ដោយ ប្រាជ្ញ ចេវ
2016-07-01
តំណាងរាស្ត្រគណបក្សសង្គ្រោះជាតិ លោក គីមសួរ ភីរិទ្ធ (រូបស្ដាំ) ថ្លែងនៅទីស្នាក់ការកណ្ដាលគណបក្សរបស់ខ្លួន នៅរសៀលថ្ងៃទី១ ខែកក្កដា ឆ្នាំ២០១៦។ RFA/Brach Chev
RFA/Brach Chev
គណបក្សសង្គ្រោះជាតិ ប្រកាសសុំជួបចរចាជាមួយគណបក្សប្រជាជនកម្ពុជា នៅថ្ងៃច័ន្ទ ទី៤ ខែកក្កដា សប្ដាហ៍ក្រោយនេះ ដែលជាជំនួបថ្នាក់កំពូលនិយាយពីស្ថានការណ៍នយោបាយ។ ប៉ុន្តែគណបក្សកាន់អំណាចបដិសេធលើសំណើនេះ ដោយបញ្ជាក់ថា គណបក្សប្រជាជនកម្ពុជា មិននិយាយជាមួយគណបក្សសង្គ្រោះជាតិ បើតុលាការមិនទាន់បញ្ចប់នីតិវិធី។
មិនថាការចរចាតាមទូរស័ព្ទ ឬការចរចាតាមរយៈលិខិត ក៏គណបក្សសង្គ្រោះជាតិ ធ្វើដែរ ដើម្បីអាចដោះស្រាយបញ្ហាដែលកំពុងកើតឡើងសព្វថ្ងៃនេះ ដែលគណបក្សនេះហៅថា វិបត្តិនយោបាយ។
តំណាងរាស្ត្រ និងជាសមាជិកគណៈកម្មាធិការអចិន្ត្រៃយ៍ លោក គីមសួរ ភីរិទ្ធ ថ្លែងនៅទីស្នាក់ការកណ្តាលគណបក្សសង្គ្រោះជាតិ នៅថ្ងៃទី១ ខែកក្កដា ថា គណបក្សសង្គ្រោះជាតិ រំពឹងថា គណបក្សប្រជាជនកម្ពុជា នឹងយល់ព្រមជួបចរចា ព្រោះពេលនេះជាពេលដែលគណបក្សទាំងពីរធ្វើឲ្យស្ថាននយោបាយវិលទៅរកស្ថានភាពជាប្រក្រតីវិញ។
លោកថា ការម្រេចបោះដៃជួបគ្នាជាថ្មីនេះ ជាជំហរនៃកិច្ចប្រជុំរបស់គណៈកម្មាធិការអចិន្ត្រៃយ៍គណបក្សសង្គ្រោះជាតិ សម្រេចបាន៖ «»។
ជំហរនៃការចរចារបស់គណបក្សប្រឆាំងនៅពេលនេះ បន្ទាប់ពីក្រុមចរចាថ្នាក់ពង្រឹងវប្បធម៌សន្ទនារបស់គណបក្សនេះ ទៅជួបប្រធានរបស់ខ្លួនគឺលោក សម រង្ស៊ី រយៈពេលពីរថ្ងៃ នៅទីក្រុងម៉ានីល (Manila) ប្រទេសហ្វីលីពីន (Philippines)។
តែទោះយ៉ាងនេះក្តី អ្នកនាំពាក្យគណបក្សប្រជាជនកម្ពុជា លោក សុខ ឥសាន ថា គណបក្សប្រជាជនកម្ពុជា បដិសេធជជែកជាមួយគណបក្សសង្គ្រោះជាតិ បើតុលាការមិនទាន់បញ្ចប់នីតិវិធីទាក់សំណុំរឿងលោក កឹម សុខា និងមន្ត្រីគណបក្សនេះ៖ «»។
ការកំណត់ថ្ងៃស្នើជួបចរចារបស់គណបក្សសង្គ្រោះជាតិ នៅពេលនេះ បន្ទាប់ពីលោកនាយករដ្ឋមន្ត្រី ហ៊ុន សែន ព្រមានថា លោក កឹម សុខា គេចមិនផុតពីការជាប់គុកទេ។ ចំណែកការកំណត់ថ្ងៃស្នើចរចានោះដែរ ចំថ្ងៃដែលសាលាឧទ្ធរណ៍កោះហៅលោក កឹម សុខា ឲ្យចូលរួមសវនាការនៅសាលាឧទ្ធរណ៍នៅព្រឹកថ្ងៃទី៤ ខែកក្កដា ករណីដែលលោកបដិសេធមិនចូលខ្លួនទៅសាលាដំបូងរាជធានីភ្នំពេញ។
ទាក់ទងរឿងនេះ អ្នកវិភាគនយោបាយ លោក សូ ថន្ថា យល់ថា ការបង្ហាញជំហរសុំចរចារបស់គណបក្សសង្គ្រោះជាតិ នៅពេលនេះ គឺជាអ្វីដែលពលរដ្ឋខ្មែរចង់បាន។ ចំពោះការបដិសេធមិនជួបចរចាពីគណបក្សប្រជាជនកម្ពុជា លោកយល់ថា គណបក្សទាំងពីរអាចនឹងរកច្រកចេញបាន៖ «»។
អ្នកវិភាគដដែលយល់ថា ការបដិសេធរបស់គណបក្សប្រជាជនកម្ពុជា ព្រោះគណបក្សចង់បានអ្វីដែលខ្លួនចង់បាននោះច្រើន និងកាត់បន្ថយការទាមទារខ្លះរបស់គណបក្សសង្គ្រោះជាតិ។ កន្លងទៅ មន្ត្រីគណបក្សប្រជាជនកម្ពុជា បង្ហាញការចង់របស់ខ្លួនចង់ឃើញគណបក្សសង្គ្រោះជាតិ បញ្ជូនបេក្ខភាពអនុប្រធានសភាជំនួសលោក កឹម សុខា និងទាមទារចង់បានប្រធានក្រុមភាគតិចនៅក្នុងរដ្ឋសភាជាផ្លូវការ ដែលមិនមែនជាប្រធានស្ដីទី រួមនឹងសំណើខ្លះៗទៀត៕
No comments:
Post a Comment