Source: RFA
About 30 Thai soldiers had on 26th July crossed into Cambodian territory and confiscated mining equipments from about 100 Cambodians who are digging gold mines in Phnom Preuk village along the Cambodian-Thai border in Battambang province, opposite Thailand's Chantaburi province.
Villagers said they were digging for gold in Phnom Barang Thleak (Mount of the fallen Frenchman) in Phnom Preuk district when Thai soldiers crossed the border to stop them.
Chief of Phnom Barang Thleak commune, Mr. Chay Mornh, said the area has not been properly demarcated, however, those who used to live in the area in 1979, when the Vietnamese forces pushed the Khmer Rouge troops out of the interior, can confidently say that the area belong to Cambodia because Phnom Barang Thleeak was on the Cambodian side of the border, demarcated by a natural river which both sides agreed to use as the borderlines.
Read article in Khmer below:
ទាហានថៃហាមពលរដ្ឋខ្មែររាវរករ៉ែមាសនៅតំបន់ព្រំដែន
ដោយ សួន សុផលមុន្នី
2011-07-28
កងទាហានការពារព្រំដែនថៃ ប្រមាណជាង ៣០នាក់ បានចុះចាប់រឹបអូសយកសម្ភារៈជីករាវរករ៉ែ និងធ្វើការហាមឃាត់អ្នកភូមិខ្មែរចំនួនជាង ១០០នាក់ មិនអនុញ្ញាតឲ្យបន្តធ្វើសកម្មភាពជីកដីរាវរករ៉ែមាសក្រោមដីក្នុងតំបន់ព្រំដែនខ្មែរ-ថៃមួយ ស្ថិតនៅក្នុងភូមិសាស្ត្រស្រុកភ្នំព្រឹក្ស ខេត្តបាត់ដំបង ជាប់ស្រុកសយដាវ ខេត្តចាន់បុរី ប្រទេសថៃ។
លោក ឈិន សាម៉ុន អាយុ ៥៤ឆ្នាំ រស់នៅភូមិបារាំងធ្លាក់ ឃុំបារាំងធ្លាក់ ស្រុកភ្នំព្រឹក្ស ខេត្តបាត់ដំបង បានថ្លែងនៅថ្ងៃព្រហស្បតិ៍ ទី២៨ ខែកក្កដា នេះថា ការហាមឃាត់របស់ភាគីទាហានថៃនេះ គឺបានធ្វើឡើងកាលពីរសៀលថ្ងៃទី២៦ ខែកក្កដា ឆ្នាំ២០១១ ៖ «មានថៃមកហាមឃាត់យើង ៣០នាក់ គ្រឿងសម្ភារៈប្រើប្រាស់ធ្វើរ៉ែហ្នឹងវាដកហូតយកទៅ ហាមឃាត់យើងមិនឲ្យធ្វើតទៅទៀត ជីករ៉ែនៅជាប់ព្រំដែនមាត់អូរនៅតំបន់ស ថៃថាដីវា ខ្មែរថាដីខ្មែរ មិនទាន់ដាច់ស្រេច»។
ក្រុមអ្នកភូមិឲ្យដឹងថា ទីតាំងដែលក្រុមអ្នកភូមិខ្មែរធ្វើការជីកដីរាវរករ៉ែមាសនោះ គឺស្ថិតនៅមាត់អូរព្រំដែនក្នុងភូមិសាស្ត្រភូមិបារំាងធ្លាក់ ឃុំបារាំងធ្លាក់ ស្រុកភ្នំព្រឹក្ស ខេត្តបាត់ដំបង ជាប់ស្រុកសយដាវ ខេត្តចាន់បុរី ប្រទេសថៃ។
អ្នកភូមិម្នាក់ទៀតឈ្មោះ ដួង ខែម បានឲ្យដឹងថា កងទាហានថៃ បានចោទអ្នកភូមិខ្មែរទាំងនោះថា បានចូលទៅជីកដីរាវរករ៉ែមាសនៅក្នុងតំបន់ស ដែលរាជរដ្ឋាភិបាលនៃប្រទេសទាំងពីរ កម្ពុជា-ថៃ នៅពុំមានការវាស់វែងឯកភាពគ្នានៅឡើយ ៖ «ចំនួន ១០០នាក់ជាង ចាប់ហ្នឹង។ ចាប់ប្រជុំកុំឲ្យមកជីកតទៅទៀត កាលណាជីកទៅវាពាក់ព័ន្ធបញ្ហាទំនាស់ទាស់ទែងគ្នាតទៅទៀត។ ប្រជាជនពេលប្រជុំហើយអីហើយត្រឡប់មកវិញ តែគេដកសម្ភារៈ ដែកត្បែង ចានដែករែង ហើយផ្តិលដាក់មាសហ្នឹងដកចេញទាំងអស់ គេយកទាំងអស់»។
មេឃុំបារាំងធ្លាក់ លោក ចាយ ម៉ោញ បានមានប្រសាសន៍ថា លោកពុំបានដឹងពីករណីកងទាហានថៃ ធ្វើការហាមឃាត់អ្នកភូមិខ្មែរមិនឲ្យជីករ៉ែនេះទេ។ លោកបន្តថា អាជ្ញាធរមូលដ្ឋានក្នុងរយៈពេលជាបន្តបន្ទាប់បានហាមឃាត់មិនឲ្យអ្នកភូមិចូលធ្វើសកម្មភាពជីកដីរាវរករ៉ែមាសនោះឡើយ ដោយសារដីនៅតំបន់ព្រំដែននោះពុំទាន់មានការកំណត់ច្បាស់លាស់។
លោកបន្ថែមថា ៖ «ហាមគ្រប់គ្នា យើងចេះតែឃាត់គាត់រហូត ប៉ុន្តែគាត់ចេះតែលួចទៅ វាលំបាក។ ប៉ុន្តែជីកហ្នឹងវាមិនមែនអ្នកនៅនេះទាំងអស់ទេ អ្នកដែលមកស្នាក់នៅទៅជីកអីអ៊ីចឹងទៅ ឆ្លងទៅជីកម្ខាងទៀត។ ខាងយើងនេះ យើងដើរឃាត់រហូតកងល្បាតព្រំដែន នគរបាលព្រំដែនដើរល្បាតតាមអូរហ្នឹងរហូត ហើយអ៊ីចឹងគេឃាត់គាត់ចេះតែលួចឆ្លងទៅ»។
ទាក់ទិនបញ្ហានេះ លោក សួន កឿន អភិបាលស្រុកភ្នំព្រឹក្ស បានបញ្ជាក់ថា ផ្ទៃដីតំបន់សនៅក្នុងភូមិសាស្ត្រស្រុកភ្នំព្រឹក្ស ខេត្តបាត់ដំបង ជាប់ជាមួយស្រុកសយដាវ ខេត្តចាន់បុរី ប្រទេសថៃ ពុំទាន់មានការវាស់វែងច្បាស់លាស់នោះមានទំហំជាង ២០ហិកតារ ៖ «ស្រុកភ្នំព្រឹក្សនេះខ្ញុំច្រើនមិនឲ្យកំណត់ប៉ែកខាងលិចហ្នឹងយកអូរហ្នឹងធ្វើជាទីតាំង ឬជាព្រំប្រទល់របស់ខ្មែរ-ថៃទេ មួយជួរខាងលិចខ្ញុំឲ្យកំណត់ថា ព្រំប្រទល់ជាប់ស្រុកសយដាវ ខេត្តចាន់បុរី ។អ៊ីចឹងពីខាងដើមមកដីយើងរហូតដល់ភ្នំស្នូលពោតដីថៃ។ ខ្ញុំមិនហ៊ានកំណត់ដែរ ព្រោះយើងដឹងថា ដីយើងបច្ចុប្បន្នវានៅរហូតដល់ភ្នំស្នូលពោតដីថៃ ឯណោះ ប្រវែងបីទៅបួនគីឡូទៀត»។
ក្រុមអ្នកភូមិឲ្យដឹងថា សកម្មភាពអ្នកភូមិជីកដីរាវរករ៉ែនេះ បានកើតមានឡើងអស់រយៈពេលច្រើនឆ្នាំមកហើយ ក៏ប៉ុន្តែនៅគ្រាដំបូងពុំមានអ្នកភូមិច្រើនទេដែលបាននាំគ្នាទៅជីកដីរែងរករ៉ែមាសនោះ ទើបនៅក្នុងអំឡុងឆ្នាំ២០១១នេះ ចំនួនអ្នកភូមិមានការកើនឡើងច្រើន។ ទន្ទឹមគ្នានេះដែរ ក៏មានក្រុមហ៊ុនរបស់ចិនមួយ ដែលទទួលបានអាជ្ញាប័ណ្ណពីរដ្ឋាភិបាលកម្ពុជា កំពុងធ្វើសកម្មភាពជីកដីរ៉ាវរករ៉ែនៅក្នុងភូមិសាស្ត្រស្រុកភ្នំព្រឹក្ស អស់រយៈពេលជាច្រើនឆ្នាំដូចគ្នា៕
1 comment:
Blast Thai with BM-21 rocket once more...
Post a Comment