ដោយ វិជ័យ អានន្ទ RFA
2013-05-14
2013-05-14
ស្ដាប់ ឬ ទាញយកសំឡេង
ពលរដ្ឋមកពីសហគមន៍បឹងកក់ បុរីកីឡា និងថ្មគោល
ដាក់ញត្តិថ្វាយព្រះមហាក្សត្រ នៅមុខព្រះបរមរាជវាំង នៅថ្ងៃទី១៤
ខែឧសភា ឆ្នាំ២០១៣។
RFA/Vichey Anandh
ខ្លឹមសារនៃញត្តិ គឺសុំព្រះរាជអន្តរាគមន៍ពីព្រះអង្គ
ព្រះរាជានុញ្ញាតឲ្យក្រសួងយុត្តិធម៌ដោះលែងអ្នកស្រី យ៉ោម បុប្ផា
(សកម្មជនដីធ្លី) នៅតំបន់បឹងកក់
ដែលត្រូវតុលាការចាប់ខ្លួនដោយចោទអ្នកស្រីទាក់ទងនឹងបញ្ហា
ព្រហ្មទណ្ឌក្នុងករណីវាយអ្នករត់ម៉ូតូឌុប។
ពលរដ្ឋប្រមាណ ១០០នាក់ នៅព្រឹកថ្ងៃអង្គារ ទី១៤ ឧសភា បាននាំគ្នាអង្គុយនៅមុខព្រះបរមរាជវាំង ស្រែកអង្វរសុំព្រះរាជអន្តរាគមន៍ពីព្រះមហាក្សត្រ សុំព្រះរាជានុញ្ញាតទៅក្រសួងយុត្តិធម៌ ឲ្យដោះលែងអ្នកស្រី យ៉ោម បុប្ផា ដោយពួកគេអះអាងថា អ្នកស្រី យ៉ោម បុប្ផា មិនបានប្រព្រឹត្តបទល្មើសដូចការចោទប្រកាន់របស់សាលាដំបូងរាជធានី ភ្នំពេញ បានចោទប្រកាន់នោះទេ។
អ្នកស្រី ទេព វន្នី តំណាងសហគមន៍តំបន់បឹងកក់ មានប្រសាសន៍នៅកណ្ដាលថ្ងៃក្ដៅនៅមុខព្រះបរមរាជវាំង ថា អ្នកស្រីសម្ដែងទំនុកចិត្តថា ព្រះមហាក្សត្រ ព្រះអង្គនឹងយកគំរូល្អៗតាមព្រះបិតា គឺព្រះបាទនរោត្តម សីហនុ ដើម្បីរំដោះទុក្ខពលរដ្ឋដែលរងទុក្ខដោយបញ្ហាដីធ្លី។ អ្នកស្រី ទេព វន្នី មានប្រសាសន៍ទៀតថា បើទោះបីអ្នកស្រីកើតមិនទាន់សម័យកាលដែលអតីតព្រះមហាក្សត្រទ្រង់ បំពេញព្រះរាជបេសកកម្មដឹកនាំប្រទេស ប៉ុន្តែអ្នកស្រីសង្កេតឃើញថា កាលពីថ្ងៃសោយទិវង្គតរបស់ព្រះអង្គ មានពលរដ្ឋជាច្រើនសម្ដែងការសោកស្ដាយចំពោះការសោយទិវង្គតរបស់ ព្រះអង្គ។
បន្ទាប់ជួបជុំគ្នាអស់រយៈពេលប្រមាណ ២ ទៅ ៣ម៉ោង ក្រុមប្រជាពលរដ្ឋទាំងបីសហគមន៍ បានបំបែកគ្នា ក្រោយពីតំណាងនៃក្រសួងព្រះបរមរាជវាំង លោក ងួន ពៅពង្ស បានចេញមកទទួលញត្តិរបស់ពលរដ្ឋ។
លោក ងួន ពៅពង្ស ក៏បានថ្លែងដែរថា ព្រះមហាក្សត្របានឡាយព្រះហស្តលេខាទៅក្រសួងយុត្តិធម៌ហើយ កាលពីខែមីនា ឆ្នាំ២០១៣។
ទាក់ទងនឹងការដាក់ញត្តិសុំព្រះរាជអន្តរាគមន៍នេះ អ្នកស្រី ទេព វន្នី មានប្រសាសន៍ថា ការដាក់ញត្តិនៅថ្ងៃទី១៤ ឧសភា ឆ្នាំ២០១៣ នេះ ជាលើកទីពីរហើយ។ អ្នកស្រី ទេព វន្នី មានប្រសាសន៍បន្ថែមថា ការអញ្ជើញមកនៃពលរដ្ឋទាំងបីសហគមន៍នៅមុខព្រះបរមរាជវាំងនេះ ក្រៅពីការយកញត្តិមកថ្វាយព្រះមហាក្សត្រ សុំព្រះរាជអន្តរាគមន៍ទៅក្រសួងយុត្តិធម៌ ឲ្យដោះលែងអ្នកស្រី យ៉ោម បុប្ផា ហើយនោះ ពួកគាត់ក៏ថ្វាយព្រះពរថ្វាយព្រះមហាក្សត្រ ក្នុងទិវាព្រះរាជពិធីបុណ្យចម្រើនព្រះជន្មគម្រប់ខួប៦០ យាងចូល ៦១ព្រះវស្សា។
អ្នកស្រី យ៉ោម បុប្ផា សកម្មជនដីធ្លីនៅតំបន់បឹងកក់ ត្រូវបានសាលាដំបូងរាជធានីភ្នំពេញ ផ្ដន្ទាទោសឲ្យជាប់ពន្ធនាគារ ៣ឆ្នាំ កាលពីខែធ្នូ ឆ្នាំ២០១២ ក្រោមការចោទប្រកាន់ប្រើហិង្សាដោយចេតនា ដែលមានស្ថានទម្ងន់ទោសចំពោះការវាយទៅលើអ្នករត់ម៉ូតូឌុបពីរនាក់ ឲ្យរងរបួស។ សព្វថ្ងៃ បណ្ដឹងទាស់របស់អ្នកស្រីស្ថិតក្នុងដៃសាលាឧទ្ធរណ៍នៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ពលរដ្ឋប្រមាណ ១០០នាក់ នៅព្រឹកថ្ងៃអង្គារ ទី១៤ ឧសភា បាននាំគ្នាអង្គុយនៅមុខព្រះបរមរាជវាំង ស្រែកអង្វរសុំព្រះរាជអន្តរាគមន៍ពីព្រះមហាក្សត្រ សុំព្រះរាជានុញ្ញាតទៅក្រសួងយុត្តិធម៌ ឲ្យដោះលែងអ្នកស្រី យ៉ោម បុប្ផា ដោយពួកគេអះអាងថា អ្នកស្រី យ៉ោម បុប្ផា មិនបានប្រព្រឹត្តបទល្មើសដូចការចោទប្រកាន់របស់សាលាដំបូងរាជធានី ភ្នំពេញ បានចោទប្រកាន់នោះទេ។
អ្នកស្រី ទេព វន្នី តំណាងសហគមន៍តំបន់បឹងកក់ មានប្រសាសន៍នៅកណ្ដាលថ្ងៃក្ដៅនៅមុខព្រះបរមរាជវាំង ថា អ្នកស្រីសម្ដែងទំនុកចិត្តថា ព្រះមហាក្សត្រ ព្រះអង្គនឹងយកគំរូល្អៗតាមព្រះបិតា គឺព្រះបាទនរោត្តម សីហនុ ដើម្បីរំដោះទុក្ខពលរដ្ឋដែលរងទុក្ខដោយបញ្ហាដីធ្លី។ អ្នកស្រី ទេព វន្នី មានប្រសាសន៍ទៀតថា បើទោះបីអ្នកស្រីកើតមិនទាន់សម័យកាលដែលអតីតព្រះមហាក្សត្រទ្រង់ បំពេញព្រះរាជបេសកកម្មដឹកនាំប្រទេស ប៉ុន្តែអ្នកស្រីសង្កេតឃើញថា កាលពីថ្ងៃសោយទិវង្គតរបស់ព្រះអង្គ មានពលរដ្ឋជាច្រើនសម្ដែងការសោកស្ដាយចំពោះការសោយទិវង្គតរបស់ ព្រះអង្គ។
បន្ទាប់ជួបជុំគ្នាអស់រយៈពេលប្រមាណ ២ ទៅ ៣ម៉ោង ក្រុមប្រជាពលរដ្ឋទាំងបីសហគមន៍ បានបំបែកគ្នា ក្រោយពីតំណាងនៃក្រសួងព្រះបរមរាជវាំង លោក ងួន ពៅពង្ស បានចេញមកទទួលញត្តិរបស់ពលរដ្ឋ។
លោក ងួន ពៅពង្ស ក៏បានថ្លែងដែរថា ព្រះមហាក្សត្របានឡាយព្រះហស្តលេខាទៅក្រសួងយុត្តិធម៌ហើយ កាលពីខែមីនា ឆ្នាំ២០១៣។
ទាក់ទងនឹងការដាក់ញត្តិសុំព្រះរាជអន្តរាគមន៍នេះ អ្នកស្រី ទេព វន្នី មានប្រសាសន៍ថា ការដាក់ញត្តិនៅថ្ងៃទី១៤ ឧសភា ឆ្នាំ២០១៣ នេះ ជាលើកទីពីរហើយ។ អ្នកស្រី ទេព វន្នី មានប្រសាសន៍បន្ថែមថា ការអញ្ជើញមកនៃពលរដ្ឋទាំងបីសហគមន៍នៅមុខព្រះបរមរាជវាំងនេះ ក្រៅពីការយកញត្តិមកថ្វាយព្រះមហាក្សត្រ សុំព្រះរាជអន្តរាគមន៍ទៅក្រសួងយុត្តិធម៌ ឲ្យដោះលែងអ្នកស្រី យ៉ោម បុប្ផា ហើយនោះ ពួកគាត់ក៏ថ្វាយព្រះពរថ្វាយព្រះមហាក្សត្រ ក្នុងទិវាព្រះរាជពិធីបុណ្យចម្រើនព្រះជន្មគម្រប់ខួប៦០ យាងចូល ៦១ព្រះវស្សា។
អ្នកស្រី យ៉ោម បុប្ផា សកម្មជនដីធ្លីនៅតំបន់បឹងកក់ ត្រូវបានសាលាដំបូងរាជធានីភ្នំពេញ ផ្ដន្ទាទោសឲ្យជាប់ពន្ធនាគារ ៣ឆ្នាំ កាលពីខែធ្នូ ឆ្នាំ២០១២ ក្រោមការចោទប្រកាន់ប្រើហិង្សាដោយចេតនា ដែលមានស្ថានទម្ងន់ទោសចំពោះការវាយទៅលើអ្នករត់ម៉ូតូឌុបពីរនាក់ ឲ្យរងរបួស។ សព្វថ្ងៃ បណ្ដឹងទាស់របស់អ្នកស្រីស្ថិតក្នុងដៃសាលាឧទ្ធរណ៍នៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment