A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Sunday 3 July 2016
សកម្មជនដីធ្លីគ្រោងបន្តយុទ្ធនាការថ្ងៃច័ន្ទពណ៌ខ្មៅទាមទារដោះលែងមន្ត្រីសិទ្ធិមនុស្ស
ដោយ ឡេង ម៉ាលី
2016-07-03
សកម្មភាពរបស់អាជ្ញាធរ ចុះរារាំងសកម្មជនដីធ្លីធ្វើយុទ្ធនាការ «ថ្ងៃច័ន្ទពណ៌ខ្មៅ» នៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ នៅព្រឹកថ្ងៃច័ន្ទ ទី២៧ ខែមិថុនា ឆ្នាំ២០១៦។ RFA/Alexander Ledet
ក្រុមស្ត្រីដែលជាសកម្មជនដីធ្លីនៅសហគមន៍បឹងកក់ និងសហគមន៍អតីតអ្នកបឹងកក់ គ្រោងបន្តធ្វើយុទ្ធនាការ «ថ្ងៃច័ន្ទពណ៌ខ្មៅ» នៅថ្ងៃច័ន្ទ ទី៤ កក្កដា ដដែល ទោះជាពួកគាត់ប្រឈមនឹងការគំរាមកំហែងចាប់ខ្លួនពីអាជ្ញាធរក៏ដោយ។
សកម្មជនតវ៉ារឿងដីធ្លីនៅសហគមន៍បឹងកក់ គឺអ្នកស្រី ទេព វន្នី បញ្ជាក់ឱ្យដឹងនៅល្ងាចថ្ងៃអាទិត្យ ទី៣ ខែកក្កដា ថា ពលរដ្ឋក្នុងសហគមន៍របស់អ្នកស្រីចំនួន ៥០នាក់ នឹងបន្តធ្វើយុទ្ធនាការស្លៀកពាក់ខ្មៅដដែល នៅថ្ងៃច័ន្ទ ទី៤ កក្កដា លើកលែងតែពេលវេលាត្រូវផ្លាស់ប្ដូរ៖ «ពេលវេលាយើងផ្លាស់ប្ដូរខុសពីសប្ដាហ៍មុនៗ បន្តិច។ ចាស់ស្អែកហ្នឹង ពួកខ្ញុំធ្វើនៅពេលព្រឹកវិញវេលាម៉ោង ៨។ ប៉ុន្តែទីតាំងនៅកន្លែងដដែល»។
អ្នកស្រីថ្លែងថា យុទ្ធនាការរបស់ស្ត្រីបឹងកក់ គឺនៅតែបន្តទាមទារឱ្យដោះលែងមន្ត្រីអង្គការការពារសិទ្ធិមនុស្សអាដហុក ៤រូប និងអគ្គលេខាធិការរង គ.ជ.ប គឺលោក នី ចរិយា។ មន្ត្រីការពារសិទ្ធិមនុស្សអង្គការអាដហុក (ADHOC) ៤រូប បច្ចុប្បន្ននេះកំពុងជាប់ឃុំពន្ធនាគារព្រៃស ហើយលោក នី ចរិយា កំពុងជាប់នៅគុកប៉េហ្ស៊ី (PJ) របស់នគរបាល។
អ្នកស្រី ទេព វន្នី មានប្រសាសន៍ថា សកម្មភាពធ្វើយុទ្ធនាការទាមទារក្រៅពីការលើកបដាពាក្យស្លោក អ្នកតវ៉ាក៏នឹងមានការបង្ហោះប៉េងប៉ោង និងរូបគំនូរមន្ត្រីជាប់ឃុំឃាំងទាំងនោះ៖ «»។
ដោយឡែកសហគមន៍អតីតអ្នកបឹងកក់ ដែលកំពុងរស់នៅឯបុរីសន្តិភាព II ដំណាក់ត្រយឹង ក្នុងសង្កាត់ចោមចៅ ខណ្ឌពោធិ៍សែនជ័យ ជិតពន្ធនាគារព្រៃស ឱ្យដឹងថា ពួកគាត់នឹងបន្តការតវ៉ាដូចគ្នា។
តំណាងសហគមន៍អតីតអ្នកបឹងកក់ គឺកញ្ញា អ៊ីម ស្រីទូច ថ្លែងថា ក្រុមរបស់កញ្ញាគ្រោងស្លៀកពាក់ពណ៌សម្ដង ព្រោះតែការធ្វើយុទ្ធនាការកាលពីសប្ដាហ៍មុន ក្រុមរបស់កញ្ញារងការគំរាមកំហែងពីអាជ្ញាធររឿងស្លៀកពាក់ខ្មៅតវ៉ា៖ «»។
កញ្ញា អ៊ីម ស្រីទូច បញ្ជាក់ថា ការធ្វើយុទ្ធនាការថ្ងៃច័ន្ទពណ៌ខ្មៅ ឱ្យមានការដោះលែងក្រុមមន្ត្រីសិទ្ធិមនុស្ស ពីព្រោះក្រុមរបស់កញ្ញាត្រូវការអ្នកទាំងនោះជួយការពារសិទ្ធិអ្នកមានបញ្ហាដីធ្លី៖ «»។
កញ្ញា អ៊ីម ស្រីទូច បន្តថា កញ្ញាមិនបារម្ភរឿងចាប់ខ្លួនដោយអាជ្ញាធរទេ ព្រោះអាជ្ញាធរហាមចំពោះការស្លៀកខ្មៅ។
យុទ្ធនាការតវ៉ាដោយស្លៀកពាក់ខ្មៅ នៅថ្ងៃច័ន្ទ ទី៤ កក្កដា គឺជាសប្ដាហ៍ទី៩ ហើយ ដែលសកម្មជនដីធ្លីនាំគ្នាតវ៉ា ចាប់តាំងពីមន្ត្រីការពារសិទ្ធិមនុស្សអាដហុក ៤រូប និងអគ្គលេខាធិការរង គ.ជ.ប មួយរូប ត្រូវបានអង្គភាពប្រឆាំងអំពើពុករលួយកោះហៅអ្នកទាំងនេះ ទៅសាកសួរពាក់ព័ន្ធនឹងការចោទប្រកាន់របស់អ្នកនាង ខុម ចាន់តារាទី ហៅ ស្រីមុំ ហើយឈានដល់ការឃាត់ខ្លួន និងឃុំខ្លួនចាប់តាំងពីយប់ថ្ងៃទី២៨ ខែមេសាមក៕
Subscribe to:
Post Comments (Atom)
No comments:
Post a Comment