A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday, 21 June 2016

លោក​ អូបាម៉ា​ ថ្លែង​ទៅ​កាន់​និស្សិត​បញ្ចប់​ការ​សិក្សា​​សាលា​ទ័ព​ជើង​អាកាស​អាមេរិក​ថា៖ «យើង​មិន​អាច​ធ្វើ​ជា​ជន​ប្រកាន់​ភាព​ឯកោនិយម​បាន​ទេ»



លោក​ អូបាម៉ា​ ថ្លែង​ទៅ​កាន់​និស្សិត​បញ្ចប់​ការ​សិក្សា​​សាលា​ទ័ព​ជើង​អាកាស​អាមេរិក​ថា៖ «យើង​មិន​អាច​ធ្វើ​ជា​ជន​ប្រកាន់​ភាព​ឯកោនិយម​បាន​ទេ»

20 មិថុនា 2016
VOA News

នៅ​ក្នុង​ក្រុង Colorado Springs រដ្ឋ Colorado នៅ​ដើម​ខែ​មិថុនា លោក​ប្រធានាធិបតី​បារ៉ាក់ អូបាម៉ា​​បាន​និយាយ​ទៅ​កាន់​និស្សិត​បញ្ចប់​ការ​សិក្សា​​សាលា​ទ័ព​ជើង​អាកាស​អាមេរិក​ថា៖ «យើង​មិន​អាច​ធ្វើ​ជា​ជន​ប្រកាន់​ភាព​ឯកោនិយម​បាន​ទេ»។
នៅ​ក្នុង​ក្រុង Colorado Springs រដ្ឋ Colorado នៅ​ដើម​ខែ​មិថុនា លោក​ប្រធានាធិបតី​បារ៉ាក់ អូបាម៉ា​​បាន​និយាយ​ទៅ​កាន់​និស្សិត​បញ្ចប់​ការ​សិក្សា​​សាលា​ទ័ព​ជើង​អាកាស​អាមេរិក​ថា៖ «យើង​មិន​អាច​ធ្វើ​ជា​ជន​ប្រកាន់​ភាព​ឯកោនិយម​បាន​ទេ»។


នៅ​ក្នុង​សុន្ទរកថា​ទៅ​កាន់​និស្សិត​បញ្ចប់​ការ​សិក្សា​នៅ​សាលា​ទ័ព​ជើង​អាកាស​អាមេរិក​ លោក​ប្រធានាធិបតី​ បារ៉ាក់ អូបាម៉ា​ ក្នុង​ឋានៈ​លោក​ជា​ប្រធានាធិបតី​នៃ​អាណត្តិ​ចុង​ក្រោយ​ បាន​ថ្លែង​ដោយ​ផ្តល់​នូវ​មេរៀន​ជីវិត​ដែល​លោក​ធ្លាប់​បាន​ដឹង​ អំពី​សន្តិសុខ​ជាតិ​ និង​គោល​នយោបាយ​ការ​បរទេស​ នៅ​ក្នុង​រយៈ​ពេល​ប្រាំពីរ​ឆ្នាំ​ចុងក្រោយ​នេះ។

នៅ​ក្នុង​ក្រុង Colorado Springs រដ្ឋ Colorado នៅ​ដើម​ខែ​មិថុនា លោក​ អូបាម៉ា​ បាន​ជំរុញ​ឲ្យ​មន្រ្តី​យោធា​ជើង​អាកាស​ថ្មី​ចំនួន​ជាង​ ៨០០​នាក់ មិន​ឲ្យ​ដក​ថយ​ចេញ​ពី​ការ​ពាក់​ព័ន្ធ និងភាព​ជា​អ្នក​ដឹកនាំ​របស់​សហ​រដ្ឋ​អាមេរិក​នៅ​លើ​ពិភពលោក។

លោក​បាន​មាន​ប្រសាសន៍​ថា «យើង​មិន​អាច​ធ្វើ​ជា​ជន​ប្រកាន់​ភាព​ឯកោនិយម​បាន​ទេ។ វា​មិន​អាច​ទៅ​រួច​ឡើយ​ នៅ​ក្នុង​ពិភព​លោក​ដែល​មាន​លក្ខណៈ​ប្រកប​ដោយ​សកល​ភាវូបនីយកម្ម និង​មាន​លក្ខណៈ​ជា​បណ្តាញ​ពាក់ព័ន្ធ​គ្នា​។ នៅ​ក្នុង​ពេល​វេលា​មិន​ទៀងទាត់​នេះ ពេល​ខ្លះយើង​ចង់​ ព្យាយាម​ដកថយ និង​ងាក​ចេញ​ពី​ជម្លោះ​ផ្សេងៗ​ ដែល​ហាក់​ដូចជា​មិន​ងាយ​នឹង​ដោះស្រាយ​ ហើយ​ទុក​ឲ្យ​ប្រទេស​ដទៃទៀត​ដោះស្រាយ​ដោយ​ខ្លួន​ឯង​»។

ទោះបីជា​លោក​មិន​ដែល​លើក​ឡើង​ពី​រដូវកាល​បោះ​ឆ្នោត​បឋម​ ប្រកប​ដោយ​ភាព​ចម្រូង​ចម្រាស​នោះ​ក៏ដោយ​ សេចក្តី​អធិប្បាយ​របស់​លោក​ អូបាម៉ា​ គឺ​ជា​ការ​រិះគន់​ដោយ​ប្រយោល​មួយ​ ទៅ​លើ​លោក​ Donald Trump ដែល​ត្រូវ​សន្មត​ថា​នឹង​ជាប់​ជា​បេក្ខជន​ប្រធានាធិបតី​គណបក្ស​សាធារណរដ្ឋ​ ដែល​បាន​កោះ​ហៅ​ឲ្យ​មាន​ការ​សាង​សង់​ជញ្ជាំង​នៅ​តាម​បណ្តោយ​ព្រំដែន​រវាង​សហរដ្ឋ​អាមេរិក​ និង​ម៉ិចស៊ិចកូ​ ក៏​ដូចជា​ការ​វាយ​តម្លៃ​ការ​ប្តេជ្ញា​របស់​សហរដ្ឋ​អាមេរិក​ទៅ​កាន់​អង្គការ​ណាតូ។



លោក​ អូបាម៉ា​ បាន​ថ្លែង​ថា​ «យើង​មិន​អាច​វិល​ត្រលប់​ចូល​ក្នុង​បាន​ទេ។ យើង​មិន​ត្រូវ​ចុះ​ញ៉ម​នឹង​ភាព​ឯកោនិយម​ឡើយ។ នោះគឺ​ជាការ​លួង​ចិត្ត​ក្លែង​ក្លាយ»។

ទំនាក់ទំនង​ការទូត និង​សន្ធិសញ្ញា​ផ្សេងៗ

លោក​បាន​ធ្វើ​ការ​ក្រើន​រំឮក​ទៅ​កាន់ទៅ​និស្សិត​បញ្ចប់​ការ​សិក្សា​ថា​ កង​កម្លាំង​យោធា​អាមេរិក​តែ​ឯង​ មិន​អាច​ដោះស្រាយ​គ្រប់​បញ្ហា​ទាំង​អស់​បាន​នោះ​ទេ ហើយ​បាន​សង្កត់​ធ្ងន់​ពី​តម្រូវ​ការ​សម្រាប់​ទំនាក់​ទំនង​ការ​ទូត​ និង​សន្ធិសញ្ញា​ផ្សេងៗ។

លោក​ អូបាម៉ា​ បាន​និយាយ​ថា «យើង​ត្រូវ​តែ​ប្រើ​ប្រាស់​នូវ​គ្រប់​មធ្យោបាយ​ គ្រប់​ធាតុ​ទាំង​អស់​នៃ​អំណាច​របស់​ជាតិ​យើង។ នេះ​ជា​បែប​ផែន​ដែល​យើង​បាន​ឈ្នះ​សង្រ្គាម​ត្រជាក់​ ដោយ​មិនត្រឹម​តែ​ជាមួយ​នឹង​កម្លាំង​នៃ​សព្វាវុធ​របស់​យើង​នោះ​ទេ​ ប៉ុន្តែ​ ជាមួយ​នឹង​អំណាច​នៃ​គំនិត​និង អំណាច​នៃទង្វើ​គំរូ​របស់​យើង»។

លោក​ អូបាម៉ា​ បានបន្ត​ថា​ សន្ធិសញ្ញា​ផ្សេងៗ​ ដូចជា​សន្ធិសញ្ញា​មួយ​ ដែល​បាន​បង្កើត​អង្គការ​សន្ធិសញ្ញា​អាត្លង់ទិច​ខាង​ជើង​ ហៅ​កាត់​ថា​ «ណាតូ» (NATO) ឬ​សន្ធិ​សញ្ញា​នានា​ ដែល​ដាក់​កំហិត​លើ​អាវុធ​ទូទៅ​ ឬ​អាវុធ​នុយក្លេអ៊ែរ «ជួយ​រក្សា​សុវត្ថិភាព​របស់​ពួក​យើង» ដោយនិយាយ​ថា នេះ​ជា​វិធី​មួយ​ ប្រកប​ដោយ​ប្រសិទ្ធភាព​បំផុត​ សម្រាប់​សហរដ្ឋ​អាមេរិក​ នៅ​ក្នុង​ការ​ដឹកនាំ​កិច្ចការ​ពិភព​លោក។

«សឹង​តែ​គ្រប់​បញ្ហា​ទាំងអស់​ ពិភព​លោកសង្ឃឹម​លើ​ពួក​យើងក្នុង​ការ​កំណត់​នូវ​របៀបវារៈ។​ នេះ​ជា​រឿង​ពិត​មួយ៖​ សហរដ្ឋ​អាមេរិក​នៅ​តែ​ជា​ប្រទេស​មហា​អំណាច​ខ្លាំង​ជាង​គេ​បង្អស់​នៅ​លើ​ពិភព​លោក និង​ជា​កង​កម្លាំង​មួយ​ជា​រៀង​រហូត​។​ នៅ​ពេល​ដែល​មាន​បញ្ហា​មួយ​នៅ​ជុំវិញ​ពិភព​លោក​ ពួក​គេ​មិន​ហៅ​រដ្ឋាភិបាល​ក្រុង​ប៉េកាំង​ ឬ​រដ្ឋាភិបាល​ក្រុង​មូស្គូ​ឡើយ។ ពួកគេ​ហៅ​យើង»។

លោក​ក៏​បាន​ប្រាប់​ទៅ​និស្សិត​បញ្ចប់​ការ​សិក្សា​ថា​ យោធា​អាមេរិក​ «គឺ​ជា​កម្លាំង​ប្រយុទ្ធ​ដ៏​មាន​សមត្ថភាព​បំផុត​នៅ​លើ​ផែនដី»។​ សេចក្តី​អធិប្បាយ​របស់​លោក​ គឺ​សំដៅ​ទៅ​ក្រុម​អ្នក​រិះគន់​គាំទ្រ​គណបក្ស​សាធារណរដ្ឋ​ ដែល​បាន​និយាយ​ថា​ យោធា​អាមេរិក​ត្រូវ​បាន​បំផ្លាញ​នៅ​ក្រោម​ការ​ដឹកនាំ​របស់​លោក។

ទោះ​បី​ជា​មាន​អ្វី​ដែល​លោក​ហៅ​ថា​ជា​សម័យកាល​ប្រកប​ដោយ​សន្តិភាព​ និង​រុងរឿង​នៅ​ក្នុង​ប្រវត្តិសាស្រ្ត​ក៏ដោយ​ លោក​ អូបាម៉ា​ បាន​និយាយ​ថា​ មាន​ការ​គំរាម​កំហែង​ធ្ងន់ធ្ងរ​ដែល​សហរដ្ឋ​អាមេរិក​កំពុង​ប្រឈម​មុខ​ ដូចជា​ បណ្តាញ​ភេរវកម្ម​ ក្រុម​រដ្ឋឥស្លាម​ ប្រទេស​រុស្ស៊ី​ ជម្លោះ​នៅ​តំបន់​សមុទ្រ​ចិន​ខាង​ត្បូង​ ការ​គំរាម​កំហែង​នុយក្លេអ៊ែរ​ពី​ប្រទេស​កូរ៉េខាង​ជើង​ និង​អ៊ីរ៉ង់។

បញ្ហា​ប្រឈម​សម្រាប់​ជំនាន់​របស់​អ្នក

កត្តា​ទាំង​នេះ «កំពុង​តែ​ធ្វើ​តេស្ត​ទៅ​លើ​រចនា​សម្ព័ន្ធ​អន្តរជាតិ​ដែល​យើង​បាន​រៀបចំ​ឡើង ទី​ដែលអធិបតេយ្យភាពរបស់​ប្រទេស​នានា​ត្រូវ​បានគោរព​ ហើយ​គ្រប់​ប្រជាជាតិ​ត្រូវ​តែ​គោរព​តាម​ច្បាប់​ដូចគ្នា​។ វិធី​សាស្រ្តដែល​អ្នកត្រូវ​ប្រឈម​នឹង​ការ​គំរាម​កំហែង​ទាំង​នោះ​យ៉ាង​ណា​ ខណៈ​ពេល​ដែលអ្នកត្រូវ​ចាប់​យក​នូវ​ឱកាស​ដ៏​ប្រសើរ​បំផុត​នៃ​វេលា​ក្នុង​ប្រវត្តិសាស្រ្ត​មួយ​នេះ គឺ​នឹង​ក្លាយ​ជា​ការ​ប្រឈម​របស់​អ្នក​ និង​ការ​ប្រឈម​នៃ​ជំនាន់​របស់​អ្នក»។

ក្រុម​មន្រ្តី​ទ័ព​អាកាស​បាន​និយាយ​ថា​ នៅ​ក្នុង​ចំណោម​និស្សិត​៨១២​នាក់​ មាន​៣៤៥​នាក់​នឹង​ធ្វើការ​ហ្វឹកហាត់​ជា​អ្នក​បើក​យន្តហោះ​ ហើយ​៦០​នាក់​ នឹង​ធ្វើ​ការ​ហ្វឹកហាត់​ជា​អ្នក​បញ្ជា​យន្តហោះ​ពី​ចម្ងាយ​ ដូចជា​ យន្តហោះ​គ្មាន​មនុស្ស​បើក​ ដែល​បាន​ក្លាយ​ជា​ឧបករណ៍​ចម្បង​នៅ​ក្នុង​កិច្ច​ប្រតិបត្តិការ​ប្រយុទ្ធ​ប្រឆាំង​នឹង​ភេរវកម្ម​របស់​សហរដ្ឋអាមេរិក។​ នៅ​ក្នុង​ចំណោម​នោះ​ និស្សិត​ស្រី​មាន​ប្រហែល​មួយ​ភាគ​បួន។

កាល​ពី​ដើម​ឆ្នាំ​នេះ​ លោក​ អូបាម៉ា​ បាន​ធ្វើ​សុន្ទរកថា​ក្នុង​ពិធី​បញ្ចប់​ការ​សិក្សា​នៅ​មហា​វិទ្យាល័យ​ Howard និង​មហា​វិទ្យាល័យ Rutgers៕

ប្រែសម្រួលដោយ ណឹម សុភ័ក្រ្តបញ្ញា

2 comments:

Anonymous said...

Yes mr obama indeed,that includes youn commy who abuses all sort of human rights. I think if you so enthusiastic about inclusive, you should kiss and make up with mr putin, because so far you don't seem to get on with him since the beginning of your presidency.
People have believed in, that you could make a difference and I don't think you have,yet you are getting lame.

Anonymous said...

obama criticized donald Trump because he knows trump will undo everything he did from signing the NDAA, funding NSA, trying to start war with russia and china and trying very hard to confiscate guns from people by allowing all sort of false flags attacks on people ; also he knows that his obamacare and TPP which will enslave people by corporations will be gutted.. he turned around and support clinton because she knows all his secret ... she secretly threaten him that if she get indicted by FBI she will spill the beans on him after all he was her boss . the clinton foundation according to a hacker who got arrested , has received plenty of illegal donations from abroad and they are at same embezzling the money which was supposed to go help the poor [ remember earthquake of Haiti , not much money went to the people ] ... she broke many federal laws but the hacker who exposed it all to the public, is going to jail instead...nice!!!