្រោះជាតិ គឺមិនទទួលយក គ.ជ.ប
ធ្វើជាអាជ្ញាកណ្តាលដោះស្រាយ ភាពមិនប្រក្រតីនៃការបោះឆ្នោត ថ្ងៃទី២៨
ខែកក្កដា ឆ្នាំ២០១៣ នោះទេ៕
សូមសរសេរមកកាន់លោក តាំង វីដា តាមរយៈ vida@vodhotnews.com- See more at: http://vodhotnews.com/15381#sthash.oRZDOBsf.dpuf
2 comments:
Sam Rainsy is CNRP leader Zero
Politicians (Sam Rainsy) are people who, when they Sam Rainsy) see light at the end of the tunnel, go out and buy some more tunnel.
Sam Rainsy is CNRP leader Zero
Politicians (Sam Rainsy) are people who, when they Sam Rainsy) see light at the end of the tunnel, go out and buy some more tunnel.
Post a Comment