A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Wednesday 21 August 2013

Legal experts: International Criminal Court is a shield to prevent Cambodia to use violence to crack down on protesters អ្នក​ច្បាប់៖ តុលាការ​អន្តរជាតិ​ជា​រនាំង​មិន​ឲ្យ​កម្ពុជា​ប្រើ​កម្លាំង​បង្ក្រាប​បាតុករ

ដោយ ទីន ហ្សាការីយ៉ា RFA
2013-08-21
ប៉ូលិស បាតុករ ៣០៥
កំលាំង​នគរបាល​អន្តរាគមន៍​បង្ហាញ​ឈុត​មួយ ក្នុង​ថ្ងៃ​បិទ​វគ្គ​ហ្វឹកហ្វឺន​ស្ដីពី​យុទ្ធសាស្ត្រ​បង្ការ ទប់ស្កាត់ និង​បង្ក្រាប​កូដកម្ម បាតុកម្ម និង​កុបកម្ម​ហិង្សា នៅ​ថ្ងៃ​ទី​៣១ កក្កដា ឆ្នាំ​២០១២។
RFA
ប្រទេស​មួយ​ចំនួន​នៅ​លើ​សាកលលោក​បាន​ចុះ​សច្ចាប័ន​ចូល​ជា​សមាជិក​ តុលាការ​ព្រហ្មទណ្ឌ​អន្តរជាតិ ហៅ​កាត់​ថា អាយ.ស៊ី.ស៊ី (ICC )។ តុលាការ​នេះ​មាន​យុត្តាធិការ​តាម​ច្បាប់​ចាត់​ការ​ទៅ​លើ​បុគ្គល​ណា​ដែល​ ប្រព្រឹត្ត​បទល្មើស​ព្រហ្មទណ្ឌ​កម្រិត​ធ្ងន់ ដូច​ជា​ឧក្រិដ្ឋកម្ម​ប្រល័យ​ពូជ​សាសន៍​ប្រឆាំង​មនុស្ស​ជាតិ ឧក្រិដ្ឋកម្ម​សង្គ្រាម និង​និទ្ទណ្ឌភាព​នៅ​ក្នុង​ប្រទេស​ជា​សមាជិក​ជាដើម។
នៅ​ក្នុង​បរិបទ​នយោបាយ​របស់​ប្រទេស​កម្ពុជា​បច្ចុប្បន្ន គណបក្ស​ជាប់​ឆ្នោត​ពីរ​កំពុង​ដំឡើង​សាច់ដុំ​ដាក់​គ្នា គឺ​រវាង​គណបក្ស​សង្គ្រោះ​ជាតិ និង​គណបក្ស​ប្រជាជន​កម្ពុជា ជា​គណបក្ស​កាន់​អំណាច។ គណបក្ស​កាន់​អំណាច​កំពុង​ចល័ត​ទ័ព ដើម្បី​ត្រៀម​បង្ក្រាប​បាតុកម្ម ប្រសិន​បើ​គណបក្ស​សង្គ្រោះ​ជាតិ យក​ជម្រើស​ចុង​ក្រោយ​ធ្វើ​បាតុកម្ម​នោះ។ ក៏​ប៉ុន្តែ​ក្រុម​អ្នក​ច្បាប់​ពន្យល់​ថា តុលាការ​ព្រហ្មទណ្ឌ​អន្តរជាតិ​ជា​រនាំង​មួយ​ធ្វើ​ឲ្យ​រដ្ឋាភិបាល​ពិចារណា​ទៅ ​លើ​ការ​ប្រើ​កម្លាំង​បង្ក្រាប​បាតុកម្ម​អហិង្សា​នេះ។
គណបក្ស​ជាប់​ឆ្នោត​ទាំង​ពីរ គឺ​គណបក្ស​សង្គ្រោះ​ជាតិ និង​គណបក្ស​ប្រជាជន​កម្ពុជា អស់​រយៈ​ពេល​ជិត​មួយ​ខែ​មក​ហើយ ក្រោយ​ពី​ការ​បោះ​ឆ្នោត​មិន​ទាន់​រក​ច្រក​ត្រូវរ៉ូវ​គ្នា​នៅ​ឡើយ​អំពី​ ទំនាស់​នៃ​លទ្ធផល​បោះ​ឆ្នោត​បណ្ដោះ​អាសន្ន។
គណបក្ស​ទាំង​ពីរ​បាន​ដំឡើង​កម្ដៅ​សាច់​ដុំ​ដាក់​គ្នា​ទៅ​វិញ​ទៅ​មក​តាម​ រយៈ​ការ​គំរាម​បាតុកម្ម​អហិង្សា ប្រសិន​បើ​មិន​មាន​យុត្តិធម៌​ទៅ​លើ​លទ្ធផល​បោះឆ្នោត​របស់​គណបក្ស​សង្គ្រោះ​ ជាតិ រីឯ​គណ​បក្ស​ប្រជាជន​កម្ពុជា ដែល​គ្រប់​គ្រង​កម្លាំង​ប្រដាប់​អាវុធ​គ្រប់​ប្រភេទ​នោះ បាន​បង្ហាញ​កម្លាំង​ទ័ព​​នៅ​រាជធានី​ភ្នំពេញ កាន់​តែ​ច្រើន​ដើម្បី​ទប់​ទល់​ក្រុម​បាតុករ។
ប្រធាន​គណៈកម្មាធិការ​ពង្រឹង​វិស័យ​ច្បាប់​ដើម្បី​ការពារ​សិទ្ធិ​មនុស្ស​ នៅ​កម្ពុជា ​លោក​បណ្ឌិត ហ៊ាង រិទ្ធី មាន​ប្រសាសន៍​ថា តុលាការ​ព្រហ្មទណ្ឌ​អន្តរជាតិ គឺ​ជា​រនាំង​ដ៏​រឹង​មាំ​មួយ ដើម្បី​ឲ្យ​រដ្ឋាភិបាល ឬ​កងកម្លាំង​ប្រដាប់​អាវុធ​គ្រប់​ប្រភេទ ធ្វើ​ការ​ពិចារណា​ក្នុង​ការ​ទប់​ទល់​ក្រុម​បាតុករ​ដែល​មិន​ឲ្យ​មាន​អំពើ ហិង្សា ឬ​បាញ់​ប្រហារ​ទៅ​លើ​ក្រុម​បាតុករ​ដែល​ជា​ទង្វើ​ខុស​ច្បាប់​ជាតិ​និង​ច្បាប់ ​អន្តរជាតិ៖ «ប្រសិន​បើ​ដោះស្រាយ​នៅ​ក្នុង​ប្រទេស​មិន​មាន​យុត្តិធម៌​ទេ គឺ​បក្ស​ម្ខាង​ទៀត​មាន​សិទ្ធិ​ដាក់​ពាក្យ​បណ្ដឹង​ទៅ​តុលាការ​អន្តរជាតិ ក្នុង​ករណី​មាន​អំពើ​ហិង្សា​ណា​មួយ​កើត​ឡើង​នៅ​ពេល​ធ្វើ​បាតុកម្ម​នោះ»

ក្រុម​អ្នក​ច្បាប់​ពន្យល់​ថា ចូល​ជា​សមាជិក​នៃ​តុលាការ​ព្រហ្មទណ្ឌ​អន្តរជាតិ​នេះ ទាំង​អស់​គឺ​បាន​ជាប់​ចំណង​មួយ​ដែល​ធ្វើ​ឲ្យ​រដ្ឋាភិបាល​ដឹក​នាំ​ប្រទេស​ នីមួយៗ មិន​ឲ្យ​ប្រព្រឹត្ត​អំពើ​ឧក្រិដ្ឋកម្ម​ប្រឆាំង​មនុស្ស​ជាតិ ពីព្រោះ​ការ​ប្រព្រឹត្តិ​អំពើ​ឧក្រិដ្ឋកម្ម​ប្រឆាំង​នឹង​ប្រជាពលរដ្ឋ​របស់​ ខ្លួន​នោះ នឹង​ត្រូវ​ទទួល​ទោស​ទៅ​តាម​ច្បាប់​អន្តរជាតិ​ដែល​បាន​កំណត់​ដោយ​តុលាការ​ នេះ។
លោក​បណ្ឌិត ហ៊ាង រិទ្ធី សង្កត់​ធ្ងន់​ថា នៅ​ពេល​ខាង​មុខ​ប្រសិន​បើ​គណបក្ស​សង្គ្រោះ​ជាតិ យក​ជម្រើស​ចុង​ក្រោយ​ធ្វើ​បាតុកម្ម ហើយ​រដ្ឋាភិបាល​ប្រើ​ប្រាស់​កម្លាំង​បង្ក្រាប​ឈាន​ដល់​ការ​ប្រើ​អំពើ​ហិង្សា ​ធ្ងន់ធ្ងរ​នោះ ប្រជាពលរដ្ឋ​រង​គ្រោះ​មាន​សិទ្ធិ​ប្ដឹង​ទៅ​តុលាការ​ព្រហ្មទណ្ឌ​អន្តរជាតិ​ នេះ៖ «ច្បាប់​អន្តរជាតិ​ចាប់​ឃុំ​ខ្លួន​ចាប់​ពី ៥​នាក់​ឡើង​ទៅ ឬ​ស្លាប់​ចាប់​ពី ៥​នាក់​ឡើង​ទៅ ចូល​លក្ខណៈ​បទឧក្រិដ្ឋ​នៃ​ច្បាប់ អាយ.ស៊ី.ស៊ី បើ​សិន​ជា​ការ​ប្រើ​ប្រាស់​កម្លាំង​ដូច្នេះ»
សៀវភៅ​មាន​ចំណង​ជើង​ថា "គោលការណ៍​បឋម​ស្ដី​ពី​តុលាការ​ព្រហ្មទណ្ឌ​អន្តរជាតិ" ដែល​បោះ​ពុម្ព​ដោយ​វេទិកា​អាស៊ី​ដើម្បី​សិទ្ធិ​មនុស្ស​និង​អភិវឌ្ឍន៍ សរសេរ​ថា តុលាការ​ព្រហ្មទណ្ឌ​អន្តរជាតិ អាយ.ស៊ី.ស៊ី មាន​អំណាច​ស៊ើប​អង្កេត និង​នាំ​ខ្លួន​បុគ្គល​ជន​ផ្ដាច់​ការ​និង​ឧក្រិដ្ឋ​ជន​ដទៃ​ទៀត ទៅ​ជំនុំជម្រះ និង​កាត់​ឲ្យ​ជាប់​ជាប់​ទោស​នៅ​ពេល​ដែល​ជន​នោះ​ប្រព្រឹត្ត​បទ​ឧក្រិដ្ឋកម្ម​ សង្គ្រាម បទ​ឧក្រិដ្ឋ​ប្រឆាំង​នឹង​មនុស្ស​ជាតិ អំពើ​ប្រល័យ​ពូជ​សាសន៍ និង​អំពើ​ឈ្លាន​ពាន ហើយ​មាន​និទណ្ឌភាព ឬ​រួច​ខ្លួន​ផុត​ពី​យុត្តាធិការ​ជាតិ ទោះ​ការ​ប្រព្រឹត្ត​នេះ​ជា​ផ្នែក​មួយ​របស់​រដ្ឋាភិបាល ឬ​ពាក់ព័ន្ធ​ជាមួយ​រដ្ឋាភិបាល​ដែល​កំពុង​កាន់​អំណាច ឬ​ក្រុម​ឧទ្ទាម ក្រុម​ប៉ង​ផ្លាស់​ប្ដូរ​រដ្ឋាភិបាល​ក៏​ដោយ។
អ្នក​សម្រប​សម្រួល​កម្មវិធី​តុលាការ​ខ្មែរ​ក្រហម​សមាគម​សិទ្ធិមនុស្ស​ អាដហុក (Adhoc) លោក ឡាត់ គី មាន​ប្រសាសន៍​ថា តុលាការ​ព្រហ្មទណ្ឌ​អន្តរជាតិ​ជា​ស្ថាប័ន​អចិន្ត្រៃយ៍​មាន​អំណាច​អនុវត្ត​ យុត្តាធិការ​របស់​ខ្លួន​លើ​ជន​ទាំងឡាយ​ដែល​ប្រព្រឹត្ត​ធ្ងន់ធ្ងរ​បំផុត ធ្វើ​ឲ្យ​អន្តរជាតិ​មាន​ការ​ព្រួយ​បារម្ភ៖ «អ៊ីចឹង​ទៅ​លើ​បញ្ហា​ទាំង​អស់ ​ហ្នឹង​មាន​ន័យ​ថា មាន​បំណង​ជាក់លាក់​ណាស់​នៃ​ការ​ធានា​នៃ​ធម្មនុញ្ញ​អង្គការ​សហប្រជាជាតិ រដ្ឋ​ទាំង​អស់​ជា​សមាជិក​ត្រូវ​ទប់​ខ្លួន ឬ​ធានា​មិន​ឲ្យ​មាន​ការ​ព្រួយ​បារម្ភ​ដោយ​អំពើ​ហិង្សា​ទៅ​អន្តរជាតិ​ទាំង​ មូល»
កម្ពុជា​ជា​រដ្ឋ​មួយ​ដែល​បាន​ផ្ដល់​សច្ចាប័ន​លើ​តុលាការ​ព្រហ្មទណ្ឌ​ អន្តរជាតិ ពោល​គឺ​រដ្ឋាភិបាល​កម្ពុជា បាន​ប្ដេជ្ញា​ចិត្ត និង​មាន​កាតព្វកិច្ច​អនុវត្ត​និង​គោរព​គោល​ការណ៍​ដែល​មាន​ចែង​នៅ​ក្នុង​ តុលាការ​នេះ មាន​ដូច​ជា ការ​ប្ដេជ្ញា​ចិត្ត​ក្នុង​ការ​បញ្ចប់​និទណ្ឌភាព និង​ការ​ទប់​ស្កាត់​បទ​ល្មើស​ព្រហ្មទណ្ឌ និង​នាំ​យក​ជន​ទាំងឡាយ​ដែល​ទទួល​ខុស​ត្រូវ​លើ​ការ​ប្រព្រឹត្ត​បទឧក្រិដ្ឋ​យក ​ទៅ​ជម្រះ​ទោស​នៅ​តុលាការ​នេះ។
នៅ​ក្នុង​ស្ថានភាព​នយោបាយ​សព្វ​ថ្ងៃ​នេះ​វិញ ឃើញ​ថា គ.ជ.ប. បាន​បដិសេធ​សំណើ​គណបក្ស​ប្រឆាំង​ជា​ញឹកញាប់ ពិសេស​សំណើ​សុំ​បើក​ហិប​ឆ្នោត​ដែល​បក្ស​ប្រឆាំង​រក​ឃើញ​ថា មាន​ភាព​មិន​ប្រក្រតី​កើត​មាន​ច្រើន​នៅ​ពេល​បោះ​ឆ្នោត​នោះ ហើយ​គណបក្ស​ប្រឆាំង​ព្រមាន​ថា បាតុកម្ម​មហាជន​នឹង​កើត​ឡើង​ប្រសិន​បើ​នៅ​ដំណាក់​កាល​ចុង​ក្រោយ​គ្មាន​ដំណោះ ​ស្រាយ​ទេ​នោះ។
ការ​ព្រមាន​ធ្វើ​បាតុកម្ម​របស់​គណបក្ស​សង្គ្រោះ​ជាតិ​នេះ បាន​ធ្វើ​ឲ្យ​រដ្ឋាភិបាល​ប្រុងប្រយ័ត្ន​និង​ត្រៀម​កង​កម្លាំង​ដើម្បី​ បង្ក្រាប​ក្រុម​បាតុករ។ ការ​បង្ហាញ​កម្លាំង​នេះ បាន​ធ្វើ​ឲ្យ​ប្រជាពលរដ្ឋ​មួយ​ចំនួន​មាន​ការ​ភ័យ​ខ្លាច។ ទន្ទឹម​នឹង​នេះ ក៏​មាន​ប្រជាពលរដ្ឋ​មួយ​ចំនួន​ទៀត​មិន​តក់​ស្លុត​ចំពោះ​ការ​បង្ហាញ​កង​ កម្លាំង​នេះ​ដែរ។
ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ មាន​ប្រសាសន៍​ថា នៅ​ពេល​ខាង​មុខ ប្រសិន​បើ​ផ្ទុះ​មាន​បាតុកម្ម​កើត​ឡើង​ដែល​ដឹក​នាំ​ដោយ​គណបក្ស​សង្គ្រោះ​ ជាតិ ហើយ​មាន​អំពើ​ហិង្សា​ដោយ​ការ​បង្ក្រាប​ដែល​មិន​មាន​សភាព​ធ្ងន់ធ្ងរ​ទេ តុលាការ​ព្រហ្មទណ្ឌ​អន្តរជាតិ​មិន​មាន​យុត្តាធិការ​ក្នុង​ការ​ចាប់​ខ្លួន​កង ​កម្លាំង​បង្ក្រាប​បាតុករ​យក​ទៅ​កាត់​ទោស​នោះ​ទេ អាស្រ័យ​លើ​សកម្មភាព​ជាក់​ស្ដែង៖ «បើ​សិន​ជា​ហិង្សា​ហ្នឹង​អាច​ឈាន​ដល់​ ការ​សម្លាប់​មនុស្ស​មែន តែ​វា​សម​ហេតុ​ផល អាយ.ស៊ី.ស៊ី មិន​លូក​ដៃ​កាត់​ទោស​អ្នក​ប្រព្រឹត្ត​ទេ តែ​បើ​សិន​ជា​មាន​ការ​សម្លាប់​មនុស្ស​ជា​ប្រព័ន្ធ​វិញ នឹង​ចាប់​ខ្លួន​អ្នក​ប្រព្រឹត្ត​ផ្ដន្ទាទោស»
ទោះបី​ជា​យ៉ាង​ណា​ក៏ដោយ អ្នក​ជំនាញ​ផ្នែក​វិទ្យាសាស្ត្រ​នយោបាយ​និង​ជា​អ្នក​វិភាគ​ឯករាជ្យ លោក​បណ្ឌិត សុខ ទូច មាន​ប្រសាសន៍​ថា ប្រទេស​កម្ពុជា បាន​ផ្ដល់​សច្ចាប័ន​ទៅ​តុលាការ​ព្រហ្មទណ្ឌ​អន្តរជាតិ​នេះ​ជា​របាំង​មួយ​ដែល​ ធ្វើ​ឲ្យ​រដ្ឋាភិបាល​មិន​អាច​ប្រើ​ប្រាស់​កម្លាំង​ដើម្បី​បង្ក្រាប​ទៅ​លើ​ ហ្វូង​បាតុករ​បាន​ទេ ប្រសិន​បើ​គណបក្ស​ប្រឆាំង​ដឹក​នាំ​ធ្វើ​បាតុកម្ម​នោះ។
លោក​បណ្ឌិត សុខ ទូច បាន​លើក​ជា​ឧទាហរណ៍​មេដឹកនាំ​ប្រទេស​មួយ​ចំនួន ត្រូវ​បាន​តុលាការ​ព្រហ្មទណ្ឌ​អន្តរជាតិ​កាត់​ទោស​ដោយសារ​តែ​ការ​ប្រើប្រាស់ ​កម្លាំង​បង្ក្រាប​ទៅ​ប្រជាពលរដ្ឋ​ស៊ីវិល​របស់​ខ្លួន៖ «ប្រទេស​ថៃ ដោយសារ​តែ​តុលាការ​គេ​ឯករាជ្យ តុលាការ​ចាត់ការ​ខ្លួន​ឯង ដោយ​ឡែក​នៅ​យូហ្គោស្លាវី អាយ.ស៊ី.ស៊ី យក​មេដឹកនាំ​ប្រទេស​នេះ​ទៅ​កាត់​ទោស»
ប្រទេស​កម្ពុជា មាន​មេរៀន​ជា​ច្រើន​ទាក់ទង​នឹង​ការ​ប្រើប្រាស់​កងកម្លាំង​ប្រដាប់​អាវុធ បាន​ចុះ​បង្ក្រាប​ក្រុម​អ្នក​តវ៉ា​រឿង​ជម្លោះ​ដីធ្លី​ជា​ហូរហែ និង​ករណី​បង្ក្រាប​បាតុករ​នៅ​មុខ​មន្ទីរ​រដ្ឋ​សភា​ចាស់​ដែល​ដឹក​នាំ​ដោយ​លោក សម រង្ស៊ី កាល​ពី​ឆ្នាំ​១៩៩៧ ដែល​កាល​នោះ​ធ្វើ​ឲ្យ​មាន​ផ្ទុះ​គ្រាប់​បែក​ស្លាប់​មនុស្ស និង​របួស​មក​ទល់​ពេល​នេះ​រដ្ឋាភិបាល​មិន​ទាន់​ចាប់​ជន​ដៃដល់​យក​មក​ ផ្ដន្ទាទោស​បាន​នៅ​ឡើយ។
ការ​បំផ្ទុះ​គ្រាប់​បែក​នៅ​ក្នុង​ហ្វូង​បាតុករ​នៅ​មុខ​មន្ទីរ​រដ្ឋ​សភា​ ចាស់​កាល​ពី​ឆ្នាំ​១៩៩៧ ដែល​ធ្វើ​ឲ្យ​មាន​មនុស្ស​ស្លាប់​ចំនួន ១៦​នាក់ និង​របួស​ជាង ១០០​នាក់។ នៅ​កាល​នោះ ប្រទេស​កម្ពុជា មិន​ទាន់​ចុះ​សច្ចាប័ន​ចូល​ជា​សមាជិក​តុលាការ​ព្រហ្មទណ្ឌ​អន្តរជាតិ​នៅ​ឡើយ។
រហូត​មក​ដល់​ពេល​នេះ មាន​ប្រទេស​ចំនួន ១២២​ហើយ​បាន​ចូល​ជា​ភាគី​លក្ខន្តិកៈ​នៃ​តុលាការ​ព្រហ្មទណ្ឌ​អន្តរជាតិ អាយ.ស៊ី.ស៊ី នេះ ហើយ​កម្ពុជា ចុះ​ហត្ថលេខា​ចូល​ជា​ភាគី​លក្ខន្តិកៈ​ក្រុង​រ៉ូម នៅ​ថ្ងៃ​ទី​២៣ តុលា ឆ្នាំ​២០០០។ នៅ​ថ្ងៃ​ទី​១១ មេសា ឆ្នាំ​២០០២ កម្ពុជា​ផ្ដល់​សច្ចាប័ន​នៃ​តុលាការ​ព្រហ្មទណ្ឌ​អន្តរជាតិ​នេះ។
ការ​ដាក់​ពាក្យ​បណ្ដឹង​ទៅ​តុលាការ​ព្រហ្មទណ្ឌ​អន្តរជាតិ​នេះ អ្នក​ណា​ក៏​អាច​ដាក់​បាន​ដែរ ក្នុង​នោះ​ជន​រង​គ្រោះ​ខ្លួន​ឯង​ក៏​បាន​អង្គការ​មិន​មែន​រដ្ឋាភិបាល​ជាតិ ឬ​អន្តរជាតិ​ក៏​អាច​ផ្ដល់​ដំណឹង​ដល់​តុលាការ​ព្រហ្មទណ្ឌ​អន្តរជាតិ​បាន​ដែរ។
ទោះបី​ជា​លទ្ធផល​នៃ​ការ​បោះឆ្នោត​កាល​ពី​ថ្ងៃ​ទី​២៨ កក្កដា ឆ្នាំ​២០១៣ ស្ថិត​នៅ​ក្នុង​ភាព​ចម្រូងចម្រាស​រវាង​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ស្ថិត​នៅ​ក្នុង​សភាព​មិន​ទាន់​ត្រូវ​គ្នា ហើយ​គណបក្ស​ប្រឆាំង​ប្រកាស​ជា​ញឹកញាប់​ថា នឹង​ដឹក​នាំ​ធ្វើ​បាតុកម្ម​ជា​ជម្រើស​ចុង​ក្រោយ​នោះ​ក្ដី ប៉ុន្តែ​គណបក្ស​ប្រឆាំង​នៅ​តែ​មិន​ចង់​ឲ្យ​មាន​ការ​បង្ហូរ​ឈាម​នៅ​ពេល​ធ្វើ​ បាតុកម្ម​នោះ​ទេ គឺ​គណបក្ស​នេះ​ចង់​ធ្វើ​បាតុកម្ម​ដោយ​អហិង្សា និង​គ្មាន​អាវុធ​ទប់​ត​ទល់​នោះ​ទេ ប្រសិន​បើ​រដ្ឋាភិបាល​ប្រើ​កងកម្លាំង​បង្ក្រាប​មែន​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

3 comments:

Anonymous said...

They all are Hanoi dogs. Thmil of khmer people. Youn Hanoi is the tradional enemy of khmer. Youn and khmer are very different from each other like water and oil. Never never be friend.

Unknown said...

I see o lot of force train to kill your own people I just let you know they just want to take your own hand to kill your family and who has a benefit that your commander,who has a remorse the whole life and the communities will hate you and you be face against to international crime court(ICC)and your top rank commander they enjoy their life with a good food sleep in beautiful and girls drink a good wine but also they face to icc too don't take action anything just move your canon point to your commander and kill them if you don't they will do to you just all top rank were khmer rouge and khmer vietminh they serve for hanoi this true,try to listen the news around the world just don't listen bayon tv,ctn and others they never talk the true news they always lie all the times and expand a small thing to big as well as a mountain all talk news they're very bad for khmer news.thank this letter for whom concern like army or police duties .

Anonymous said...

ពួកនេះសុទ្ធតែត្រូវបានហ្វឹកហាត់ឲ្យចេះនិងហ៊ានសម្លាប់ ដើម្បីអំណាចហ៊ុនសែន។