Manekseka Sangkum:
Diversion tactics? This on-going harassment and persecution of political dissidents and civil group representatives would be amusing if it were not so needlessly tragic in light of the nation's crises on several fronts, ranging from extreme rural poverty and drought to joblessness among the youth and land encroachments by neighbouring countries. One of the effects all this harassment campaign has on these civil groups and opposition politicians is that it forces them to live in fear of their day to day movement and conduct being deliberately misconstrued and used as a legal pretext to silence them instead of being free to focus on doing what they are there to do, which is helping to highlight problem areas in society and proposing solutions needed to overcome those issues.
Unfortunately, most of these crises and issues have long issued from the workings and modus operandi of the ruling party's apparatus and executive machinery themselves; not incidental or unintentional by-products of the governing process, and more importantly, not easily addressed through well-intentioned reform without lending terminal damage to the status quo that has been around for almost four decades. After all, has not the same status quo been perpetuated via the same methods, and if so what would be the point in altering those methods, let alone expiring them?
How the EU and other major donors are going to react to this tragi-comedy is another matter. These people have chosen to ignore such transgressions and crude abuses so far, pretending to themselves that enforced social stability at least will yield steady economic progress of sorts, and as long as their ambassadors, visiting envoys and spokesmen and women are not made to languish in any one of the regime's jails, the show can be expected to continue - as usual ...
<<<
អាដហុកបំភ្លឺពីភាពស្អាតស្អំរបស់ខ្លួនដើម្បីតបនឹងការចោទប្រកាន់របស់ស្រីមុំ
ដោយ ថា កិត្យា
2016-04-26
ប្រធានសមាគមការពារសិទ្ធិមនុស្សអាដហុក (ADHOC) លោក ធន សារាយ ថ្លែងក្នុងសន្និសីទសារព័ត៌មានទាក់ទងនឹងការចោទប្រកាន់របស់អ្នកនាង ខុម ចាន់តារាទី ហៅ ស្រីមុំ កាលពីព្រឹកថ្ងៃទី២៦ ខែមេសា ឆ្នាំ២០១៦។
RFA/Sorn Chanratha
សមាគមការពារសិទ្ធិមនុស្សអាដហុក (ADHOC) បដិសេធថា មិនបានណែនាំឲ្យអ្នកនាង ខុម ចាន់តារាទី ហៅស្រីមុំ ផ្ដល់ចម្លើយមិនពិតដល់អាជ្ញាធរនោះទេ ហើយអាដហុក មានភស្តុតាងគ្រប់គ្រាន់ដើម្បីបំភ្លឺពីភាពស្អាតស្អំរបស់ខ្លួន។ ទន្ទឹមគ្នានេះ សមាគមអាដហុក ក៏ងឿងឆ្ងល់ចំពោះការកោះហៅរបស់អង្គភាពប្រឆាំងអំពើពុករលួយដែរ។ បក្សប្រឆាំង និងអង្គការសិទ្ធិមនុស្សលីកាដូ (LICADHO) សោកស្ដាយចំពោះលិខិតកោះហៅរបស់អង្គភាពប្រឆាំងអំពើពុករលួយ។ ពួកគេថា ចំណាត់ការនេះ អាចជាការគំរាមកំហែងដល់ភារកិច្ចមន្ត្រីសិទ្ធិមនុស្ស។
ប្រធានសមាគមការពារសិទ្ធិមនុស្សអាដហុក លោក ធន សារាយ បញ្ជាក់ក្នុងសន្និសីទសារព័ត៌មាន នាការិយាល័យអង្គការសម្ពន្ធភាពការពារសិទ្ធិមនុស្សកម្ពុជា (CHRAC) នៅព្រឹកថ្ងៃទី២៦ ខែមេសា ថា អ្វីដែលសមាគមអាដហុក ធ្វើកន្លងមកពាក់ព័ន្ធនឹងសំណុំរឿងអ្នកនាង ខុម ចាន់តារាទី ហៅស្រីមុំ នោះ គឺស្របតាមគោលការណ៍ស្ថាប័ន និងច្បាប់កម្ពុជា។
លោកអះអាងថា សមាគមអាដហុក មិនបានលួងលោមឲ្យអ្នកនាង ស្រីមុំ ឲ្យនិយាយកុហកនោះទេ។ផ្ទុយទៅវិញ ស្រីមុំ ខ្លួនឯងទេ ដែលបានរៀបរាប់ពីភាពលំបាក និងការបារម្ភនានារបស់នាង ព្រមទាំងបដិសេធថា មិនមានទំនាក់ទំនងស្នេហាជាមួយលោក កឹម សុខា នោះទេ នៅពេលនាងបានមកពឹងពាក់សមាគម ដើម្បីការពារ និងប្រឹក្សាផ្លូវច្បាប់ជូននាងនោះ៖ «»។
ក្នុងសន្និសីទសារព័ត៌មានសមាគមអាដហុក បានបញ្ចាំងវីដេអូកិច្ចសម្ភាសន៍ដែលស្រីមុំ ស្នើសុំជួយអន្តរាគមន៍ពីដំបូង កាលពីថ្ងៃទី៩ ខែមីនា ឆ្នាំ២០១៦។ ក្នុងកិច្ចសម្ភាសន៍នោះ នាងស្រីមុំ អះអាងថា ហ្វេសប៊ុក របស់នាង ត្រូវបានគេហេគ (Hack) និងបានបដិសេធទាំងស្រុងនូវអ្វីដែលបណ្ដាញសារព័ត៌មានក្នុងស្រុកផ្សាយថា នាងមានទំនាក់ទំនងស្នេហាជាមួយលោក កឹម សុខា។
អ្វីៗប្រែផ្ទុយស្រឡះ គឺនៅថ្ងៃទី១៩ ខែមេសា ស្រីមុំ បានប្រាប់តុលាការពីការពិតផ្សេងមួយទៀតឲ្យតុលាការជួយរកយុត្តិធម៌ជូននាង ហើយនៅថ្ងៃទី២៣ ខែមេសា ស្រីមុំ ដែលអះអាងថា មិនសូវចេះអក្សរនោះ បែរជាបានសរសេរលិខិតចំហផ្ទាល់ដៃបួនទំព័រទៅវិញថា នាងពិតជាមានស្នេហាជាមួយលោក កឹម សុខា ព្រោះលង់ជឿតាមការសន្យាផ្ដល់លុយ ផ្ដល់ផ្ទះ។ ក្នុងលិខិតនោះ នាងបានបង្ហាញឈ្មោះមន្ត្រីសិទ្ធិមនុស្សមួយចំនួន ហើយចោទថា បានលួងលោមឲ្យនាងនិយាយកុហកអាជ្ញាធរ។
ភ្លាមៗនោះ ក្រសួងយុត្តិធម៌ ចេញលិខិតថ្កោលទោសអង្គការសង្គមស៊ីវិលដែលពាក់ព័ន្ធ និងស្នើឲ្យអាជ្ញាធរចាត់ការអ្នកទាំងនោះ។ បន្ទាប់មកនៅថ្ងៃទី២៤ ខែមេសា អង្គភាពប្រឆាំងអំពើពុករលួយបាននាំខ្លួនមេឃុំ ឈ្មោះ ស៊ាង ចែត មកពីគណបក្ស សម រង្ស៊ី។ នៅថ្ងៃទី២៥ មេសា អង្គភាពប្រឆាំងអំពើពុករលួយ បានធ្វើសន្និសីទកាសែតបង្ហាញពីការនាំខ្លួនមេឃុំរូបនេះ និងបានចេញលិខិតកោះហៅមនុស្ស ៨នាក់ ទៅសាកសួរពាក់ព័ន្ធនឹងការចោទប្រកាន់របស់អ្នកនាង ខុម ចាន់តារាទី ហៅ ស្រីមុំ។ ក្នុងនោះមានមន្ត្រីសមាគមអាដហុក ចំនួន ៥រូប និងអគ្គលេខាធិការរងនៃគណៈកម្មាធិការជាតិរៀបចំការបោះឆ្នោត លោក នី ចរិយា ប្រធានអង្គការសីលការ អ្នកស្រី ធីតា ឃឹះ និងមន្ត្រីនៃការិយាល័យឧត្ដមស្នងការទទួលបន្ទុកសិទ្ធិមនុស្សប្រចាំកម្ពុជា គឺលោក សឺន សាលី ដែលនឹងត្រូវឆ្លើយបំភ្លឺនៅថ្ងៃទី២៧ និងថ្ងៃទី២៨ ខែមេសា។
ឆ្លើយតបនឹងការកោះហៅនេះ ប្រធានសមាគមការពារសិទ្ធិមនុស្សអាដហុក លោក ធន សារាយ បញ្ជាក់ថា ក្រុមការងាររបស់លោកដែលត្រូវកោះហៅនោះ នឹងទៅឆ្លើយបំភ្លឺតាមពេលវេលាកំណត់។ ទោះយ៉ាងណា លោកងឿងឆ្ងល់ជុំវិញចំណាត់ការរបស់អង្គភាពប្រឆាំងអំពើពុករលួយបែបនេះ៖ «»។
លោក ធន សារាយ ក៏បញ្ជាក់ថា សមាគមអាដហុក បានចំណាយលុយ ២០៤ដុល្លារ ឲ្យទៅ ស្រីមុំ តាមការស្នើសុំជាលាយលក្ខណ៍អក្សរដើម្បីចំណាយលើការធ្វើដំណើរ និងស្នាក់នៅ ពេលចូលបំភ្លឺតុលាការ និងមកកាន់ស្នាក់ការអាដហុក នៅភ្នំពេញ។ ការចំណាយនេះ គឺធ្វើឡើងដូចអ្វីដែលអាដហុក ធ្លាប់ធ្វើកន្លងមកលើជនរងគ្រោះទៅតាមគោលការណ៍របស់សមាគមអាដហុក។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ លោក អំ សំអាត មានប្រសាសន៍ថា ការកោះហៅមន្ត្រីសិទ្ធិមនុស្សនេះ គឺជាការដាក់សម្ពាធ និងជាការគំរាមកំហែងការបំពេញភារកិច្ចក្នុងនាមអ្នកការពារសិទ្ធិមនុស្ស ដែលត្រូវបានរដ្ឋធម្មនុញ្ញទទួលស្គាល់ ផ្ដល់សិទ្ធិ និងកិច្ចការពារដល់បុគ្គលដែលធ្វើការលើកស្ទួយវិស័យសិទ្ធិមនុស្ស៖ «»។
ជុំវិញស្ថានភាពក្ដៅគគុកនេះដែលកំពុងកើតឡើងលើអ្នកនយោបាយ អង្គការសង្គមស៊ីវិលនៅពេលនេះ ត្រូវបានអ្នកតំណាងរាស្ត្រគណបក្សសង្គ្រោះជាតិ លោក អ៊ូ ច័ន្ទឫទ្ធិ បានសម្ដែងនូវការសោកស្ដាយ និងព្រួយបារម្ភអំពីមូលដ្ឋានគ្រឹះនៃលទ្ធិប្រជាធិបតេយ្យនៅកម្ពុជា កំពុងត្រូវបានបំផ្លិចបំផ្លាញ និងស្ថិតក្នុងភាពអាសន្ន៕
No comments:
Post a Comment