Manekseka Sangkum:
Get all these traditional Khmer institutions such as the monarchy and the clergy under your control; make the puppet king issue honorific titles and bestow them on your stooges and thugs, then enforce compliance laws upon public institutions and the media to garner respectability and prestige among semi-literate population and voters, and there you have it all: legitimacy and democracy. What room is there left for complaints or protests, eh? Still can't quite comprehend all this stupidity? Book yourself a "re-education" course at Prey Sar and become a worthwhile citizen!
>>>
ក្រសួងព័ត៌មានព្រមានចាត់វិធានការលើស្ថាប័នព័ត៌មានដែលមិនប្រើគោរមងារសម្ដេច
ដោយ យាង សុជាមេត្តា
2016-05-12
អនុរដ្ឋលេខាធិការក្រសួងព័ត៌មាន លោក អ៊ុក គឹមសេង ថ្លែងក្នុងកិច្ចប្រជុំរវាងមន្ត្រីក្រសួងព័ត៌មាន ជាមួយតំណាងស្ថាប័នសារព័ត៌មានស្ដីពីការប្រើគោរមងារសម្ដេច នៅព្រឹកថ្ងៃទី១២ ខែឧសភា ឆ្នាំ២០១៦។ RFA/Uon Chhin
RFA/Uon Chhin
ក្រសួងព័ត៌មាន នៅថ្ងៃទី១២ ខែឧសភា ព្រមានចាត់វិធានការលើស្ថាប័នសារព័ត៌មានទាំងឡាយណាដែលមិនប្រើគោរមងារសម្ដេច នៅក្នុងអត្ថបទព័ត៌មានរបស់ខ្លួន។ ការព្រមាននេះ ធ្វើឡើងក្នុងពេលក្រសួងព័ត៌មាន កោះហៅតំណាងស្ថាប័នសារព័ត៌មានជាង ៣០ ទៅណែនាំពីការប្រើគោរមងារសម្ដេច នៅទីស្ដីការក្រសួងព័ត៌មាន។
ក្រសួងព័ត៌មាន ទុកពេលឲ្យស្ថាប័នសារព័ត៌មានរហូតដល់ចុងខែមិថុនា ពិចារណាពីការប្រើ ឬមិនប្រើគោរមងារសម្ដេចសម្រាប់បុគ្គលទាំងឡាយណាដែលព្រះមហាក្សត្របានប្រទានគោរមងារជាសម្ដេច នៅក្នុងអត្ថបទព័ត៌មានរបស់ខ្លួន។
ការណែនាំជាថ្មីរបស់ក្រសួងព័ត៌មាន ដោយសាររហូតមកទល់ពេលនេះនៅមានស្ថាប័នសារព័ត៌មានមួយចំនួនមិនទាន់ប្រើគោរមងារសម្ដេចនៅក្នុងអត្ថបទព័ត៌មានពួកគេនៅឡើយ ដោយគ្រាន់តែប្រើប្រាស់តួនាទីរបស់បុគ្គលដែលទទួលបានគោរមងារជាសម្ដេចទាំងអស់នោះប៉ុណ្ណោះ។
បច្ចុប្បន្នបុគ្គល ឬអ្នកនយោបាយដែលមានគោរមងារសម្ដេច មានដូចជាលោកនាយករដ្ឋមន្ត្រី ហ៊ុន សែន មានគោរមងារជា សម្ដេចអគ្គមហាសេនាបតីតេជោ ហ៊ុន សែន ប្រធានរដ្ឋសភា លោក ហេង សំរិន មានគោរមងារជា សម្ដេចអគ្គមហាពញាចក្រី ហេង សំរិន ប្រធានព្រឹទ្ធសភា លោក សាយ ឈុំ មានគោរមងារជា សម្ដេចវិបុលសេនាភក្ដី សាយ ឈុំ រដ្ឋមន្ត្រីក្រសួងមហាផ្ទៃ លោក ស ខេង មានគោរមងារជា សម្ដេចក្រឡាហោម ស ខេង។ ប៉ុន្តែបុគ្គលមានគោរមងារជាសម្ដេច ដែលត្រូវបានក្រសួងស្ថាប័នរបស់រដ្ឋប្រយ័ត្នប្រយែងក្នុងការប្រើប្រាស់បំផុតនោះ គឺគោរមងាររបស់លោក ហ៊ុន សែន តែម្ដង។
កិច្ចប្រជុំរវាងមន្ត្រីក្រសួងព័ត៌មាន ជាមួយតំណាងស្ថាប័នសារព័ត៌មានស្ដីពីការប្រើគោរមងារសម្ដេច នាទីស្ដីការក្រសួងព័ត៌មាន នៅព្រឹកថ្ងៃទី១២ ខែឧសភា ឆ្នាំ២០១៦។ RFA/Uon Chhin
អនុរដ្ឋលេខាធិការក្រសួងព័ត៌មាន លោក អ៊ុក គឹមសេង ដែលដឹកនាំកិច្ចប្រជុំមានប្រសាសន៍ថា ដើម្បីជាការគោរពទៅតាមច្បាប់ដែលលោកសំដៅទៅលើព្រះរាជក្រឹត្យរបស់ព្រះមហាក្សត្រប្រទានគោរមងារសម្ដេចអោយអ្នកនយោបាយ និងដើម្បីជាការលើកកម្ពស់នូវក្រមសីលធម៌ វប្បធម៌ខ្មែរ ស្ថាប័នសារព័ត៌មានទាំងអស់ត្រូវតែប្រើគោរមងារសម្ដេចសម្រាប់បុគ្គលដែលទទួលបានគោរមងារនេះពីព្រះមហាក្សត្រ។
លោកថា បើស្ថាប័នសារព័ត៌មានណាមិនព្រមប្រើគោរមងារតាមការណែនាំរបស់ក្រសួងព័ត៌មាននោះទេ ក្រសួងនឹងចាត់វិធានការផ្លូវច្បាប់ចាប់ពីដើមខែកក្កដា តទៅ។ វិធានការទាំងអស់នោះ អាចជាការបញ្ចប់ ឬមិនផ្ដល់អាជ្ញាប័ណ្ណបន្តទៀតចំពោះស្ថាប័នព័ត៌មានទាំងឡាយណាដែលចុះបញ្ជីជាមួយក្រសួងព័ត៌មាន។ ដោយឡែកសម្រាប់បណ្ដាញសារព័ត៌មានបរទេស ដែលផ្សាយជាខេមរភាសា ដូចជាវិទ្យុអាស៊ីសេរី ភាសាខ្មែរជាដើម ប្រសិនបើនៅតែមិនប្រើគោរមងារសម្ដេចទេ ក្រសួងព័ត៌មាន នឹងមិនអនុញ្ញាតអោយស្ថានីយវិទ្យុ អេហ្វ.អឹម (FM) ក្នុងស្រុកជួលម៉ោងផ្សាយទៅឲ្យវិទ្យុអាស៊ីសេរី ផ្សាយបន្តឡើយ។
លោក អ៊ុក គឹមសេង៖ «បើយើងគិតថា គ្រាន់តែចូលស្ទឹងតាមបត់ ចូលស្រុកតាមប្រទេស យើងធ្វើអត់បាន ហើយយើងចង់មានការងារនៅប្រទេសមួយដែលមានអធិបតេយ្យភាព ដែលមានច្បាប់ទម្លាប់ មានប្រពៃណីគ្រប់យ៉ាង អ្នកម្ចាស់ស្រុកនោះក៏មិនអាចទទួលយកបានដូចគ្នា។ កាលណាយើងធ្វើការងារប៉ុណ្ណឹងមិនបាន យើងក៏មិនចាំបាច់នៅទីនេះ យើងត្រូវប្រើពាក្យមួយថា បើមិនពេញចិត្តដើរចេញ»។
មុនពេលក្រសួងព័ត៌មាន ហៅស្ថាប័នសារព័ត៌មានទៅណែនាំឲ្យប្រើគោរមងារសម្ដេច ខុទ្ទកាល័យលោក ហ៊ុន សែន កាលពីថ្ងៃទី២៥ ខែមេសា បានចេញសេចក្ដីជូនដំណឹងណែនាំឲ្យគ្រប់ក្រសួងស្ថាប័នរដ្ឋ និងអាជ្ញាធរខេត្ត-ក្រុង ទូទាំងប្រទេសពីរបៀបសរសេរ និងប្រើប្រាស់គោរមងារសម្ដេចរបស់លោក ហ៊ុន សែន ទាំងក្នុងលិខិតបទដ្ឋាន ទាំងក្នុងការអានសុន្ទរកថា ក្នុងការហៅ ឬការនិយាយ។
ទោះជាយ៉ាងណាក៏ដោយ នៅក្នុងការពិភាក្សានោះ ស្ថាប័នសារព័ត៌មានមួយចំនួនដែលកន្លងមកមិនធ្លាប់ប្រើគោរមងារសម្ដេចក្នុងអត្ថបទព័ត៌មានដូចវិទ្យុអាស៊ីសេរី ដែរនោះ មានការអល់អែកក្នុងការទទួលយកការណែនាំនេះ។ ពួកគេភាគច្រើននិយាយថា នឹងយកការណែនាំនេះទៅពិភាក្សាជាមួយថ្នាក់ដឹកនាំរបស់ខ្លួនមុននឹងសម្រេចថា ធ្វើយ៉ាងណានោះ។
តំណាងស្ថាប័នសារព័ត៌មានលើកឡើងថា វាមានការពិបាកក្នុងការសរសេរគោរមងារសម្ដេច នៅក្នុងអត្ថបទព័ត៌មានជាភាសាបរទេស ខណៈអ្នកខ្លះទៀតយល់ថា ស្ថាប័នពួកគេជាស្ថាប័នដែលជាមែកធាងនៃស្ថាប័នព័ត៌មានបរទេសក្នុងទ្វីបអឺរ៉ុប ឬអាមេរិក ដូច្នេះជាទូទៅបណ្ដាញសារព័ត៌មានក្នុងប្រទេសទាំងអស់នេះ គឺប្រើតួនាទីរបស់អ្នកនយោបាយធម្មតា មិនមែនគោរមងារឡើយ។ ចំណែកអ្នកខ្លះទៀតយល់ថា ព័ត៌មានដែលល្អគឺទាមទារឲ្យខ្លី ហើយខ្លឹម ដូច្នេះ ការប្រើប្រាស់គោរមងារច្រើនពេកអាចធ្វើឲ្យអត្ថបទរឹតតែវែងអន្លាយថែមទៀត។
នៅក្នុងអង្គប្រជុំពិភាក្សាគ្នានោះដែរ ក៏មានតំណាងស្ថាប័នសារព័ត៌មានខ្លះសម្ដែងមតិថា នៅកម្ពុជា មានសម្ដេច និងឯកឧត្ដមច្រើនពេក ដែលប្រការនេះហាក់ធ្វើឲ្យតម្លៃរបស់បុគ្គលដែលមានគោរមងារទាំងអស់នោះធ្លាក់ចុះ។ អ្នកចូលរួមម្នាក់ទៀតថ្លែងថា អ្នកដែលមានគោរមងារខ្ពង់ខ្ពស់ គួរតែធ្វើខ្លួនឲ្យមានតម្លៃ ឬស័ក្ដិសមទៅនឹងគោរមងារដែលពួកគេទទួលបាន៕
2 comments:
Samdach Porng Kdor Ey Beu Knhom Yuon Anh Cheung !!
The house has no good foundation and is rotten from the inside out, but Hun Sen worry about the peeling paint from the outside, he wants a good paint job so that he can buy some more time. He has no intention of fixing it for the long term use.
Post a Comment