A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Thursday 26 May 2016
សកម្មជនវៀតណាមត្រូវបានគេឃុំឃាំងក្នុងដំណើរទៅជួបជាមួយលោកប្រធានាធិបតីអូបាម៉ា
សកម្មជនវៀតណាមត្រូវបានគេឃុំឃាំងក្នុងដំណើរទៅជួបជាមួយលោកប្រធានាធិបតីអូបាម៉ា
25 ឧសភា 2016
VOA News
ប្រធានាធិបតីអាមេរិកលោក បារ៉ាក់ អូបាម៉ា ចូលរួមនៅក្នុងសន្និសីទសារព័ត៌មានជាមួយនឹងប្រធានាធិបតីវៀតណាមលោក Tran Dai Quang នៅឯវិមានប្រធានាធិបតីក្នុងក្រុងហាណូយ ប្រទេសវៀតណាម កាលពីថ្ងៃទី២៣ ខែឧសភា ឆ្នាំ២០១៦។
ប្រធានាធិបតីអាមេរិកលោក បារ៉ាក់ អូបាម៉ា ចូលរួមនៅក្នុងសន្និសីទសារព័ត៌មានជាមួយនឹងប្រធានាធិបតីវៀតណាមលោក Tran Dai Quang នៅឯវិមានប្រធានាធិបតីក្នុងក្រុងហាណូយ ប្រទេសវៀតណាម កាលពីថ្ងៃទី២៣ ខែឧសភា ឆ្នាំ២០១៦។
យ៉ាងហោចណាស់មានសមាជិកសំខាន់ពីររូបនៃអង្គការសង្គមស៊ីវិលវៀតណាម ដែលត្រូវបានគេរារាំងមិនឲ្យចូលរួមក្នុងកិច្ចប្រជុំតូចមួយជាមួយនឹងលោកប្រធានាធិបតីអូបាម៉ា កាលពីថ្ងៃអង្គារ ដើម្បីពិភាក្សាអំពីបញ្ហាសិទ្ធិមនុស្សនិងបញ្ហាសង្គមនៅវៀតណាម។
លោកស្រី Doan Trang អ្នកកាសែតដែលបានប្ដូរទៅជាអ្នកសរសេរប្លុកនិងជាសកម្មជនផងនោះបាននិយាយថា លោកស្រីត្រូវបានគេបង្ខាំងឲ្យនៅក្នុងផ្ទះសំណាក់មួយក្នុងខេត្ត Ninh Binh រយៈពេលមួយថ្ងៃ នៅពេលដែលលោកស្រីកំពុងតែធ្វើដំណើរពីទីក្រុងហូជីមិញទៅកាន់ទីក្រុងហាណូយ ដើម្បីជួបជាមួយនឹងលោកអូបាម៉ាតាមការអញ្ជើញរបស់ស្ថានទូតអាមេរិកនៅក្នុងទីក្រុងហាណូយ។
លោកស្រីបានថ្លែងប្រាប់ VOA យ៉ាងដូច្នេះថា «ពួកគេបានប្រាប់ខ្ញុំថា ខ្ញុំត្រូវឃុំខ្លួនដោយសារតែសារដែលខ្ញុំបានបង្ហោះលើបណ្តាញសង្គម Facebook ពាក់ព័ន្ធជាមួយនឹងសេចក្តីរាយការណ៍របស់ខ្ញុំស្តីពីដំណើរការបោះឆ្នោតមិនមានលក្ខណៈប្រជាធិបតេយ្យនៅវៀតណាម។ ពួកគេបានបដិសេធថា មិនបានរារាំងខ្ញុំមិនឲ្យជួបជាមួយនឹងលោកប្រធានាធិបតីអូបាម៉ាទេ ប៉ុន្តែយើងអាចមើលឃើញថា ហេតុអ្វីបានជាពួកគេធ្វើដូច្នេះ។ នៅពេលដែលខ្ញុំប្រាប់ពួកគេថា វាមិនត្រឹមត្រូវនោះទេហើយវាក៏មិនមានលក្ខណៈការទូតដែរក្នុងការធ្វើដូច្នេះ ពួកគេបានប្រាប់ខ្ញុំថា ខ្ញុំអាចប្តឹងពួកគេបាន។ ពួកគេថែមទាំងប្រាប់ខ្ញុំថា វាជារឿងកុហក លោកប្រធានាធិបតី អូបាម៉ា គ្មានគម្រោងនឹងជួបជាមួយសកម្មជននៅក្នុងរបៀបវារៈផ្លូវការរបស់លោកនោះទេ»។
ស្របពេលជាមួយគ្នានេះដែរ លោកបណ្ឌិត Nguyen Quang A ក៏មិនបានមានវត្តមានទៅតាមការអញ្ជើញនោះដែរ ដោយលោកបាននិយាយថា លោកត្រូវបានគេចាប់បញ្ចូលទៅក្នុងរថយន្តមួយគ្រឿង រួចបើកចេញទៅជាយក្រុងហាណូយ រហូតទាល់តែលោក អូបាម៉ា ចាកចេញពីទីក្រុងនេះទៅកាន់ទីក្រុងហូជីមិញ ដែលជាកន្លែងចុងក្រោយបំផុតដែលលោកទៅធ្វើទស្សនកិច្ចផ្លូវរដ្ឋនោះ។
លោក អូបាម៉ា បានជួបជាមួយនឹងសមាជិកអង្គការសង្គមស៊ីវិលវៀតណាមចំនួន៦នាក់ ប៉ុន្តែលោកក៏បានបញ្ជាក់ថា «មានសកម្មជនមួយចំនួនផ្សេងទៀតដែលត្រូវបានអញ្ជើញ ប៉ុន្តែត្រូវបានគេរារាំងមិនឲ្យមកដោយសារតែហេតុផលមួយចំនួន»៕
Subscribe to:
Post Comments (Atom)
1 comment:
Khmer said " ott ban kar te cheamoy OBAMA " Vietnam is a foster father of Khmer regime, they apply the same trick to baring the civil right activists as Khmer government too .
Post a Comment