A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Thursday 7 July 2016
ជាលើកដំបូងបង្អស់ ដែលសហរដ្ឋអាមេរិកដាក់ទណ្ឌកម្មមេដឹកនាំកូរ៉េខាងជើង គីម ជុងអ៊ុន ចំពោះការបំពានសិទ្ធិមនុស្ស
ជាលើកដំបូងបង្អស់ ដែលសហរដ្ឋអាមេរិកដាក់ទណ្ឌកម្មមេដឹកនាំកូរ៉េខាងជើង គីម ជុងអ៊ុន ចំពោះការបំពានសិទ្ធិមនុស្ស
07 កក្កដា 2016
VOA News
មេដឹកនាំកូរ៉េខាងជើង គីម ជុងអ៊ុន មើលក្បួនយោធានៅក្នុងក្រុងព្យុងយ៉ាង ប្រទេសកូរ៉េខាងជើង កាលពីថ្ងៃទី១០ ខែតុលា ឆ្នាំ២០១៥។
ជាលើកដំបូងបង្អស់ ដែលសហរដ្ឋអាមេរិកដាក់បញ្ចូលមេដឹកនាំកូរ៉េខាងជើង គីម ជុងអ៊ុន ទៅក្នុងបញ្ជីទណ្ឌកម្មរបស់អាមេរិកសម្រាប់អ្នកបំពានសិទ្ធិមនុស្ស។
លោក គីម និង ស្ថាប័ននិងបុគ្គលចំនួន២២ទៀត ត្រូវដាក់បញ្ចូលទៅក្នុងបញ្ជីខ្មៅរបស់អាមេរិក ចំពោះតួនាទីរបស់ពួកគេទៅលើការបំពានសិទ្ធិមនុស្សធ្ងន់ធ្ងរ ដែលស្វែងរកចាប់ខ្លួនពួកគេរត់ចោលស្រុក ឬការរឹតត្បិតនៅក្នុងប្រទេសកូរ៉េខាងជើង។
មន្ត្រីជាន់ខ្ពស់របស់អាមេរិកម្នាក់បានប្រកាសកាលពីថ្ងៃពុធយ៉ាងដូច្នេះថា «យើងបានដាក់បញ្ចូលបុគ្គលនិងស្ថាប័នសរុបទាំងអស់ចំនួន ២៣ ទៅក្នុងរបាយការណ៍របស់យើង ហើយម្នាក់ក្នុងចំណោមនោះ គឺលោក គីម ជុងអ៊ុន។ យើងបានធ្វើការវិនិច្ឆ័យថា លោកមិនមែនជាបុគ្គលសាមញ្ញម្នាក់នោះទេ ហើយនៅទីបំផុតត្រូវទទួលខុសត្រូវចំពោះសកម្មភាពនៃរបបរបស់លោក ដោយរួមទាំងគោលនយោបាយគាបសង្កត់ទៅលើប្រជាជនរបស់លោកខ្លួនឯងផងដែរ»។
អនុរដ្ឋមន្ត្រីទីស្តីនៃក្រសួងរតនាគារជាតិ លោក Adam Szubin បានមានប្រសាសន៍ថា «ស្ថិតក្រោមរបបលោក គីម ជុងអ៊ុន ប្រទេសកូរ៉េខាងជើងនៅតែបន្តធ្វើអំពើឃោរឃៅនិងធ្វើបាបប្រជាជនខ្លួនឯងរាប់លាននាក់ដោយមិនអត់ឱនទាល់តែសោះ ដោយរួមមានទាំងការសម្លាប់ក្រៅប្រព័ន្ធតុលាការ ការបង្ខំឲ្យធ្វើការងារធ្ងន់ និងការធ្វើទារុណកម្មផងដែរ»។
ស្ថិតក្រោមបញ្ជីឈ្មោះដែលត្រូវបានគេហៅថា បញ្ជីរាយឈ្មោះមនុស្សដែលត្រូវបានគេហាមឃាត់ ទ្រព្យសម្បត្តិឬផលប្រយោជន៍របស់ជនទាំងនោះដែលស្ថិតក្រោមយុត្តាធិការរបស់សហរដ្ឋអាមេរិកនឹងត្រូវបង្កក។ បន្ថែមពីលើនេះទៀត ការធ្វើជំនួញរវាងប្រជាជនអាមេរិកជាមួយនឹងបុគ្គលដែលហាមឃាត់ជាទូទៅមិនត្រូវបានគេអនុញ្ញាតនោះទេ។
ក្រសួងការបរទេសអាមេរិកបានឲ្យដឹងថា ការបំពានសិទ្ធិមនុស្សនៅក្នុងប្រទេសកូរ៉េខាងជើងគឺជារឿងដែលអាក្រក់បំផុតមួយក្នុងពិភពលោក។ ការរំលោភបំពានទាំងនេះត្រូវបានធ្វើឡើងនៅក្នុងជំរំពន្ធនាគារនយោបាយ ដែលគេប៉ាន់ស្មានថា បុគ្គលចន្លោះ ពី៨ម៉ឺនទៅ១សែន២ម៉ឺននាក់ត្រូវបានឃុំខ្លួន ដោយរួមបញ្ចូលទាំងកុមារនិងសមាជិកគ្រួសាររបស់បុគ្គលដែលត្រូវបានគេចោទប្រកាន់នោះផងដែរ៕
Subscribe to:
Post Comments (Atom)
1 comment:
Look at Ah Chrouk Kim Junk Un !!
Post a Comment