សត្វ
ខ្លាលឿងមាសដែលគេអះអាងថាប្រទះឃើញសត្វនេះនៅក្នុងតំបន់ភូមិភាគ
ខាងជើង ភូមិភាគនិរតីនិងឥសាន្តនៃ ប្រទេសកម្ពុជា(ឯកសារ)
ថ្ងៃទី 2 កញ្ញា 2012,
ដោយ: ភិរម្យ
CEN
ភ្នំពេញ:
នៅកម្ពុជាមានសត្វខ្លាចំនួន៨ប្រភេទនៅក្នុងនោះ
មានមួយប្រភេទ គេហៅថា ខ្លា លឿងមាស។ យោងទៅតាមឯកសារ
របស់ក្រសួងកសិកម្ម រុក្ខាប្រម៉ាញ់ និងនេសាទបានឲ្យដឹងថា
សត្វខ្លាលឿងមាសនេះគឺជាប្រភេទសត្វធំជាងគេក្នុង ចំណោម
ត្រកូលខ្លាតូច នៅកម្ពុជា។
ប្រភពដដែលបានឲ្យដឹងថា
គេបានដាក់ឈ្មោះវាគឺដោយសារតែ វាមានសំបុរលឿង ទៅត្នោតប្រផេះ
តែវាពុំមាន ស្នាមអុជ និងឆ្នូត នៅលើដងខ្លូនទេ។
វាគឺជាប្រភេទសត្វដែលមានផ្ទៃមុខមានខ្សែព្រលែតខ័ណ្ឌចាប់ពីថ្ពាល់ កាត់តាមកៀន ភ្នែក រហូតដល់ផ្នែកខាងលើ។
ឯកសារខាងលើនេះបានឲ្យដឹងថា
វាគឺជាប្រភេទសត្វដែលចូលចិត្តរស់នៅក្នុងព្រៃ ជំរុះស្លឹក
និងតាមព្រៃស្រោង ដោយវាអាចដើរនៅលើដី និងអាចឡើងដើមឈើក៏បាន។
ប្រភពខាងលើបានឲ្យដឹងថា
អាហាររបស់វាគឺជាសត្វតួចៗដែលរួមមានដូចជាទន្សាយ ក្តាន់ញ៉ែង
សត្វស្លាបជាពិសេសគឺមាន់ទោ ត្រកួត និង អន្សង។ វាគឺជាសត្វដែល
ប្រម៉ាញ់អាហារជាគូ។
ប្រភពដដែលបានបន្តទៀតថា
សត្វខ្លាប្រភេទនេះចូលចិត្តបង្កើតកូននៅក្នុងរន្ធឈើ រូងដី ឬ
នៅក្នុងចន្លោះផ្ទាំងថ្ម ដោយបង្កើតកូន ម្តងត្រឹមតែ១ ទៅ២ក្បាល
តែប៉ុណ្ណោះ បន្ទាប់ពី ពរ ពោះរយៈពេល ៩០ថ្ងៃ។
ប្រភពដដែល
បានឲ្យដឹងថា
សត្វខ្លាលឿងមាសឈ្មោលមានភារៈជាអ្នកថែរក្សាកូននិងនៅជាមួយមីញី
អំឡុងពេលមេមានកូន។ គេប្រទះឃើញ សត្វនេះ នៅក្នុងតំបន់ភូមិភាគខាងជើង
ភូមិភាគនិរតីនិងឥសាន្តនៃ ប្រទេសកម្ពុជា។
ប្រភពខាងលើបាន
អះអាងថាវាគឺជាសត្វដែលស្ថិតនៅក្នុងប្រភេទសត្វមានដោយ
កម្រដែលកំពុងតែរងគ្រោះ ដោយសារ ការបបាញ់ និងទាក់ចាប់ ដើម្បី
ពាណិជ្ជកម្ម៕
1 comment:
Save this majestic animal before it too late...Save our forest the home of these animals and birds of paradise on earth...Once it gone it is gone 4ever...
Post a Comment