ដោយ រដ្ឋា វិសាល RFA
2013-08-07
2013-08-07
ស្ដាប់ ឬ ទាញយកសំឡេង
មន្ត្រីឃ្លាំមើលសិទ្ធិមនុស្ស
អំពាវនាវសុំឲ្យអាជ្ញាធរខេត្តរតនគិរី
ស៊ើបអង្កេតករណីមន្ត្រីមូលដ្ឋានឃុំប្រជុំស្រង់ឈ្មោះប្រជាពលរដ្ឋបោះ
ឆ្នោតជូនគណបក្សប្រជាជន។ មន្ត្រីសិទ្ធិមនុស្សបង្ហាញថា
ការធ្វើបែបនេះជាការរំលោភសិទ្ធិស្ដីពីការសម្ងាត់នៃការបោះឆ្នោត
និងជាការគំរាមទៅលើប្រជាពលរដ្ឋដែលបោះឆ្នោតគាំទ្រគណបក្សប្រឆាំង។
អ្នកសម្របសម្រួលសមាគមការពារសិទ្ធិមនុស្ស និងអភិវឌ្ឍន៍ អាដហុក (ADHOC) លោក ឆាយ ធី នៅថ្ងៃពុធ ទី៧ ខែសីហា មានប្រសាសន៍បញ្ជាក់ថា ប្រជាពលរដ្ឋភូមិតេន ឃុំយ៉ាទុង បានផ្តល់ព័ត៌មានមកសមាគមលោកថា ជំទប់ទីមួយឃុំយ៉ាទុង លោក រចំ ជើង កាលពីរាត្រីថ្ងៃទី៦ កន្លងទៅ បានកោះប្រជុំអ្នកភូមប្រមាណជាង ១០០នាក់ ហើយតម្រូវឲ្យអ្នកភូមិណាដែលបានបោះឆ្នោតជូនគណបក្សប្រជាជន ចុះឈ្មោះក្នុងបញ្ជី ហើយអះអាងថា នឹងយកបញ្ជីឈ្មោះនោះប្រគល់ជូនអាជ្ញាធរវៀតណាម នៅខេត្តជាប់គ្នា ដើម្បីផ្តល់អត្ថប្រយោជន៍ការស្នាក់នៅ ប្រសិនមានសង្គ្រាម ឬហេតុអាក្រក់ណាមួយក្រោយពេលបោះឆ្នោត។
លោកបន្តថា ប្រសិនមន្ត្រីមូលដ្ឋានបានធ្វើដូច្នេះមែននោះ លោកយល់ថា មន្ត្រីមូលដ្ឋានមិនប្រកាន់ជំហរសាមគ្គីភាព និងនៅមានការរើសអើងផ្នែកនយោបាយ៖ «អ្នកភូមិបានបញ្ជាក់ថា អង្គប្រជុំហ្នឹងមាននិយាយដាក់មេក្រូ ហើយមានអ្នកភូមិជាង ១០០នាក់ ចូលប្រជុំ គេឮគ្រប់គ្នា។បើសិនជាករណីហ្នឹងមានមែន ចូលការបំភិតបំភ័យហើយ»។
ឆ្លើយតបសេចក្តីអះអាងនេះ ជំទប់ទី១ ឃុំយ៉ាទុង លោក រចំ ជើង បានបដិសេធសេចក្តីរាយការណ៍នោះថា ជាការមិនពិត។ លោកទទួលស្គាល់ថា បានប្រជុំអ្នកភូមិមែន និងបានណែនាំឲ្យប្រជាពលរដ្ឋខិតខំធ្វើស្រែចម្ការ ព្រោះការបោះឆ្នោតបានធ្វើរួចរាល់ហើយ។ ទាក់ទិននឹងបញ្ហាអាជ្ញាធរវៀតណាម លោកទទួលស្គាល់ដែរថា លោកបានណែនាំប្រជាពលរដ្ឋណាមានជំងឺ អាចទៅព្យាបាលនៅមន្ទីរពេទ្យវៀតណាម នៅខេត្តជាប់គ្នានេះបាន ដោយសារអាជ្ញាធរខេត្តមានទំនាក់ទំនងមិត្តភាព និងសហប្រតិបត្តិការរវាងខេត្ត និងខេត្តជិតខាងនៃប្រទេសទាំងពីរ៖ «មិន មែនទេ មិនមានអ្នកណាទៅនិយាយ ព្រោះពេលហ្នឹងការបោះឆ្នោតបោះរួចប្រកាសលទ្ធផលណាមួយទំនាក់ទំនង វៀតណាម ផង ភូមិ និងភូមិ ឃុំ និងឃុំ ទំនាក់ទំនងឲ្យបានល្អ ឈឺគ្រុនអ្វីទៅណាក៏បានអ៊ីចឹងទៅ»។
ផ្ទុយពីការលើកឡើងរបស់មន្ត្រីឃុំនេះ ប្រជាពលរដ្ឋភូមិតេន លោក រម៉ាស់ ឆ្វាំង មានប្រសាសន៍បញ្ជាក់ថា ការប្រជុំកាលពីរាត្រីថ្ងៃអង្គារ កន្លងទៅនេះ មន្ត្រីឃុំបានប្រើមេក្រូបំពងសំឡេង និងមានប្រជាពលរដ្ឋជាង ១០០នាក់ បានចូលរួមស្តាប់នៅសាលាប្រជុំភូមិតេន។ លោកថា ប្រជាពលរដ្ឋជាសាក្សីដែលបានដឹងឮថា ជំទប់ទី១ ពិតជាបានស្រង់ឈ្មោះអ្នកបោះឆ្នោតជូនគណបក្សប្រជាជន និងបានណែនាំពីសិទ្ធិជ្រកកោននៅប្រទេសវៀតណាម ចំពោះអ្នកដែលបានបោះឆ្នោតជូនគណបក្សប្រជាជន ប្រសិនកើតមានសង្គ្រាមក្រោយការបោះឆ្នោត៖ «ខ្ញុំស្តាប់ឮដែរ គេស្រែកក្នុងមេក្រូធំមែនទែន គេកាត់ឈ្មោះស្រង់យកឈ្មោះទាំងប៉ុន្មាន អ្នកបោះឆ្នោតឲ្យគណបក្សប្រជាជន ហ្នឹង គេបញ្ជូនទៅវៀតណាម។ បើអត់សង្គ្រាមទេ គេនៅហ្នឹង បើសង្គ្រាម គេបញ្ជូនទៅខាងវៀតណាម វៀតណាម គេទទួលស្គាល់ គេភៀសខ្លួនទៅខាងវៀតណាម»។
នៅខេត្តរតនគិរី គណបក្សប្រជាជន ឈ្នះឆ្នោតនាំមុនគេទទួលបានសន្លឹកឆ្នោតជាង ៣ម៉ឺនសំឡេង។ គណបក្សសង្គ្រោះជាតិ បានជិត ៨ពាន់សំឡេង។ គណបក្សហ៊្វុនស៊ិនប៉ិច បានជិត ២ពាន់សំឡេង។ គណបក្សសញ្ជាតិកម្ពុជា បានជិត ៦០០សំឡេង។ គណបក្សសាធារណរដ្ឋប្រជាធិបតេយ្យ បានជិត ៨០០សំឡេង។ គណបក្សខ្មែរឈប់ក្រ បានជាង ៤០០សំឡេង និងគណបក្សសម្ព័ន្ធដើម្បីប្រជាធិបតេយ្យ បានជិត ៥០០សំឡេង។
ទោះជាយ៉ាងណាក៏ដោយ មន្ត្រីឃ្លាំមើលសិទ្ធិមនុស្សដដែលអះអាងថា នឹងចាត់មន្ត្រីចុះអង្កេតករណីនេះ ដើម្បីរកឲ្យឃើញការពិតទាក់ទិនករណីនេះ៕
អ្នកសម្របសម្រួលសមាគមការពារសិទ្ធិមនុស្ស និងអភិវឌ្ឍន៍ អាដហុក (ADHOC) លោក ឆាយ ធី នៅថ្ងៃពុធ ទី៧ ខែសីហា មានប្រសាសន៍បញ្ជាក់ថា ប្រជាពលរដ្ឋភូមិតេន ឃុំយ៉ាទុង បានផ្តល់ព័ត៌មានមកសមាគមលោកថា ជំទប់ទីមួយឃុំយ៉ាទុង លោក រចំ ជើង កាលពីរាត្រីថ្ងៃទី៦ កន្លងទៅ បានកោះប្រជុំអ្នកភូមប្រមាណជាង ១០០នាក់ ហើយតម្រូវឲ្យអ្នកភូមិណាដែលបានបោះឆ្នោតជូនគណបក្សប្រជាជន ចុះឈ្មោះក្នុងបញ្ជី ហើយអះអាងថា នឹងយកបញ្ជីឈ្មោះនោះប្រគល់ជូនអាជ្ញាធរវៀតណាម នៅខេត្តជាប់គ្នា ដើម្បីផ្តល់អត្ថប្រយោជន៍ការស្នាក់នៅ ប្រសិនមានសង្គ្រាម ឬហេតុអាក្រក់ណាមួយក្រោយពេលបោះឆ្នោត។
លោកបន្តថា ប្រសិនមន្ត្រីមូលដ្ឋានបានធ្វើដូច្នេះមែននោះ លោកយល់ថា មន្ត្រីមូលដ្ឋានមិនប្រកាន់ជំហរសាមគ្គីភាព និងនៅមានការរើសអើងផ្នែកនយោបាយ៖ «អ្នកភូមិបានបញ្ជាក់ថា អង្គប្រជុំហ្នឹងមាននិយាយដាក់មេក្រូ ហើយមានអ្នកភូមិជាង ១០០នាក់ ចូលប្រជុំ គេឮគ្រប់គ្នា។បើសិនជាករណីហ្នឹងមានមែន ចូលការបំភិតបំភ័យហើយ»។
ឆ្លើយតបសេចក្តីអះអាងនេះ ជំទប់ទី១ ឃុំយ៉ាទុង លោក រចំ ជើង បានបដិសេធសេចក្តីរាយការណ៍នោះថា ជាការមិនពិត។ លោកទទួលស្គាល់ថា បានប្រជុំអ្នកភូមិមែន និងបានណែនាំឲ្យប្រជាពលរដ្ឋខិតខំធ្វើស្រែចម្ការ ព្រោះការបោះឆ្នោតបានធ្វើរួចរាល់ហើយ។ ទាក់ទិននឹងបញ្ហាអាជ្ញាធរវៀតណាម លោកទទួលស្គាល់ដែរថា លោកបានណែនាំប្រជាពលរដ្ឋណាមានជំងឺ អាចទៅព្យាបាលនៅមន្ទីរពេទ្យវៀតណាម នៅខេត្តជាប់គ្នានេះបាន ដោយសារអាជ្ញាធរខេត្តមានទំនាក់ទំនងមិត្តភាព និងសហប្រតិបត្តិការរវាងខេត្ត និងខេត្តជិតខាងនៃប្រទេសទាំងពីរ៖ «មិន មែនទេ មិនមានអ្នកណាទៅនិយាយ ព្រោះពេលហ្នឹងការបោះឆ្នោតបោះរួចប្រកាសលទ្ធផលណាមួយទំនាក់ទំនង វៀតណាម ផង ភូមិ និងភូមិ ឃុំ និងឃុំ ទំនាក់ទំនងឲ្យបានល្អ ឈឺគ្រុនអ្វីទៅណាក៏បានអ៊ីចឹងទៅ»។
ផ្ទុយពីការលើកឡើងរបស់មន្ត្រីឃុំនេះ ប្រជាពលរដ្ឋភូមិតេន លោក រម៉ាស់ ឆ្វាំង មានប្រសាសន៍បញ្ជាក់ថា ការប្រជុំកាលពីរាត្រីថ្ងៃអង្គារ កន្លងទៅនេះ មន្ត្រីឃុំបានប្រើមេក្រូបំពងសំឡេង និងមានប្រជាពលរដ្ឋជាង ១០០នាក់ បានចូលរួមស្តាប់នៅសាលាប្រជុំភូមិតេន។ លោកថា ប្រជាពលរដ្ឋជាសាក្សីដែលបានដឹងឮថា ជំទប់ទី១ ពិតជាបានស្រង់ឈ្មោះអ្នកបោះឆ្នោតជូនគណបក្សប្រជាជន និងបានណែនាំពីសិទ្ធិជ្រកកោននៅប្រទេសវៀតណាម ចំពោះអ្នកដែលបានបោះឆ្នោតជូនគណបក្សប្រជាជន ប្រសិនកើតមានសង្គ្រាមក្រោយការបោះឆ្នោត៖ «ខ្ញុំស្តាប់ឮដែរ គេស្រែកក្នុងមេក្រូធំមែនទែន គេកាត់ឈ្មោះស្រង់យកឈ្មោះទាំងប៉ុន្មាន អ្នកបោះឆ្នោតឲ្យគណបក្សប្រជាជន ហ្នឹង គេបញ្ជូនទៅវៀតណាម។ បើអត់សង្គ្រាមទេ គេនៅហ្នឹង បើសង្គ្រាម គេបញ្ជូនទៅខាងវៀតណាម វៀតណាម គេទទួលស្គាល់ គេភៀសខ្លួនទៅខាងវៀតណាម»។
នៅខេត្តរតនគិរី គណបក្សប្រជាជន ឈ្នះឆ្នោតនាំមុនគេទទួលបានសន្លឹកឆ្នោតជាង ៣ម៉ឺនសំឡេង។ គណបក្សសង្គ្រោះជាតិ បានជិត ៨ពាន់សំឡេង។ គណបក្សហ៊្វុនស៊ិនប៉ិច បានជិត ២ពាន់សំឡេង។ គណបក្សសញ្ជាតិកម្ពុជា បានជិត ៦០០សំឡេង។ គណបក្សសាធារណរដ្ឋប្រជាធិបតេយ្យ បានជិត ៨០០សំឡេង។ គណបក្សខ្មែរឈប់ក្រ បានជាង ៤០០សំឡេង និងគណបក្សសម្ព័ន្ធដើម្បីប្រជាធិបតេយ្យ បានជិត ៥០០សំឡេង។
ទោះជាយ៉ាងណាក៏ដោយ មន្ត្រីឃ្លាំមើលសិទ្ធិមនុស្សដដែលអះអាងថា នឹងចាត់មន្ត្រីចុះអង្កេតករណីនេះ ដើម្បីរកឲ្យឃើញការពិតទាក់ទិនករណីនេះ៕
No comments:
Post a Comment