ពលរដ្ឋមួយចំនួនក្នុងរាជធានីភ្នំពេញ
បានបង្ហាញការយល់ឃើញខុសៗគ្នាចំពោះការប្រកាសរបស់លោក សម រង្ស៊ី
ថានឹងចូលស្រុកវិញនៅមុនការបោះឆ្នោតមកដល់ថ្ងៃទី២៨ កក្កដា
ឆ្នាំ២០១៣។
កាលពីថ្ងៃទី៦ ខែកក្កដា លោក សម រង្ស៊ី ប្រធានគណបក្សសង្គ្រោះជាតិ បានប្រកាសក្នុងវីដេអូក្លីប (Video clip) តាមបណ្ដាញសង្គមហ្វេសប៊ុក (Facebook) របស់ខ្លួនថា លោកនឹងវិលចូលប្រទេសកម្ពុជា វិញពេលឆាប់ៗ គឺនៅមុនការបោះឆ្នោត។
ប្រជាពលរដ្ឋម្នាក់រស់នៅក្នុងសង្កាត់ទួលទំពូង ខណ្ឌចំការមន លោក សិទ្ធិ មានប្រសាសន៍ថា លោករីករាយចំពោះដំណឹងវិលត្រឡប់របស់លោក សម រង្ស៊ី ថ្វីត្បិតលោក សម រង្ស៊ី បានប្រកាសបែបនេះជាច្រើនលើកក្ដី។ ប៉ុន្តែលោកជឿជាក់ថា លោក សម រង្ស៊ី នឹងឈ្នះឆ្នោតក្នុងអាណត្តិនេះ។
លោក សិទ្ធិ៖ «បានគាត់ចូលល្អហើយ ល្អមែនទែនហើយដើម្បីបម្រើប្រជាពលរដ្ឋ។ ខ្ញុំអត់មានបាក់ទឹកចិត្តទេ គ្រាន់តែប្រកាសប៉ុន្មានដងហើយ ព្រោះយើងនៅខាងនេះវាលំបាកពេក បើម្ដងហ្នឹងគាត់ថាគាត់មក ខ្ញុំក៏ជួយគាំទ្រគាត់ដែរ។ ខ្ញុំសង្ឃឹមថាគាត់ឈ្នះ ព្រោះខ្ញុំមើលមតិពលរដ្ឋខ្ញុំស្ដាប់រាល់ថ្ងៃ»។
បន្ទាប់ពីការប្រកាសរបស់លោក សម រង្ស៊ី បាន២ថ្ងៃ អ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ បានប្រកាសថា នគរបាលកម្ពុជា នឹងអនុវត្តដីកាចាប់ខ្លួនប្រធានគណបក្សសង្គ្រោះជាតិ លោក សម រង្ស៊ី ភ្លាម ប្រសិនបើមេដឹកនាំគណបក្សប្រឆាំងរូបនេះវិលត្រឡប់ចូលប្រទេសវិញ។
លោក សម រង្ស៊ី បាននិរទេសខ្លួនឯងទៅក្រៅប្រទេស កាលពីចុងឆ្នាំ២០០៩ បន្ទាប់ពីតុលាការសម្រេចផ្ដន្ទាទោសកំបាំងមុខដាក់ពន្ធនាគារ ១២ឆ្នាំ ពីបទក្លែងបន្លំអក្សរក្នុងឯកសារសាធារណៈ ការផ្សាយព័ត៌មានមិនពិត និងដកតម្រុយបង្គោលព្រំដែនកម្ពុជា-វៀតណាម នៅខេត្តស្វាយរៀង។
យ៉ាងណាក៏ដោយ ពលរដ្ឋម្នាក់ទៀតជាអាជីវករផ្សារទួលទំពូង គឺអ្នកស្រី នុត សុធី បានថ្លែងថា អ្នកស្រីបារម្ភថា លោក សម រង្ស៊ី នឹងត្រូវចាប់ខ្លួននៅពេលគាត់វិលត្រឡប់មកវិញ ដោយសារតែដកតម្រុយបង្គោលព្រំដែន៖ «សុទ្ធតែកូនខ្មែរដូចគ្នា ចង់ឲ្យសហការគ្នាទាំងអស់ ដើម្បីជាតិខ្មែរយើងទាំងអស់ អត់ចង់ឲ្យគេចាប់ទេ ចង់ឲ្យគាត់មានសេរីភាពដូចយើងទាំងអស់គ្នា»។
ប៉ុន្តែ ពលរដ្ឋម្នាក់ទៀតជាអាជីវករនៅផ្សារមួយក្នុងក្រុងភ្នំពេញ បានថ្លែងថា គាត់ពិតជាចង់ឲ្យលោក សម រង្ស៊ី វិលមកប្រទេសជាតិវិញ។ អ្នកស្រីគិតថា រដ្ឋាភិបាលនឹងមិនចាប់ខ្លួនលោកនោះទេ៖ «ដូចមិនអីទេហ្អីចូលស្រុកវិញមក គ្មាននរណាធ្វើអីគាត់ទេ គេគ្រប់គ្នាចង់ឲ្យគាត់ចូលវិញគ្រប់គ្នាហ្នឹង»។
ជារឿយៗ លោក សម រង្ស៊ី តែងតែប្រកាសថា ខ្លួននឹងវិលត្រឡប់ចូលស្រុកវិញ។ ប៉ុន្តែ គេនៅតែមិនទាន់ឃើញលោកវិលត្រឡប់មកវិញនៅឡើយទេ ដែលបញ្ហានេះត្រូវបានមជ្ឈដ្ឋាននានារិះគន់ថា លោកពុំទាន់មានភាពក្លាហានដូចការប្រកាសរបស់លោកនៅឡើយ។
បញ្ហានេះធ្វើឲ្យពលរដ្ឋមួយរូប គឺលោក ឌួង ដារ៉ា បានថ្លែងបែបស្រពិចស្រពិលថា លោកពិបាកនឹងស្មានចំពោះទឹកចិត្តរបស់អ្នកនយោបាយ ពីព្រោះលោក សម រង្ស៊ី តែងប្រកាសបែបនេះជាច្រើនលើកច្រើនសាររួចមកហើយនោះ៖ «សម រង្ស៊ី ខ្ញុំដូចមិនសូវដឹងដែរនេះ! គ្រាន់តែថាការចូលរួមរបស់ប្រជាពលរដ្ឋ ការចូលមកបោះឆ្នោត គឺជារឿងមួយសំខាន់សម្រាប់ពលរដ្ឋម្នាក់ៗគ្រាន់តែការចូលហ្នឹង វាពាក់ព័ន្ធនឹងបញ្ហានយោបាយ ខ្ញុំមិនសូវដឹងដែរ ព្រោះអីអ្នកនយោបាយ ខ្ញុំពិបាកនឹងតាមដានស្មានមិនត្រូវធ្លាប់កន្លងមក ការនិយាយផ្សេងការធ្វើផ្សេង។ ជួនកាល អ្នកនយោបាយគេត្រូវគ្នាឯណោះ គ្រាន់តែជាពាក្យចចាមអារ៉ាមខាងក្រៅ ជួនកាលគេឈ្លោះគ្នា ខាងលើគេត្រូវគ្នាណោះក៏មិនដឹង»។
បើទោះបីជាមានពលរដ្ឋខ្លះបានសម្ដែងការគាំទ្រចំពោះការវិល ត្រឡប់របស់លោក សម រង្ស៊ី ក្ដី ក៏មានពលរដ្ឋខ្លះមិនចាប់អារម្មណ៍ចំពោះដំណឹងនេះដែរ៖ «និយាយរួម ខ្ញុំអត់អារឿងអីចឹងៗទេ រវល់តែរឿងលក់នេះខ្ញុំមិនសូវគិតទេ។ ពូមិនចាប់អីទេថា ព្រោះគាត់ថាយើងវាឲ្យគាត់មកៗ យើងវាសស្រាក់សស្រាំទាំងអស់គ្នាទៅ វាយើងប្រកួតប្រជែងទាំងអស់គ្នាទៅវាល្អដែរ។ ខ្ញុំគិតថា បើគាត់មកច្បាស់ជាគេចាប់ហើយ ទឹកចិត្តខ្ញុំចង់ឲ្យគាត់មក។ អត់ដឹងអីសោះនេះ មោកខ្ញុំមោកស្មោះ មកៗទៅមិនមកហីទៅធ្វើម៉េចហ្ន! បើគាត់អីចឹងហើយ។ ខ្មែរចេះស្រឡាញ់គ្នា ប្រសើរជាងខ្មែរឃើញមុខគ្នាក្លាយទៅជាយក្ស ខ្មែរម្នាក់ចង្កឹះ១ ខ្មែរច្រើននាក់ចង្កឹះមួយបាច់»។
ពលរដ្ឋមួយរូបទៀត គឺលោក វេង ហ័ន បានគាំទ្រឲ្យលោក សម រង្ស៊ី វិលត្រឡប់មកវិញ ដោយលោកលើកហេតុផលថា ការប្រកួតប្រជែងការបោះឆ្នោតហាក់ពុំមានតម្លាភាព៖ «ខ្ញុំគិតថា លោក សម រង្ស៊ី ហ្នឹង បើគាត់ចូលស្រុកមែនវាល្អដែរ ដូចថា គាត់ជាមេបក្សប្រឆាំងអីចឹង ហើយគាត់អត់បានមកឃោសនា ដើម្បីរកសំឡេងឆ្នោតឲ្យបក្សគាត់អីចឹង វាអត់សូវល្អ គាត់ត្រូវតែមកឃោសនារកសំឡេងឆ្នោតឲ្យបក្សរបស់គាត់ បើគាត់មិនមក វាដូចអត់មានន័យអីបោះឆ្នោតហ្នឹង»។
ប្រសិនជាលោក សម រង្ស៊ី ខកខានមិនបានមកតាមដូចការសន្យារបស់ខ្លួននោះទេ មតិមួយចំនួនបានហៅរូបលោក សម រង្ស៊ី ថា ជាអ្នកនយោបាយគេចវេះបញ្ហា ឬរត់ចោលស្រុក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កាលពីថ្ងៃទី៦ ខែកក្កដា លោក សម រង្ស៊ី ប្រធានគណបក្សសង្គ្រោះជាតិ បានប្រកាសក្នុងវីដេអូក្លីប (Video clip) តាមបណ្ដាញសង្គមហ្វេសប៊ុក (Facebook) របស់ខ្លួនថា លោកនឹងវិលចូលប្រទេសកម្ពុជា វិញពេលឆាប់ៗ គឺនៅមុនការបោះឆ្នោត។
ប្រជាពលរដ្ឋម្នាក់រស់នៅក្នុងសង្កាត់ទួលទំពូង ខណ្ឌចំការមន លោក សិទ្ធិ មានប្រសាសន៍ថា លោករីករាយចំពោះដំណឹងវិលត្រឡប់របស់លោក សម រង្ស៊ី ថ្វីត្បិតលោក សម រង្ស៊ី បានប្រកាសបែបនេះជាច្រើនលើកក្ដី។ ប៉ុន្តែលោកជឿជាក់ថា លោក សម រង្ស៊ី នឹងឈ្នះឆ្នោតក្នុងអាណត្តិនេះ។
លោក សិទ្ធិ៖ «បានគាត់ចូលល្អហើយ ល្អមែនទែនហើយដើម្បីបម្រើប្រជាពលរដ្ឋ។ ខ្ញុំអត់មានបាក់ទឹកចិត្តទេ គ្រាន់តែប្រកាសប៉ុន្មានដងហើយ ព្រោះយើងនៅខាងនេះវាលំបាកពេក បើម្ដងហ្នឹងគាត់ថាគាត់មក ខ្ញុំក៏ជួយគាំទ្រគាត់ដែរ។ ខ្ញុំសង្ឃឹមថាគាត់ឈ្នះ ព្រោះខ្ញុំមើលមតិពលរដ្ឋខ្ញុំស្ដាប់រាល់ថ្ងៃ»។
បន្ទាប់ពីការប្រកាសរបស់លោក សម រង្ស៊ី បាន២ថ្ងៃ អ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ បានប្រកាសថា នគរបាលកម្ពុជា នឹងអនុវត្តដីកាចាប់ខ្លួនប្រធានគណបក្សសង្គ្រោះជាតិ លោក សម រង្ស៊ី ភ្លាម ប្រសិនបើមេដឹកនាំគណបក្សប្រឆាំងរូបនេះវិលត្រឡប់ចូលប្រទេសវិញ។
លោក សម រង្ស៊ី បាននិរទេសខ្លួនឯងទៅក្រៅប្រទេស កាលពីចុងឆ្នាំ២០០៩ បន្ទាប់ពីតុលាការសម្រេចផ្ដន្ទាទោសកំបាំងមុខដាក់ពន្ធនាគារ ១២ឆ្នាំ ពីបទក្លែងបន្លំអក្សរក្នុងឯកសារសាធារណៈ ការផ្សាយព័ត៌មានមិនពិត និងដកតម្រុយបង្គោលព្រំដែនកម្ពុជា-វៀតណាម នៅខេត្តស្វាយរៀង។
យ៉ាងណាក៏ដោយ ពលរដ្ឋម្នាក់ទៀតជាអាជីវករផ្សារទួលទំពូង គឺអ្នកស្រី នុត សុធី បានថ្លែងថា អ្នកស្រីបារម្ភថា លោក សម រង្ស៊ី នឹងត្រូវចាប់ខ្លួននៅពេលគាត់វិលត្រឡប់មកវិញ ដោយសារតែដកតម្រុយបង្គោលព្រំដែន៖ «សុទ្ធតែកូនខ្មែរដូចគ្នា ចង់ឲ្យសហការគ្នាទាំងអស់ ដើម្បីជាតិខ្មែរយើងទាំងអស់ អត់ចង់ឲ្យគេចាប់ទេ ចង់ឲ្យគាត់មានសេរីភាពដូចយើងទាំងអស់គ្នា»។
ប៉ុន្តែ ពលរដ្ឋម្នាក់ទៀតជាអាជីវករនៅផ្សារមួយក្នុងក្រុងភ្នំពេញ បានថ្លែងថា គាត់ពិតជាចង់ឲ្យលោក សម រង្ស៊ី វិលមកប្រទេសជាតិវិញ។ អ្នកស្រីគិតថា រដ្ឋាភិបាលនឹងមិនចាប់ខ្លួនលោកនោះទេ៖ «ដូចមិនអីទេហ្អីចូលស្រុកវិញមក គ្មាននរណាធ្វើអីគាត់ទេ គេគ្រប់គ្នាចង់ឲ្យគាត់ចូលវិញគ្រប់គ្នាហ្នឹង»។
ជារឿយៗ លោក សម រង្ស៊ី តែងតែប្រកាសថា ខ្លួននឹងវិលត្រឡប់ចូលស្រុកវិញ។ ប៉ុន្តែ គេនៅតែមិនទាន់ឃើញលោកវិលត្រឡប់មកវិញនៅឡើយទេ ដែលបញ្ហានេះត្រូវបានមជ្ឈដ្ឋាននានារិះគន់ថា លោកពុំទាន់មានភាពក្លាហានដូចការប្រកាសរបស់លោកនៅឡើយ។
បញ្ហានេះធ្វើឲ្យពលរដ្ឋមួយរូប គឺលោក ឌួង ដារ៉ា បានថ្លែងបែបស្រពិចស្រពិលថា លោកពិបាកនឹងស្មានចំពោះទឹកចិត្តរបស់អ្នកនយោបាយ ពីព្រោះលោក សម រង្ស៊ី តែងប្រកាសបែបនេះជាច្រើនលើកច្រើនសាររួចមកហើយនោះ៖ «សម រង្ស៊ី ខ្ញុំដូចមិនសូវដឹងដែរនេះ! គ្រាន់តែថាការចូលរួមរបស់ប្រជាពលរដ្ឋ ការចូលមកបោះឆ្នោត គឺជារឿងមួយសំខាន់សម្រាប់ពលរដ្ឋម្នាក់ៗគ្រាន់តែការចូលហ្នឹង វាពាក់ព័ន្ធនឹងបញ្ហានយោបាយ ខ្ញុំមិនសូវដឹងដែរ ព្រោះអីអ្នកនយោបាយ ខ្ញុំពិបាកនឹងតាមដានស្មានមិនត្រូវធ្លាប់កន្លងមក ការនិយាយផ្សេងការធ្វើផ្សេង។ ជួនកាល អ្នកនយោបាយគេត្រូវគ្នាឯណោះ គ្រាន់តែជាពាក្យចចាមអារ៉ាមខាងក្រៅ ជួនកាលគេឈ្លោះគ្នា ខាងលើគេត្រូវគ្នាណោះក៏មិនដឹង»។
បើទោះបីជាមានពលរដ្ឋខ្លះបានសម្ដែងការគាំទ្រចំពោះការវិល ត្រឡប់របស់លោក សម រង្ស៊ី ក្ដី ក៏មានពលរដ្ឋខ្លះមិនចាប់អារម្មណ៍ចំពោះដំណឹងនេះដែរ៖ «និយាយរួម ខ្ញុំអត់អារឿងអីចឹងៗទេ រវល់តែរឿងលក់នេះខ្ញុំមិនសូវគិតទេ។ ពូមិនចាប់អីទេថា ព្រោះគាត់ថាយើងវាឲ្យគាត់មកៗ យើងវាសស្រាក់សស្រាំទាំងអស់គ្នាទៅ វាយើងប្រកួតប្រជែងទាំងអស់គ្នាទៅវាល្អដែរ។ ខ្ញុំគិតថា បើគាត់មកច្បាស់ជាគេចាប់ហើយ ទឹកចិត្តខ្ញុំចង់ឲ្យគាត់មក។ អត់ដឹងអីសោះនេះ មោកខ្ញុំមោកស្មោះ មកៗទៅមិនមកហីទៅធ្វើម៉េចហ្ន! បើគាត់អីចឹងហើយ។ ខ្មែរចេះស្រឡាញ់គ្នា ប្រសើរជាងខ្មែរឃើញមុខគ្នាក្លាយទៅជាយក្ស ខ្មែរម្នាក់ចង្កឹះ១ ខ្មែរច្រើននាក់ចង្កឹះមួយបាច់»។
ពលរដ្ឋមួយរូបទៀត គឺលោក វេង ហ័ន បានគាំទ្រឲ្យលោក សម រង្ស៊ី វិលត្រឡប់មកវិញ ដោយលោកលើកហេតុផលថា ការប្រកួតប្រជែងការបោះឆ្នោតហាក់ពុំមានតម្លាភាព៖ «ខ្ញុំគិតថា លោក សម រង្ស៊ី ហ្នឹង បើគាត់ចូលស្រុកមែនវាល្អដែរ ដូចថា គាត់ជាមេបក្សប្រឆាំងអីចឹង ហើយគាត់អត់បានមកឃោសនា ដើម្បីរកសំឡេងឆ្នោតឲ្យបក្សគាត់អីចឹង វាអត់សូវល្អ គាត់ត្រូវតែមកឃោសនារកសំឡេងឆ្នោតឲ្យបក្សរបស់គាត់ បើគាត់មិនមក វាដូចអត់មានន័យអីបោះឆ្នោតហ្នឹង»។
ប្រសិនជាលោក សម រង្ស៊ី ខកខានមិនបានមកតាមដូចការសន្យារបស់ខ្លួននោះទេ មតិមួយចំនួនបានហៅរូបលោក សម រង្ស៊ី ថា ជាអ្នកនយោបាយគេចវេះបញ្ហា ឬរត់ចោលស្រុក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment