ដោយ វណ្ណ វិចារ RFA
2013-08-07
2013-08-07
ស្ដាប់ ឬ ទាញយកសំឡេង
សកម្មភាពផ្ទៀងផ្ទាត់សន្លឹកឆ្នោតឡើងវិញ
នាទីស្នាក់ការគណៈកម្មាធិការជាតិរៀបចំការបោះឆ្នោត កាលពីថ្ងៃទី៣
ខែសីហា ឆ្នាំ២០១៣។
Photo: RFA
គណៈកម្មាធិការជាតិរៀបចំការបោះឆ្នោត កាលពីថ្ងៃទី៥ ខែសីហា
បានចេញសេចក្ដីប្រកាសមួយ
ដោយហៅការប្រកាសលទ្ធផលបោះឆ្នោតក្រៅផ្លូវការទាំងនោះថា
ជាទង្វើបំពុលបរិយាកាស និងបង្កភាពវឹកវរក្នុងសង្គម។
គណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវកុំឲ្យពលរដ្ឋជឿលើព័ត៌មានដែលផ្សព្វផ្សាយពីលទ្ធផលបោះ ឆ្នោតតាមរយៈប្រព័ន្ធផ្សព្វផ្សាយមួយចំនួន និងផ្សាយតាមបណ្ដាញសង្គម ដែលផ្សាយដោយគ្មានមូលដ្ឋានពិតប្រាកដ។ គ.ជ.ប សុំឲ្យសាធារណជនរង់ចាំទទួលព័ត៌មានពីលទ្ធផលនៃការបោះឆ្នោតដែល គ.ជ.ប នឹងប្រកាសជូនក្រោយពីការផ្ទៀងផ្ទាត់ និងការដោះស្រាយបណ្ដឹងពាក់ព័ន្ធនឹងរបាយការណ៍អំពីភាពមិនប្រក្រតីនៃ ការបោះឆ្នោតបានចប់សព្វគ្រប់។
អគ្គលេខាធិការគណៈកម្មាធិការជាតិរៀបចំការបោះឆ្នោត លោក ទេព នីថា មានប្រសាសន៍ថា ការប្រកាសលទ្ធផលបោះឆ្នោតពីប្រភពផ្សេងៗទាំងអស់ ក្រៅពីស្ថាប័ន គ.ជ.ប មិនមែនសុទ្ធតែត្រឹមត្រូវទេ។ លោកបន្តថា ប្រភពខ្លះប្រកាសផ្សាយខុសការពិតទាំងស្រុង ប្រភពខ្លះស្រដៀងលទ្ធផលពិត និងប្រភពខ្លះទៀត មានចេតនាបំពុលបរិយាកាសសង្គមតែម្ដង។ លោកបញ្ជាក់ថា គណៈកម្មាធិការជាតិរៀបចំការបោះឆ្នោត នឹងប្រកាសលទ្ធផលបោះឆ្នោតបឋមនៅថ្ងៃទី១០ ខែសីហា ដើម្បីជម្រះមន្ទិលសង្ស័យរបស់ពលរដ្ឋ។
លោក ទេព នីថា៖ «គ.ជ.ប គ្រាន់តែរំលឹកសាធារណជនកុំឲ្យមានការយល់ច្រឡំអំពីការផ្សាយរបស់ ប្រភពទាំងអស់ ដែលនាំឲ្យមានការយល់ច្រឡំដល់លទ្ធផលដែល គ.ជ.ប ប្រកាស។ អ៊ីចឹង បាន គ.ជ.ប ជូនព័ត៌មានថា ក្រៅពីការប្រកាសលទ្ធផលបឋមនៅថ្ងៃបោះឆ្នោត និង១ថ្ងៃបន្ទាប់ គឺ គ.ជ.ប នឹងប្រកាសលទ្ធផលបោះឆ្នោតតាមប្រតិទិន អាចនៅថ្ងៃទី១០ ខែសីហា»។
ទោះជាយ៉ាងណាក្តី អ្នកជំនាញវិទ្យាសាស្ត្រនយោបាយ និងជាអ្នកវិភាគឯករាជ្យ លោកបណ្ឌិត សុខ ទូច មានប្រសាសន៍ថា ពលរដ្ឋទូទៅបានបាត់បង់ជំនឿចិត្តទៅលើស្ថាប័ន គ.ជ.ប បាត់ទៅហើយ បន្ទាប់ពីការបោះឆ្នោតប្រព្រឹត្តទៅដោយមានភាពមិនប្រក្រតីជាច្រើន នៅលាយឡំជាមួយ ដូចជាការបាត់ឈ្មោះចេញពីបញ្ជីបោះឆ្នោត បញ្ហាទឹកថ្នាំលាងជ្រះ និងការពន្យារពេលប្រកាសលទ្ធផលបោះឆ្នោតតាមកញ្ចក់ទូរទស្សន៍ជាដើម។ លោកបន្តថា តាមពិត ភាពជ្រួលច្របល់ទាំងឡាយជុំវិញការប្រកាសលទ្ធផលបោះឆ្នោតទាំងអស់ គឺមួយចំនួនធំជាកំហុសរបស់ គ.ជ.ប ខ្លួនឯងតែម្ដង។
លោកបណ្ឌិត សុខ ទូច៖ «យើងថា គ.ជ.ប ក្មេងខ្ចីក៏ថាមិនបានដែរ ព្រោះបោះឆ្នោត ៤ដងហើយ គួរណាស់ គ.ជ.ប រៀបចំនីតិវិធីឲ្យច្បាស់ចម្លើយផ្លូវការមានតែ ១គត់ គឺចេញពី គ.ជ.ប។ គ.ជ.ប មុនបោះឆ្នោតហ្នឹង ត្រូវប្រកាសប្រាប់គេមុនថា យកទូរទស្សន៍ណាខ្លះដើម្បីប្រកាស មិនមែនដូរកម្មវិធីស្រេចតែនឹងចិត្ត ហើយមិនប្រាប់ឲ្យគេដឹងទេ។ គណបក្សនយោបាយក៏អ៊ីចឹងដែរ រាប់សន្លឹកឆ្នោតមិនបាន ១ម៉ោងផង ប្រកាសឡើងស្ថានការណ៍នយោបាយគ្មានសណ្ដាប់ធ្លាប់ ដែលកើតចេញពី គ.ជ.ប ហ្នឹងឯង»។
កាលពីយប់ថ្ងៃទី២៨ ខែសីហា មន្ត្រីជាន់ខ្ពស់គណបក្សប្រជាជនកម្ពុជា លោក ខៀវ កាញារីទ្ធ បានប្រកាសថា គណបក្សប្រជាជនកម្ពុជា បន្តឈ្នះឆ្នោតដោយបានកៅអីសភា ៦៨អាសនៈ ហើយបក្សប្រឆាំងបាន ៥៥អាសនៈ។ លទ្ធផលបោះឆ្នោតនេះត្រូវបានមន្ត្រីរដ្ឋាភិបាលចាត់ទុកថាជាលទ្ធផល ផ្លូវការតែម្ដង នឹងបានប្រកាសឲ្យសហគមន៍អន្តរជាតិដឹងឮថែមទៀត។ ប្រទេសកុម្មុយនិស្តពីរ គឺប្រទេសចិន និងវៀតណាម សុទ្ធតែផ្ញើសារគាំទ្រការបោះឆ្នោតនៅកម្ពុជា ទោះបីជាប្រទេសទាំងនោះមិនធ្លាប់ដែលបោះឆ្នោតតាមបែបប្រជាធិបតេយ្យ ម្ដងសោះក៏ដោយ។ ប្រទេសវៀតណាម ថែមទាំងផ្ញើសារមួយដោយឡែក អបអរសាទរចំពោះជ័យជម្នះដែលគណបក្សកាន់អំណាចបានប្រកាសទៀតផង។ ក្រៅពីនេះ ប្រទេសភូមា ឬមីយ៉ាន់ម៉ា ក៏បានផ្ញើសារអបអរសាទរគណបក្សកាន់អំណាចថាជាប់ឆ្នោតដដែល។
មិនមែនតែគណបក្សកាន់អំណាចទេ គណបក្សសង្គ្រោះជាតិ ក៏បង្កបញ្ហាឲ្យពលរដ្ឋមានការសង្ស័យដែរ។ កាលពីល្ងាចថ្ងៃទី២៨ ខែសីហា គណបក្សសង្គ្រោះជាតិ ប្រកាសតាមលិខិតផ្លូវការមួយ ដោយបញ្ជាក់ថា បក្សប្រឆាំងឈ្នះឆ្នោតជាប្រវត្តិសាស្ត្រ។ ប៉ុន្មាននាទីក្រោយមក លោក សម រង្ស៉ី និងលោក កឹម សុខា ប្រាប់វិទ្យុអាស៊ីសេរី ថា សុំកែតម្រូវទៅវិញ។ បីថ្ងៃបន្ទាប់ពីការបោះឆ្នោត គណបក្សសង្គ្រោះជាតិ បានចេញលិខិតផ្លូវការមួយទៀតដោយបញ្ជាក់ថា គណបក្សប្រឆាំងឈ្នះឆ្នោតចំនួន ៦៣អាសនៈយ៉ាងតិច ដោយមិនទាន់គិតពីភាពមិនប្រក្រតីនាពេលបោះឆ្នោតឡើយ។
សហគមន៍អន្តរជាតិដែលជាប្រទេសកាន់លទ្ធិប្រជាធិបតេយ្យដូចជា សហរដ្ឋអាមេរិក សហភាពអឺរ៉ុប ជប៉ុន និង កូរ៉េខាងត្បូង រួមនឹងអង្គការសហប្រជាជាតិ មិនបានចាប់អារម្មណ៍ទៅលើលទ្ធផលបោះឆ្នោតទេ។ ប៉ុន្តែ ភាគីអន្តរជាតិទាំងនោះស្នើឲ្យ គ.ជ.ប និងគណបក្សនយោបាយស៊ើបអង្កេតភាពមិនប្រក្រតីទាំងឡាយ និងធ្វើការងារប្រកបដោយតម្លាភាព ដើម្បីឲ្យម្ចាស់ឆ្នោតអាចទទួលលទ្ធផលបោះឆ្នោតបានដោយស្ងប់ចិត្ត។
ទោះយ៉ាងណាក្តី ការបង្កើតគណៈកម្មការស៊ើបអង្កេតភាពមិនប្រក្រតីនៃដំណើរការបោះ ឆ្នោត ត្រូវបានរលាយម្ដងរួចហើយ បន្ទាប់ពី គ.ជ.ប មិនអនុញ្ញាតឲ្យសង្គមស៊ីវិល និងភាគីអន្តរជាតិចូលជាសមាសភាពស៊ើបអង្កេតនេះ។
ទាក់ទងនឹងការប្រកាសលទ្ធផលបោះឆ្នោតវិញ ប្រធានអង្គការតម្លាភាពកម្ពុជា លោក ព្រាប កុល មានប្រសាសន៍ចំៗថា កាលៈទេសៈសព្វថ្ងៃនេះ ទាំងពលរដ្ឋ ទាំងមន្ត្រីបក្សកាន់អំណាចមួយចំនួន ក៏នៅសង្ស័យពីលទ្ធផលបោះឆ្នោតនៅឡើយ។ លោកបន្តថា អង្គការរបស់លោករកឃើញនូវភាពមិនប្រក្រតីជាច្រើនក្នុងដំណើរការ បោះឆ្នោត ហើយលោកជឿថា ពលរដ្ឋក៏មើលឃើញដូចគ្នាដែរ ទើបពួកគាត់មិនទុកចិត្តលើ គ.ជ.ប តែម្តង៖ «គាត់មិនអស់ចិត្ត គាត់នៅមន្ទិលសង្ស័យ ហើយនិយាយត្រង់ទៅ សូម្បីតែសមាជិក ស៊ីភីភី (CPP) ហ្នឹង ក៏តេមកសួរខ្ញុំថា គណបក្សណាមួយឈ្នះពិតប្រាកដ។ ហើយបើប្រជាជននៅតែអត់ទុកចិត្តនឹងស្ថាប័ន គ.ជ.ប ទៀតនេះ ហើយជាបញ្ហាដែលកម្ពុជា ត្រូវដោះស្រាយទៅថ្ងៃមុខ»។
ទោះជាបែបណាក៏ដោយ លោក ទេព នីថា បកស្រាយថា ការផ្លាស់ប្ដូរម៉ោងផ្សាយពីលទ្ធផលបោះឆ្នោត បណ្ដាលមកពី គ.ជ.ប ប្រមូលលទ្ធផលមិនទាន់បានច្រើន។ ចំណែកឯការផ្លាស់ប្ដូរការប្រកាសលទ្ធផលពីលទ្ធផលតាមឃុំ-សង្កាត់ មកជាលទ្ធផលបោះឆ្នោតទូទាំងខេត្តវិញនោះ ជាសិទ្ធិរបស់ គ.ជ.ប។ លោកបញ្ជាក់ថា គ.ជ.ប ធ្វើអ្វីតាមច្បាប់កំណត់ប៉ុណ្ណោះ៕
គណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវកុំឲ្យពលរដ្ឋជឿលើព័ត៌មានដែលផ្សព្វផ្សាយពីលទ្ធផលបោះ ឆ្នោតតាមរយៈប្រព័ន្ធផ្សព្វផ្សាយមួយចំនួន និងផ្សាយតាមបណ្ដាញសង្គម ដែលផ្សាយដោយគ្មានមូលដ្ឋានពិតប្រាកដ។ គ.ជ.ប សុំឲ្យសាធារណជនរង់ចាំទទួលព័ត៌មានពីលទ្ធផលនៃការបោះឆ្នោតដែល គ.ជ.ប នឹងប្រកាសជូនក្រោយពីការផ្ទៀងផ្ទាត់ និងការដោះស្រាយបណ្ដឹងពាក់ព័ន្ធនឹងរបាយការណ៍អំពីភាពមិនប្រក្រតីនៃ ការបោះឆ្នោតបានចប់សព្វគ្រប់។
អគ្គលេខាធិការគណៈកម្មាធិការជាតិរៀបចំការបោះឆ្នោត លោក ទេព នីថា មានប្រសាសន៍ថា ការប្រកាសលទ្ធផលបោះឆ្នោតពីប្រភពផ្សេងៗទាំងអស់ ក្រៅពីស្ថាប័ន គ.ជ.ប មិនមែនសុទ្ធតែត្រឹមត្រូវទេ។ លោកបន្តថា ប្រភពខ្លះប្រកាសផ្សាយខុសការពិតទាំងស្រុង ប្រភពខ្លះស្រដៀងលទ្ធផលពិត និងប្រភពខ្លះទៀត មានចេតនាបំពុលបរិយាកាសសង្គមតែម្ដង។ លោកបញ្ជាក់ថា គណៈកម្មាធិការជាតិរៀបចំការបោះឆ្នោត នឹងប្រកាសលទ្ធផលបោះឆ្នោតបឋមនៅថ្ងៃទី១០ ខែសីហា ដើម្បីជម្រះមន្ទិលសង្ស័យរបស់ពលរដ្ឋ។
លោក ទេព នីថា៖ «គ.ជ.ប គ្រាន់តែរំលឹកសាធារណជនកុំឲ្យមានការយល់ច្រឡំអំពីការផ្សាយរបស់ ប្រភពទាំងអស់ ដែលនាំឲ្យមានការយល់ច្រឡំដល់លទ្ធផលដែល គ.ជ.ប ប្រកាស។ អ៊ីចឹង បាន គ.ជ.ប ជូនព័ត៌មានថា ក្រៅពីការប្រកាសលទ្ធផលបឋមនៅថ្ងៃបោះឆ្នោត និង១ថ្ងៃបន្ទាប់ គឺ គ.ជ.ប នឹងប្រកាសលទ្ធផលបោះឆ្នោតតាមប្រតិទិន អាចនៅថ្ងៃទី១០ ខែសីហា»។
ទោះជាយ៉ាងណាក្តី អ្នកជំនាញវិទ្យាសាស្ត្រនយោបាយ និងជាអ្នកវិភាគឯករាជ្យ លោកបណ្ឌិត សុខ ទូច មានប្រសាសន៍ថា ពលរដ្ឋទូទៅបានបាត់បង់ជំនឿចិត្តទៅលើស្ថាប័ន គ.ជ.ប បាត់ទៅហើយ បន្ទាប់ពីការបោះឆ្នោតប្រព្រឹត្តទៅដោយមានភាពមិនប្រក្រតីជាច្រើន នៅលាយឡំជាមួយ ដូចជាការបាត់ឈ្មោះចេញពីបញ្ជីបោះឆ្នោត បញ្ហាទឹកថ្នាំលាងជ្រះ និងការពន្យារពេលប្រកាសលទ្ធផលបោះឆ្នោតតាមកញ្ចក់ទូរទស្សន៍ជាដើម។ លោកបន្តថា តាមពិត ភាពជ្រួលច្របល់ទាំងឡាយជុំវិញការប្រកាសលទ្ធផលបោះឆ្នោតទាំងអស់ គឺមួយចំនួនធំជាកំហុសរបស់ គ.ជ.ប ខ្លួនឯងតែម្ដង។
លោកបណ្ឌិត សុខ ទូច៖ «យើងថា គ.ជ.ប ក្មេងខ្ចីក៏ថាមិនបានដែរ ព្រោះបោះឆ្នោត ៤ដងហើយ គួរណាស់ គ.ជ.ប រៀបចំនីតិវិធីឲ្យច្បាស់ចម្លើយផ្លូវការមានតែ ១គត់ គឺចេញពី គ.ជ.ប។ គ.ជ.ប មុនបោះឆ្នោតហ្នឹង ត្រូវប្រកាសប្រាប់គេមុនថា យកទូរទស្សន៍ណាខ្លះដើម្បីប្រកាស មិនមែនដូរកម្មវិធីស្រេចតែនឹងចិត្ត ហើយមិនប្រាប់ឲ្យគេដឹងទេ។ គណបក្សនយោបាយក៏អ៊ីចឹងដែរ រាប់សន្លឹកឆ្នោតមិនបាន ១ម៉ោងផង ប្រកាសឡើងស្ថានការណ៍នយោបាយគ្មានសណ្ដាប់ធ្លាប់ ដែលកើតចេញពី គ.ជ.ប ហ្នឹងឯង»។
កាលពីយប់ថ្ងៃទី២៨ ខែសីហា មន្ត្រីជាន់ខ្ពស់គណបក្សប្រជាជនកម្ពុជា លោក ខៀវ កាញារីទ្ធ បានប្រកាសថា គណបក្សប្រជាជនកម្ពុជា បន្តឈ្នះឆ្នោតដោយបានកៅអីសភា ៦៨អាសនៈ ហើយបក្សប្រឆាំងបាន ៥៥អាសនៈ។ លទ្ធផលបោះឆ្នោតនេះត្រូវបានមន្ត្រីរដ្ឋាភិបាលចាត់ទុកថាជាលទ្ធផល ផ្លូវការតែម្ដង នឹងបានប្រកាសឲ្យសហគមន៍អន្តរជាតិដឹងឮថែមទៀត។ ប្រទេសកុម្មុយនិស្តពីរ គឺប្រទេសចិន និងវៀតណាម សុទ្ធតែផ្ញើសារគាំទ្រការបោះឆ្នោតនៅកម្ពុជា ទោះបីជាប្រទេសទាំងនោះមិនធ្លាប់ដែលបោះឆ្នោតតាមបែបប្រជាធិបតេយ្យ ម្ដងសោះក៏ដោយ។ ប្រទេសវៀតណាម ថែមទាំងផ្ញើសារមួយដោយឡែក អបអរសាទរចំពោះជ័យជម្នះដែលគណបក្សកាន់អំណាចបានប្រកាសទៀតផង។ ក្រៅពីនេះ ប្រទេសភូមា ឬមីយ៉ាន់ម៉ា ក៏បានផ្ញើសារអបអរសាទរគណបក្សកាន់អំណាចថាជាប់ឆ្នោតដដែល។
មិនមែនតែគណបក្សកាន់អំណាចទេ គណបក្សសង្គ្រោះជាតិ ក៏បង្កបញ្ហាឲ្យពលរដ្ឋមានការសង្ស័យដែរ។ កាលពីល្ងាចថ្ងៃទី២៨ ខែសីហា គណបក្សសង្គ្រោះជាតិ ប្រកាសតាមលិខិតផ្លូវការមួយ ដោយបញ្ជាក់ថា បក្សប្រឆាំងឈ្នះឆ្នោតជាប្រវត្តិសាស្ត្រ។ ប៉ុន្មាននាទីក្រោយមក លោក សម រង្ស៉ី និងលោក កឹម សុខា ប្រាប់វិទ្យុអាស៊ីសេរី ថា សុំកែតម្រូវទៅវិញ។ បីថ្ងៃបន្ទាប់ពីការបោះឆ្នោត គណបក្សសង្គ្រោះជាតិ បានចេញលិខិតផ្លូវការមួយទៀតដោយបញ្ជាក់ថា គណបក្សប្រឆាំងឈ្នះឆ្នោតចំនួន ៦៣អាសនៈយ៉ាងតិច ដោយមិនទាន់គិតពីភាពមិនប្រក្រតីនាពេលបោះឆ្នោតឡើយ។
សហគមន៍អន្តរជាតិដែលជាប្រទេសកាន់លទ្ធិប្រជាធិបតេយ្យដូចជា សហរដ្ឋអាមេរិក សហភាពអឺរ៉ុប ជប៉ុន និង កូរ៉េខាងត្បូង រួមនឹងអង្គការសហប្រជាជាតិ មិនបានចាប់អារម្មណ៍ទៅលើលទ្ធផលបោះឆ្នោតទេ។ ប៉ុន្តែ ភាគីអន្តរជាតិទាំងនោះស្នើឲ្យ គ.ជ.ប និងគណបក្សនយោបាយស៊ើបអង្កេតភាពមិនប្រក្រតីទាំងឡាយ និងធ្វើការងារប្រកបដោយតម្លាភាព ដើម្បីឲ្យម្ចាស់ឆ្នោតអាចទទួលលទ្ធផលបោះឆ្នោតបានដោយស្ងប់ចិត្ត។
ទោះយ៉ាងណាក្តី ការបង្កើតគណៈកម្មការស៊ើបអង្កេតភាពមិនប្រក្រតីនៃដំណើរការបោះ ឆ្នោត ត្រូវបានរលាយម្ដងរួចហើយ បន្ទាប់ពី គ.ជ.ប មិនអនុញ្ញាតឲ្យសង្គមស៊ីវិល និងភាគីអន្តរជាតិចូលជាសមាសភាពស៊ើបអង្កេតនេះ។
ទាក់ទងនឹងការប្រកាសលទ្ធផលបោះឆ្នោតវិញ ប្រធានអង្គការតម្លាភាពកម្ពុជា លោក ព្រាប កុល មានប្រសាសន៍ចំៗថា កាលៈទេសៈសព្វថ្ងៃនេះ ទាំងពលរដ្ឋ ទាំងមន្ត្រីបក្សកាន់អំណាចមួយចំនួន ក៏នៅសង្ស័យពីលទ្ធផលបោះឆ្នោតនៅឡើយ។ លោកបន្តថា អង្គការរបស់លោករកឃើញនូវភាពមិនប្រក្រតីជាច្រើនក្នុងដំណើរការ បោះឆ្នោត ហើយលោកជឿថា ពលរដ្ឋក៏មើលឃើញដូចគ្នាដែរ ទើបពួកគាត់មិនទុកចិត្តលើ គ.ជ.ប តែម្តង៖ «គាត់មិនអស់ចិត្ត គាត់នៅមន្ទិលសង្ស័យ ហើយនិយាយត្រង់ទៅ សូម្បីតែសមាជិក ស៊ីភីភី (CPP) ហ្នឹង ក៏តេមកសួរខ្ញុំថា គណបក្សណាមួយឈ្នះពិតប្រាកដ។ ហើយបើប្រជាជននៅតែអត់ទុកចិត្តនឹងស្ថាប័ន គ.ជ.ប ទៀតនេះ ហើយជាបញ្ហាដែលកម្ពុជា ត្រូវដោះស្រាយទៅថ្ងៃមុខ»។
ទោះជាបែបណាក៏ដោយ លោក ទេព នីថា បកស្រាយថា ការផ្លាស់ប្ដូរម៉ោងផ្សាយពីលទ្ធផលបោះឆ្នោត បណ្ដាលមកពី គ.ជ.ប ប្រមូលលទ្ធផលមិនទាន់បានច្រើន។ ចំណែកឯការផ្លាស់ប្ដូរការប្រកាសលទ្ធផលពីលទ្ធផលតាមឃុំ-សង្កាត់ មកជាលទ្ធផលបោះឆ្នោតទូទាំងខេត្តវិញនោះ ជាសិទ្ធិរបស់ គ.ជ.ប។ លោកបញ្ជាក់ថា គ.ជ.ប ធ្វើអ្វីតាមច្បាប់កំណត់ប៉ុណ្ណោះ៕
No comments:
Post a Comment