Jun 12, 2013 Comments Off Khean Vises
Source: http://www.nationalrescueparty.org/
Read about a disturbance at his public forum in Kean Svay.
នៅព្រឹកថ្ងៃទី១២ខែមិថុនានេះ គណបក្សសង្រ្គោះជាតិបានរៀបចំសន្និសីទកាសែតនៅ
ទីស្នាក់ការគណបក្សសង្រ្គោះជាតិខណ្ឌទួលគោក រាជធានីភ្នំពេញ
ស្តីពីការរំខានមកលើវេទិកាសាធារណៈរបស់គណបក្សសង្រ្គោះជាតិ
ដែលបានរៀបចំនៅតាមបណ្តាខេត្តក្រុងក្នុងប្រទេសកម្ពុជា។
ថ្លែងក្នុងសន្និសីទនេះ លោក កឹម សុខា
ប្រធានស្តីទីគណបក្សសង្រ្គោះជាតិបានអំពាវនាវឲ្យរដ្ឋាភិបាលយកចិត្តទុកដាក់
និងចាត់វិធានការជាបន្ទាន់ចំពោះសកម្មភាពទាំងឡាយណាដែលរំខានដល់
សិទ្ធិសេរីភាពក្នុងការធ្វើសកម្មភាពនយោបាយរបស់ថ្នាក់ដឹកនាំគណបក្ស
សង្រ្គោះជាតិពុំនោះទេការបោះឆ្នោតនៅថ្ងៃទី២៨ខែកក្កដាខាងមុខនេះ
គឺមិនអាចទទួលយកបានទេ។ ទន្ទឹមគ្នានេះដែរ លោក កឹម សុខា
ក៏បានលើកឡើងនូវហេតុការណ៍ពីម្សិលមិញដែលបានកើតឡើងមកលើរូបលោក
ដោយមានមនុស្សមួយក្រុមប៉ុនប៉ងធ្វើទុក្ខបុកម្និញលើរូបលោក
ប្រសិនបើលោកព្យាយាមជិះទូកឆ្លងទន្លេចូលរួមវេទិកានៅខេត្តកណ្តាល
ប៉ុន្តែលោកបានដឹងមុន លុះពេលរសៀល
បន្ទាប់ពីបញ្ចប់សុន្ទរកថាក្នុងវេទិកាសាធារណៈនៅឃុំដីឥដ្ឋ ស្រុកគៀនស្វាយ
ខេត្តកណ្តាល
ខណៈដែលលោកបានចេញដំណើរវិលមកគេហដ្ឋានក្នុងទីក្រុងភ្នំពេញមានឡាន
ប្រហែល១០គ្រឿងត្រូវបានគេយកមកព័ទ្ធបិទផ្លូវមិនឲ្យឡានលោក កឹម សុខា
ធ្វើដំណើរទៅមុខបាន ឯមនុស្សក្នុងឡានទាំងនោះប៉ុនប៉ងប្រើអំពើហិង្សាលើរូបលោក
ប៉ុន្តែប្រជាពលរដ្ឋដែលចូលរួមវេទិកាគណបក្សសង្រ្គោះជាតិ
បានប្រឹងប្រែងជួយបើកផ្លូវឲ្យរថយន្តលោកបានចេញដំណើរដោយសុវត្ថិភាព៕
- See more at: http://www.nationalrescueparty.org/#sthash.JH66WK1K.dpuf
No comments:
Post a Comment