ដោយ សួន សុផលមុន្នី RFA
2013-05-10
2013-05-10
ស្ដាប់ ឬ ទាញយកសំឡេង
១០-មករា-២០១៣៖ ស្លាកសញ្ញាគណបក្សសង្គ្រោះជាតិ ថ្មី
ដែលត្រូវបានចោទថាបាំងស្លាកសញ្ញាចរាចរណ៍ផ្លូវខ្វែង
ឆ្លងស្ទឹងពោធិ៍សាត់ ខេត្តពោធិ៍សាត់។
RFA/Mondul Keo
មន្ត្រីគណបក្សសង្គ្រោះជាតិ
បានសម្រេចដកស្លាកសញ្ញាគណបក្សរបស់ខ្លួនមួយផ្ទាំងចេញពីដីលំនៅឋាន
របស់ប្រជាពលរដ្ឋមួយ នៅឃុំអូរដំបង១ ស្រុកសង្កែ ខេត្តបាត់ដំបង។
ប៉ុន្តែគណបក្សនេះចោទមន្ត្រីគណបក្សកាន់អំណាចថាជាអ្នកនៅពីក្រោយ
ខ្នង
ហើយបង្ខិតបង្ខំម្ចាស់ផ្ទះកុំឲ្យផ្ដល់ដីនៅខាងមុខផ្ទះសម្រាប់លើក
ស្លាកសញ្ញាគណបក្ស។
សមាជិកក្រុមការងារគណបក្សសង្គ្រោះជាតិ ប្រចាំខេត្តបាត់ដំបង លោក ជា ជីវ ថ្លែងនៅថ្ងៃទី១០ ខែឧសភា ថា ថ្មីៗនេះគណបក្សសង្គ្រោះជាតិ បានលើកស្លាកសញ្ញាគណបក្សដាក់តាំងនៅខាងមុខផ្ទះប្រជាពលរដ្ឋមួយ ស្ថិតភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។ ការលើកស្លាកសញ្ញានេះ គឺមានការយល់ព្រមពីលោក និន ពេក ជាម្ចាស់ផ្ទះ៖ «ភាគីខាងខ្ញុំសុខចិត្តដកស្លាកនៅទីតាំង មូលហេតុឃើញមានការដាក់សម្ពាធទៅលើគាត់ ហើយមានការបង្ខំពីសមាជិកក្រុមប្រឹក្សាដែលជាស្ត្រី ដាក់សម្ពាធទៅលើភាគីម្ចាស់ផ្ទះ»។
ក្រោយមក កញ្ញា ចាន់ សុខុល ជាកូនរបស់លោក និន ពេក បានដាក់ពាក្យស្នើសុំទៅសាលាឃុំ ដើម្បីដកស្លាកគណបក្សនោះចេញវិញ។ នៅព្រឹកថ្ងៃទី១០ ខែឧសភា ឆ្នាំ២០១៣ អាជ្ញាធរឃុំអូរដំបង១ បានបើកកិច្ចប្រជុំលើសំណើនេះ។ នៅក្នុងកំណត់ហេតុប្រជុំ កញ្ញា ចាន់ សុខុល បញ្ជាក់ថា ពីមុនមកនៅបរិវេណខាងមុខផ្ទះគាត់ គឺមានការយល់ព្រមឲ្យដាក់តាំងស្លាកគណបក្ស សិទ្ធិមនុស្ស តែកុំដាក់ក្នុងរបងផ្ទះ និងលើដីមុខផ្ទះ ប៉ុន្តែបើសុំមេភូមិមេឃុំបានដាក់ទៅចុះ៖ «តែចំពោះស្លាកគណបក្ស សង្គ្រោះជាតិ អត់បានឲ្យដាក់ទេ។ ខ្ញុំស្ម័គ្រចិត្តធ្វើពាក្យស្នើសុំដោយខ្លួនឯង មូលហេតុមិនចង់ឲ្យដាក់ស្លាកគណបក្សនៅខាងមុខផ្ទះ»។
ប៉ុន្តែបញ្ហានេះ ត្រូវបានមន្ត្រីគណបក្សសង្គ្រោះជាតិ ចោទថា លោកស្រី សុន សូនី ជាក្រុមប្រឹក្សាឃុំអូរដំបង១ បានដាក់សម្ពាធឲ្យកញ្ញា ចាន់ សុខុល ជាកូនស្រីរបស់លោក និន ពេក ដកស្លាកសញ្ញាគណបក្សនោះចេញវិញ។ លោកថា ម្ចាស់ផ្ទះមានសិទ្ធិឲ្យដាក់ និងឲ្យដកស្លាកគណបក្សចេញពីដីខាងមុខផ្ទះរបស់ខ្លួន ដោយពុំចាំបាច់ធ្វើពាក្យស្នើសុំទៅអាជ្ញាធរមូលដ្ឋានដូច្នេះឡើយ៖ «តាម គោលការណ៍ច្បាប់ បើសិនគាត់មិនពេញចិត្តនឹងដាក់ស្លាក គាត់គ្រាន់តែប្រាប់ម្ចាស់ស្លាកមកបានហើយ ម្ចាស់ស្លាកនឹងធ្វើតាមការស្នើសុំរបស់គាត់ហើយ គ្មានមូលហេតុអីដែលគាត់មិនស្នើទៅម្ចាស់ស្លាក បែរទៅជាអាជ្ញាធរឃុំទៅវិញ»។
លោក និន ពេក អាយុ ៧៤ឆ្នាំ ជាម្ចាស់ផ្ទះបញ្ជាក់ថា ក្នុងពាក្យស្នើសុំទៅអាជ្ញាធរឃុំនោះ លោកបានផ្ដិតមេដៃ តែលោកមិនបានអានពាក្យស្នើសុំនោះទេ ហើយអត់មានអ្នកអានឲ្យស្ដាប់ថែមទៀត។ ប៉ុន្តែ លោកស្រី សុន សូនី បានឲ្យគាត់ផ្ដិតមេដៃនៅកន្លែងលក់ដូរមួយនៅក្នុងភូមិ។ តែការចោទប្រកាន់នេះ ត្រូវបានលោកស្រី សុន សូនី បដិសេធថាមិនបានបង្ខំឲ្យលោក និន ពេក ផ្ដិតមេដៃទេ ព្រោះពាក្យស្នើសុំនោះកូនរបស់លោកជាអ្នកសរសេរ ហើយកូនគាត់ជាអ្នកអាន តែរឿងលោក និន ពេក បានស្ដាប់ ឬមិនបានស្ដាប់ ជារឿងផ្សេង។
ស្លាកសញ្ញាគណបក្សសង្គ្រោះជាតិ នៅតាមបណ្ដាខេត្តជាច្រើនកន្លែង ត្រូវបានជនមិនស្គាល់មុខលួចវាយបំផ្លាញចោលក្នុងរយៈពេលជា បន្តបន្ទាប់កន្លងទៅនេះ។ មន្ត្រីគណបក្សសង្គ្រោះជាតិ អះអាងថា មូលហេតុនៃការលួចបំផ្លាញស្លាកគណបក្សសង្គ្រោះជាតិ នេះ កើតចេញមកពីការញុះញង់របស់អាជ្ញាធរមូលដ្ឋានដែលមាននិន្នាការគាំទ្រ គណបក្សប្រជាជនកម្ពុជា។ ប៉ុន្តែ អាជ្ញាធរមូលដ្ឋាន និងមន្ត្រីគណបក្សកាន់អំណាច បានបដិសេធការចោទប្រកាន់នេះ ដោយសំអាងថាករណីទាំងនោះវាជារឿង និងជាសិទ្ធិរបស់ម្ចាស់ផ្ទះ និងម្ចាស់កម្មសិទ្ធិទីកន្លែងតែប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
សមាជិកក្រុមការងារគណបក្សសង្គ្រោះជាតិ ប្រចាំខេត្តបាត់ដំបង លោក ជា ជីវ ថ្លែងនៅថ្ងៃទី១០ ខែឧសភា ថា ថ្មីៗនេះគណបក្សសង្គ្រោះជាតិ បានលើកស្លាកសញ្ញាគណបក្សដាក់តាំងនៅខាងមុខផ្ទះប្រជាពលរដ្ឋមួយ ស្ថិតភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។ ការលើកស្លាកសញ្ញានេះ គឺមានការយល់ព្រមពីលោក និន ពេក ជាម្ចាស់ផ្ទះ៖ «ភាគីខាងខ្ញុំសុខចិត្តដកស្លាកនៅទីតាំង មូលហេតុឃើញមានការដាក់សម្ពាធទៅលើគាត់ ហើយមានការបង្ខំពីសមាជិកក្រុមប្រឹក្សាដែលជាស្ត្រី ដាក់សម្ពាធទៅលើភាគីម្ចាស់ផ្ទះ»។
ក្រោយមក កញ្ញា ចាន់ សុខុល ជាកូនរបស់លោក និន ពេក បានដាក់ពាក្យស្នើសុំទៅសាលាឃុំ ដើម្បីដកស្លាកគណបក្សនោះចេញវិញ។ នៅព្រឹកថ្ងៃទី១០ ខែឧសភា ឆ្នាំ២០១៣ អាជ្ញាធរឃុំអូរដំបង១ បានបើកកិច្ចប្រជុំលើសំណើនេះ។ នៅក្នុងកំណត់ហេតុប្រជុំ កញ្ញា ចាន់ សុខុល បញ្ជាក់ថា ពីមុនមកនៅបរិវេណខាងមុខផ្ទះគាត់ គឺមានការយល់ព្រមឲ្យដាក់តាំងស្លាកគណបក្ស សិទ្ធិមនុស្ស តែកុំដាក់ក្នុងរបងផ្ទះ និងលើដីមុខផ្ទះ ប៉ុន្តែបើសុំមេភូមិមេឃុំបានដាក់ទៅចុះ៖ «តែចំពោះស្លាកគណបក្ស សង្គ្រោះជាតិ អត់បានឲ្យដាក់ទេ។ ខ្ញុំស្ម័គ្រចិត្តធ្វើពាក្យស្នើសុំដោយខ្លួនឯង មូលហេតុមិនចង់ឲ្យដាក់ស្លាកគណបក្សនៅខាងមុខផ្ទះ»។
ប៉ុន្តែបញ្ហានេះ ត្រូវបានមន្ត្រីគណបក្សសង្គ្រោះជាតិ ចោទថា លោកស្រី សុន សូនី ជាក្រុមប្រឹក្សាឃុំអូរដំបង១ បានដាក់សម្ពាធឲ្យកញ្ញា ចាន់ សុខុល ជាកូនស្រីរបស់លោក និន ពេក ដកស្លាកសញ្ញាគណបក្សនោះចេញវិញ។ លោកថា ម្ចាស់ផ្ទះមានសិទ្ធិឲ្យដាក់ និងឲ្យដកស្លាកគណបក្សចេញពីដីខាងមុខផ្ទះរបស់ខ្លួន ដោយពុំចាំបាច់ធ្វើពាក្យស្នើសុំទៅអាជ្ញាធរមូលដ្ឋានដូច្នេះឡើយ៖ «តាម គោលការណ៍ច្បាប់ បើសិនគាត់មិនពេញចិត្តនឹងដាក់ស្លាក គាត់គ្រាន់តែប្រាប់ម្ចាស់ស្លាកមកបានហើយ ម្ចាស់ស្លាកនឹងធ្វើតាមការស្នើសុំរបស់គាត់ហើយ គ្មានមូលហេតុអីដែលគាត់មិនស្នើទៅម្ចាស់ស្លាក បែរទៅជាអាជ្ញាធរឃុំទៅវិញ»។
លោក និន ពេក អាយុ ៧៤ឆ្នាំ ជាម្ចាស់ផ្ទះបញ្ជាក់ថា ក្នុងពាក្យស្នើសុំទៅអាជ្ញាធរឃុំនោះ លោកបានផ្ដិតមេដៃ តែលោកមិនបានអានពាក្យស្នើសុំនោះទេ ហើយអត់មានអ្នកអានឲ្យស្ដាប់ថែមទៀត។ ប៉ុន្តែ លោកស្រី សុន សូនី បានឲ្យគាត់ផ្ដិតមេដៃនៅកន្លែងលក់ដូរមួយនៅក្នុងភូមិ។ តែការចោទប្រកាន់នេះ ត្រូវបានលោកស្រី សុន សូនី បដិសេធថាមិនបានបង្ខំឲ្យលោក និន ពេក ផ្ដិតមេដៃទេ ព្រោះពាក្យស្នើសុំនោះកូនរបស់លោកជាអ្នកសរសេរ ហើយកូនគាត់ជាអ្នកអាន តែរឿងលោក និន ពេក បានស្ដាប់ ឬមិនបានស្ដាប់ ជារឿងផ្សេង។
ស្លាកសញ្ញាគណបក្សសង្គ្រោះជាតិ នៅតាមបណ្ដាខេត្តជាច្រើនកន្លែង ត្រូវបានជនមិនស្គាល់មុខលួចវាយបំផ្លាញចោលក្នុងរយៈពេលជា បន្តបន្ទាប់កន្លងទៅនេះ។ មន្ត្រីគណបក្សសង្គ្រោះជាតិ អះអាងថា មូលហេតុនៃការលួចបំផ្លាញស្លាកគណបក្សសង្គ្រោះជាតិ នេះ កើតចេញមកពីការញុះញង់របស់អាជ្ញាធរមូលដ្ឋានដែលមាននិន្នាការគាំទ្រ គណបក្សប្រជាជនកម្ពុជា។ ប៉ុន្តែ អាជ្ញាធរមូលដ្ឋាន និងមន្ត្រីគណបក្សកាន់អំណាច បានបដិសេធការចោទប្រកាន់នេះ ដោយសំអាងថាករណីទាំងនោះវាជារឿង និងជាសិទ្ធិរបស់ម្ចាស់ផ្ទះ និងម្ចាស់កម្មសិទ្ធិទីកន្លែងតែប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment