A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Monday 27 June 2016

ការ​ស្ទង់មតិ​ពីរ​នៅ​អាមេរិក៖ លោកស្រី​ Cinton កំពុង​នាំ​មុខ​លោក​ Trump


27 មិថុនា 2016
VOA News

ការ​ស្ទង់​មតិ​ចំនួនពីរ​នៅសហរដ្ឋអាមេរិក​បង្ហាញ​ថា លោកស្រី Clinton កំពុង​តែ​នាំ​មុខ​លោក Trump។
ការ​ស្ទង់​មតិ​ចំនួនពីរ​នៅសហរដ្ឋអាមេរិក​បង្ហាញ​ថា លោកស្រី Clinton កំពុង​តែ​នាំ​មុខ​លោក Trump។


កាល​ពី​ថ្ងៃ​អាទិត្យ​ ការ​ស្ទង់មតិ​ខាងនយោបាយ​ថ្មីៗ​ពីរ​ក្នុង​ស.រ.អា​បាន​បង្ហាញ​ថា​លោកស្រី​ហ៊ីលឡារី គ្លីនតុន (Hillary Clinton) នៃ​គណបក្ស​ប្រជាធិបតេយ្យ​មាន​ការ​គាំទ្រ​ច្រើន​ជាង​មុន​នៅ​ក្នុង​ការប្រកួត​ប្រជែង​ដណ្តើម​តំណែង​ប្រធានាធិបតី​ស.រ.អា​លើ​លោក​ដូណាល់ ត្រាំ (Donald Trump) ដែល​ជា​គូប្រជែង​របស់​លោកស្រី​ មក​ពី​គណបក្ស​សាធារណរដ្ឋ។ ក៏​ប៉ុន្តែ​ការស្ទង់មតិ​ទាំង​ពីរនេះ​មាន​ភាព​ខុស​គ្នា​អំពី​ចំនួនភាគ​រយ​នៃ​ការ​នាំ​មុខ​របស់លោកស្រី។​

ការ​ស្ទង់មតិរួម​គ្នា​មួយ​រវាងកាសែត​ Washington Post និង​បណ្តាញ​ទូរទស្សន៍អាមេរិកាំង​ ABC News បាននិយាយ​ថា ​ការ​គាំទ្រ​ដល់​លោក Trump ​មហាសេដ្ឋី​អចលនទ្រព្យ​មាន​ប្រាក់​រាប់​ពាន់​លាន​ដុល្លារ ដែល​បាន​ឈរ​ឈ្មោះ​ដំបូងសម្រាប់​តំណែង​សាធារណៈ​តាម​រយៈការ​បោះឆ្នោត​ បានថយចុះ​កាល​ពី​ប៉ុន្មាន​សប្តាហ៍​ថ្មីៗ​នេះ ដោយ​លោកស្រី​ Clinton មាន​ការ​គាំទ្រ​៥១ភាគរយ​ទល់នឹង​លោក Trump ៣៩​ភាគរយ​នៅ​ទូទាំង​ប្រទេស​ក្នុង​ចំណោម​ប្រជាជន​អាមេរិកាំង​ដែល​បាន​ចុះ​ឈ្មោះ​បោះឆ្នោត។ កាល​ពី​មួយ​ខែមុននេះ​ ការ​ស្ទង់មតិ​ដោយ​អង្គភាពព័ត៌មាន​ដដែល​ទាំង​ពីរ​ បាន​បង្ហាញ​ថា ​លោក Trump នាំ​មុខ​លោកស្រី​អតីត​រដ្ឋមន្ត្រី​ការបរទេសអាមេរិកាំង ៤៦ភាគ​រយ​ទល់​នឹង​៤៤ភាគរយ។



ការ​ស្ទង់មតិ​មួយ​ទៀត​ដោយ​សារព័ត៌មាន​ Wall Street Journal និង​បណ្តាញ​ទូរទស្សន៍អាមេរិកាំង​ NBC News បាន​បង្ហាញថា ​លោកស្រី​ Clinton ដែល​បាន​ស្វះស្វែង​ដើម្បី​ក្លាយ​ទៅ​ជា​ប្រធានាធិបតី​ស្ត្រី​ទី​មួយនៃ​ស.រ.អា​នាំ​មុខ ៤៦ភាគរយ​ទល់​នឹង​៤១ភាគរយ ដែល​ជាការ​ចំណេញ​២ភាគ​រយលើស​ពី​កាល​ខែ​មុន។

ការ​ស្ទង់មតិ​មួយចំនួន​កាល​ពី​ពេល​ថ្មីៗនេះ​បង្ហាញ​ថា ​លោកស្រី​ Clinton មាន​ការ​នាំ​មុខ​ជា​មធ្យមភាគ​ចំនួន​ជាង​៦ភាគរយ ហើយ​គេ​មាន​ជំនឿ​ថា​ ការ​ប្រកួតប្រជែង​នេះ​មាន​ភាព​ប្រកិតប្រកើយ​គ្នា​យ៉ាង​ខ្លាំង​កាល​ពី​មួយ​ខែ​មុន​នេះ។

ការ​ស្ទង់មតិថ្មីៗ​បំផុត​ត្រូវ​បាន​ឡើង បន្ទាប់​ពី​មាន​រឿង​ចម្រូងចម្រាស​កម្រិតខ្ពស់​មួយ​ចំនួន​ទាក់ទិន​ជាមួយ​លោក​ Trump ដោយ​មាន​រួម​បញ្ចូល​ការ​វាយ​ប្រហារ​របស់​លោក​លើ​ចៅក្រម​ម្នាក់​ ដែល​មាន​ដើម​កំណើត​ម៉ិកស៊ិក​ កើត​នៅ​ស.រ.អា ដែល​កាត់ក្តី​ទាក់ទិន​នឹង​មុខរបរ​មួយ​របស់​លោក​ Trump ដែល​បាន​រង​ការ​ខាតបង់ ការ​ដែល​លោក Trump បាន​ដក​អ្នកចាត់ចែង​យុទ្ធនាការ​ឃោសនា​របស់​លោក​ចេញ​ពី​តំណែង​ និង​ការ​រៃអង្គាស​ប្រាក់​សម្រាប់​ធ្វើការ​ឃោសនា​បោះឆ្នោត​បានតិច​ជាង​លោកស្រី Clinton កាលពី​ខែ​ឧសភា៕

4 comments:

Anonymous said...

This coming November, the Americans will elect
their new President, who ever she will be !

Anonymous said...

fake poll... depending whom they asked the result will be different. the cabal who wants hillary in power so they can continue to control the gov will do anything to sway the public .. even the mainstream media owned by them are trying to quash rumor about FBI readiness to indict her [ tom delay who was once a house majority leader announced in one of the talk show he was on ] and the attorney general is complying with the cabal 's request -- to not pushing for her indictment [ they have the dirt on her boss ]... clinton has so many skeletons in her closet which make it easier for them to blackmail her to carry out their agenda . Trump , on the other hand , has a mind of his own right now , and he even fund his own campaign.. so they have no ability to control him -- at this time -- which scares them .

Anonymous said...

Trump is an empty can !
Just like Palin, except he is rich.

Anonymous said...

TRum...you are my best