Manekseka Sangkum: More needs to be done by Cambodia's major donors than merely issuing rights reports.
....
អាមេរិកចេញរបាយការណ៍អំពីការរំលោភសិទ្ធិមនុស្សនៅកម្ពុជាក្នុងឆ្នាំ២០១៥
ដោយ ឃុន បញ្ញាវឌ្ឍន៍
2016-04-14
បដាសរសេរអក្សរទាមទារឲ្យដោះលែងលោក ហុង សុខហួរ ដែលអ្នកគាំទ្រលោកលើកតវ៉ានៅខាងមុខសាលាដំបូងរាជធានីភ្នំពេញ កាលពីព្រឹកថ្ងៃទី២ តុលា ឆ្នាំ២០១៥។
RFA/Rann Samnang
ក្រសួងការបរទេសសហរដ្ឋអាមេរិក ចេញរបាយការណ៍មួយដែលមានលម្អិតពីបញ្ហារំលោភសិទ្ធិមនុស្សនៅកម្ពុជា ដែលលេចធ្លោជាងគេក្នុងឆ្នាំ២០១៥ កន្លងទៅ។
របាយការណ៍ដែលផ្សព្វផ្សាយថ្ងៃទី១៣ ខែមេសា បញ្ជាក់ថា បញ្ហាសំខាន់ជាងគេ គឺប្រព័ន្ធយុត្តិធម៌មិនមានប្រសិទ្ធភាព និងញ៉ាំងដោយកត្តានយោបាយ ការរឹតត្បិតលើសេរីភាពក្នុងការបញ្ចេញមតិ ការប្រមូលផ្ដុំដើម្បីតវ៉ាពីរឿងអ្វីមួយ និងការចូលរួមក្នុងការបង្កើតជាសមាគម ការប្រើប្រាស់អំពើហិង្សា និងការគំរាមកំហែងចាប់ដាក់ពន្ធនាគារដើម្បីសម្លុត បំភ័យគណបក្សប្រឆាំងជាដើម។
ក្រៅពីនោះ មានបញ្ហារំលោភបំពានអ្នកទោស ការដាក់កំហិតនានាលើសេរីភាពសារព័ត៌មាន ករណីមិនបានអនុវត្តដោយសមភាព និងត្រឹមត្រូវទៅលើជនភៀសខ្លួន ការរីករាលដាលនៃអំពើពុករលួយ និងការរត់ពន្ធមនុស្ស។
ទន្ទឹមនឹងនោះ រដ្ឋាភិបាលកម្ពុជា បានកាត់ទោសមន្ត្រីមួយចំនួនដែលធ្វើខុស តែបែរជានៅតែមាននិទណ្ឌភាពចំពោះអំពើពុករលួយ ហើយការប្រព្រឹត្តកំហុសឆ្គងខុសធ្ងន់ធ្ងរនានា នៅតែកើតមានជាបន្ត៕
No comments:
Post a Comment