A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Monday 18 April 2016
ប្រធានាធិបតីនៃប្រទេសភូមា បានលើកលែងទោសឲ្យអ្នកទោសមួយចំនួន
ប្រធានាធិបតីនៃប្រទេសភូមា បានលើកលែងទោសឲ្យអ្នកទោស៨៣នាក់ដែលត្រូវបានគេជឿថា បានជាប់គុកដោយសារហេតុផលនយោបាយ។
លោកស្រី អង់សាន ស៊ូជី នៃប្រទេសមីយ៉ាន់ម៉ានឹងទទួលបានតំណែងថ្មីមួយ
ដើម្បីធ្វើឲ្យមានទំនាក់ទំនងល្អជាមួយចិន មីយ៉ាន់ម៉ាប្រហែលជាត្រូវធ្វើការសម្របសម្រួលខ្លះ
ប្រទេសមីយ៉ាន់ប៉ាចាប់ផ្តើមដោះលែងអ្នកទោសនយោបាយ
VOA News
17 មេសា 2016
លោក Htin Kyaw ប្រធានាធិបតីនៃប្រទេសភូមា បានលើកលែងទោសឲ្យអ្នកទោស៨៣នាក់ដែលត្រូវបានគេជឿថា បានជាប់គុកដោយសារហេតុផលនយោបាយ។
ការិយាល័យរបស់ប្រធានាធិបតី បានប្រកាសការលើកលែងទោសនេះនៅថ្ងៃអាទិត្យនេះ ដោយនិយាយថា លោកប្រធានាធិបតី Htin Kyaw បានចុះហត្ថលេខាលើបទបញ្ជាដោយមានគោលបំណងសម្រេចការផ្សះផ្សាជាតិនៅពេលដែលការចូលឆ្នាំថ្មីតាមបែបព្រះពុទ្ធសាសនា ចាប់ផ្តើម។
រដ្ឋាភិបាលជាប់ឆ្នោតតាមបែបលទ្ធិប្រជាធិបតេយ្យថ្មីរបស់ភូមា ត្រូវបានដឹកនាំដោយគណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យរបស់លោកស្រី អោង សានស៊ូជី បានទម្លាក់ចោលការចោទប្រកាន់ប្រឆាំងនឹងសកម្មជននយោបាយរាប់រយនាក់ ដែលអ្នកទាំងនោះត្រូវបាននៅក្រោមការចោទប្រកាន់របស់អតីតក្រុមប្រឹក្សាយោធារបស់ភូមាដែលបានកាន់កាប់ប្រទេសអស់រយៈពេល៥ទសវត្សរ៍រហូតដល់ពេលប្រគល់អំណាចទៅឲ្យរដ្ឋាភិបាលពាក់កណ្តាលស៊ីវិលនៅឆ្នាំ២០១១។
ក្នុងសន្ទរកថាតាមទូរទស្សន៍ជាតិនៅថ្ងៃអាទិត្យនេះ ប្រធានាធិបតី Htin Kyaw បានសន្យាដោះលែងអ្នកទោសនយោបាយ សកម្មជននិងនិស្សិតដែលប្រឈមការកាត់ទោសជាប់ទាក់ទិននឹងរឿងនយោបាយ។
គណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ បានកាន់អំណាចនៅក្នុងប្រទេសភូមាកាលពីខែមុនបន្ទាប់ពីការទទួលជ័យជម្នះភ្លូកទឹកភ្លូកដីនៅក្នុងការបោះឆ្នោតទូទៅមួយកាលពីខែវិច្ឆិកា។លោកស្រី អោងសានស៊ូជី ដែលបានចំណាយពេល២ទសវត្សរ៍នៅក្នុងការឃុំឃាំងក្នុងផ្ទះ មិនអាចធ្វើជាប្រធានាធិបតីបណ្តាលមកពីរដ្ឋធម្មនុញ្ញដែលព្រាងដោយពួកមេដឹកនាំយោធា។ ក៏ប៉ុន្តែ លោកស្រី ត្រូវបានតែងតាំងជារដ្ឋមន្រ្តីការបរទេសដោយគណៈរដ្ឋមន្រ្តីរបស់ប្រធានាធិបតី Htin Kyawហើយលោកស្រី ក៏ធ្វើជាប្រធានក្រុមប្រឹក្សារដ្ឋដែលអនុញ្ញាតិឲ្យលោកស្រីធ្វើទៅតាមការសន្យារបស់លោកស្រីដើម្បីដឹកនាំរដ្ឋាភិបាលតាមរយៈប្រធានាធិបតីដែលមានតែឈ្មោះ៕
Subscribe to:
Post Comments (Atom)
No comments:
Post a Comment