ដោយ ដែន អយុធ្យា RFA
2013-05-21
2013-05-21
ស្ដាប់ ឬ ទាញយកសំឡេង
យុវតី សុខ សុកញ្ចនា សិស្សថ្នាក់ទី៨អា (8A)
នៅអនុវិទ្យាល័យគគីរ
បង្ហាញផ្ទាំងគំនូរដែលឈ្នះជ័យលាភីពីសមាគមគ្រូបង្រៀនកម្ពុជា
ឯករាជ្យ នៅព្រឹកថ្ងៃទី២១ ខែឧសភា ឆ្នាំ២០១៣។
RFA/Den Ayuthea
ស្របគ្នានេះ
សមាគមគ្រូបង្រៀនបានអំពាវនាវឲ្យរដ្ឋាភិបាលដំឡើងប្រាក់បៀវត្សគ្រូ
និងផ្តល់សិទ្ធិឲ្យកុមារគ្រប់រូបទទួលបានការអប់រំមានគុណភាព
និងឥតគិតថ្លៃ។
ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន មានប្រសាសន៍នៅក្នុងសន្និសីទកាសែតព្រឹកថ្ងៃច័ន្ទ ទី២១ ខែឧសភា នាទីស្នាក់ការសមាគមថា ការបង្កើតកម្មវិធីប្រកួតគូរផ្ទាំងគំនូរនេះឡើង គឺដើម្បីអបអរយុទ្ធនាការជាសកលសម្រាប់ការអប់រំ ឆ្នាំ២០១៣ ក្រោមប្រធានបទ "កុមារគ្រប់រូបត្រូវការគ្រូបង្រៀនល្អ"។
លោកបន្តថា ការប្រកួតគូរគំនូរ "រូបមនុស្សជាច្រវាក់នៃក្តីសង្ឃឹម" នេះ សមាគមបានជ្រើសយកសាលាចំនួន៣ និងមាន ១៥បន្ទប់ ក្នុងរាជធានីភ្នំពេញ និងខេត្តកណ្ដាល មានកម្រិតបឋម អនុវិទ្យាល័យ និងវិទ្យាល័យ ដើម្បីបង្ហាញពីសាមគ្គីភាពក្នុងការងារអប់រំ និងលើកកម្ពស់ការអប់រំនៅកម្ពុជា។
លោក រ៉ុង ឈុន ក៏បានយកវេទិកានេះអំពាវនាវឲ្យរដ្ឋាភិបាលទទួលខុសត្រូវឲ្យកុមារ គ្រប់រូបទទួលបានការអប់រំមានគុណភាព និងមិនគិតថ្លៃទាំងអស់គ្នា ពិសេសត្រូវដំឡើងប្រាក់បៀវត្សជូនគ្រូបង្រៀនឲ្យបាន ១លានរៀលក្នុង១ខែ៖ «បើសិនជាសិស្សត្រូវការគ្រូបង្រៀនល្អ អ៊ីចឹងក្រសួងអប់រំ ពិសេសរដ្ឋាភិបាលត្រូវតែយកចិត្តទុកដាក់ ត្រូវតែឧបត្ថម្ភបៀវត្សគាត់ឲ្យបានគ្រប់គ្រាន់ ដើម្បីលុបបំបាត់នូវភាពមិនប្រក្រតីដែលគ្រូលក់នំ លក់មេរៀន បង្រៀនគួរដោយប៉ះពាល់ដល់អារម្មណ៍សិស្សទាំងអស់ហ្នឹង អាហ្នឹងហើយដែលយើងត្រូវធ្វើការលុបបំបាត់»។
យ៉ាងណាក៏ដោយ ការដំឡើងប្រាក់បៀវត្សជូនគ្រូបង្រៀន ឬគ្រូកម្រិតបឋមសិក្សានេះ ត្រូវបានលោក ចាន់ សុភា ប្រធាននាយកដ្ឋានបឋមសិក្សានៃក្រសួងអប់រំ យុវជន និងកីឡា ធ្លាប់បដិសេធមិនទទួលសំណើដំឡើងប្រាក់បៀវត្សរបស់សង្គមស៊ីវិលនេះ ទេ។ ប៉ុន្តែ យោងតាមស្មារតីក្នុងសន្និបាតអប់រំដើមឆ្នាំ២០១៣ រដ្ឋាភិបាលកម្ពុជា តាមរយៈក្រសួងអប់រំ មានគម្រោងកាត់បន្ថយគម្លាតប្រាក់បៀវត្សរវាងគ្រូបឋមសិក្សា និងគ្រូអនុវិទ្យាល័យ។
យុវតី សុខ សុកញ្ចនា សិស្សថ្នាក់ទី៨អា (8A) នៅអនុវិទ្យាល័យគគីរ ស្រុកកៀនស្វាយ ខេត្តកណ្ដាល បានសម្ដែងក្ដីរីករាយ បន្ទាប់ពីស្នាដៃគូរគំនូររបស់នាងជាប់ចំណាត់ថ្នាក់លេខ១ និងទទួលបានថវិកា ព្រមទាំងសម្ភារៈសិក្សាពីសមាគម។
យុវតីរូបនេះបានស្នើឲ្យរដ្ឋាភិបាលជួយគិតគូរពីកង្វះខាតគ្រូ បង្រៀន ឲ្យបានប្រសើរជាងនេះតាមរយៈដំឡើងប្រាក់ខែជូនគ្រូបង្រៀន៖ «រូបភាព នេះ គឺចង់បង្ហាញពីសាមគ្គីភាពទូទាំងពិភពលោក មិនថាប្រុស មិនថាស្រី គឺមានសាមគ្គីភាពទាំងអស់។ ហើយទូទាំងពិភពលោកហ្នឹង គឺទទួលបានការសិក្សាស្មើគ្នា។ គ្រូបង្រៀនមានសារៈសំខាន់ណាស់សម្រាប់ពួកប្អូន ព្រោះគ្រូបង្រៀនគឺជាគ្រឹះមូលដ្ឋាន និងជាគំរូដ៏ល្អសម្រាប់ពួកប្អូនក្នុងការសិក្សា។ បើសិនជាគ្មានពួកគាត់នាំផ្លូវទេ ប្អូនមិនដឹងថាត្រូវដើរទៅផ្លូវណាទេ»។
ចំណែកយុវតី អ៊ិន ចន្ទណាលីន ជាសិស្សថ្នាក់ទី១១ហាស់ (11H) នៃវិទ្យាល័យជ័យវរ្ម័នទី៧ ដែលប្រកួតឈ្នះជ័យលាភីផ្ទាំងគំនូរបង្ហាញពីសាមគ្គីភាព មិត្តភាព ម្នាក់ដែរ ក៏បានស្នើឲ្យរដ្ឋាភិបាលជួយគិតគូរជីវភាពគ្រូបង្រៀនឲ្យបានប្រសើរ ជាងសព្វថ្ងៃ ដើម្បីឲ្យគ្រូបង្រៀនមានពេលវេលាស្រាវជ្រាវឯកសារ និងមានទឹកចិត្តបង្រៀន៖ «រូបហ្នឹងចង់និយាយថា ពីសាមគ្គីភាពរវាងគ្រូ និងសិស្ស។ ចង់និយាយថា បើសិនជាគ្រូបង្រៀនគ្មានប្រាក់បៀវត្សសមរម្យ និងគ្មានពេលវេលាស្រាវជ្រាវ ខ្ញុំក៏មិនអាចមានចំណេះស្តង់ដារវិជ្ជាជីវៈខ្ពង់ខ្ពស់បានដែរ»។
អ្នកគ្រូ សុខ ធីតា មកពីអនុវិទ្យាល័យគគីរ ស្រុកកៀនស្វាយ ខេត្តកណ្ដាល មានមោទនភាពដែលសិស្សរបស់គាត់ឈ្នះជ័យលាភីប្រកួតគំនូរពីសមាគមគ្រូ បង្រៀនកម្ពុជាឯករាជ្យ។ អ្នកគ្រូឲ្យដឹងថា រូបគំនូរដែលសិស្សរបស់គាត់ឈ្នះជ័យលាភី គឺគូរទាក់ទងការងារអប់រំ និងការលើកកម្ពស់ជីវភាពគ្រូបង្រៀននៅកម្ពុជា៖ «គំនិតច្នៃប្រឌិត នេះ គឺចង់ជួយកុមារទាំងអស់មិនថាតែក្នុងប្រទេសទេ គឺទូទាំងពិភពលោក សុទ្ធតែត្រូវការសាលារៀន។ បើថាមានកុមារ គឺត្រូវមានសាលារៀន។ អ៊ីចឹងបានថាសាលាចង់និយាយថា ក្មេងនៅផ្ទះ គឺឪពុកម្តាយទីទៃ ប៉ុន្តែដល់ពេលចេញទៅក្រៅ វាត្រូវចេះសហការគ្នា រួបរួមគ្នា ទើបធ្វើឲ្យអនាគតរបស់ពួកគេមានភាពជោគជ័យ»។
យ៉ាងណាក៏ដោយ លោក រ៉ុង ឈុន បញ្ជាក់ថា ការបង្កើតឲ្យមានកម្មវិធីគូរគំនូរ ឬកាត់ក្រដាសបិទភ្ជាប់ រូបមនុស្សជាច្រវាក់ជាប់គ្នានេះ ក៏ជាផ្នែកមួយដើម្បីអបអរយុទ្ធនាការជាសកលសម្រាប់ការអប់រំឆ្នាំ ២០១៣ ដែលមានប្រទេសជាង ១០០ នៅលើពិភពលោកបានប្រារព្ធឡើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន មានប្រសាសន៍នៅក្នុងសន្និសីទកាសែតព្រឹកថ្ងៃច័ន្ទ ទី២១ ខែឧសភា នាទីស្នាក់ការសមាគមថា ការបង្កើតកម្មវិធីប្រកួតគូរផ្ទាំងគំនូរនេះឡើង គឺដើម្បីអបអរយុទ្ធនាការជាសកលសម្រាប់ការអប់រំ ឆ្នាំ២០១៣ ក្រោមប្រធានបទ "កុមារគ្រប់រូបត្រូវការគ្រូបង្រៀនល្អ"។
លោកបន្តថា ការប្រកួតគូរគំនូរ "រូបមនុស្សជាច្រវាក់នៃក្តីសង្ឃឹម" នេះ សមាគមបានជ្រើសយកសាលាចំនួន៣ និងមាន ១៥បន្ទប់ ក្នុងរាជធានីភ្នំពេញ និងខេត្តកណ្ដាល មានកម្រិតបឋម អនុវិទ្យាល័យ និងវិទ្យាល័យ ដើម្បីបង្ហាញពីសាមគ្គីភាពក្នុងការងារអប់រំ និងលើកកម្ពស់ការអប់រំនៅកម្ពុជា។
លោក រ៉ុង ឈុន ក៏បានយកវេទិកានេះអំពាវនាវឲ្យរដ្ឋាភិបាលទទួលខុសត្រូវឲ្យកុមារ គ្រប់រូបទទួលបានការអប់រំមានគុណភាព និងមិនគិតថ្លៃទាំងអស់គ្នា ពិសេសត្រូវដំឡើងប្រាក់បៀវត្សជូនគ្រូបង្រៀនឲ្យបាន ១លានរៀលក្នុង១ខែ៖ «បើសិនជាសិស្សត្រូវការគ្រូបង្រៀនល្អ អ៊ីចឹងក្រសួងអប់រំ ពិសេសរដ្ឋាភិបាលត្រូវតែយកចិត្តទុកដាក់ ត្រូវតែឧបត្ថម្ភបៀវត្សគាត់ឲ្យបានគ្រប់គ្រាន់ ដើម្បីលុបបំបាត់នូវភាពមិនប្រក្រតីដែលគ្រូលក់នំ លក់មេរៀន បង្រៀនគួរដោយប៉ះពាល់ដល់អារម្មណ៍សិស្សទាំងអស់ហ្នឹង អាហ្នឹងហើយដែលយើងត្រូវធ្វើការលុបបំបាត់»។
យ៉ាងណាក៏ដោយ ការដំឡើងប្រាក់បៀវត្សជូនគ្រូបង្រៀន ឬគ្រូកម្រិតបឋមសិក្សានេះ ត្រូវបានលោក ចាន់ សុភា ប្រធាននាយកដ្ឋានបឋមសិក្សានៃក្រសួងអប់រំ យុវជន និងកីឡា ធ្លាប់បដិសេធមិនទទួលសំណើដំឡើងប្រាក់បៀវត្សរបស់សង្គមស៊ីវិលនេះ ទេ។ ប៉ុន្តែ យោងតាមស្មារតីក្នុងសន្និបាតអប់រំដើមឆ្នាំ២០១៣ រដ្ឋាភិបាលកម្ពុជា តាមរយៈក្រសួងអប់រំ មានគម្រោងកាត់បន្ថយគម្លាតប្រាក់បៀវត្សរវាងគ្រូបឋមសិក្សា និងគ្រូអនុវិទ្យាល័យ។
យុវតី សុខ សុកញ្ចនា សិស្សថ្នាក់ទី៨អា (8A) នៅអនុវិទ្យាល័យគគីរ ស្រុកកៀនស្វាយ ខេត្តកណ្ដាល បានសម្ដែងក្ដីរីករាយ បន្ទាប់ពីស្នាដៃគូរគំនូររបស់នាងជាប់ចំណាត់ថ្នាក់លេខ១ និងទទួលបានថវិកា ព្រមទាំងសម្ភារៈសិក្សាពីសមាគម។
យុវតីរូបនេះបានស្នើឲ្យរដ្ឋាភិបាលជួយគិតគូរពីកង្វះខាតគ្រូ បង្រៀន ឲ្យបានប្រសើរជាងនេះតាមរយៈដំឡើងប្រាក់ខែជូនគ្រូបង្រៀន៖ «រូបភាព នេះ គឺចង់បង្ហាញពីសាមគ្គីភាពទូទាំងពិភពលោក មិនថាប្រុស មិនថាស្រី គឺមានសាមគ្គីភាពទាំងអស់។ ហើយទូទាំងពិភពលោកហ្នឹង គឺទទួលបានការសិក្សាស្មើគ្នា។ គ្រូបង្រៀនមានសារៈសំខាន់ណាស់សម្រាប់ពួកប្អូន ព្រោះគ្រូបង្រៀនគឺជាគ្រឹះមូលដ្ឋាន និងជាគំរូដ៏ល្អសម្រាប់ពួកប្អូនក្នុងការសិក្សា។ បើសិនជាគ្មានពួកគាត់នាំផ្លូវទេ ប្អូនមិនដឹងថាត្រូវដើរទៅផ្លូវណាទេ»។
ចំណែកយុវតី អ៊ិន ចន្ទណាលីន ជាសិស្សថ្នាក់ទី១១ហាស់ (11H) នៃវិទ្យាល័យជ័យវរ្ម័នទី៧ ដែលប្រកួតឈ្នះជ័យលាភីផ្ទាំងគំនូរបង្ហាញពីសាមគ្គីភាព មិត្តភាព ម្នាក់ដែរ ក៏បានស្នើឲ្យរដ្ឋាភិបាលជួយគិតគូរជីវភាពគ្រូបង្រៀនឲ្យបានប្រសើរ ជាងសព្វថ្ងៃ ដើម្បីឲ្យគ្រូបង្រៀនមានពេលវេលាស្រាវជ្រាវឯកសារ និងមានទឹកចិត្តបង្រៀន៖ «រូបហ្នឹងចង់និយាយថា ពីសាមគ្គីភាពរវាងគ្រូ និងសិស្ស។ ចង់និយាយថា បើសិនជាគ្រូបង្រៀនគ្មានប្រាក់បៀវត្សសមរម្យ និងគ្មានពេលវេលាស្រាវជ្រាវ ខ្ញុំក៏មិនអាចមានចំណេះស្តង់ដារវិជ្ជាជីវៈខ្ពង់ខ្ពស់បានដែរ»។
អ្នកគ្រូ សុខ ធីតា មកពីអនុវិទ្យាល័យគគីរ ស្រុកកៀនស្វាយ ខេត្តកណ្ដាល មានមោទនភាពដែលសិស្សរបស់គាត់ឈ្នះជ័យលាភីប្រកួតគំនូរពីសមាគមគ្រូ បង្រៀនកម្ពុជាឯករាជ្យ។ អ្នកគ្រូឲ្យដឹងថា រូបគំនូរដែលសិស្សរបស់គាត់ឈ្នះជ័យលាភី គឺគូរទាក់ទងការងារអប់រំ និងការលើកកម្ពស់ជីវភាពគ្រូបង្រៀននៅកម្ពុជា៖ «គំនិតច្នៃប្រឌិត នេះ គឺចង់ជួយកុមារទាំងអស់មិនថាតែក្នុងប្រទេសទេ គឺទូទាំងពិភពលោក សុទ្ធតែត្រូវការសាលារៀន។ បើថាមានកុមារ គឺត្រូវមានសាលារៀន។ អ៊ីចឹងបានថាសាលាចង់និយាយថា ក្មេងនៅផ្ទះ គឺឪពុកម្តាយទីទៃ ប៉ុន្តែដល់ពេលចេញទៅក្រៅ វាត្រូវចេះសហការគ្នា រួបរួមគ្នា ទើបធ្វើឲ្យអនាគតរបស់ពួកគេមានភាពជោគជ័យ»។
យ៉ាងណាក៏ដោយ លោក រ៉ុង ឈុន បញ្ជាក់ថា ការបង្កើតឲ្យមានកម្មវិធីគូរគំនូរ ឬកាត់ក្រដាសបិទភ្ជាប់ រូបមនុស្សជាច្រវាក់ជាប់គ្នានេះ ក៏ជាផ្នែកមួយដើម្បីអបអរយុទ្ធនាការជាសកលសម្រាប់ការអប់រំឆ្នាំ ២០១៣ ដែលមានប្រទេសជាង ១០០ នៅលើពិភពលោកបានប្រារព្ធឡើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment