Hun Sen said on 9 August that Cambodia did not lose any territorial waters to Vietnam. However, Sean Pengse, chairman of the Paris-based Cambodian Border Committee, said Cambodia has lost large chunks of territorial waters and a number of islands to Vietnam under the 1982 Treaty signed by Mr. Hun Sen.
ដោយ ម៉ម មុនីរតន៍
2012-08-16 RFA
អ្នកជំនាញកិច្ចការព្រំដែន និងក្រុមអ្នកឃ្លាំមើលបញ្ហាសង្គម
ចាត់ទុកការស្រាយបំភ្លឺរបស់ប្រមុខរដ្ឋាភិបាល លោក ហ៊ុន សែន
ស្ដីពីបញ្ហាព្រំដែនរវាងប្រទេសកម្ពុជា និងវៀតណាម កាលពីថ្ងៃទី៩
ខែសីហា
ថាគឺជារឿងដោះសារករួចខ្លួនពីការទទួលខុសត្រូវចំពោះ
ប្រវត្តិសាស្ត្រប៉ុណ្ណោះ។
លោកនាយករដ្ឋមន្ត្រី ហ៊ុន សែន ឆ្លើយបំភ្លឺនៅសភាជាតិ រឿងព្រំដែនជាមួយវៀតណាម កាលពីថ្ងៃទី៩ ខែសីហា ឆ្នាំ២០១២។
ការអះអាងរបស់ក្រុមអ្នកឃ្លាំមើលបញ្ហាសង្គមបែបនេះ
ធ្វើឡើងនៅក្នុងកិច្ចពិភាក្សានៃនាទីវេទិកាអ្នកស្ដាប់វិទ្យុអាស៊ី
សេរី កាលពីថ្ងៃទី១៤ ខែសីហា។
ក៏ប៉ុន្តែ បញ្ហានេះត្រូវបាននាយករដ្ឋមន្ត្រី លោក ហ៊ុន សែន
ថ្លែងការពារថា កិច្ចព្រមព្រៀងនៃសន្ធិសញ្ញាបន្ថែមឆ្នាំ១៩៨២
គឺជាកិច្ចព្រមព្រៀងមួយដែលបានកំណត់ព្រំដែនទឹករវាងប្រទេសទាំងពីរ
គឺកម្ពុជា និងវៀតណាម ទៅវិញទេ។
ការប្រតិកម្មតបរបស់ប្រធានគណៈកម្មាធិការព្រំដែនកម្ពុជា
មានស្នាក់ការនៅប្រទេសបារាំង
និងអ្នកឃ្លាំមើលការវិវត្តស្ថានការណ៍សង្គមកើតមានឡើងជាបន្ត
បន្ទាប់ នៅក្រោយពីមានបទអន្តរាគមន៍របស់ប្រមុខរដ្ឋាភិបាល
ដែលរងការរិះគន់ថា ការបកស្រាយលើបញ្ហាព្រំដែនបែបនេះ
គឺជាផ្នែកមួយដើម្បីគេចចេញពីការទទួលខុសត្រូវរាល់កំហុសដែលបាន
កើតឡើងក្នុងអាណត្តិ នៃការគ្រប់គ្រងរបស់ខ្លួនប៉ុណ្ណោះ។
លោក ស៊ាន ប៉េងសែ
អ្នកជំនាញកិច្ចការព្រំដែនក្នុងសម័យសាធារណរដ្ឋលោកសេនាប្រមុខ លន់
នុល ដែលបច្ចុប្បន្នមានមូលដ្ឋាននៅប្រទេសបារាំង លោករកឃើញថា
ការពិតព្រំដែនទឹកដែលលោក ហ៊ុន សែន
អះអាងនៅក្នុងកិច្ចប្រជុំសភាពិសេស កាលពីសប្ដាហ៍កន្លងទៅនេះ
គឺជាប្រការដែលលោកនាយករដ្ឋមន្ត្រីកំពុងបំភ្លៃការពិតចំពោះ
ប្រវត្តិសាស្ត្រតែប៉ុណ្ណោះ។
លោក ស៊ាន ប៉េងសែ អះអាងថា
កត្តាដែលធ្វើឲ្យកោះមួយចំនួនត្រូវស្ថិតក្រោមការគ្រប់គ្រង
ឬបាត់បង់ទៅលើប្រទេសវៀតណាម នោះ
គឺដោយសារតែសន្ធិសញ្ញាបន្ថែមរវាងរដ្ឋាភិបាលសាធារណរដ្ឋប្រជាមានិត
កម្ពុជា ដែលកាលណោះដឹកនាំដោយគណបក្សប្រជាជន
និងសាធារណរដ្ឋសង្គមនិយមវៀតណាម ក្នុងឆ្នាំ១៩៨២។
ក៏ប៉ុន្តែ លោកនាយករដ្ឋមន្ត្រី ហ៊ុន សែន
ចាត់ទុកក្រុមអ្នករិះគន់នេះថា គឺជាអ្នកមានបំណងវាយប្រហារ
និងចង់ផ្ដួលរំលំរដ្ឋាភិបាល ដែលគ្រប់គ្រងដោយគណបក្សប្រជាជនកម្ពុជា
ជាជាងការផ្ដល់ការពិតចំពោះប្រវត្តិសាស្ត្រសម្រាប់មនុស្សជំនាន់
ក្រោយ។ លោក ហ៊ុន សែន បន្តថា
ធាតុពិតតំបន់ដែនទឹកដែលមានប្រជុំកោះមួយចំនួន ដូចជាកោះត្រល់
ជាដើម ដែលស្ថិតនៅផ្នែកខាងត្បូងនៃខ្សែបន្ទាត់ប្រេវីយេ
ត្រូវបាត់បង់ទៅលើប្រទេសវៀតណាម នៅក្រោយឆ្នាំ១៩៤៩ មកម្ល៉េះ។
បើទោះជាបែបនេះ
ក្រុមអ្នកឃ្លាំមើលបញ្ហាព្រំដែនមួយចំនួនបញ្ជាក់ថា
ការថ្លែងរបស់នាយករដ្ឋមន្ត្រីលោក ហ៊ុន សែន ដែលអះអាងថា
សន្ធិសញ្ញាបន្ថែមឆ្នាំ១៩៨២ រវាងកម្ពុជា និងវៀតណាម
គឺជាផ្នែកមួយនៃការកំណត់ព្រំដែនទឹកប្រវត្តិសាស្ត្រ
នេះទំនងជាពុំអាចជឿទុកចិត្តបាននោះទេ។
អតីតទាហានខ្មែរក្រហម
នៃកងនាវាចរជើងទឹកក្នុងរបបកម្ពុជាប្រជាធិបតេយ្យ
នៃកងពលវរសេនាធំលេខ៦៣ ធ្លាប់បានទៅឈរជើងនៅតំបន់កោះសេះ គឺលោក
ឃិន ប៉ុន។ លោកគិតថា អ្វីដែលនាយករដ្ឋមន្ត្រីលោក ហ៊ុន សែន បញ្ជាក់ថា
តំបន់កោះមួយចំនួនស្ថិតនៅលើខ្សែបន្ទាត់ព្រំដែនទឹក
ឬហៅថាខ្សែប្រេវីយេ
ត្រូវធ្លាក់ក្រោមការគ្រប់គ្រងរបស់សាធារណរដ្ឋសង្គមនិយមវៀតណាម
គឺនៅមុនរបបគ្រប់គ្រងដោយគណបក្សប្រជាជនបដិវត្តកម្ពុជា
នោះវាហាក់ផ្ទុយពីអ្វីដែលក្រុមចលនាតស៊ូបដិវត្តកម្ពុជា
ប្រជាធិបតេយ្យរកឃើញ។ លោកបន្តថា ព្រោះចាប់ពីឆ្នាំ១៩៧៥
តំបន់កោះមួយចំនួន ដូចជា កោះតាំង កោះព្រីង កោះប៉ូឡូវៃថ្មី
និងកោះប៉ូឡូវៃចាស់ ជាដើម ស្ថិតនៅក្នុងអធិបតេយ្យកម្ពុជា។
យ៉ាងណាក៏ដោយ នាយករដ្ឋមន្ត្រីលោក ហ៊ុន សែន
បញ្ជាក់ពីភាពស្អាតស្អំរបស់រដ្ឋាភិបាលក្រោមការគ្រប់គ្រងដោយគណបក្ស
ប្រជាជនកម្ពុជា កាលពីថ្ងៃទី៩ ខែសីហា
នៅវិមានរដ្ឋសភាដែលជាការឆ្លើយតបទៅនឹងសំណួររបស់បក្ស សម រង្ស៊ី
ទាក់ទិននឹងបញ្ហាព្រំដែន
ដោយទម្លាក់កំហុសនៃការទទួលខុសត្រូវលើការបាត់បង់ព្រំដែនទឹក
ក្នុងអតីតរបស់មេដឹកនាំមុន ចាប់តាំងពីឆ្នាំ១៩៣៩ ដោយដាក់កោះត្រល់
និងកោះនានា នៅខាងត្បូងខ្សែបន្ទាត់ប្រេវីយេ
ឲ្យស្ថិតនៅក្រោមការគ្រប់គ្រងរបស់វៀតណាម។
ក៏ប៉ុន្តែ បើទោះជាបែបនេះក្ដី
អតីតយោធាខ្មែរក្រហមរបស់បក្សកុម្មុយនិស្តកម្ពុជាប្រជាធិបតេយ្យ
ដែលឈរជើងនៅតំបន់កោះត្រល់ គឺលោក ឆ វ័ន លោកបញ្ជាក់ថា កោះត្រល់
និងប្រជុំកោះមួយចំនួនទៀតនៅចន្លោះពីឆ្នាំ១៩៧៥ ដល់ឆ្នាំ១៩៧៨
គឺស្ថិតនៅក្រោមការគ្រប់គ្រងរបស់កម្ពុជា។
មន្ត្រីគណបក្ស សម រង្ស៊ី និងគណបក្ស សិទ្ធិមនុស្ស
គ្រោងនឹងស្នើឲ្យប្រមុខរដ្ឋាភិបាលលោក ហ៊ុន សែន
ឆ្លើយបំភ្លឺម្ដងទៀតនៅរដ្ឋសភា
ពាក់ព័ន្ធនឹងរឿងព្រំដែននៅមុនការបោះឆ្នោតជាតិឆ្នាំ២០១៣។
ការអះអាងបែបនេះ ដោយសំអាងថា ការបកស្រាយរបស់លោក ហ៊ុន សែន កន្លងមក
នៅមិនទាន់គ្រប់គ្រាន់នៅឡើយទេ។
ប៉ុន្តែបញ្ហានេះ ត្រូវបានលោកនាយករដ្ឋមន្ត្រី ហ៊ុន សែន
បញ្ជាក់កាលពីថ្ងៃទី១៥ ខែសីហា ថា
ក្រុមបក្សប្រឆាំងនឹងមិនស្នើឲ្យលោកឆ្លើយបំភ្លឺក្នុងរឿងព្រំដែន
ជាមួយប្រទេសវៀតណាម ជាថ្មីទៀតឡើយ។ លោក ហ៊ុន សែន
ក៏គ្រោងនឹងចែកចាយបទអន្តរាគមន៍របស់លោក កាលពីថ្ងៃទី៩ ខែសីហា
ទាក់ទិនបញ្ហាព្រំដែនឲ្យសាធារណជនដឹងឭបន្តផងដែរ។
យ៉ាងណាក៏ដោយ ទាំងក្រុមអ្នកឃ្លាំមើលបញ្ហាសង្គម
និងប្រធានគណៈកម្មាធិការព្រំដែនកម្ពុជា មានមូលដ្ឋាននៅប្រទេសបារាំង
បានបញ្ចេញប្រតិកម្មប្រឆាំងយន្តការដោះស្រាយព្រំដែនរបស់លោក ហ៊ុន សែន
តាមបែបធ្មេញរណា
ដោយចាត់ទុកថាមធ្យោបាយបែបនេះនឹងធ្វើឲ្យប្រទេសកម្ពុជា
ត្រូវខាតបង់ទឹកដីទៅប្រទេសវៀតណាម។ ក៏ប៉ុន្តែ លោក ហ៊ុន សែន អះអាងថា
អ្វីដែលរដ្ឋាភិបាលធ្វើនេះ គឺពុំបានធ្វើឲ្យកម្ពុជា
បាត់បង់អធិបតេយ្យភាពរបស់ខ្លួននោះទេ
តែថាផ្ទុយទៅវិញប្រទេសវៀតណាម
នៅជំពាក់ដីកម្ពុជាជាង១ពាន់ហិកតារនៅឡើយ។
យ៉ាងណាក៏ដោយ ប្រជាពលរដ្ឋនៅតាមព្រំដែនកម្ពុជា-វៀតណាម ដូចជា
ស្វាយរៀង និងខេត្តកំពង់ចាម ជាដើម បានទាមទារឲ្យនាយករដ្ឋមន្ត្រីលោក
ហ៊ុន សែន បង្ហាញភស្តុតាងឲ្យបានច្បាស់ ដែលថាវៀតណាម
នៅជំពាក់ដីកម្ពុជានោះ ខណៈមានភូមិមួយចំនួន និងទីតាំងមួយចំនួន
ដូចជាស្រែ
និងដីប្រកបកសិកម្មរបស់ពួកគាត់ធ្លាប់កាន់កាប់ពីមុនមក
បច្ចុប្បន្នកំពុងស្ថិតនៅក្នុងប្រទេសវៀតណាម ទៅវិញនោះ៕
No comments:
Post a Comment