តើលោក គង់ គាំ នឹងធ្វើជាអ្នកតំណាងប្រធាន និងអនុប្រធានបក្សសង្គ្រោះជាតិនៅមូលដ្ឋាន?
និពន្ធដោយ : ម៉ៅ សុផា September-15-2016, 9:19 pm /Thmey Thmey
ភ្នំពេញ៖ លោក គង់ គាំ អតីតប្រធានគណបក្ស សម រង្ស៊ី និងជាទីប្រឹក្សាជាន់ខ្ពស់របស់គណបក្សសង្គ្រោះជាតិ ចង់ធ្វើជាតំណាងកិត្តិយសរបស់គណបក្សសង្គ្រោះជាតិ។ ប៉ុន្តែគណបក្សប្រឆាំងធំជាងគេមួយនេះនៅមិនទាន់ធ្វើសេចក្តីសម្រេចយ៉ាងណានៅឡើយទេ
លោក គង់ គាំ ដែលជាមនុស្សដ៏មានឥទ្ធិពលមួយរូបនៅក្នុងកម្លាំងគណបក្សសង្គ្រោះជាតិ បានបង្ហាញបំណង និងបានពន្យល់ពីភាពចាំបាច់មួយ ដែលលោកត្រូវធ្វើជាតំណាងកិត្តិយសនៃគណបក្សសង្គ្រោះជាតិ។ លោក គង់ គាំ បាននិយាយអំពីបំណងរបស់លោកនេះ ប្រាប់សារព័ត៌មានថ្មីៗ នៅថ្ងៃទី១៥ខែកញ្ញានេះ បន្ទាប់ពីមានការស្នើសុំពីមន្ត្រីជាន់ខ្ពស់មួយចំនួនរបស់គណបក្ស ដែលចង់ឲ្យលោកធ្វើជាអធិបតីនៅក្នុងវេទិកាសាធារណៈរបស់គណបក្សសង្គ្រោះជាតិនៅតាមមូលដ្ឋាន។
បើតាមការបញ្ជាក់របស់លោក គង់ គាំ ដែលកំពុងធ្វើជាទីប្រឹក្សាជាន់ខ្ពស់របស់គណបក្សសង្គ្រោះជាតិហើយនោះ តំណែងតំណាងកិត្តិយសគណបក្សសង្គ្រោះជាតិនឹងអនុញ្ញាតឲ្យលោកអាចធ្វើជាតំណាងរបស់ប្រធាន និងអនុប្រធានគណបក្សនេះ តាមវេទិកាសាធារណៈនៅតាមមូលដ្ឋានមានប្រសិទ្ធភាពជាង។
«ខ្ញុំជាទីប្រឹក្សាជាន់ខ្ពស់ក្នុងគណបក្សសង្គ្រោះជាតិស្រាប់ហើយ។ តែស្ថានការណ៍នេះ មិនអាចធ្វើជាទីប្រឹក្សាបានទេ។ គួរតែជាតំណាងកិត្តិយស ដែលអនុញ្ញាតឲ្យខ្ញុំបំពេញការងារបង្កើនប្រជាប្រិយភាព និងពង្រឹងគោលជំហររបស់គណបក្សសង្គ្រោះជាតិឆ្ពោះទៅរកការបោះឆ្នោត នាពេលខាងមុខ»។ នេះជាការពន្យល់របស់លោក គង់ គាំ ដែលបានលាលែងពីតំណែងប្រធានគណបក្សសម រង្ស៊ី កាលពីចុងឆ្នាំ២០១៥។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានថ្លែងស្វាគមន៍គោលបំណងរបស់លោក គង់ គាំ។ ប៉ុន្តែ លោក បញ្ជាក់ថា ថ្នាក់ដឹកនាំ ក៏ដូចជាគណៈកម្មាធិការអចិន្ត្រៃយ៍នៃគណបក្សសង្គ្រោះជាតិ មិនទាន់ពិភាក្សាគ្នានៅឡើយទេ ចំពោះបញ្ហានេះ។
លោក យឹម សុវណ្ណ ចាត់ទុកលោក គង់ គាំ ជាបញ្ញវន្តជាន់ខ្ពស់មួយរូប ដែលត្រូវរួមដៃជាមួយនឹងគណបក្សសង្គ្រោះជាតិ ក្នុងការអភិវឌ្ឍប្រទេសជាតិ។ លោកសង្កត់ធ្ងន់ថា៖«ខ្ញុំមិនអាចឆ្លើយជំនួសគណៈកម្មាធិការអចិន្ត្រៃយ៍បានទេ ចំពោះរឿងនេះ។ តែ ខ្ញុំយល់ថា គាត់ (លោក គង់ គាំ) គឺជាធនធានមនុស្សដ៏កំពូល សម្រាប់ប្រទេសជាតិ»៕
លោក គង់ គាំ ដែលជាមនុស្សដ៏មានឥទ្ធិពលមួយរូបនៅក្នុងកម្លាំងគណបក្សសង្គ្រោះជាតិ បានបង្ហាញបំណង និងបានពន្យល់ពីភាពចាំបាច់មួយ ដែលលោកត្រូវធ្វើជាតំណាងកិត្តិយសនៃគណបក្សសង្គ្រោះជាតិ។ លោក គង់ គាំ បាននិយាយអំពីបំណងរបស់លោកនេះ ប្រាប់សារព័ត៌មានថ្មីៗ នៅថ្ងៃទី១៥ខែកញ្ញានេះ បន្ទាប់ពីមានការស្នើសុំពីមន្ត្រីជាន់ខ្ពស់មួយចំនួនរបស់គណបក្ស ដែលចង់ឲ្យលោកធ្វើជាអធិបតីនៅក្នុងវេទិកាសាធារណៈរបស់គណបក្សសង្គ្រោះជាតិនៅតាមមូលដ្ឋាន។
បើតាមការបញ្ជាក់របស់លោក គង់ គាំ ដែលកំពុងធ្វើជាទីប្រឹក្សាជាន់ខ្ពស់របស់គណបក្សសង្គ្រោះជាតិហើយនោះ តំណែងតំណាងកិត្តិយសគណបក្សសង្គ្រោះជាតិនឹងអនុញ្ញាតឲ្យលោកអាចធ្វើជាតំណាងរបស់ប្រធាន និងអនុប្រធានគណបក្សនេះ តាមវេទិកាសាធារណៈនៅតាមមូលដ្ឋានមានប្រសិទ្ធភាពជាង។
«ខ្ញុំជាទីប្រឹក្សាជាន់ខ្ពស់ក្នុងគណបក្សសង្គ្រោះជាតិស្រាប់ហើយ។ តែស្ថានការណ៍នេះ មិនអាចធ្វើជាទីប្រឹក្សាបានទេ។ គួរតែជាតំណាងកិត្តិយស ដែលអនុញ្ញាតឲ្យខ្ញុំបំពេញការងារបង្កើនប្រជាប្រិយភាព និងពង្រឹងគោលជំហររបស់គណបក្សសង្គ្រោះជាតិឆ្ពោះទៅរកការបោះឆ្នោត នាពេលខាងមុខ»។ នេះជាការពន្យល់របស់លោក គង់ គាំ ដែលបានលាលែងពីតំណែងប្រធានគណបក្សសម រង្ស៊ី កាលពីចុងឆ្នាំ២០១៥។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានថ្លែងស្វាគមន៍គោលបំណងរបស់លោក គង់ គាំ។ ប៉ុន្តែ លោក បញ្ជាក់ថា ថ្នាក់ដឹកនាំ ក៏ដូចជាគណៈកម្មាធិការអចិន្ត្រៃយ៍នៃគណបក្សសង្គ្រោះជាតិ មិនទាន់ពិភាក្សាគ្នានៅឡើយទេ ចំពោះបញ្ហានេះ។
លោក យឹម សុវណ្ណ ចាត់ទុកលោក គង់ គាំ ជាបញ្ញវន្តជាន់ខ្ពស់មួយរូប ដែលត្រូវរួមដៃជាមួយនឹងគណបក្សសង្គ្រោះជាតិ ក្នុងការអភិវឌ្ឍប្រទេសជាតិ។ លោកសង្កត់ធ្ងន់ថា៖«ខ្ញុំមិនអាចឆ្លើយជំនួសគណៈកម្មាធិការអចិន្ត្រៃយ៍បានទេ ចំពោះរឿងនេះ។ តែ ខ្ញុំយល់ថា គាត់ (លោក គង់ គាំ) គឺជាធនធានមនុស្សដ៏កំពូល សម្រាប់ប្រទេសជាតិ»៕
No comments:
Post a Comment