ដោយ រ៉ាន់ សំណាង RFA
2013-08-15
2013-08-15
រថយន្តឈ្នួលដឹកអ្នកដំណើរជាង ១២គ្រឿង
ត្រូវបានសមត្ថកិច្ចមិនអនុញ្ញាតអោយធ្វើដំណើរមកកាន់រាជធានីភ្នំពេញ
ឡើយ បន្ទាប់ពីមានការដកយកអត្តសញ្ញាណប័ណ្ណ
និងកត់ឈ្មោះអ្នកធ្វើដំណើរ និងម្ចាស់រថយន្តឈ្នួល។
ក្រុមសមត្ថកិច្ចក៏បង្គាប់អោយអ្នកធ្វើដំណើរទាំងអស់វិលត្រឡប់ទៅ
កាន់ផ្ទះរបស់ពួកគេវិញ
ដោយពុំបានប្រាប់ពីមូលហេតុណាមួយនៃការដាក់ពង្រាយនគរបាលដែលឃាត់
រថយន្តដឹកអ្នកដំណើរទាំងនេះទេ។
ពលរដ្ឋម្នាក់រស់នៅភូមិព្រៃគ្រញូង ឃុំសម្បត្តិមានជ័យ ស្រុករមាសហែក
អ្នកស្រី យ៉ាន់ ចាន់ណា
ជាកម្មករកាត់ដេរដែលត្រូវវិលត្រឡប់មកធ្វើការក្នុងរាជធានី
ភ្នំពេញ បានឱ្យដឹងថា មានការបង្អាក់ដំណើរអ្នកស្រី
និងពលរដ្ឋដទៃទៀតពីសំណាក់នគរបាលជាច្រើននាក់។
លោក អាំង វ៉ើ អ្នករត់រថយន្តឈ្នួលពីព្រៃវែង មករាជធានីភ្នំពេញ
មានប្រសាសន៍ថា
អាជ្ញាធររារាំងលោកនិងអ្នករត់រថយន្តឈ្នួលជាច្រើននាក់ទៀត
មិនអោយចូលរាជធានីភ្នំពេញ ដោយមិនពន្យល់ពីមូលហេតុនោះទេ។
ជុំវិញបញ្ហានេះ វិទ្យុអាស៊ីសេរី មិនអាចទាក់ទងលោក សំ អុល
អធិការនគរបាលស្រុករមាសហែក បានទេ ដើម្បីស្រាយបំភ្លឺពីករណីនេះ។
ទោះបីជាយ៉ាងណា
ការឃាត់ឃាំងការធ្វើដំណើររបស់ប្រជាពលរដ្ឋនៅពេលនេះ
ត្រូវបានពលរដ្ឋ យល់ថា
នេះជាចេតនាអាជ្ញាធរដើម្បីរារាំងពលរដ្ឋពីបណ្ដាខេត្តមួយចំនួនដែល
មានបំណងចូលរួមមហាបាតុកម្មនៅរាជធានីភ្នំពេញ៕
No comments:
Post a Comment