ស្តាប់សំឡេង៖ |
ចម្លងទុក |
លោក គួយ ប៊ុនរឿន សមាជិកគណៈកម្មាធិការអចិន្ត្រៃយ៍គណបក្សសង្គ្រោះជាតិ (រូបថត ឡាយ សាមាន)
មន្ត្រីជាន់ខ្ពស់គណបក្សសង្គ្រោះជាតិ នៅរសៀលថ្ងៃព្រហស្បតិ៍នេះ
បដិសេធការដោះស្រាយបណ្តឹងតវ៉ារបស់ខ្លួន
ដោយគណៈកម្មាធិការជាតិរៀបចំការបោះឆ្នោត (គ.ជ.ប)
ពាក់ព័ន្ធការពិនិត្យ និងផ្ទៀងផ្ទាត់លទ្ធផលបោះឆ្នោតបណ្តោះអាសន្ន
ដោយគណបក្សនេះទាមទារឲ្យមានការបើកសវនាការសួរដេញដោលជា
សាធារណៈ។
សមាជិកគណៈកម្មាធិការអចិន្ត្រៃយ៍
គណបក្សសង្គ្រោះជាតិ លោក គួយ ប៊ុនរឿន ប្រាប់អ្នកសារព័ត៌មាន
នៅទីស្នាក់ការ គ.ជ.ប ថា លោកខកចិត្តចំពោះការដោះស្រាយបណ្តឹងដោយ
គ.ជ.ប ដែលធ្វើឡើងនៅថ្ងៃព្រហស្បតិ៍នេះ
ពីព្រោះការដោះស្រាយបណ្តឹងដោយពិនិត្យ
និងផ្ទៀងផ្ទាត់របាយការណ៍លទ្ធផលបោះឆ្នោតបែបនេះ
គឺផ្ទុយទៅនឹងមាត្រា១៦ថ្មី
នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ
និងច្បាប់ស្តីពីវិសោធនកម្មនៃច្បាប់នេះ ៖
"យើងឃើញថាបណ្តឹងរបស់ខ្ញុំស្របទៅតាមច្បាប់ ស្របទៅតាមនីតិវិធី
ប៉ុន្តែអ្វីដែលពួកខ្ញុំមានការខកចិត្ត ដោយសារឃើញថា គជប
មិនបានគោរពទៅតាមច្បាប់ ដោយមិនបានធ្វើសវនាការជាសាធារណៈ
ដើម្បីឲ្យដើមបណ្តឹងដែលមកពីគណបក្សសង្គ្រោះជាតិហ្នឹង
បង្ហាញអំពីហេតុផល អំពីកម្មវត្ថុនៃបណ្តឹង អំពីឯកសារផ្សេងៗ
មុននឹង គជប សម្រេចថាធ្វើការផ្ទៀងផ្ទាត់ឬមិនផ្ទៀងផ្ទាត់នោះ
ឲ្យសាម៉ីខ្លួនគេធ្វើសិន អាហ្នឹងបានត្រូវតាមគោលការណ៍ច្បាប់"។
មាត្រា១៦ ចំនុច២៥ នៃច្បាប់នេះ ចែងថា
គ.ជ.ប ទទួលខុសត្រូវសម្រេចដោយបើកសវនាការជាសាធារណៈលើបណ្តឹងតវ៉ា
ឬបណ្តឹងជំទាស់ទាក់ទងនឹងការបោះឆ្នោត
លើកលែងតែបណ្តឹងនោះទាក់ទងនឹងសមត្ថកិច្ចរបស់តុលាការ។
តែករណីនេះ
អគ្គលេខាធិការគណៈកម្មាធិការជាតិរៀបចំការបោះឆ្នោត អះអាងថា
សវនាការមិនអាចធ្វើបានឡើយ ដោយហេតុថា
កម្មវត្ថុនៃបណ្តឹងដែលគណបក្សសង្គ្រោះជាតិ ដាក់មកនោះ
គឺពាក់ព័ន្ធនឹងបញ្ជីបោះឆ្នោត និងទម្រង់បញ្ជី ១១០៤
ដែលតាមនីតិវិធី គឺទាមទារការត្រួតពិនិត្យ
ដើម្បីដោះស្រាយបណ្តឹងទាំងមូល ៖ "ការប្តឹងលើបញ្ជីបោះឆ្នោត
អាហ្នឹងគឺយើងមិនអាចយកមកដោះស្រាយបានទេ
ព្រោះថាបញ្ជីបោះឆ្នោតទាក់ទងទៅនឹងច្បាប់
គឺគេឲ្យធ្វើការដោះស្រាយបណ្តឹងរហូតដល់ក្រុមប្រឹក្សាធម្មនុញ្ញ
តាំងពីការចុះឈ្មោះបោះឆ្នោតឆ្នាំ២០១២ឯណោះ
ដល់អាបណ្តឹងនេះវាទាក់ទងនឹងការត្រួតពិនិត្យ
អញ្ចឹងយើងយកមួយផ្នែកនៃការត្រួតពិនិត្យហ្នឹង
ឲ្យឃើញលទ្ធផលហ្នឹងមកដើម្បីបញ្ជូលឲ្យទៅជាការដោះស្រាយបណ្តឹង
មួយទាំងមូលតែម្តង"។
តាមពាក្យបណ្តឹងលេខ ០៨៣
គឺអ្នកប្តឹងឈ្មោះ កែវ ភីរម្យ តំណាងគណបក្សសង្គ្រោះជាតិ
ប្តឹងតវ៉ាទៅនឹងលទ្ធផលបោះឆ្នោតបណ្តោះអាសន្ន
នៃការបោះឆ្នោតជ្រើសតាំងតំណាងរាស្ត្រ នីតិកាលទី៥
នៅមណ្ឌលខេត្តក្រចេះ ដោយមូលហេតុបាត់ឈ្មោះពលរដ្ឋក្នុងបញ្ជីបោះឆ្នោត
និងការក្លែងបន្លំតួលេខ លើទម្រង់១១០៤ ក្នុង១៣ការិយាល័យ
ក្នុងឃុំស្វាយជ្រះ ខេត្តក្រចេះ។
លោក ទេព នីថា ឲ្យដឹងទៀតថា នៅថ្ងៃទី១៦
ខែសីហា
គណៈកម្មាធិការជាតិរៀបចំការបោះឆ្នោតនឹងផ្ទៀងផ្ទាត់ឯកសារមួយចំនួន
ចំនួន៣ខេត្តទៀត។ លោកបានបញ្ជាក់ថា បើទោះបីជាគណបក្សសង្គ្រោះជាតិ
មិនចូលរួម
ក៏គណៈកម្មាធិការជាតិរៀបចំការបោះឆ្នោតបន្តដោះស្រាយពាក្យបណ្តឹងតាម
នីតិវិធីធម្មតា៕
សរសេរមកកាន់លោក តាំង វីដា តាមរយៈ vida@vodhotnews.com
- See more at: http://vodhotnews.com/15379#sthash.npnp5t4O.dpuf
No comments:
Post a Comment