អង្ករកម្ពុជា មោទនភាពជាតិយើង!

១៨ ឧសភា ២០១៦ - អង្ករកម្ពុជា មោទនភាពជាតិយើង!

រាជរដ្ឋាភិបាលលោកខិតខំរកទីផ្សារអង្ករបានហើយ តែហេតុអ្វីនាំអង្ករចូលជាង ១លានតោន!?! នាំអង្ករចេញជាង កន្លះលានតោន!?! មិនយល់? មានន័យថាយើងជួយលក់អង្ករឲ្យគេ? កសិករអ្នកផលិត ហេតុអ្វីក៏នាំអង្ករចូល ច្រើនជាងនាំចេញ? តើផលប៉ះពាល់ដល់កសិករយើងកម្រិតណា? តម្លៃកសិផល តើការប្រកួតប្រជែងដោយសេរី ស្មើភាព តម្លាភាព ឬទេ? នាំចូលមានបង់ពន្ធចូលរដ្ឋត្រឹមត្រូវឬអត់? គុណភាពអង្ករនាំចេញ កំពុងមានបញ្ហាជាមួយអ្នកទិញ? សហព័ន្ធស្រូវអង្ករកម្ពុជា កំពុងមានបញ្ហាប្រឈមជាច្រើន។ តើអ្វីទៅជាដំណោះស្រាយ? លោក យ៉ែម បុញ្ញឫទ្ធិ ក្នុងនាមប្រធានគណៈកម្មការទី៧នៃរដ្ឋសភា បានចូលរួមពិភាក្សាការងារជាមួយ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដែលដឹកនាំដោយគណៈកម្មការទី៣ នៃរដ្ឋសភា នៅវិមានរដ្ឋសភា កាលពីព្រឹកថ្ងៃទី១៧ ខែឧសភា ឆ្នាំ២០១៦ ពាក់ព័ន្ធនឹងវិស័យស្ថិតក្រោម ការទទួលខុសត្រូវរបស់ក្រសួង។