តុលាការកំពូលនៅព្រឹកថ្ងៃ២៧ មីនា
បើកសវនាការលើសំណុំរឿងសុំនៅក្រៅឃុំរបស់តំណាងអ្នកបឹងកក់
អ្នកស្រី យ៉ោម បុប្ផា
ដោយបានសម្រេចរក្សាការសម្រេចរបស់សាលាឧទ្ធរណ៍ទុកជាបានការ។
ដោយ សុ ជីវី RFA Service
2013-03-27 
អ្នកស្រី យ៉ោម បុប្ផា អោបកូនប្រុសក្នុងបរិវេណតុលាការកំពូល នៅថ្ងៃទី២៧ មីនា ឆ្នាំ២០១៣។
RFA/Mom Sophon
សេចក្ដីសម្រេចរបស់តុលាការកំពូលបានធ្វើអោយអ្នកបឹងកក់
និងអ្នកមានជម្លោះដីធ្លីដទៃទៀតប្រមាណ ២០០នាក់
ដែលនាំគ្នាទៅគាំទ្រអ្នកស្រី យ៉ោម បុប្ផា ខឹងសម្បា
និងស្រែកទាមទាររកយុត្តិធម៌នៅខាងមុខទីស្នាក់ការតុលាការកំពូល
និងក្រោយមកបានទៅដល់ខាងមុខព្រះបរមរាជវាំង។
អ្នកភូមិបឹងកក់ ដែលបានទៅស្ដាប់ការសម្រេចសេចក្ដីរបស់ចៅក្រមតុលាការកំពូល មានការអស់សង្ឃឹម ដោយសារអ្នកស្រី យ៉ោម បុប្ផា មិនអាចរួចផុតពីការឃុំឃាំង។
ចៅក្រមតុលាការកំពូលសម្រេចបន្តឃុំខ្លួនអ្នកស្រី យ៉ោម បុប្ផា តាមមាត្រា ២០៥ នៃក្រមនីតិវិធីព្រហ្មទណ្ឌ គឺដូចគ្នានឹងការសម្រេចរបស់សភាស៊ើបសួរនៃសាលាឧទ្ធរណ៍។
ប្រធានអង្គសវនាការលោកចៅក្រម ឃឹម ប៉ុណ្ណ មានប្រសាសន៍ថា សាលដីការបស់សាលាឧទ្ធរណ៍គឺនៅរក្សាទុកថាបានការ។ លោក ឃឹម ប៉ុណ្ណ បានលើកហេតុផលសំខាន់ចំនួន ២ ក្នុងនោះបានចាត់ទុកករណីរឿងក្ដីអ្នកស្រី យ៉ោម បុប្ផា ថា ជាករណីពិសេសនៃបទល្មើសព្រហ្មទណ្ឌ និងទាត់ចោលការអះអាងថា អ្នកស្រីមានជំងឺដោយសារពុំមានឯកសារផ្លូវច្បាប់។
អ្នកស្រី យ៉ោម បុប្ផា ដែលមានអាយុ ២៩ឆ្នាំ ជាសកម្មជនដីធ្លីម្នាក់បានប្ដឹងសាទុក្ខលើការឃុំខ្លួនបណ្ដោះអាសន្ន ដែលសម្រេចដោយចៅក្រមនៅសាលាដំបូងកាលពីថ្ងៃទី១៩ ខែកញ្ញា ឆ្នាំ២០១២ និងសាលដីការបស់សភាស៊ើបសួរសាលាឧទ្ធរណ៍ចុះថ្ងៃទី៧ ខែវិច្ឆិកា ឆ្នាំ២០១២។
អ្នកស្រីបានលើកហេតុផលចំនួន ៤ ការពារសំណើសុំនៅក្រៅឃុំរបស់អ្នកស្រី ទាក់ទិននឹងបញ្ហាសុខភាព និងការធានាទទួលខុសត្រូវចំពោះមុខច្បាប់។
កាលពីព្រឹកថ្ងៃទី២៧ ខែធ្នូ ឆ្នាំ២០១២ តុលាការសាលាដំបូងរាជធានីភ្នំពេញ បានផ្ដន្ទាទោស អ្នកស្រី យ៉ោម បុប្ផា ដាក់ពន្ធនាគារ ៣ឆ្នាំ និងតម្រូវឲ្យបង់លុយជំងឺចិត្តទៅជនរងគ្រោះចំនួន ៣០លានរៀល។ អ្នកស្រី យ៉ោម បុប្ផា ត្រូវចោទប្រកាន់ពីបទប្រើអំពើហិង្សាដោយចេតនា តាមរយៈការចូលរួមព្រួតគ្នាវាយលើបុរសអ្នករត់ម៉ូតូឌុបពីរនាក់ឲ្យ រងរបួសកាលពីដើមខែកញ្ញា ឆ្នាំ២០១២។
នៅខាងក្រៅតុលាការ អ្នកគាំទ្រអ្នកស្រី យ៉ោម បុប្ផា ដែលភាគច្រើនជាអ្នកសហគមន៍មានជម្លោះដីធ្លី បានស្រែកដោយខឹងសម្បានឹងការសម្រេចរបស់តុលាការកំពូល។ ពួកគេបានដុតរូបជញ្ជីងយុត្តិធម៌នៅខាងមុខខ្លោងទ្វារចូលសាលា ឧទ្ធរណ៍។
ម្ដាយអ្នកស្រី យ៉ោម បុប្ផា អ្នកស្រី សាបូ សុត បានដេកននៀលនៅក្នុងបរិវេណតុលាការកំពូល បន្ទាប់ពីឡានពន្ធនាគារបានដឹកអ្នកស្រី យ៉ោម បុប្ផា ចេញទៅកាន់ពន្ធនាគារព្រៃសរវិញ។ អ្នកស្រីបានស្រែកទាំងខឹងសម្បា និងចាត់ទុកការសម្រេចរបស់តុលាការកំពូលថាពុំមានយុត្តិធម៌។
អ្នកស៊ើបអង្កេតនៃអង្គការសិទ្ធិមនុស្សលីកាដូ លោក អំ សំអាត មានប្រសាសន៍ថា បើប្រៀបធៀបរវាងសំណុំរឿងអ្នកស្រី យ៉ោម បុប្ផា និងអតីតអភិបាលក្រុងបាវិត លោក ឈូក បណ្ឌិត បង្ហាញថា តុលាការមានការអនុវត្តច្បាប់ដែលមិនស្របគ្នា។
ទាក់ទិននឹងរឿងក្ដីអ្នកស្រី យ៉ោម បុប្ផា កាលពីថ្ងៃទី១៩ ខែមីនា លោកនាយករដ្ឋមន្ត្រី ហ៊ុន សែន បានប្រកាសថា ការចោទប្រកាន់លើអ្នកស្រីជារឿងព្រហ្មទណ្ឌមិនជាប់ទាក់ទងដល់បញ្ហា ដីធ្លីក្នុងតំបន់បឹងកក់ឡើយ។
ចំពោះអ្នកគាំទ្រអ្នកស្រី យ៉ោម បុប្ផា បាននាំគ្នាបន្តដំណើរទៅតវ៉ានៅខាងមុខព្រះបរមរាជវាំង ដោយស្រែករកជំនួយពីព្រះមហាក្សត្រ និងសម្ដេចម៉ែជួយដល់ពួកគេ។
ការប្រមូលផ្ដុំរបស់អ្នកតវ៉ាបានបញ្ចប់ទៅវិញនៅពេលរសៀលថ្ងៃ ដដែល បន្ទាប់ពីត្រូវក្រុមសមត្ថកិច្ចរក្សាសន្តិសុខសណ្ដាប់ធ្នាប់ព្រះបរម រាជវាំងណែនាំអោយពួកគេបញ្ឈប់ការតវ៉ា ដែលប៉ះពាល់ដល់ទ្វារចេញចូលនៃព្រះបរមរាជវាំង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកភូមិបឹងកក់ ដែលបានទៅស្ដាប់ការសម្រេចសេចក្ដីរបស់ចៅក្រមតុលាការកំពូល មានការអស់សង្ឃឹម ដោយសារអ្នកស្រី យ៉ោម បុប្ផា មិនអាចរួចផុតពីការឃុំឃាំង។
ចៅក្រមតុលាការកំពូលសម្រេចបន្តឃុំខ្លួនអ្នកស្រី យ៉ោម បុប្ផា តាមមាត្រា ២០៥ នៃក្រមនីតិវិធីព្រហ្មទណ្ឌ គឺដូចគ្នានឹងការសម្រេចរបស់សភាស៊ើបសួរនៃសាលាឧទ្ធរណ៍។
ប្រធានអង្គសវនាការលោកចៅក្រម ឃឹម ប៉ុណ្ណ មានប្រសាសន៍ថា សាលដីការបស់សាលាឧទ្ធរណ៍គឺនៅរក្សាទុកថាបានការ។ លោក ឃឹម ប៉ុណ្ណ បានលើកហេតុផលសំខាន់ចំនួន ២ ក្នុងនោះបានចាត់ទុកករណីរឿងក្ដីអ្នកស្រី យ៉ោម បុប្ផា ថា ជាករណីពិសេសនៃបទល្មើសព្រហ្មទណ្ឌ និងទាត់ចោលការអះអាងថា អ្នកស្រីមានជំងឺដោយសារពុំមានឯកសារផ្លូវច្បាប់។
អ្នកស្រី យ៉ោម បុប្ផា ដែលមានអាយុ ២៩ឆ្នាំ ជាសកម្មជនដីធ្លីម្នាក់បានប្ដឹងសាទុក្ខលើការឃុំខ្លួនបណ្ដោះអាសន្ន ដែលសម្រេចដោយចៅក្រមនៅសាលាដំបូងកាលពីថ្ងៃទី១៩ ខែកញ្ញា ឆ្នាំ២០១២ និងសាលដីការបស់សភាស៊ើបសួរសាលាឧទ្ធរណ៍ចុះថ្ងៃទី៧ ខែវិច្ឆិកា ឆ្នាំ២០១២។
អ្នកស្រីបានលើកហេតុផលចំនួន ៤ ការពារសំណើសុំនៅក្រៅឃុំរបស់អ្នកស្រី ទាក់ទិននឹងបញ្ហាសុខភាព និងការធានាទទួលខុសត្រូវចំពោះមុខច្បាប់។
កាលពីព្រឹកថ្ងៃទី២៧ ខែធ្នូ ឆ្នាំ២០១២ តុលាការសាលាដំបូងរាជធានីភ្នំពេញ បានផ្ដន្ទាទោស អ្នកស្រី យ៉ោម បុប្ផា ដាក់ពន្ធនាគារ ៣ឆ្នាំ និងតម្រូវឲ្យបង់លុយជំងឺចិត្តទៅជនរងគ្រោះចំនួន ៣០លានរៀល។ អ្នកស្រី យ៉ោម បុប្ផា ត្រូវចោទប្រកាន់ពីបទប្រើអំពើហិង្សាដោយចេតនា តាមរយៈការចូលរួមព្រួតគ្នាវាយលើបុរសអ្នករត់ម៉ូតូឌុបពីរនាក់ឲ្យ រងរបួសកាលពីដើមខែកញ្ញា ឆ្នាំ២០១២។
នៅខាងក្រៅតុលាការ អ្នកគាំទ្រអ្នកស្រី យ៉ោម បុប្ផា ដែលភាគច្រើនជាអ្នកសហគមន៍មានជម្លោះដីធ្លី បានស្រែកដោយខឹងសម្បានឹងការសម្រេចរបស់តុលាការកំពូល។ ពួកគេបានដុតរូបជញ្ជីងយុត្តិធម៌នៅខាងមុខខ្លោងទ្វារចូលសាលា ឧទ្ធរណ៍។
ម្ដាយអ្នកស្រី យ៉ោម បុប្ផា អ្នកស្រី សាបូ សុត បានដេកននៀលនៅក្នុងបរិវេណតុលាការកំពូល បន្ទាប់ពីឡានពន្ធនាគារបានដឹកអ្នកស្រី យ៉ោម បុប្ផា ចេញទៅកាន់ពន្ធនាគារព្រៃសរវិញ។ អ្នកស្រីបានស្រែកទាំងខឹងសម្បា និងចាត់ទុកការសម្រេចរបស់តុលាការកំពូលថាពុំមានយុត្តិធម៌។
អ្នកស៊ើបអង្កេតនៃអង្គការសិទ្ធិមនុស្សលីកាដូ លោក អំ សំអាត មានប្រសាសន៍ថា បើប្រៀបធៀបរវាងសំណុំរឿងអ្នកស្រី យ៉ោម បុប្ផា និងអតីតអភិបាលក្រុងបាវិត លោក ឈូក បណ្ឌិត បង្ហាញថា តុលាការមានការអនុវត្តច្បាប់ដែលមិនស្របគ្នា។
ទាក់ទិននឹងរឿងក្ដីអ្នកស្រី យ៉ោម បុប្ផា កាលពីថ្ងៃទី១៩ ខែមីនា លោកនាយករដ្ឋមន្ត្រី ហ៊ុន សែន បានប្រកាសថា ការចោទប្រកាន់លើអ្នកស្រីជារឿងព្រហ្មទណ្ឌមិនជាប់ទាក់ទងដល់បញ្ហា ដីធ្លីក្នុងតំបន់បឹងកក់ឡើយ។
ចំពោះអ្នកគាំទ្រអ្នកស្រី យ៉ោម បុប្ផា បាននាំគ្នាបន្តដំណើរទៅតវ៉ានៅខាងមុខព្រះបរមរាជវាំង ដោយស្រែករកជំនួយពីព្រះមហាក្សត្រ និងសម្ដេចម៉ែជួយដល់ពួកគេ។
ការប្រមូលផ្ដុំរបស់អ្នកតវ៉ាបានបញ្ចប់ទៅវិញនៅពេលរសៀលថ្ងៃ ដដែល បន្ទាប់ពីត្រូវក្រុមសមត្ថកិច្ចរក្សាសន្តិសុខសណ្ដាប់ធ្នាប់ព្រះបរម រាជវាំងណែនាំអោយពួកគេបញ្ឈប់ការតវ៉ា ដែលប៉ះពាល់ដល់ទ្វារចេញចូលនៃព្រះបរមរាជវាំង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
1 comment:
សូម្បីសត្វបក្សីមានខួរក្បាលតូចប៉ុនចុងកូនដៃ ក៏គង់ខំប្រឹងស្រែកខ្ញៀវខ្ញារដេញបង្អើលបើមានមនុស្សណាហ៊ានឈ្លានពាន
ចូលក្បែរសំបុកវា។ យ៉ាងណាមិញ នាងយ៉ោមបុប្ផាជាមនុស្ស បើទោះបីជានាងក្រក្រីក្ដី ក៏គង់មានគំនិតចេះចង់ថែរក្សាដីធ្លី
ផ្ទះសំបែងសម្រាប់គ្រួសារ និងកូនតូចៗរបស់នាងដែរ។ កាលកន្លងមក ខ្ញុំបានឮមន្ត្រីផ្នែកកិច្ចការស្ត្រីបាននិយាយថា ពួកគាត់
ពុំអាចជួយនាង យ៉ោមបុប្ផា បានទេពីព្រោះនាងប្រើហឹង្សាបង្ក របួសស្នាម។ ចុះកម្មករអ្នករងគ្រោះនោះមានការងារបែប
យ៉ាងណាដែរទើបបានជាមកជាប់ប្រទាក់ប្រទងនឹងក្រុមបាតុកររឿងជម្លោះដីធ្លីទៅវិញ ? តើមន្ត្រីផ្នែកកិច្ចការស្ត្រីបានជួយ
កម្មការនី ៣នាក់ដែលទទួលការបាញ់ប្រហារពី ឈូកទណ្ឌិតដែរឬទេ ឬ មួយគាត់នោះនៅតែជា ឈូកបណ្ឌិត ដដែល។
តើក្រុមរដ្ធអំណាចសព្វថ្ងៃ កើតមកពីណា ? ដោយសារនរណា ? សម្រាប់បម្រើនរណា ?
ឱហ្លួងព្រះស្ដេចកនអើយ ក្រែងមានរាត្រីមួយហ្លួងនឹងយល់សប្ដិឃើញដួងចន្ទ្ររះចេញពីទិសខាងលិច។
សូមកុំបង្ខំរាត្រីនោះឲ្យខិតចូលលឿនពេក ហ្លួងនៅមានឱកាសដោះលែង នាងយ៉ោមបុប្ផា និង អនុញ្ញាតឲ្យលោក
សម រង្ស៊ី បានចូលរួបរួមបោះឆ្នោតសម្រាប់អាណត្តិមុខនេះ៕
ក្រពុំ ឈូក ស
Post a Comment