A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Sunday 7 April 2013

The Cambodia National Rescue Party to hold party congress today, Sunday 7th April សម រង្ស៊ី ដឹកនាំ​សមាជ គណបក្ស​សង្គ្រោះ​ជាតិ តាមរយៈ​វីដេអូ​ខន​ហ្វឺ​រ៉​ន់

(ថ្ងៃទី 7 មេសា 2013,) | ដោយ: រតនា CEN

ភ្នំពេញ: គណបក្ស​សង្គ្រោះ​ជាតិ នៅ​ថ្ងៃ​ទី​៧ ខែ​មេសា ឆ្នាំ​២០១៣ នឹង​ធ្វើ​សមាជ គណបក្ស​លើក​ដំបូង នៅ​ភូមិ​កំបូល ក្បែរ​បន្ទាយ​ហ្វឹកហ្វឺន​។ ចំណែក លោក ប៉ុល ហំ​ម អ្នកនាំពាក្យ គណបក្ស​សង្គ្រោះ​ជាតិ បាន​មានប្រសាសន៍​យ៉ាងនេះ​ដែរ​ថា ៖ នេះ ជា​សមាជ​ដំបូង របស់ គណបក្ស សង្គ្រោះ​ជាតិ ដូច្នេះ​ត្រូវ​ពិភាក្សា ឲ្យ​ច្បាស់លាស់​លើ​លក្ខន្តិកៈ របស់​គណបក្ស ដែល​ធ្វើ​ការអនុម័ត ដោយ​គណៈកម្មការ​នាយ​ក និង​អនុម័ត ជ្រើសតាំង ប្រធាន​គណបក្ស ( សម រង្ស៊ី ) និង​អនុប្រធាន​គណបក្ស ( កឹម សុខា ) និង​អនុម័ត​គោលការណ៍​សំខាន់​របស់​គណបក្ស​។​
​ លោក ប៉ុល ហំ​ម មានប្រសាសន៍​បន្ត​ថា​៖ នៅក្នុង​សមាជ​នោះដែរ​មាន​ការផ្តល់​សច្ចា​ប័ណ្ណ ដល់​សមាសភាព​គណៈកម្មកា​រនា​យក គណបក្ស ដែល​តាម​ពង្រាង​លក្ខន្តិកៈ ចំនួន​៦៩​នាក់ យ៉ាងតិច ព្រមទាំង​ជ្រើសតាំង​ប្រធាន និង​អនុប្រធាន​គណកម្មការ​នាយក បន្ទាប់មកទៀត តែងតាំង គណៈកម្មការ អចិន្ត្រៃយ៍​គណបក្ស​។​
​ តាម​ការបញ្ជាក់​ពី លោក ប៉ុល ហំ​ម បានឲ្យ​ដឹង​ដែរថា ៖ នៅក្នុង​ពិធី​សមាជ​នោះ លោក សម រង្ស៊ី ធ្វើ​វីដេអូ​ខន​ហ្វឺ​រ៉​ន់ ពី​ក្រៅ​ប្រទេស​ផ្ទាល់ ផងដែរ ពីព្រោះ គាត់​ជា​ប្រធាន គណបក្ស ស្រប​តាម​សេចក្តី ថ្លៃ​ង​ការណ៍​រួម នៅ​ទី​ក្រុម៉ានីល ប្រទេស​ហ្វីលីពិន​៕​
- See more at: http://www.cen.com.kh/localnews/show_detail/19?token=ODIwM2Q0OD#sthash.RZCAfUr2.dpuf
--------------------------------------------------
បក្ស​សង្គ្រោះ​ជាតិ​គ្រោង​ធ្វើ​សមាជ​លើក​ដំបូង​នៅ​ថ្ងៃ៧​មេសា
គណបក្ស​សង្គ្រោះ​ជាតិ ដែល​កើត​ចេញ​ពី​ការ​រួបរួម​រវាង​គណបក្ស សម រង្ស៉ី និង​គណបក្ស សិទ្ធិ​មនុស្ស នឹង​ធ្វើ​សមាជ​ជា​លើក​ដំបូង​នៅ​ថ្ងៃ​ទី៧ ខែ​មេសា ដើម្បី​ជ្រើស​តាំង​រចនាសម្ព័ន្ធ​គណបក្ស​ជា​ផ្លូវ​ការ ដើម្បី​ត្រៀម​យុទ្ធសាស្ត្រ​សម្រាប់​ការ​បោះឆ្នោត​នា​ខែ​កក្កដា ខាង​មុខ។ 
ដោយ វណ្ណ វិចារ RFA
2013-04-06
ស្លាក​សញ្ញា​គណបក្ស​សង្គ្រោះ​ជាតិ ៣០៥
ស្លាក​សញ្ញា​គណបក្ស​សង្គ្រោះ​ជាតិ
Provided Photo
មន្ត្រី​គណបក្ស សម រង្ស៉ី រំពឹង​ថា មនុស្ស​ជាង ១​ម៉ឺន​នាក់ ដែល​មាន​ទាំង​មន្ត្រី​រដ្ឋាភិបាល​ផង​នោះ នឹង​ចូលរួម​សមាជ​ជា​លើក​ទី១ របស់​គណបក្ស​សង្គ្រោះ​ជាតិ។ សមាជ​គណបក្ស​ប្រឆាំង​នេះ​នឹង​ប្រារព្ធ​ឡើង​នៅ​ភូមិ​គល់ សង្កាត់​កន្ទោក ខណ្ឌ​ពោធិ៍សែនជ័យ រាជធានី​ភ្នំពេញ។
អ្នក​នាំ​ពាក្យ​គណបក្ស​សង្គ្រោះ​ជាតិ លោក យឹម សុវណ្ណ មាន​ប្រសាសន៍​ថា សមាជ​គណបក្ស​សង្គ្រោះ​ជាតិ នឹង​ពិភាក្សា​ផ្ដោត​លើ​ចំណុច​សំខាន់ៗ​មួយ​ចំនួន រួម​មាន បទ​បញ្ជា​ផ្ទៃក្នុង​គណបក្ស រចនាសម្ព័ន្ធ និង​បោះឆ្នោត​ជ្រើស​តាំង​ប្រធាន​អនុប្រធាន​គណបក្ស​ជា​ផ្លូវ​ការ​ជាដើម។ លោក​បន្ត​ថា លោក សម រង្ស៉ី ជា​បេក្ខជន​ប្រធាន​គណបក្ស និង​លោក កឹម សុខា ជា​បេក្ខជន​អនុប្រធាន​គណបក្ស ហើយ​តំណែង​ទាំង​ពីរ​នេះ​មិន​មាន​អ្នក​ផ្សេង​ឈរ​ឈ្មោះ​ប្រកួត​ប្រជែង​ឡើយ។
លោក​បញ្ជាក់​ថា បើ​ទោះ​ជា​លោក សម រង្ស៉ី មិន​ទាន់​បាន​ចូល​ស្រុក​ក៏ដោយ មិន​មែន​បាន​ន័យ​ថា​មាន​នរណា​ម្នាក់​កាន់​ការ ឬ​សម្រេច​អ្វី​តែ​ឯង​ក្នុង​គណបក្ស​សង្គ្រោះ​ជាតិ នោះ​ទេ ដោយសារ​គណបក្ស​នេះ​យក​មតិ​ភាគ​ច្រើន​ជាធំ៖ «សម រង្ស៉ី មិន​មាន​វត្តមាន​នៅ​ក្នុង​ប្រទេស​ក៏ដោយ គឺ​លោក​អាច​ធ្វើ​ការ​នៅ​កន្លែង​ណា​ក៏​បាន​ដែរ។ ការ​ចូលរួម​ប្រជុំ និង​ធ្វើ​សេចក្តី​សម្រេច​កន្លែង​ណា​ក៏ដោយ ទាល់​តែ​មាន​ការ​ព្រមព្រៀង​គ្នា​រវាង​ប្រធាន​បក្ស និង​អនុប្រធាន​បក្ស មុន​នឹង​ធ្វើ​សេចក្តី​សម្រេច ក៏​ស្ទាបស្ទង់​រចនាសម្ព័ន្ធ​បក្ស​បន្តបន្ទាប់ ដើម្បី​ធ្វើ​ម៉េច​ឲ្យ​រីក​ចម្រើន​រឹងមាំ​ឈាន​ទៅ​រក​ជ័យ​ជំនះ​ក្នុង​ការ​ បោះឆ្នោត​ខាង​មុខ»

លោក​បន្ត​ថា នៅ​ក្នុង​សមាជ​នោះ នឹង​មាន​មន្ត្រី​មក​ពី​គ្រប់​គណបក្ស និង​មនុស្ស​គ្រប់​មជ្ឈដ្ឋាន​ចូលរួម​ដែរ ហើយ​ប្រធាន និង​អនុប្រធាន​គណបក្ស​សង្គ្រោះ​ជាតិ ក៏​នឹង​មាន​គម្រោង​ថ្លែង​សន្ទរកថា​ទៅ​កាន់​សមាជិក ដើម្បី​បង្ហាញ​ពី​ជំហរ​នយោបាយ​ទៀត​ផង។
ទាក់ទង​នឹង​សមាជ​នេះ នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌ ដើម្បី​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា ឬ​អង្គការ​និកហ្វិច លោក​បណ្ឌិត ហង្ស ពុទ្ធា ហៅ​សមាជ​របស់​គណបក្ស​សង្គ្រោះ​ជាតិ នេះ​ជា​សញ្ញា​ថ្មី​សម្រាប់​ការ​បោះឆ្នោត​នៅ​កម្ពុជា។ ប៉ុន្តែ​លោក​នៅ​តែ​ចាត់​ទុក​ថា វត្តមាន​របស់​មេ​ដឹកនាំ​គណបក្ស​សង្គ្រោះ​ជាតិ លោក សម រង្ស៉ី មាន​សារសំខាន់​ក្នុង​ការ​ធានា​ឲ្យ​បរិយាកាស​បោះឆ្នោត​មាន​ភាព​សេរី និង​យុត្តិធម៌។
លោក​បញ្ជាក់​ថា គណបក្ស​ប្រឆាំង​នឹង​យក​ការ​រារាំង​មិន​ឲ្យ​លោក សម រង្ស៉ី ចូល​ស្រុក ជា​ផ្ទាំង​ស៊ីប​វាយ​ប្រហារ​រដ្ឋាភិបាល ដើម្បី​ឃោសនា​បោះឆ្នោត ហើយ​ក៏​អាច​មាន​ហេតុផល​រិះគន់​លទ្ធផល​បោះឆ្នោត​ដែរ បើ​សិន​ជា​បក្ស​កាន់​អំណាច​នៅ​តែ​ឈ្នះ​ឆ្នោត៖ «ខ្ញុំ​គិត​ថា ស្តង់ដារ​អន្តរជាតិ គឺ​សេរី ត្រឹមត្រូវ និង​យុត្តិធម៌ ប៉ុន្តែ​កម្ពុជា បច្ចុប្បន្ន​គឺ​នៅ​កម្រិត​ការ​មិន​ទទួល​យក​បាន និង​មិន​ទទួល​យក​បាន​ដោយ​គណបក្ស​នយោបាយ​នៅ​ឡើយ​ទេ អីចឹង​មិន​ទាន់​គ្រប់គ្រង​នៅ​ឡើយ ឬ​អន្តរកាល​ប្រជាធិបតេយ្យ»
សង្គម​ស៊ីវិល​បញ្ជាក់​ថា គណបក្ស​សង្គ្រោះ​ជាតិ នឹង​មាន​ចំនួន​អាសនៈ​ក្នុង​សភា​កើន​ឡើង​ជា​ស្វ័យ​ប្រវត្តិ តាម​របៀប​គណនា​រក​អាសនៈ​របស់ គ.ជ.ប បើ​ទោះ​ជា​សំឡេង​ឆ្នោត​គាំទ្រ​គណបក្ស សម រង្ស៉ី និង​គណបក្ស សិទ្ធិ​មនុស្ស នៅ​ដដែល​ក៏ដោយ។ នៅ​ដើម​ឆ្នាំ​២០១៣ នេះ លោក សម រង្ស៉ី និង​លោក កឹម សុខា បាន​ចាប់​ដៃ​គ្នា​ដើរ​ប្រមូល​ការ​គាំទ្រ​ពី​ពលរដ្ឋ​ខ្មែរ​នៅ​បរទេស ដោយ​ប្ដេជ្ញា​ពី​ការ​រួបរួម​សាមគ្គី​គ្នា​ធ្វើ​នយោបាយ​ផ្លាស់​ប្ដូរ ប៉ុន្តែ​អ្នក​វិភាគ​ព្រមាន​ថា បើ​សិន​ជា​គណបក្ស​សង្គ្រោះ​ជាតិ បែក​បាក់​គ្នា​វិញ​នោះ លទ្ធផល​ពិត​ជា​ពិបាក​នឹង​ស្មាន​ណាស់ ហើយ​ទំនង​ជា​ធ្លាក់​ប្រជាប្រិយភាព​ដោយ​មិន​អាច​ងើប​មុខ​រួច​ទៀត​ផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

2 comments:

Anonymous said...

Hey hey love you nas oun si Sam ram. All of you will cheat each other in june,mike

Anonymous said...

អ្នកនុោបាយខ្មែរពេលបានអំណាចបាន
ដុល្លារាប់ភ្លេចជាតិភ្លេចរាស្ត្រអស់ ?